প্রধানমন্ত্রীগী লোইশঙ

প্রধান মন্ত্রীনা হেন্না শোকহল্লবা রাজ্য/য়ু.তি. ৭তা কোবিদকী লৌখৎলিবা খোঙথাং অমদি মেনেজমেন্তগী ফীভম অমসুং শেম শারিবা অসি হয়েং য়েংশিনগনি

Posted On: 22 SEP 2020 11:54AM by PIB Imphal

প্রধান মন্ত্রীনা চ্যের লৌদুনা কোবিদনা হেন্না শোকহল্লবা রাজ্য/য়ু.তি. তরেৎকী মুখ্য মন্ত্রীশিং অমসুং হকশেলগী মন্ত্রীশিংগা লোয়ননা কোবিদকী লৌখৎলিবা খোঙথাং অমদি মেনেজমেন্তগী ফীভম অমসুং শেম-শারিবা অসি য়েংশিন্নবা হয়েং সেপ্তেম্বর ২৩, ২০২০দা অৱাংবা থাক্কী ভর্চ্যুএল মীফম অমা পাঙথোক্কনি।

রাজ্যশিং/য়ু.তি.শিং অদুদি মহারাস্ত্র, অন্ধ্র প্রদেশ, কর্নাতকা, উত্তর প্রদেশ, তামিল নাদু, দিল্লী অমসুং পঞ্জাবনি।

লৈবাক অসিগী এক্তিব কেসশিংগী ৬৩% হেনবদি রাজ্য/য়ু.তি. তরেৎ অসিদগী ওইরি। অপুনবা কনফর্ম কেসশিংগী ৬৫.৫% অমসুং অপুনবা লৈখিদবগী ৭৭% মখোয়দগী ওইখি। অতোপ্পা রাজ্য মঙাগা লোয়ননা পঞ্জাব অমসুং দিল্লীদা হন্দক্তা কেসশিংগী মশিং হেনগৎলকপগী রিপোর্ত তৌরকখি। মহারাস্ত্র, পঞ্জাব অমসুং দিল্লীনা কেস ফেতেলিতী রেৎ (সি.এফ.আর.) ২.০% হেনবগা লোয়ননা শীবগী মশিং য়াম্না রিপোর্ত তৌরক্লি। পঞ্জাব অমসুং উত্তর প্রদেশ য়াওদনা অতৈগী পোজিতিবিতী রেৎ অসি লৈবাক্কী লৈরিবা ৮.৫২% অসিগী মথক্তা লৈরি।

কেন্দ্রনা লৈবাক অসিদা কোবিদকী মায়োক্তা লান্থেংনবা অসিদা রাজ্য/য়ু.তি. সরকারশিংগা লোয়ননা মপুং ফানা চুংশিন্নদুনা অমদি পুন্না থবক লৌখৎমিন্নরি। কেন্দ্র সরকারনা মখোয়দা মতেং পাংদুনা হেল্থক্যের অমসুং মেদিকেল ইনফ্রাস্ত্রকচর ফগৎহল্লি। এম্স, নই দিল্লীগা লোয়ননা হকশেল অমসুং য়াইফ য়ুম্বাল মন্ত্রালয়গা পুন্না চুংশিন্নমিন্নদুনা লৌখৎপা ই-আই.সি.য়ু. তেলি-কন্সল্তেসনগী থৌরাংগী খুত্থাংদা আই.সি.য়ু.শিংদা মথৌ তৌরিবা দোক্তরশিংগী ক্লিনিকেল মেনেজমেন্ত কেপাসিতীশিং অসিদা চাউনা অপগ্রেৎ তৌখ্রে। রাজ্যশিং/য়ু.তি.শিংগা লোয়ননা অৱাংবা থাক্তা য়েংশিনবা অসিনা হোস্পিতালশিং অমসুং কোবিদ হেল্থক্যের ফেসিলিতীশিংদা মেদিকেল ওক্সিজেন মরাং কায়না ফংহনখ্রে। মখোয়না লায়না অসি লাকশিন্নবা, সর্ভিলেন্স তৌনবা, পোজিতিব কেসশিংগী তেস্ত অমদি ক্লিনিকেল মেনেজমেন্ত মপুং ফানা তৌবদা মতেং পাংনবা অমসুং লমজিং-লমতাক্নবা কেন্দ্রনসু চাং নাইনা রাজ্যশিং/য়ু.তি.শিংদা মল্তি-দিসসিপ্লিনরী তিমশিং থারি। কেন্দ্রগী তিমশিংনা মতম চানা দাইগনোসিস তৌনবা অমদি মথৌ তাবা ফোলো অপকা মরী লৈনবা খুদোংচাদবশোং মপুং ফানা য়েংশিন্নবা লোকেল ওথোরোরিতীশিংবু লমজিংলি।

*****



(Release ID: 1657689) Visitor Counter : 219