PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
22 SEP 2020 6:17PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- হৌখিবা পুং ২৪ অসিদা অনাবা লাখ ১ (১,০১,৪৬৮) হেন্না ফখিবগী রেজিস্তার তৌখ্রে
- নাবা ফখ্রবগী অপুনবা মশীং অসি লাখ ৪৫গী ময়া য়ৌরে অমদি নাবা ফগৎলকপগী চাং চাদা ৮০.৮৬ য়ৌখ্রে
- কেস ফেতেলিতী রেৎ হৌজিক্কী ওইনা চাদা ১.৫২ ওইরি
- প্রধান মন্ত্রীনা হেন্না শোকহল্লবা রাজ্য/য়ু.তি. ৭তা কোবিদকী লৌখৎলিবা খোঙথাং অমদি মেনেজমেন্তগী ফীভম অমসুং শেম শারিবা অসি হয়েং য়েংশিনগনি
- কোবিদ-১৯ লায়চৎ অসি য়েংলগা সেসন ২০২০-২১গী য়ুনিবর্সিতীশিংগী অন্দর-গ্রেজ্যুৎ অমসুং পোস্ত-গ্রেজ্যুৎ মহৈরোয়শিংগী অহানবা চহিগী একাদেমিক কেলেন্দরগী গাইদলাইনশিং
ভারত্তা নোংমগী মনুংদা খ্বাইদগী য়াম্না ফগৎলকপগী রেকোর্দ লাকখ্রে, হৌখিবা পুং ২৪ অসিদা অনাবা লাখ ১ হেন্না ফখি
মমাংদা অমুক্তা লাকখিদ্রিবা মশীংদা, ভারত্তা নোংমগী মনুংদা খ্বাইদগী য়াম্না নাবা ফগৎখি। হৌখিবা পুং ২৪ অসিদা লৈবাক অসিদা অনাবা লাখ ১ (১,০১,৪৬৮) হেন্না ফখি। অতোপ্পা মশক থোকপা মায় পাকপা অমা ওইনা, হৌখিবা নুমিৎ মরিনি অসিদা থংন-থংননা মশীং ৱাংনা নাবা ফখি। মসিগা লোইননা নাবা ফখ্রবগী অপুনবা মশীং অসি লাখ ৪৫ (৪৪,৯৭,৮৬৭) য়ৌরে। মসিনা নাবা ফগৎলকপগী চাং চাদা ৮০.৮৬ য়ৌখ্রে। অনৌবা নাবা ফগৎলক্লিবশিং অসি চাদা ৭৯দি রাজ্য/য়ু.তি. তরাদগী লাকপনি মখোয়শিং অদুদি, মহারাস্ত্রা, কর্নাতাকা, অন্ধ্র প্রদেশ, উত্তর প্রদেশ অমসুং তমিল নাদু, ওরিশা, দিল্লী কেরলা, নোংচুপ বেঙ্গাল অমসুং পঞ্জাবনি। মহারাস্ত্রদা অনৌবা নাবা ফরবা অনাবা ৩২,০০০(চাদা ৩১.৫) লাকপদা লোইননা মাংজিল থারি। অন্ধ্র প্রদেশনা নোংমগী মনুংদা অনাবা ১০,০০০ ফগৎলক্লি। অমসুং হৌজিক চাদা ১.৫৯ লৈদুনা কেস ফেতালিতী রেৎ নেম্লি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657597
প্রধান মন্ত্রীনা হেন্না শোকহল্লবা রাজ্য/য়ু.তি. ৭তা কোবিদকী লৌখৎলিবা খোঙথাং অমদি মেনেজমেন্তগী ফীভম অমসুং শেম শারিবা অসি হয়েং য়েংশিনগনি
প্রধান মন্ত্রীনা চ্যের লৌদুনা কোবিদনা হেন্না শোকহল্লবা রাজ্য/য়ু.তি. তরেৎকী মুখ্য মন্ত্রীশিং অমসুং হকশেলগী মন্ত্রীশিংগা লোয়ননা কোবিদকী লৌখৎলিবা খোঙথাং অমদি মেনেজমেন্তগী ফীভম অমসুং শেম-শারিবা অসি য়েংশিন্নবা হয়েং সেপ্তেম্বর ২৩, ২০২০দা অৱাংবা থাক্কী ভর্চ্যুএল মীফম অমা পাঙথোক্কনি। রাজ্যশিং/য়ু.তি.শিং অদুদি মহারাস্ত্র, অন্ধ্র প্রদেশ, কর্নাতকা, উত্তর প্রদেশ, তামিল নাদু, দিল্লী অমসুং পঞ্জাবনি। লৈবাক অসিগী এক্তিব কেসশিংগী ৬৩% হেনবদি রাজ্য/য়ু.তি. তরেৎ অসিদগী ওইরি। অপুনবা কনফর্ম কেসশিংগী ৬৫.৫% অমসুং অপুনবা লৈখিদবগী ৭৭% মখোয়দগী ওইখি। অতোপ্পা রাজ্য মঙাগা লোয়ননা পঞ্জাব অমসুং দিল্লীদা হন্দক্তা কেসশিংগী মশিং হেনগৎলকপগী রিপোর্ত তৌরকখি। মহারাস্ত্র, পঞ্জাব অমসুং দিল্লীনা কেস ফেতেলিতী রেৎ (সি.এফ.আর.) ২.০% হেনবগা লোয়ননা শীবগী মশিং য়াম্না রিপোর্ত তৌরক্লি। পঞ্জাব অমসুং উত্তর প্রদেশ য়াওদনা অতৈগী পোজিতিবিতী রেৎ অসি লৈবাক্কী লৈরিবা ৮.৫২% অসিগী মথক্তা লৈরি। কেন্দ্রনা লৈবাক অসিদা কোবিদকী মায়োক্তা লান্থেংনবা অসিদা রাজ্য/য়ু.তি. সরকারশিংগা লোয়ননা মপুং ফানা চুংশিন্নদুনা অমদি পুন্না থবক লৌখৎমিন্নরি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657615
প্রধান মন্ত্রীনা লৈবাক অসিদা লৈরিবা হকচাং ফনা থম্বদা থৱায় য়াওজবা মীওইশিংগা লোয়ননা ৱারী শাগনি
তোপ তোপ্পা থৌরাং অমা ওইনা সেপ্তেম্বর ২৪, ২০২০দা ফিৎ ইন্দিয়া মুফমেন্তগী চহি অমা মপুং ফারকপগী থৌরম পাল্লন তৌনবা শিনবা লৈবাক পুম্বগী ওনলাইন ফিৎ ইন্দিয়া দাইলোগ অমদা প্রধান মন্ত্রী শ্রী নরেন্দ্র মোদীনা হকচাং ফনা থম্বা পামজবা মীওইশিং অমসুং প্রজাগা লোয়ননা ৱারী শাগনি। ওনলাইন্দা ৱারী ৱাতাই শাবা অসিদা শরুক য়ারিবশিংনা মখোয় মশানা হকচাং ফনা থম্নবা হোৎনবগী ৱারীশিং অমসুং হীরম অসিগী পাউতাকশিং অদু ফোঙদোক্কনি অমরোমদা প্রধান মন্ত্রীনা হকচাং ফনা থম্নবগী মতাংদা মহাক্কী ওইবা ৱাখল্লোনশিং ফোঙদোক্কনি অমদি পাউতাকশিং পীগনি। অতোপ্পা হকচাং ফনা থম্বা পামজবা মীওইশিংগী মথক্তা শরুক য়াগদবশিংগী মরক্তা য়াওরিবশিং অদুদি বিরাত কোহলিদগী হৌরগা মিলিন্দ সোমন অমদি রুজুতা দিৱেকরনি। কোবিদ-১৯গী তানফম অসিদা হকচাং ফনা থম্বা হায়বা অসি পুন্সিগী হেন্না মরু ওইবা হীরম অমা ওইরক্লি। দাইলোগ অসিদা মচি ওইবা চীঞ্জাক, ইশা ফবা অমসুং হকচাং ফনা থম্নবা অতোপ্পা তোঙান তোঙানবা হীরমশিংগী মতাংদা কান্নবা ৱারী ৱাতাই শাবা উবা ফংগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657626
প্রধান মন্ত্রীনা আই.আই.তি. গুৱাহাতীগী কনভোকেসন্দা ৱা ঙাংখ্রে
প্রধান মন্ত্রী শ্রী নরেন্দ্র মোদীনা আই.আই.তি. গুৱাহাতীগী কনভোকেসন্দা ভিদিও কনফরেন্সকী থোংদা ঙসি ৱা ঙাংখি। গ্যানম বিগ্যান সহিতম য়ত গ্যাত্বা মোস্যসে অশুভাৎ পল্লদুনা প্রধান মন্ত্রীনা হায়খি মদুদি সাইন্স য়াওরবা লৌশিংনা খুদোংচাদবা কয়া কোকহন্নবগী লম্বীনি। মহাক্না আই.আই.তি.গুম্বা ইন্সতিত্যুসনশিংনা ঙসি খুমাং চাউশিল্লক্লিবসিগীদমক চাউথোকপা পোকচৈ হায়রদুনা হায়খি মদুদি অনৌবা পুথোক্তুনা লৈবাক অসিবু চহী লিশিং কয়া মতেং পাংলকখ্রে। প্রধান মন্ত্রীনা নহাশিংদা তুংগীদমক শেম শাদুনা মতীক চানা লৈনবা হায়রদুনা ভারতকী তুংলমচৎ হায়বসি মখোয়গী মংলান অমসুং পান্দমশিংদুনি হায়না ফোংদোকখি। মসিগী লম্বীদা আই.আই.তি. গুৱাহাতীনা চঙশিল্লি হায়রদুনা হরাউবা ফোংদোকখি। প্রধান মন্ত্রীনা ইন্সতিত্যুৎ অসিনা লৈবাক অসিবু একাদেমিক সেসনশিং পাঙথোকপদা অমসুং রিসর্চ ৱার্ক কয়া লাইচৎ অসিগী মনুংদা পাঙথোক্তুনা লৈবাক অসিবু মরোমদোম লেপচবা ঙম্বা ওইহন্নবগীদমক হোৎনরিবসিদা হরাউবা ফোংদোকখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657699
আই.আই.তি. গুৱাহাতীগী কনভোকেসন্দা পীখিবা প্রধান মন্ত্রীগী ৱারোল
প্রধানমন্ত্রীনা য়ুনাইতেদ নেসন্স জেনরেল এসেমব্লীদা ৱা ঙাংখ্রে
প্রধানমন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা য়ুনাইতেদ নেসন্স জেনরেল এসেমব্লীদা ৱা ঙাংখ্রে। থৌরম অসিদা ৱা ঙাংলদুনা চহি হুম্ফুতরা মঙাগী মমাংদা লানগী অকিবা ফীভমশিং অদুদগী অনৌবা মংলান অমা মোংলকখিবনি হায়না ফোংদোকখি। মীওইবগী পুৱারী অসিদা ইহান হানবা ওইনা মালেম পুম্বগী ওইনা লোইশঙ অমা শেমখি। য়ু.এন. চার্তর লিংখৎপগী খুৎয়েক পীবা অমা ওইনা ভারত অসি মদুগী অথোইবা মিৎয়েং শানবা অদুগী শরুক ওইখি। মসিনা ভারতকী ওইবা ফিলোজোফী খুশেমপুম্বা ইমুং অমত্তা ওইনা উবা ‘বসুধৈব কুতুম্ভকম’গী মমি অসি উবা ফংহল্লি হায়না মহাক্না মখা তানা ফোংদোকখি। য়ু.এন.গী ফীরালগী মখাদা ইং-তপ্পা অমদি চাউখৎনবগী পরম য়াৎপিরম্লিবশিংগী মফমদা ঐখোয়না শ্রদ্ধাঞ্জলী কৎলদুনা ঙসি ঐখোয়গী তাইবংপাল অসি য়ুনাইতেদ নেসন্সকী মরম্না হেন্না অফবা মফম অমা ওইবা ঙমহল্লিবনি। য়ু.এন.গী ইং-তপ্না থম্নবগী মিশনশিংদা য়াওরদুনা ভারত অসি মাংজিল থানা থৌদাং য়ারিবা অমা ওইদুনা লাক্লি হায়না ফোংদোকখি।
কোবিদ-১৯ লায়চৎ অসি য়েংলগা সেসন ২০২০-২১গী য়ুনিবর্সিতীশিংগী অন্দর-গ্রেজ্যুৎ অমসুং পোস্ত-গ্রেজ্যুৎ মহৈরোয়শিংগী অহানবা চহিগী একাদেমিক কেলেন্দরগী য়ু.জি.সি. গাইদলাইনশিং
এজুকেসনগী কেন্দ্রগী মন্ত্রী শ্রী রামেশ পোখ্রিয়ল ‘নিশঙ্ক’না ঙসি কোবিদ-১৯ লায়চৎ অসি য়েংলগা সেসন ২০২০-২১গী য়ুনিবর্সিতীশিংগী অন্দর-গ্রেজ্যুৎ অমসুং পোস্ত-গ্রেজ্যুৎ মহৈরোয়শিংগী অহানবা চহিগী একাদেমিক কেলেন্দরগী য়ুনিবর্সিতী গ্রান্তস কম্মিসন (য়ু.জি.সি.)গী গাইদলাইনশিং লাউথোকখ্রে। হৌজিক থোক্লিবা কোবিদ-১৯ লায়চৎ অসি য়েংলগা সেসন ২০২০-২১গী ওইনা য়ুনিবর্সিতীশিংদা তম্লিবা অন্দর-গ্রেজ্যুৎ অমসুং পোস্ত-গ্রেজ্যুৎ মহৈরোয়শিংগী অহানবা চহিগী একাদেমিক কেলেন্দরগী য়ু.জি.সি.গী গাইদলাইনশিং অসি কম্মিসন অসিগী সেপ্তেম্বর ২১, ২০২০দা পাঙথোকখিবা মীফমদা অয়াবা পীখি। সেসন ২০২০-২১গী অহানবা চহিগী প্রোগ্রামশিংদা মিংচনবা অসি ২০২০গী ওক্তোবরগী অরোইবা শরুক্তা লোয়শিনগনি। লেমহৌরিবা অহাংবা সীৎশিং অসি মেনশিন্নবগী মিং চনবগী অরোইবা তাং অসি নবেম্বর ৩০, ২০২০ ওইগনি। অহানবা চহি তমগদৌরিবা মহৈরোয়শিংগী ওইনা একাদেমিক সেসন ২০২০-২১ অসি নবেম্বর ০১, ২০২০দগী হৌরগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657732
কেবিনেৎনা ২০২১-২২গী মার্কেতিং সিজনগী ঈংথমগী মহৈ মরোংশিংগী মিনিমম সপ্পোর্ত প্রাইজশিং (এম.এস.পি.) অয়াবা পীখ্রে
প্রধান মন্ত্রী শ্রী নরেন্দ্র মোদীনা চ্যের লৌখিবা কেবিনেৎ কম্মিতী ওন ইকোনোমিক এফিয়র্স (সি.সি.ই.এ.)না ২০২১-২২গী মার্কেতিং সিজনগী ঈংথমগী মহৈ মরোং পুম্নমক্কী মিনিমম সপ্পোর্ত প্রাইজশিং (এম.এস.পি.শিং) হেনগৎপদা অয়াবা পীখ্রে। এম.এস.পি.দা হেনগৎপা অসি স্বামিনাথন কম্মিসন্না পীবা রিকম্মেন্দেসনশিংগী মতুং ইন্ননি। মচি ওইবা চীঞ্জাকশিং মথৌ তাবা অমসুং চাবা থকপগী মওং মতৌশিংদা হোংলক্লিবা অসি য়েংলগা অমদি হৱাই-চেংৱাই অমসুং থাও শুংনবা মরুশিং ইশাগী ৱাত্তনবা পুথোকপা ঙম্নবা, সরকারনা হায়রিবা মহৈ মরোংশিং অসিগী এম.এস.পি. অসি অৱাংবা মমলদা লেপখ্রে। মালেম পুম্বগী কোবিদ-১৯ লায়চৎ লৈরবসু অমসুং লৈবাক পুম্বা লোকদাউন তৌরবসু সরকারনা মতম চানা খোঙথাং লৌখৎপনা মরম ওইরগা আর.এম.এস. ২০২০-২১গী গেহু তোন মিলিয়ন ৩৯রোম লৈশিনখিবগী রেকোর্দ থম্বা ঙমখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657423
কোভিদ-১৯ লায়চৎনা তেক্সতাইল ইন্দস্ত্রীদা পীবা চৈথেং
তেক্সতাইল ইন্দস্ত্রী অসি য়াম্না পুনশিনদবা সেক্তরনি। সরকারনা মখল কয়াগী খোঙথাং লৌখৎতুনা কোভিদ-১৯ লায়চৎ মনুং অসিদা তেক্সতাইল সেক্তর অসিদা মতেং পাংদুনা পোত্থোক হেনগৎহনবা, পোৎ য়োমবা অমসুং সেক্তর অসিদা থবক পীনবা হোৎনরি। সরকার অসিনা চাংয়েং অমা চৎথরি মদুদি “ইম্পেক্ত ওফ কোভিদ-১৯ পেন্দেমিক ওন ইন্দিয়ন সিল্ক ইন্দস্ত্রী” হায়রিবা অসিনা সেক্তর অসিদা থোক্নিবা অকায়বশিং অসি খংদোক্কনি। ইন্দস্ত্রী অসি মখল কয়াগী অৱাবা মায়োক্নরি মদুদি পোৎ পুত্থোকপা, কুকুন অমসুং শুংদোক্ত্রীবা সিল্কী মমল, পুথোক পুশিন তৌবা, থবক হৌনবা খুৎপায় শেল, পোৎ পুথোকখিবা অমসুং পুশিল্লকপা হন্থরকপা অদুদা নত্তনা অথিংবা কয়া অমা অসিনি। সরকার অসিনা তেক্সতাইল এক্সপোর্ত প্রোমোসন কাউন্সিলগা অসুং অতৈ অতোপ্পা ইন্দস্ত্রীগী মীহুৎশিংগা উনদুনা মরুওইনা পোত্থোক কয়া অমা লিস্ত শেম্নবা শিল্লি। হায়রিবা লিস্ত অসি ইন্দিয়ন মিসনগা পুনদুনা করম্বা লৈবাক্তা থাখিবা য়াবা হায়বদু য়েংশিল্লি। তেক্সতাইল সেক্তর অসিবু মালেমগী থাক্তা থেংনবা ঙম্নবা সরকারনা আর.ও.এস.সি.তি.এল. (রিবেত ওফ স্তেত এন্দ সেনত্ত্রেল তেক্সেস এন্দ লেবিজ) স্কীম অমা আর.ও.এস.সি.তি.এল.না রিমিসন ওফ দ্যুতিস এন্দ তেক্সেস এক্সপোর্তেৎ প্রোদক্তস। ভারত সরকারনা য়াম্না তোঙানবা ইকোনোমিক পেক্কেজ অমা লাওথোকখ্রে মদুদি আত্মানির্ভর ভারত আভিয়ান হায়রিবা অসিনা ইন্দিয়া অসি মশা মথন্তা মরোমদোম লেপচবা ঙম্নবা শেম্বনি। কোমথোকপা অমসুং পুবা য়ানবগী খোঙথাং কয়া অমা সেক্তর অসিদা লাওথোক্লি। ফীশাবী অমদি খুৎশা হৈরবশিংনা মসিগী কোমথোকপা অমসুং পুবা য়ানবগী খোঙথাং কয়া অসিগী কান্নবা লৌবা য়াই অমসুং মসিনা কোভিদ-১৯গী লায়চৎতা মাংতাকখ্রবা কয়া অমা মেনখৎপা ঙম্লগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657698
লায়চৎ মনুংদা এ.দবল্যু.দবল্যু.শিং, নুপী অমসুং অঙাংশিংগী সোসিএল সেক্যুরিতী
সোসিএল সেক্যুরিতীগী কান্নবশিংগী মখাদা, অঙ্গনৱাদি ৱার্করশিং (এ.দবল্যু.দবল্যু.শিং)/অঙ্গনৱাদ হেল্পরশিং (এ.দবল্যু.ঐচ.শিং) অসি পীরিবা ইন্সুরেন্স স্কিমশিং অসিনা কোনশিল্লি। কোবিদ-১৯ লায়চৎ অসিনা মরম ওইরগা লৈবাক অসিদা ওইরিবা ফীভম অসি য়েংলগা চহি ৫১দগী ৫৯ ফাওবগী (০১.০৬.২০১৭ ফাওবগী ক্লোস গ্রুপ) মনুংদা লৈবা এ.দবল্যু.দবল্যু.শিং/ এ.দবল্যু.ঐচ.শিংদা পীবা লাইফ কভর অসি লুপা ৩০,০০০/-দগী লুপা ২,০০,০০০/-দা হেনগৎখ্রে। অসুম্নদী ওইরগা মথক্তা পীরিবা অঙ্গনৱাদি ৱার্করশিং/হেল্পরশিংগী সোসিএল সেক্যূরিতী স্কিমশিং অসি এপ্রিল ১, ২০২০দগী হৌনা ফুল প্রিমিয়ম পেমেন্ত রেজিমদা ওন্থোকখ্রে। মন্ত্রালয়না দি.এফ.এস, শেন-থুমগী মন্ত্রালয়দা মে ৩১, ২০২১ ফাওবা পি.এম.জে.জে.বি.ৱাই./ পি.এম.এস.বি.ৱাই/ এ.কে.বি.ৱাই./ এফ.সি.আই. অসিনচিংবা ইন্সুরেন্স স্কিমশিং অসি মমাংদা পুনশিনখিবগী মওং অদু অমুক হন্না ওইহন্নবা খঙহনখ্রে। হায়রিবা অসি পাঙথোক্নবগী মওংশিং অদু মশা-মশাগী রাজ্যশিং অমসুং য়ু.তি.শিংআ লৈরিবা ফীভম অদুগা চান্নবা মওংদা ৱারেপ লৌগনি। মখা রানা রাজ্যশিং অমসুং য়ু.তি.শিংদা কোবিদ-১৯না ওইহল্লিবা ফীভম অসি মায়োক্নবা ঙম্নবা চেকশিল থৌরাংশিং ঙাক্না চৎনবা খঙহনখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657677
লায়না লায়চৎ অসিগী মনুংদা ইলেক্সন পাংথোক্কদৌরি – দেমোক্ত্রেসিগী মরুওইবা ৱাহন্থোক ই.সি.আই.গী ৱাবিনারদা পীরি
চীফ ইলেক্সন কম্মিস্নর শ্রী সুনিল অরোরানা ঙসি মালেমদা লৈরিবা ইলেক্সন মেনেজমেন্ত বোদী (ই.এম.বি.শিংদা) মালেমদা দেমোক্ত্রেসিগী ৱাহন্থোং লৈনবা ইলেক্সন মতম চানা, য়াম্না লাইথোক্না, নিয়ম চুম্না অমসুং মীপুম খুদিংমক শরুক য়ানবা মরুওইবা ৱারোল থমখ্রে। মালেমগী ৱেবিনার অসিগী লোয়শিল্লকপদা ৱা ঙাংলদুনা “ইশুশিং, অৱাবা অমসুং প্রোতোকোল কোভিদ-১৯ ইলেক্সন পাংথোক্লি: মসিনা লৈবাক্কী থেংনরকপা পুথোক্নরি” শ্রী অরোরানা থৌরম অদুদা উৎখি। সি.ই.সি.না মরুওইবা উৎলদুনা হায়খি মদুদি ঙসিগী ৱেবিনার অসিনা ময়েক শেংনা ইলেক্সন পাংথোকপদা চংগদবা অসিগী মতাংদা ওফিসিএলশিংদা মরুওইবা ত্রেনিং পীরি। ইলেক্সন কম্মিস্নর শ্রী সুশিল চনন্দ্রনা মরুওইবা উৎতু হায়খি মদুদি কোভিদ-১৯গী মরক অসিদা ইলেক্সন অসি য়াম্না লাইনা অমসুং নিয়ম চুম্না পাকথোকপদা নত্তনা ভোৎ থাদগদৌরিবা লোয়ন-লোয়ননা পোলিং ওফিসিএল অমসুং সেক্যুরিতিগী মথৌ তৌরিবা পর্সোনেলশিংসু চেকশিনবা মথৌ তাই হায়খি। মহাক্না হায়খি মদুদি লৈবাক কয়াদগী ইলেক্সন মমাংদা, মনুংদা অমসুং মতুংদা তৌগদবা মরুওইবা হেন্না লায়বা শেম শাবগী মওং পিনরক্লি। খ্বায়দগী মরুওইবদি ভোতরশিংনা কোভিদ মনুং অসিদা ভোৎ থাদবা অসিদা শোই ঙামদবা হায়না ফাওহনগদবনি। কোভিদনা য়াম্না ৱানরবা মতম অসিদা ইলেক্সন কম্মিতিনা য়াম্না লায়না, নিয়ম চুম্বা লোয়ননা শোয় ঙামদবা ইলেক্সন অমা পাংথোক্লগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657511
নুপীদা চত্থবা মীওৎ মীনৈ হেনগৎপা
কোবিদ-১৯ লাইচৎনা মরম ওইদুনা লোকদাউন হেক হৌখিবদগী, নেসনেল কম্মিসন ফোর ৱিমিন (এন.সি.দব্ল্যু.)না এদ কেম্পেন অমা ইলেক্ত্রোনিক মীদিয়া অমসুং সোসিএল মীদিয়াদা মীওৎ মীনৈ মাইওক্নরিবা নুপীশিংনা চোংথোরক্তুনা পাউ পীনবগীদমক হৌদোকখি। মখা তানা, রিগুলার মোদতা ফংলবা কপ্লেন্তশিং পায়বগী মথক্তা, এন.সি.দব্ল্যু.না ৱাৎসপ নম্বর ৭২১৭৭৩৫৩৭২সু তাং ১০.০৪.২০২০দা মীওৎ মীনৈ চত্থবগী কেস রিপোর্ত তৌরক্নবগীদমক হাংদোকখি। এন.সি.দব্ল্যু.না পীরিবা অহেনবা মোদ অসিদা হৌখিবা চহী কয়াদগী মীওৎ মীনৈ খাংদুনা লাক্লবা নুপীশিংদগীসু পাউ লাকখি। এন.সি.দব্ল্যু.না ফংলিবা ৱাকৎশিং অসি অৱাবা মাইওক্নরিবা মীওইশিংগা পুলিস অমসুং অতোপ্পা মরী লৈনবশিংগা লোইননা তঙাইফদবা মতেং পীদুনা মতেং পাংখি। 'পুলিস' অমসুং 'পব্লিক ওর্দর' হায়বসি ভারত সংবিধানগী তরেৎশুবা সেদ্যুলগী মতুং ইন্না রাজ্যগী মথৌনি। নুপীশিংগী মথক্তা চত্থবা মীওৎ মীনৈ য়াওনা লো অমসুং ওর্দর, মীয়ামগী পুন্সি অমসুং লন-থুম কনবগী থবক অসি মরুওইনা রাজ্য সরকার অমসুং য়ুনিয়ন তেরিতোরী একমিনিস্ত্রেসনশিংগী মথৌনি। অদুবু নুপীশিংবু অৱাংবা থাক্তা ঙাকপী শেনবীনবগীদমক, কেন্দ্র সরকার অসিনা হৌখিবা থা তরুক্লোমসিদা খোংথাং কয়া লৌখৎখি। সরকার অসিনা রাজ্য অমসুং য়ু.তি.শিংগী মরী লৈনবা ওফিসিএলশিংদা হীরম অসিগী মতাংদা সেন্সিতাইজেসন প্রোগ্রাম কয়াসু পায়খৎখি। পাউদম অসি কেন্দ্রগী নুপী অমসুং অঙাংগী চাউখৎথৌরাং মন্ত্রী শ্রীমতি স্মৃতি জুবিন ইরানিনা ঙসি রাজ্য সভাদা পীখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657678
কোবিদ-১৯ মনুংদা আর.তি.আই. মপুং ফানা মথৌ তৌখি
কেন্দ্রগী অৱাং নোংপোক লমদম চাউখৎ থৌরাং মন্ত্রালয়গী রাজ্যগী মন্ত্রী (ইন্দিপেন্দেন্ত চার্জ), এম.ও.এস. পি.এম.ও., পার্সনেল, পব্লিক গ্রিভান্সেস, পেন্সন, এতোমিক ইনর্জী অমসুং স্পেসকী কেন্দ্রগী মন্ত্রী দা. জিতেন্দ্র সিংহনা হায়খি মদুদি কোবিদ-১৯ লাইচৎকী মনুংদা সেন্ত্রেল ইনফোর্মেসন কম্মিসন্না তেক্নোলোজী মতীক চানা শীজিন্নদুনা ওদিও/ভিদিওগী ফেসিলিতীগী থোংদা অনীশুবা আপিল/ৱাকৎকী হিয়রিং চত্থনবা খোংথাং পায়খৎখি। রাজ্য সভাদা অইবা পাউখুম ওইনা পীরদুনা মহাক্না হায়খি মদুদি সেন্ত্রেল ইনফোর্মেসন কম্মিসনগা মরী লৈনবশিংদি মার্চ ২০২০দগী ১৭.০৯.২০২০ ফাওবদা অপুনবা ওনলাইন্স রিক্বেস্ত ৪৪৯১ প্রোসেস তৌখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1657765
পি.আই.বি. ফিল্দ ওফিসশিংদগী ফংবা পাউ
• চানদিগর: য়ু.তি. চানদিগরগী এদমিনিস্ত্রেতরনা ক্লাস IX অমসুং Xগী মহৈরোইশিংনা অখন্নবা ক্লাসশিংগীদমক্তা মখোয়গী পেরেন্তশিংদগী অয়াবা লৌরগা স্কুল কেমপস্তা লাকপা মতমদা ভারত সরকারগী গাইদলাইনশিং শোইহন্দনা চেকশিন্না ইন্দুনা চৎহন্নবা সেক্রেতরী এজুকেশন্দা খঙহল্লকখ্রে। মহাক্না ওজাশিংবুসু কোবিদকীদমক্তা চাং নাইনা মেদিকেল তেস্ত তৌথোক্না হায়রকখ্রে।
• পঞ্জাব: পঞ্জাব সরকারনা স্কুলগী অঙাংশিংগীদমক্তা ফিজিকেল এজুকেশনগা মরী লৈনবা এক্তিভিতীশিং কমপলসরূী ওইহন্নবা ৱারেপ লৌখ্রে। মসিগী ৱারেপ অসি কোবিদ-১৯গী মতুংদা স্কুল অমুক হাংদোরক্লবা মতুংদা চৎনহল্লগনি।
• অরুনাচল প্রদেশ: অরুনাচল প্রদেশতা, কোবিদ-১৯গী অনৌবা পোজিতব কেস ২১০ থেংনখি। মসিগী মনুংদা হৌখিবা পুং ২৪গী মনুংদা ইতানাগর কেপিতল রিজনদা পোজিতিব কেস ১০১ থেংনখি।
• অসাম: হৌখিবা পুং ২৪দা অসামদা, কোবিদ-১৯গী পেসেন্ত ১৭৯৫ ফরবা মতুংদা দিসচার্জ তৌখ্রে। রাজ্য অসিদা কোবিদ-১৯ কেসশিংগী অপুনবা মশিং অদু ১৫৯৩২০ য়ৌখ্রে। মসিগী মনুংদা ১২৯১৩০দি দিসচার্জ তৌখ্রে অমসুং ২৯৬০৯না এক্তিব কেসশিংনি।
• মনিপুর: মনিপুরদা অনৌবা কোবিদ-১৯ পোজিতিব কেস ১১৬ থেংনখিবগা লোইননা রাজ্য অসিদা অপুনবা মশিং ৯০১০ য়ৌখ্রে। ফগৎলকপগী চাং চাদা ৭৬ ওইবগা লোইননা এক্তিব কেস ২১১৩ লৈরি। কোবিদ-১৯না মরম ওইরগা পেসেন্ত অনি লৈখিদ্রে, মসিনা মনিপুর শিবগী মশিং অসি ৫৯ শুখ্রে।
• মঘালয়া। মঘালয়াদা কোবিদ-১৯ কেসশিংগী অপুনবা মশিং অসি ২১৬৯ য়ৌখ্রে। মসিগী মনুংদা ৩৫৫দি বি.এস.এফ. অমসুং আর্মদ ফোর্সশিংদগীনি। রাজ্য অসিদা ফখিবশিংগী অপুনবা মশিং অদু ২৫২৭ শুখ্রে।
• মিজোরাম: মিজোরামদা ঙরাং কোবিদ-১৯গী অনৌবা কেস ১০৭ থেংনখি। অপুনবা কেসশিংগী মশিং অদু ১৬৯২নি, মসিগী মনুংদা ৬৮০দি এক্তিব কেসনি।
• নাগালেন্দ: নাগালেন্দদা অপুনবা কোবিদ-১৯ পোজিতিব কেসশিং মনুংদা ২৬১৪দি আর্মদ ফোর্স অমসুং পুলিসতগীনি, ১৪৪৮না হল্লকখিবশিংনি, ১১৫৪না ত্রেস তৌরবা কন্তেক্তশিংনি অমসুং ৩২৬না ফ্রন্তলাইন ৱার্করশিংনি। অনৌবা কোবিদ কেস থেংনরকখিবা অসি য়েংলগা, কোহিমা দিস্ত্রিক্ত এদমিনিস্ত্রেশন্না হাই স্কুল এরিয়া, লেরী কোলোনী, লোৱর এ.জি. অমসুং ত. খেলদা লৈবা য়ুম কয়া অমা সীল তৌখ্রে।
• কেরলা: খ্বাইদগী নৌবা পাউগী মতুং ইন্না কেরলাগী তেস্ত পোজিতিব ওইবগী চাং অসি নেস্নেল এভরেজ ৮.৭% অসি হেন্দুনা ৯.১% য়ৌখ্রে। স্তেত সোসিয়েল সেক্যুরিতী মিশন দাইরেক্তর, দা. মুহাম্মদ অশীলনা ওক্তোবর-নোভেম্বর লোইশিল্লকপদা তি.পি.আর. বাম্না ৱাংলগনি হায়না হায়খি। মহাক্না রাজ্য অসিদা মিলিয়ন অমদা শিবগী মশিং অসি হৌজিক ফাওবা মেম্লি হায়না খঙহল্লখি। রাজ্য অসিদা ঙসি কোচিদগী কোবিদনা মরম ওইরগা অমা শিখিবগী পাউ লৈখি, মসিনা শিবগী মশিং অদু ৫৫৪ য়ৌহনখ্রে। কেরলাদা ঙরাং কোবিদ-১৯গী অনৌবা কেস ২,৯১০ কনফর্ম তৌখি। হৌজিক পেসেন্ত ৩৯,২৮৫ লাইয়েংদুনা লৈরি অমসুং পুন্না মীওই ২,১৮,৯০৭ রাজ্য শিনবা থুংনা ওবজা্রভেশন তৌদুনা লৈরি।
• তামিল নাদু: রাজ্যগী ইকোনোমী থা আনিদা কোবিদ-১৯ মমাংদা লৈরম্বা ফিভমদা লৈহল্লগনি হায়না পেনেল অসিবু লুচিংলিবা হান্নগী আর.বি.আই. গোবর্নর, সি. রাঙ্গরাজন্না হায়খি, মখোয়না নিংথৌকাবা নুমিত্তা তি.এন.গী মুখ্য মন্ত্রী, কে. পলানিস্বামিদা চেনা ২৫০গী রিপোর্ত অমা পীশিনখি। হৌখিবা চয়োল অনিদা কোবিদ-১৯গী নোর্মশিং খোঙ্গাওনখিবা ৫০,২১২ থেংনখি।; রাজ্য পুম্বদা লুপা করোর ১.০৬কী ফাইন থিহনখ্রে হায়না হেল্থ সেক্রেতরীনা হায়খি। রাজ্য অসিদা ঙরাং কোবিদ-১৯গী কেস ৫,৩৪৪ থেংনখি, ৬০ শিখিবগী পাউ লৈখি; নিংথৌকাবা নুমিত্তা থেংনখিবা কেসশিংগী চাদা ৩১দি কোইমবাতোর য়াওনা রাজ্যগী নোংচুপ জিলাশিংদগীনি।
• কর্নাতকা: কোবিদ ৱার রুম দেতাগী মতুং ইন্না, কর্নাতকাগী ফগৎলকপগী চাং অসি নিথৌকাবা ফাওবদা চাদা ৮০.৩৫ ওইখি – মসি হৌজিক ফাওবদা খ্বাইদগী ৱাংবা ওইরি। ওল ইন্দিয়া য়ুনিআতেদ ত্রেদ য়ুনিয়ন সেন্তরদা এফিলিয়েত তৌবা রাজ্য সময়ুক্তা আশা কার্যাকর্থারা সংঘাগী মখদা লৈবা আশা ৱার্করশিংনা বেঙগলুরুগী ফ্রীদম পার্ক্তা সেপ্তেম্বরগী ২৩দা রাজভগী থাক্তা প্রোতেস্ত অমা চত্থরগনি। কোবিদ-১৯ লাইচৎকী মনুংদা আশা ৱার্করশিং অসি ফ্রন্তলাইন ৱারিয়রস ওইখি আদুবু থা অমদা য়াম্না পিকপা লুপা ৪,০০০গী শেনফম খক্তমক পীখি, অদুগা মখোয়না দিমান্দ তৌরিবনা লুপা ১১২,০০০নি।
• অন্ধ্র প্রদেশ: হৌখিবা নুমিৎ ৫০নিদা অহানবা ওইনা, ৱশাখাপতনম জিলাদা মিংথৌকাবানুমিত্তা অনৌবা কেস ২০০গী মখাদা থেংনখি (মমাংদা থেংনখিবা নোংমদা ৩৪২গা ছাংদম্নবদা), হীজিক ফাওবদা থেংনখিবা ইনফেক্সনশিংগী অপুনববা মসিং অদু ৪৭,৫১৬ য়ৌহনখি। নিংথৌকাবা ফাওবদা গুন্তুর জিলাদা থেংনখিবা কোরোনা ভাইরস ইনফেক্সন ৪৯,৯৭৮গী মনুংদা, হোসপিতালশিংদগী পেসেন্ত ৪৩,০৬২ দিসচার্জ তৌখ্রবা মতুংদা ৬,৪১৮ খক্তমক এক্তিব ওইখি।
• তেলঙ্গানা: হৌখিবা পুং ২৪দা অনৌবা কেস ২১৬৬ থেংনখি, ২১৪৩ ফখি অমসুং ১০ শিখিবগী পাউ লৈখি; কেস ২১৬৬কী মনুংদা জি.ঐচ.এম.সি.দগী কেস ৩০৯ থেংনখি। অপুনবা কেসশিং: ১,৭৪,৭৭৪; এক্তিব কেসশিং: ২৯,৬৪৯; শিখিবশিং: ১০৫২; দিসচার্জ তৌখিবশিং: ১,৪৪,০৭৩। তেলঙ্গানাদা লৈরিবা স্কুলশিং, কোলেজশিং অনৌবা নোর্মলগী মতুং ইন্না অমুক হাংলগনি; এজুকেশন দিপার্তমেন্তনা তীচিং অমসুং নন-তীচিং স্তাফকী ক্বাইদগী য়ামলববদা চাদা ৫০ ওনলাইন তীচিং/তেলি-কাউন্সেলিং অমসুং মরী লৈনবা থবক্কীদমক্তা স্কুলশিং/কোলেজশিংদা কৌনবগী অয়াবা পীখ্রে।
• মহরাস্ত্র: মহারাস্ত্রদা নিংথৌকাবা নুমিত্তা কোবিদ-১৯ ইনফেক্সনগী য়াম্লবা মশিং ৩২,০০৭ ফগৎখিবগা লোইননা, রাজ্য অসিদা ফখিবশিংগী অপুনবা মশিং অদু ৯,১৬,৩৪৮ য়ৌখ্রে। ফগৎলকপগী চাং আসি চাদা ৭৪.৮৪দা লৈ আদুগা শিবগী চাংনা চাদা ২.৭ নি। রাজ্য অইদা হোঝিক এক্তিব কেস ২,৭৪,৬২৩ লৈরি।
• গুজরাত। নুমিৎ মরি লেপ্তনা গুজরাত্তা নিংথৌকাবা নুমিত্তা কোবিদ-১৯গীদমক্তা মী্ই ১,৪৩০ পোজিতিব ওইখিবগা লোইননা পুং ২৪দা কেস ১,৪০০গী মথক্তা থেংনখি। মসিনা. রাজ্য অসিগী অপুনবা মশিং অদু হৌজিক ফাওবদা ১,২৪,৭৬৭ য়ৌহনখ্রে। ইনফেক্সন্না মরমম ওইরগা পুন্না পেসেন্ত ১৭ অমুক লৈখিদ্রে, মসিনা শিবগী মশিং অদু ৩,৩৩৯ শুহনখ্রে। সুরত্তা কেস ২৯০ থেংনখি, মসি চয়োল অনিগী মনুংদা খ্বাইদগী ৱাংবা ওইখি। ঐ্মদাবাদতা কেস ১৭৭ লৈখি, রাজকোত্তা ১৪৩, ৱাদোদরা ১৩৭ অমসুং জাম্নাগর ১২৩।
• রাজস্থান: রাজস্থান সরকারনা রাজ্য অসিদা কোবিদ-১৯ পেসেন্তশিং ফেসিলিতেত তৌনবা হেলপলাইন নম্বর ১৮১ হৌখ্রে। হেলপলাইন অমসুং কন্ত্রোল রুম্না ত্রীতমেন্ত অমসুং হোসপিতাল বেদশিং লৈবগী মতাংদা পেসেন্তশিংবু গাইদ তৌগনি। হেল্থ দিপার্তমেন্তকী মতুং ইন্না রাজস্থান্দা কোরোনানা ইনফেক্ত তৌরবা পেসেন্তশিংগি ফগৎলকপগী চাং অসি ৮৩% হেনখ্রে অদুগা শিবগী চাংনা ১.৬%নি।
• ছত্তিসগর: হৌখিবা চয়োল অহুমদা য়াম্লবা কোবিদ-১৯গী কেস ৫৬,৬৭৮ থেংনরবদা, রায়পুর য়াওনা ছত্তিসগরদা খ্বাইদগী হেন্না শোকহল্লবা জিলা চাউরাক্না তরানিথোইমুক্না চয়োল অমদগীনা নুমিৎ তরাগী মতমগীদমক্তা নৌনা লোকদাউনা চত্থনবা ৱারেপ লৌখ্রে। রাজ্য আসিনা মসিগী মতম অসিদা ৪১৩ শিখিবা থেংনখি। মীশিং করো ৩.২২ লৈরিবা রাজ্য অসিদা লেরিবা কেসশিংগী অপুনবা মশিং অদু ৮৮,১৮১শুখ্রে অদুগা শিখিবশিংগী মশিং অদু ৬৯০ শুখ্রে। হৌখিবা চয়োল অহুমগী মনুংদা রাজ্য অসিদা কেস খুদিংমকঈ চাদা ৬৪গী মথক্তা থেংনখি অমসুং হৌজিক ফাওবদা চাদা ৬০ ময়া নক্না শিখ্রে।
ফেক্ত চেক
*****
(Release ID: 1657927)
Visitor Counter : 217