মিনিস্ত্রিগী তেলি-লো থৌরমগী খোঙচৎ নিংশিংবা ওইনা জজতিস্ত দিপার্তমেন্তনা মসিগী অহানবা লাইরিকমচা “তেলি-লো-ফংদবশিং ফংহনবা”, কান্নবা ফংলবশিংগী খোঞ্জেল” ফোঙলে। লাইরিকমচা অসি তেলি-লো থৌরমগী মখাদা মতেং ফংলবশিং অমসুং কান্নবা ফংলবশিংগী অশেংবা পুন্সি ৱারিশিংগী খোমজিনবনি। তেলি-লো থৌরম্না রাজ্য অমসুং য়ু.তি ২৯গী সি.এস.সি ২৯৮৬০ অমসুং এস্পিরেসনেল দিস্ত্রিক ১১৫ য়াওনা জিলা ২৬০ মনুংহুঞ্জিনবা মফমশিংদা কান্নবা ফংলবা মীওই লাখ ৩ হেনবদা পাউতাক পীখ্রে।

লাইরিকমচা অদুদা খুঞ্জাশিংনা তঙাইফদবা আইনগী মতেং লৌনবা পুক্নিং থৌগৎনবা পেরালিগেল ভলুন্তিয়ারশিং অমসুং খুঙ্গংগী ওন্ত্রেপ্রেনিউয়রশিংগী থৌদাংশিং তাক্লি। ৱারোইশিন পুরক্নবা অতোপ্পা পাম্বৈ শীজিন্নদুনা মখোয়গী ৱাথোকশিং য়ানবা পুরকপদা মীয়াম্না লৈরিবা অরানবা থাজবশিং অমসুং অকিবশিং লাইরিকমচা অসিনা মাইপাক্না চিংনবা কোকহল্লে। লাইরিকমচা অসিদা কাংলুপ ৬ হায়বদি অরানবা থেংনবা, লন-থুমগী য়ানদবশিং য়ানবা পুরকপা, কোবিদকী অৱাবশিং কোকহনবা, ই-পাউ পীদুনা থৌনা লৈহনবা, আইনগী থবকশিংগী খুদোংচাদবশিং কোকহনবা অমসুং ইমুং-মনুংগী মীওৎ-মীনৈগী মথক্তা থবক লৌখৎপগী মতাং য়াওরি।

ভারত সরকারগী “দিজিতেল ইন্দিয়া ভিজন”গী মখাদা মী খুদিংমক অচুম্বা ফংহন্নবা জজতিস্ত দিপার্তমেন্তনা নৌনা থোরকপা অমসুং হান্নগী দিজিতেল প্লেতফোর্মশিংগী খুদোংচাবশিং শীজিন্নরে। পান্দম অসিগী মখাদা, কোর্ত য়ৌদ্রিঙৈদা কেসশিং ৱারোইশিন পুরক্নবা ২০১৭দা তেলি-লো থৌরম হৌদোকখি। থৌরম অসিগী মখাদা শোৎথরবশিং, খুদোংথিনিংঙাই ওইরবশিং, কান্নবা ফংদ্রবা কাংবু অমসুং মীয়ামদা উকিলশিংনা মতম চানা অমসুং মমল য়াম্লবা আইনগী পাউতাকশিং পীনবা কমন সর্বিস সেন্তরশিংদা ফংলিবা র্ভিদিও কনফরেন্সিং অমসুং তেলিফোনগী খুদোংচাবশিং শীজিন্নরি।

আইনগী খুদোংচাদবশিং ঙন্না খঙদোক্নবা, য়েংশিন্নবা অমসুং ঙাকথোক্নবা অখন্ননা দিজাইন তৌরবা তেলি-লোগী থবক অসিনা নালসা অমসুং সি.এস.সি-ই গোভনা পীবা মাংজিল থাবা ভোলুন্তিয়ারশিংগী খুৎথাংদা মীয়ামদা খুদোংচাবশিং ফংহল্লে। হায়রিবা ভোলুন্তিয়ারশিং অসিনা এপ্লিকান্তশিংগী প্রি-রেজিস্তার অমসুং উনবগী মতম মোবাইল এপ্লিকেসনগী মতেংগা লোয়ন্না মখোয়না মতেং পাংলি। মসিগীদমক লৈরবা উকিল কাংবু অমনা কান্নবা ফংলবশিংদা মখা তানা আইনগী ওইবা মতেং পাংগনি। থবক অসিগী পোর্তেল https://www.tele-law.in/ দা আই.ই.সি থাগৎলে। মতম চপ চানবা দেতা লৌনবা অমসুং পাউতাক লৌরিবা কেস অদুগী মওং খঙদোক্নবা তোখাইবা দাসবোর্দ অমা শেম্লে। তুংদা জিলা থাক্তা দেতা লৈহন্নবা, দেতা অসি পি.এম.ও প্রায়াস পোর্তেলদসু য়াওহল্লে।

লৈবাক অসিগী জিলা খুদিংমক কোনশিন্নবা অমসুং আইনগী তেংবাংগী থবকশিংদা তেলি-লো অসি মরুওইবা য়ুম্বী অমা ওইহন্নবা, জজতিস্ত দিপার্তমেন্তনা মকা তানা অসিগুম্বা অহোংবা পুরকপদা মতেং পাংগদবা ৱারিশিং থা মরি খুদিংগী ফোঙগনি।

 “তেলি-লো-ফংদবশিং ফংহল্লে-কান্নবা ফংলবশিংগী খোঞ্জেলশিং” হায়রিবা লাইরিকমচা অসি পানবা মফম অসিদা নম্বীয়ু

(Click here to see “Tele-Law - Reaching the Unreached, Voices of the beneficiaries booklet)

*****