রাজ্য সভাদাগী মীফমদা ঙসি বিল ৩ পাস তৌখি মমিং ওইনা পল্লবদা, (i) ইন্দস্ত্রীএল রিলেসন্স কোদ, ২০২০ (ii) কোদ ওন ওক্যুপেসনেল সেফতী, হেল্থ এন্দ ৱার্কিং কন্দিসন্স কোদ, ২০২০ অমসুং (iii) সোসিএল সেক্যুরিতী কোদ, ২০২০ অসিনি। মসিগা লোয়ননা ঙরাং বিলশিং অসি লোক সভাদা পাস তৌখিবগুম্না কোদশিং অসি চৎন্নবা লম্বেল হাংদোকখ্রে।

বিলশিং অসিগী মতাংদা খন্ন-নৈনবদা শ্রী গঙ্গৱারনা হায়খি বিলশিং অসিনা শিন্মীশিং, ইন্দস্ত্রীশিংগী অমসুং অতোপ্পা মরী লৈনবা পার্তীশিংগী অপাম্বশিং ফংহন্দুনা ইতিহাসিক ওইদুনা অওনবা পুরক্লগনি। মহাক্না হায়খি লৈবাক অসিদা লেবর কোদশিং অসিনা শিন্মীশিংগী য়াইফ থৌরাং পুরকপদা মরু ওইবা তাঙ্কক অমা ওইহৌরগনি। শ্রী গঙ্গৱারনা ২০১৪দগী হৌজিক ফাওবদা ঐখোয়গী সরকার অসিনা শিন্মীশিংগী য়াইফ থৌরাংগী খোঙথাং কয়া লৌখৎখ্রে অমদি লেবর কোদশিং অসিগী খুত্থাংদা অপুনবা শিন্মীগী অওনবা মঙলান অদু মঙ ফাওনরগনি হায়না ফোঙদোকখি। মহাক্না হায়খি ও.এস.ঐচ. কোদ অসিনা শিন্মীশিং মরু ওইনা নুপীশিংগী ওইনা খুদোংথিরোইদবা থবক মফম ওইহন্নবা হোৎনরি। লোয়শঙ খুদিংমক্তা অকক্নবা মতমগী মনুংদা য়েৎনবশিংগী ৱারোইশিন পুরক্নবা ইন্দস্ত্রীএল রেলেসন্স কোদকী খুত্থাংদা মহৈ য়ানগদবা য়েৎনবগী ৱারোইশিন পুরক্নবা মেকানিজম অমা লৈহল্লগনি হায়না মন্ত্রীনা ফোঙদোকখি। মন্ত্রীনা মখা তারদুনা হায়খি সোসিএল সেক্যুরিতী কোদ অসিনা পুম্নমক য়াওরবা সোসিএল সেক্যুরিতীগী মখাদা ওর্গনাইজ অমসুং অনওর্গনাইজ সেক্তরদা লৈরিবা শিন্মীশিং কোনশিন্নবা ফ্রেমৱার্ক অমা শেম্লি। সোসিএক সেক্যুরিতী কোদ অসিদা ই.পি.এফ.ও., ই.এস.আই.সি., বিল্দিং কন্সত্রক্সনগী শিন্মী, মেতর্নিতীগী কান্নবশিং, গ্রেজ্যুতী অমসুং অনওর্গনাইজ সেক্তর শিন্মীশিংগীদমক সোসিএল সেক্যুরিতী ফন্দগা মরী লৈনবা প্রোবিজনশিং য়াওরি। “কোদ অসিগী খুত্থাংদা, ঐখোয়না প্রধান মন্ত্রীগী য়ুনিবর্সেল সোসিএল সেক্যুরিতীগী মঙলান অদু ফংহন্নবা হোৎনরি”, হায়না শ্রী গঙ্গৱারনা মখা তাখি।

শ্রী গঙ্গৱারনা হায়খি থৌনা লৈবা ৱাখল শানা উবা ঙম্বা প্রধান মন্ত্রী শ্রী নরেন্দ্রমোদীগী লুচিং মখাদা সরকার অসিনা ২০১৪দগী হৌদুনা বাবা সহেব অম্বেদকরগী মঙলানশিং মঙ ফাওননবা অমসুং ‘শ্রমেৱ জয়তে’ অমসুং ‘সত্যমেৱ জয়তে’বু চপ মান্ননা লুন্না লৌনবা খোঙথাং কয়া লৌখৎখ্রে। ঐহাক্কী মন্ত্রালয়না কোবিদ-১৯ লায়চৎ মনুং অসি য়াওনা ওর্গনাইজ অমসুং অনওর্গনাইজ শিন্মীশিংদা সোসিএল সেক্যুরিতী অমসুং অতোপ্পা য়াইফ থৌরাংগী খোঙথাংশিংদা ফংহন্নবা চোকথবা লৈতনা হোৎনরি। থৌনা লৈবা ঐখোয়গী প্রধান মন্ত্রী, শ্রী নরেন্দ্র মোদীনা লুচিংবা সরকার অসিগী মখাদা সরকারনা অমুক্তা লৌখৎখিদ্রিবা খোঙথাংশিং লৌখৎখি অমসুং প্রধা মন্ত্রী প্রোৎ সহন রোজগার য়োজনাগী মখাদা ইচে-ইচলশিংগী মেতর্নিতী লীফ চয়োল ১২গী চয়োল ২৬ ফাওবা হেনগৎহনখি, নুপীশিংবু মাইনশিংদা থবক তৌবা য়াহনবা হায়রিবা য়াইফ থৌরাংগী খোঙথাংশিং হৌদোকখি হায়না মহাক্না ফোঙদোকখি। ঐখোয়গী প্রজাশিংনা ই.পি.এফ.ও. অমসুং য়াইফ থৌরাংগী স্কিমশিংদা ফোর্মেল ইমপ্লোইমেন্তগী পোর্তেবিলিতী হেনগৎহনবা অমসুং ই.এস.আই.গী ফেসিলিতীশিং চাউথোকপা।

লেবর লো ২৯ অসি লেবর কোদ মরিদা পুনশিন্নবগী মতাংদা শ্রী গঙ্গৱারনা হায়খি লেবর কোদশিং অসি শেমদ্রিঙৈগী মমাংদা সরকারনা পুম্নমক্কা ৱা তান্নখি। মসিদা ত্রিপার্তাইদ মীফম মাপল, সব কম্মিতীগী মীফম মরি, ইন্তর-মিনিস্ত্রিএল কন্সল্তেসন ১০, ত্রেদ য়ুনিয়নশিং, ইমপ্লোইয়র্স এসোসিএসনশিং, রাজ্য সরকারশিং, এক্সপর্তশিং, ইন্তর্নেস্নেল বোদীশিং অমসুং মখোয়বু থা ২-৩ পব্লিক দোমেন্দা থমদুনা প্রজাশিংগী ৱাখল্লোনশিং লৌবা য়াওখি।

মন্ত্রীনা হায়খি লেবর রিফোর্ম অসিগী পান্দমদি থবক মফমদা হোংলক্লিবা মওং অসিগা চান্নবা অমদি কান্নগদবা অমসুং ত্রান্সপরেন্ত ওইবা সিস্তেম অমা পুরক্তুনা শিন্মীশিং অমসুং ইন্দস্ত্রীশিংগী অপাম্বা অদু ফংহনবা ঙম্বা লেবর লোশিং পুরকপনি। মহাক্না মখা তারদুনা হায়খি নীংখা তম্বগী চহি ৭৩ শুরকপা অসিদা ঙসিগী অনৌবা ভারত অসিদা লৈরিবা ফীভম, তেক্নোলোজীগী ওইবা তাঙ্কক, থবক শুবগী মওং অমসুং শুরিবা থবক মখল অসি চাউনা অহোংবা লাকখ্রে। অহোংবা অসিগী লোয়ননা, করিগুম্বা ভারতনা মখোয়গী লেবর লোশুং অসিদা মথৌ তাবা অহোংবশিং অদু পুরক্তবা তারবদি ঐখোয়না শিন্মীগী য়াইফ থৌরাংদা অমদি ইন্দস্ত্রীশিংগী চাউখৎ থৌরাংদা শোত্থহৌরগনি, হায়না শ্রী গঙ্গৱারনা ফোঙদোকখি।

মহাক্না হায়খি আত্মনির্ভর শ্রমিক অসিগী য়াইফ থৌরাংগী স্ত্রকচর অমসুং হকশিং অসি ৱাখল্লোন মরিদা য়ুম্ফম ওইবনি। অহানবা ৱাখল্লোন অসি সেলেরী প্রোতেক্সননি, মন্ত্রীনা হায়খি নীংখা তম্বা ফংবা চহি ৭৩ শুরবা মতুং ফাওবদা, লেবর লো ৪৪ লৈরবসু ভারতকী শিন্মী ৫০গী মনুংদা চাদা ৩০ খক্তনা ফংফম থোকপা খুশুমল ফংনবগী আইনগী ওইবা হকশিং ফংলি অমসুং শিন্মী পুম্নমক মতম চানা শেল পীবিদ্রি। “অহানবা ওইনা, ঐখোয়গী সরকারনা খেৎনবা অসি লৈহন্দনবা অমসুং ওর্গনাইজ অমসুং অনওর্গনাইজ সেক্তরগী শিন্মী করোর ৫০না ফংফম থোকপা খুশুমলশিং অমসুং খুশুমল মতমচানা ফংনবা আইনগী ওইবা হকশিং পীনবা হোৎনরি”, হায়না শ্রী গঙ্গৱারনা ফোঙদোকখি।

অনিশুবা মরু ওইবা ৱাখল্লোন অসিনে লেবর সেফতীনা, শ্রী গঙ্গৱারনা হায়খি মসিনা শিন্মীশিংনা খুদোংথিরোইদবা শাফবা থবক মফম অমা ওইহন্দুনা মখোয়গী হকচাং শোকহন্দনা অমসুং নুংঙাইবা পুন্সি মহিং অমা হিংহনবা ঙমগনি। মহাক্না হায়, মসিগীদমক অহানবা ওইনা ও.এস.ঐচ. কোদতা অকক্নবা চহিগী মথক্তা লৈরিবা শিন্মীশিংদা এন্যুল হেল্থ চেক-অপ ফংহনগনি। মসিগী মথক্তা, খুদোংথিরোইদবগা মরী লৈনবা স্তেন্দর্দশিং ঙাক্না চৎনবা মখোয়বু নেস্নেল ওক্যুপেস্নেল সেফতী এন্দ হেল্থ বোর্দনা হোংলক্লিবা তেক্নোলোজীনা মহুৎ শিনবা য়াগনি।

মহাক্না হাউস্তা হায়খি ও.এস.ঐচ. কোদ অসিনা ছুতিগী মিনিমম ক্বালিফিকেসন অসি নুমিৎ ২৪০দগী ১৮০দা হন্থখি। বিল অসিগী মখাদা থবক মফমদা শোকপা লৈখিদবা থোকপা অতোপ্পা কান্নবশিংগী মথক্তা শিন্মীদা ইমপ্লোইয়রনা পেনাল্তীগী চাদা ৫০ শিন্মীদা পীগদবনি প্রোবিজন পুম্নমক অসিগা লোয়ননা শিন্মীদা খুদোংথিবা নংলোইদবা থবক মফম অমা পীনবা হোৎনরি।

নুপীশিংনা নুপাগুম্না থবক তৌবা য়ানবা অহানবা ওইনা নুপীনা লোয়শঙ অমা হেক্তদা করিগুম্বা মখোয়না য়ারবদি নুমিদাংদা থবক শুনবা প্রোবিজন অমা শেমখ্রে। “অদুম ওইনমক সরকারনা পীরিবা মথৌ তাবা সেক্যুরিতীগী চেকশিল থৌরাং পুম্নমক ইমপ্লোইয়রনা লৌখৎকদবনি হায়না”, মহাক্না মখা তাখি।

মহাক্না মখা তারদুনা হায়খি অহুম শুবা ৱাখল্লোন অসি কম্প্রিহেনসিব সোসিএল সেক্যুরতীনি।ৱারেপশিংগা লোয়ননা মহাক্না হায়খি ই.এস.আই.সি. অমসুং ই.পি.এফ.ও.গী স্কোপ অসি সোসিএল সেক্যুরিতী কোদতা য়াওহল্লগনি।ই.এস.আই.সি.গী স্কোপ অসি হেনগৎনবা লৈবাক অসিগী জিলা ৭৪০ কোনশিন্নবা প্রোবিজন অমা শেমখ্রে। মসিগী মথক্তা, ই.এস.আই.সি.গী খুদোংচাবা অসি শিন্মী ১০দগী তানা লৈবা প্লান্তেসন ৱার্করশিং, অনওর্গনাইজ সেক্তরগী শিন্মীশিং, জি.আই.জি.শিং অমসুং প্লেৎফোর্ম ৱার্করশিং অমসুং লোয়শঙশিংদা লৈহনগনি। করিগুম্বা লোয়শঙ অমদা খুদোংথিবা য়াবা থবক লৈরবদি লোয়শঙ অদু শিন্মী অমা খক্তা লৈজরবসু ই.এস.আই.সি.না মখাদা লৈহনগনি।মসিগা মান্ননা ই.পি.এফ.ও. হেনগৎহন্নবা হৌজিক লৈরিবা আইন অসিনা লোয়শঙশিংগী সেদ্যুল অদু লৌথোক্কনি অমসুং হায়রিবা শিন্মী ২০ নত্রগা হেন্না লৈবা হলোয়শঙশিং অসি ই.পি.এফ.কী মখাদা লৈহনগনি।মসিগী মথক্তা সোসিএল সেক্যুরিতী কোদকী মখাদা শিন্মী ২০দগী তাবা অমসি মশানা মশা থবক পীজবা লোয়শঙশিংদা ই.পি.এফ.ও.গী খুদোংচাবা ফংহনগনি।

অনওর্গনাইজ সেক্তরগী শিন্মী করোর ৪০দা সোসিএল সেক্যুরিতী ফংহন্নবা “সোসিএল সেক্যুরিতী ফন্দ”গী প্রোবিজন শেমখ্রে।ফন্দ অসিগী খুত্থাংদা লৈখিদবগী ইন্সুরেন্স, খোদোং থিবা থোকপগী ইন্সুরেন্স, মেতর্নিতীগী কান্নবা অমসুং পেন্সন অসিনচিংবা মখল কয়াগী সোসিএল সেক্যুরিতীগী কান্নবা অসি শিন্মীশিং, জি.আই.জি.শিং অমসুং প্লেৎফোর্ম ৱার্করশিংদা ফংহনগনি। “খোঙথাংশিং অসি ঐখোয়গী য়ুনিবর্সেল সোসিএল সেক্যুরিতী ফংহন্নবা ৱাশক অদুগী মরু ওইবা খোঙথাং অমনি”, হায়না মহাক্না ফোঙদোকখি।

মরিশুবা ৱাখল্লোন অদুগী মতাংদা শ্রী গঙ্গৱারনা হায়খি ইন্দস্ত্রীগী য়ুনিৎশিংনা অরাইবা আই.আর. কোদশিং ফংহন্দুনা শন্তি অমসি ইংচিকপা পুরকপা ঙম্লগনি। ফিক্স তর্ম ইমপ্লোইমেন্ত অসি আই.আর. কোদ লাকপনা রিগুলর ইমপ্লোইয়ীগুম্না সর্ভিসকী ফীচম, ছুতি, তোলোপ, সোসিএল সেক্যুরিতী, গ্রেজ্যুতী ফংহল্লগনি। মসিগী মথক্তা মখোয়দা প্রো-তরা গ্রেজ্যুতীগী হকশিং ফংহল্লগনি।

শ্রী গঙ্গৱারনা হায়খি আই.আর. কোদনা স্ত্রাইক তৌবগী শিন্মীগী হকশিং অদু লৌথোক্তে।স্ত্রাইক তৌদ্রিঙৈ মমাংদা নুমিৎ ১৪গী মমাংদা নোতিস পীদুনা য়েৎনবা অদু য়াশন্ননবা হোৎনহনগনি। স্ত্রাইক তৌবনা ইন্দস্ত্রী অমসুং শিন্মীশিংদা কান্নবা পুরকলোই হায়না মহাক্না মখা তাখি।

শিন্মী ১০০দগী ৩০০ ফাওবগী আই.আর. কোদকী রিত্রেঞ্চমেন্ত, ক্লোজর নত্রগা লে-ওফকী থ্রেশহোল্দগী ওইনা মহাক্না হায়খি লেবর অসি কোন্কুরেন্ত লিস্ত কী মখাদা লৈ অমদি মরী লৈনবা রাজ্য সরকারশিংনা লোশিং শেমদোকচবা য়াই।মহাক্না হায়খি হক অসি শীজিন্নরিবা রাজ্য ১৬ অসিনা লিমিৎ হেনগৎহনখ্রে। পার্লিয়ামেন্তনসু ৩০০দা হেনগৎনবা হায়খি অদুবু অয়াম্বা লোয়শঙশিংনা শিন্মী ১০০দগী হেন্না থম্বা পামদে মরমদি মসিনা ইফোর্মেল ইমপ্লোইমেন্ত ওইহল্লকনি, হায়না শ্রী গঙ্গৱারনা থমখি।

ইকোনোমিক সর্ভে ২০১৯গী মতুং ইন্না রাজস্থানদা থ্রেসহোল্দদা ১০০দগী ৩০০গদা হেনগৎহনবগা লোয়ননা অচৌবা ফেক্তরীশিং হেনগৎহনবনা থবক পীবগী মশিং য়াম্না হেনগৎহনখ্রে অমসুং লেওফশিংদা অমুক্তা থোকখিদ্রিবা মওংদা হন্থহনখ্রে হায়না মন্ত্রীনা ফোঙদোকখি।“মসিনা তাক্লি মদুদি প্রোবিজন অমা শেমদোকপনা লৈবাক অসিদা অচৌবা ফেক্তরীশিং লিংখৎপা অমদি ফেক্তরী চল্লাইবা হেনগৎহন্দুনা থবক্কী খুদোংচাবশিং অমসুং শিন্মী কয়াদা কান্নবা পীরি” হায়না মহাক্কী ৱাখল্লোন ফোঙদোকখি।

শিন্মীশিংনা ইন্সতিত্যুসনশিংদা মখোয়গী হক ফংহনবদা ত্রেদ য়ুনিয়ন অচৌবা থৌদাং লৌই হায়না শ্রী গঙ্গৱারনা হায়খি। মতেং অসি মশক খংলদুনা ত্রেদ য়ুনিয়ন অসি অহানবা ওইনা ইন্সতিত্যুস্নেলগী থাক্তা , রাজ্য থাক্তা অমসুং কেন্দ্রগী থাক্তা শক খংলে। অআনবা ওইনা আই.আর. কোদতা রি-স্কিল্লিং ফন্দগী হায়বদি কনাগুম্বা শিন্মী অমা তোকখিবা মতমদা অমুক হন্না কনাগুম্বদা থবক পীনবা প্রোবিজন পীখ্রে। মসিগী শিন্মীশিং অসি মসিগীদমক নুমিৎ ১৫গী খুৎশুমলশিং পীগনি।

কোবিদ-১৯গী মতমদা মাইগ্রেন্ত ৱার্করশিংগী হকশিং ফংহন্নবা অখন্নবা প্রোবিজনশিংগী মতাংদা পল্লদুনা মহাক্না হায় মাইগ্রেম্ত ৱার্করশিংগী দিফিনিসন অসি চাউথোকহল্লে। হৌজিক রাজ্য অমদগী রাজ্য অমদা লাকপা শিন্মী খুদিংমক অমসুং মখোয়গী খুশুমল অদু লুপা লিশিং ১৮দগী তারবদি মখোয়গী মাইগ্রেন্ত লেবরগী দিফিনিসন্দা চল্লে অমসুং সরকারগী ৱেলফিয়র স্কিমগী কান্নবা ফংবা য়ারগনি। মাইগ্রেন্ত ৱার্করশিংগী দেতা বেজ শেম্লগনি, তোঙানবা হেল্প লাইন শেম্লগনি অমসুং চহি অমদা অমুরক ময়ুমদা চৎপা য়ানবা এলাৱেন্স পীরগনি।

শ্রী গঙ্গৱারনা লেবর লো কয়ামরুমগী মখাদা ইন্দস্ত্রী লিংখৎনবা রেজিস্ত্রেসন হনজিন হনজিন তৌবগী মথৌ তাদ্রে হায়না থমখি। হৌজিক ঐখোয়না অকক্নবা মতমদা অমসুং ওনলাইন্দা রেজিস্ত্রেসন, লাইসেন্সনচিংবা পীনবা শেম শারি। 

শ্রী গঙ্গৱারনা ঐখোয়না পীরিবা মসিগী লেবর কোদ ৪ অসিনা নাকল অমদা শিন্মীশিংগী য়াইফবা অমসুং নাকল অমদনা অচম্বা কম্প্লাইন্স সিস্তেমগী খুত্থাংদা থবক পীগদবা অনৌবা ইন্দস্ত্রীশিং চাঊখৎনবা হোৎনবনি হায়না ফোঙদোকখি।  অনৌবা খুদোংচাবশিং শেমলগনি। “অনৌবা লেবর কোদ অসি চৎনবনা ঐখোয়গী প্রধান মন্ত্রীগী মিৎয়েং সবকা সাথ, সাবকা বিকাশ অমসুং সবকা বিশ্বাস অচৌবা অহোংবা অমা পুরক্লগনি অমসুং চাউখৎপা লৈবাকশিং মাংজিল থাদুনা ভারতনা চৎলগনি হায়না মহাক্না হায়খি”। 

*****