প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা বিহারদা লুপা করোর ১৪০০০রোমগী নেস্নেল হাইৱেজ প্রোজেক্ত মাপলগী উরেপ উয়ুং তমখ্রে অমদি রাজ্য অসিদা ওপ্তিকেল ফাইবরগী খুত্থাংদা ইন্তর্নেৎ সর্ভিশিং ফংহন্নবা প্রোজেক্ত হৌদোকখ্রে।

থৌরম অসিদা ৱা ঙাংলদুনা প্রধান মন্ত্রীনা হায়খি হাইৱেজ প্রোজেক্তশিং অসিনা বিহারগী লম্বী থোং ফগৎহল্লগনি। হাইৱেজ প্রোজেক্তশিং অসি অচৌবা থোং ৩ শাবা, হাইৱেজ লেন ৪ অমদি লেন ৬তা ওন্থোকপা য়াওরি। মহাক্না হায়খি বিহারগী তুরেল পুম্নমক্তা ২১শুবা চহিচাগা চান্নবা থোংশিং শাগনি অমসুং মরু ওইবা এন.ঐচ.শিং অসি পাকথোক চাউথোক্কনি।

প্রধান মন্ত্রীনা নুমিৎ অসি বিহারগী খক্তগী নত্তনা লৈবাক পুম্বগী ওইনা নীংশিংন্দুনা লৈহৌরগনি মরমদি সরকার অসিনা খুঙ্গংশিংদা আত্মনির্ভরভারত ওইবা ঙম্নবা অচৌবা খোঙথাংশিং লৌখৎলি অমসুং মসি ঙসি বিহারদগী হৌরি। মহাক্না হায়খি প্রোজেক্ত অসিগী মখাদা নুমিৎ ১০০০গী মনুংদা ওপ্তিকেল ফাইবরগী খুত্থাংদা খুঙ্গং লাখ ৬দা ইন্তর্নেৎ সর্ভিসশিং ফংহল্লগনি। মসিদা বিহারগী খুঙ্গং ৪৫,৯৪৫ য়াওরি। মহাক্না হায় চহি খরগী মমাংদা অর্বানগী মফমশিংদগী হেন্না খুঙ্গংগী মফমশিংদা ইন্তর্নেৎ য়ুজরশিংগী মশিং য়াম্মি হায়বা থাজখিদে।

প্রধান মন্ত্রীনা হায়খি দিজিতেল ত্রাঞ্জেক্সনদা মাংজিল থারিবা মালেমগী লৈবাকশিংগী মরক্তা ভারতসু অমা ওইরি। ওগস্ত ২০২০ খক্তদা য়ু.পি.আই.গী খুত্থাংদা লুপা করোর লাখ ৩রোমগী ত্রাঞ্জেক্সনশিং তৌখি। ইন্তর্নেৎ শীজিন্নবা হেনগৎলকপগা লোয়ননা, হৌজিক্তি লৈবাক অসিগী খুঙ্গংশিংদা অফবা ক্বালিতী, স্পীদ য়াংবা ইন্তর্নেৎ ফংহনবা মথৌ তারে।

মহাক্না হায়খি সরকারনা হোৎনবা অসিনা মরম ওইরগা ওপ্তিকেল ফাইবরনা খুঙ্গংগী পঞ্চায়ত লাখ ১.৫ অমসুং কম্মন সর্ভিস সেন্তর লাখ ৫ হেনবদা য়ৌবা ঙমখ্রে।

কন্নেক্তিবিতীগী স্পীদ থুবদগী ফংবা কান্নবশিংগী মতাংদা ফোঙদোক্লদুনা প্রধান মন্ত্রীনা হায়খি মসিনা মহৈরোয়শিংদা খ্বাইদগী ফবা মহৈ মশিংগী ওইবা মচাক-মথুমশিং ফংহল্লগনি লোয়ননা তেলি-মেদিসিন অমসুং মরু মরাংগী ই-পাউ, নোংজু-নুংশাগী ফীভমশিংগী অচুম্বা দেতা ফংহনবগী মথক্তা লৌমীশিংদা লৈবাক শিনবা থুংনা লৈরিবা কৈথেলশিংদা ফংলিবা অনৌবা তেক্নিকশিংগী মতাংদা ই-পাউশিং ফংহল্লি। লৌমীশিংনা লৈবাক অমদি মালেম শিনবা থুংনা মখোয়গী পোত্থোকশিং লাইনা পুথোক পুশিন তৌবা য়ারগনি, হায়না মহাক্না ফোঙদোকখি।

প্রধান মন্ত্রীনা হায়খি সরকার অসিগী পান্দমদি লৈবাক অসিগী খুঙ্গংগী মফমশিংদা সহরগী খুদোংচাবশিং অদু ফংহনবনি।

শ্রী মোদীনা হায়খি, মমাংদা ইনফ্রাস্ত্রকচরগী থৌরাংশিং অসি অহোবা লৈমরমখি অমসুং মসিগী চাউখৎ থৌরাং অসি শ্রী অতল বিহারি বাজপায়ীনা প্রধান মন্ত্রী ওইরবা মতমদা খক্তা মাই পাক্না হোৎনবা ঙমখিবা, মহাক্না রাজনিতীদগী ইনফ্রাস্ত্রকচরবুনা হেন্না লুনা লৌখি।

প্রধান মন্ত্রীনা হায়খি হৌজিক্কী ওইবা এপ্রোচ অসি ত্রান্সপোর্ত মোদতা অমগা অমগী মরক্তা মরী লৈনবা মল্তি-মোদেল ত্রান্সপোর্ত নেৎৱার্ক অমা শেমগৎপনি। হৌজিক ইনফ্রাস্ত্রকচরগা মরী লৈনবা প্রোজেক্তশিংগী লৌখৎলিবা থবক্কী খোঙজেল, থবকশিং খুমাং চাউশিনবগী খোঙজেল অসি অমুক্তা থোকখিদ্রি। ঙসি হাইৱেজশিং অসি ২০১৪গী মমাংদা ওইরম্বা থবক শুবগী খোঙজেল অসিদগী শরুক অনি হেনগৎখ্রে। ২০১৪গী মমাংদা ওইরম্বা অদুগা চাংদম্নবদা হাইৱেজ শাবগী চাদিং অসি শরুক ৫ হেনগৎখ্রে।

মহাক্না হায়খি লাক্কদৌরিবা চহি ৪-৫ অসিদা ইনফ্রাস্ত্রকচরদা লুপা করোর লাখ ১১০ চাদিং তৌগনি হায়না সরকারনা লাউথোকখি। মসিগী মনুংদা প্রোজেক্ত অসিগী লুপা করোর লাখ ১৯দি হাইৱেজ শেমগৎনবা খক্তগী ওইনা এলোকেৎ তৌখি।

প্রধান মন্ত্রীনা হায়খি লম্বী থোংগা মরী লৈনবা ইনফ্রাস্ত্রকচর ফগৎহন্নবা হোৎনরিবশিং অসিনা বিহারদসু কান্নবা ফংহল্লগনি। ২০১৫দা লাউথোকখিবা প্রধান মন্ত্রীগী পেকেজ অসিগী মখাদা, কি.মি. ৩০০০গী নেস্নেল হাইৱেজ প্রপোজ তৌখি। মসিগী মথক্তা, ভারতমলা প্রোজেক্তকী মখাদা কিলোমিতর তরুক মখাই শাংবা নেস্নেল হাইৱেজ অমা শাখি। ঙসি বিহারদা নেস্নেল হাইৱেজ গ্রিদকী থবক থৌরম অসি খোঙজেল য়াংনা চত্থরি। নোংপোক থংবা অমসুং নোংচুপ থংবা বিহারগী লম্বী  লেন মরি ওন্থোক্নবা প্রোজেক্ত ৫গী থবক চত্থরি অমসুং অৱাং থংবা ভারতকা খা থংবা ভারতকা লোয়ননা লম্বী ফগৎহন্নবা প্রোজেক্ত ৬কী থবক চত্থতি।

মহাক্না হায়খি বিহারগী লম্বী থোং শেমগৎপদা চাউনা অপনবা থোকহল্লিবা অসি অচৌবা তুরেলশিং অসিনা ওইখি। মসিনা মরম ওইদুনা পি.এম.না পেকেজ লাউথোকপা মতমদা থোংশিং শাবদা অখন্নবা মীৎয়েং চংখি। পি.এম.গী পেকেজকী মখাদা গঙ্গা তুরেলগী মথাক্তা থোং ১৭ শাখি অমদি অয়াম্বা লোয়শিনখ্রে। মসিগা মান্ননা গন্দক অমসুং কোসি তুরেলশিংদসু থোংশিং শারি।

প্রধান মন্ত্রীনা হায়খি পত্না রিং রোদ অমসুং পত্না অমসুং ভাগলপুরগী মহাত্মা গান্ধী সেতু অমদি বিক্রামশিলা সেতুগী মরক্তা শারিবা থোং অসিনা চত্থোক-চৎশিন তৌবদা খুদোংচাহল্লগনি।

ঙরাং পার্লিয়ামেন্তদা পাস তৌখিবা লৌউ-শিংউগী ওইবা বিল অসিগী মতাংদা পল্লদুনা প্রধান মন্ত্রীনা হায়খি লৌমীশিংবু মখল কয়াগী অৱাবশিংদগী নিংখা তম্বা ফংহনবদা অওনবশিং অসি তঙাই ফদে। মহাক্না হায়খি ইতিহাসিক ওইরবা লো অসিনা লৌমীশিংদা অনৌবা হকশিং ফংহল্লি অমসুং মখোয়গী পোত্থোকশিং কনাগুম্বদা, মফম অমা হেক্তদা অমসুং লৌমী মশানা লেপচবনা মমলশিংদা অথিংবা অমত্তা লৈতনা য়োঞ্জবা য়াহল্লগনি।

প্রধান মন্ত্রীনা হায়খি হান্না লৈরম্বা সিস্তেমনা মখোয়গী লনাইগী কান্নবশিংনা অশোনবা লৌমীশিংগী খুদোংচাবা লৌবীরি।

শ্রী মোদীনা হায়খি অনৌবা অওনবশিং অসিগী মখাদা, লৌউ-শিংউগী কৈথেলশিং (ক্রিশি মন্দিশিং) নত্তনা তোঙান তোঙানবা পাম্বৈশিং লৌমীশিংদা ফংহল্লগনি। হৌজিক্তি লৌমীশিংনা শেন্দোং হেন্না ফংবা মফমদা মআক্কী পোত্থোকশিং য়োনবা য়ারগনি।

রাজ্য অমদা অলু থারিবা লৌমীশিংগী অমসুং এম.পি. অমদি রাজস্থানদা থাও শুংনবা মরুশিং থারিবা লৌমীশিংগী খুদমশিং পীরদুনা প্রধান মন্ত্রীনা হায়খি, অওনবশিং অসিগী মকাদা লৌমীশিংনা চাদা ১৫দগী ৩০ হেন্না কান্নবা ফংখ্রে। মহাক্না হায়খি রাজ্যশিং অসিদা থাওগী মিলগী মপুংশিংনা লৌমীশিংদগী থাও শুংনবা মরুশিং অসি হকথেংননা লৈখি। মধ্য প্রদেশ, য়ু.পি., ছত্তিসগর অমসুং ৱেস্ত বেঙ্গলগুম্বা রাজ্যশিংদা মমাং চহিগা য়েংনবদা লৌমীশিংনা মমলশিং অসি হকথেংননা চাদা ১৫দগী ২৫ ফাওবা হেন্না ফংলি মরমদি হৱাই-চেংৱাইগী মিলশিংনসু লৌমীশিংদগী হকথেংননা লৈরি। অহেনবা হৱাই-চেংৱাই লৈবা মধ্য প্রদেশ, য়ু.পি., ছত্তিসগর অমসুং ৱেস্ত বেঙ্গলগুম্বা রাজ্যশিংদা মমাং চহিগা য়েংনবদা লৌমীশিংনা মমলশিং অসি হকথেংননা চাদা ১৫দগী ২৫ ফাওবা হেন্না ফংলি মরমদি হৱাই-চেংৱাইগী মিলশিংনসু লৌমীশিংদগী হকথেংননা লৈরি।

কৃশি মান্দিশিং অসি মুত্থৎলোই অমসুং মখোয় অসি হান্নগুম মথৌ তৌখিগনি হায়না প্রধান মন্ত্রীনা শেংদোকখি। হৌখিবা চহি ৬ অসিদা মান্দিশিংগী মোর্দরনাইজেসন অমসুং কম্প্যুতরাইজেসন তৌনবা হোৎনখিবা অদু এন.দি.এ. লৈঙাক্নি হায়না প্রধান মন্ত্রীনা ফোঙদোকখি।

শ্রী নরেন্দ্র সিংহ মোদীনা লৈবাক অসিদা লৈরিবা লৌমী খুদিংমক্না মমাংদা তৌবগুম এম.এস.পি.গী  সিস্তেম মখা চত্থখিগনি হায়বগী থাজবা পীখি। প্রধান মন্ত্রীনা হায় লৌমীশিংবু মাহল্লিবা চপ মান্নবা মশাগী কান্নবা থীবা কাংলুপ অসিনা স্বামীনাথন কম্মিতী রিকম্মেন্দেসন্স ওন এম.এস.পি. অসি চহি কয়া লোৎশিন্দুনা থমখি। মহাক্না হায় পন্থা খুদিংগী সরকারনা হান্নগুম এম.এস.পি. লাউথোক্কদবনি। 

লৌমীশিংগী ফীভমগী মতাংদা পল্লদুনা প্রধান মন্ত্রীনা হায় ঐখোয়গী চাদা ৮৫ হেনবনা অপিকপা নত্রগা য়াম্না পীকপা লৌমীশিংনি অমসুং মসিনা মরম ওইরগা মখোয়গী ইনপুৎকী মমল হেল্লি অমসুং পোত্থোক য়াম্না পুথোক্তবনা মরম ওইরগা শেন্দোংশিং ফংবা ঙমদে। প্রধান মন্ত্রীনা হায় করিগুম্বা লৌমীশিংনা য়ুনিয়ন অমা শেম্বা ঙম্লবদি মখোয়না ইনপুৎকী মমল তাহনবা ঙমগনি অমসুং শেন্দোং ফজনা ফংহনবা ঙমগনি। মখোয়না লৈগদবশিংগা অফবা মওংদা কন্ত্রেক্ত তৌবা ঙমগনি। মসিগী অওনবশিং অসিনা লৌউ শিংউদা ইনবেস্তমেন্ত হেনগৎহনগনি, লৌমীশিংদা অনৌবা তেক্নোলোজী ফংহনগনি, লৌমীশিংগী পোত্থোকশিং মালেমগী কৈথেলদা লায়না য়ৌহল্লগনি।

হন্দক বিহারদা লৈবা ফার্মর প্রোদ্যুসর ওর্গনাইজেসন মঙানা য়াম্না মমিং চৎপা চেং ললোনবা কম্পনী অমগা এগ্রীমেন্ত অমা তৌনখিবা অদু পনখি। এগ্রীমেন্ত অসিগী মনুংদা ফৌ তোন লিশিং ৪ এফ.পি.ও.শিংদগী লৈশিল্লগনি। মসিগা চপ মান্ননা শঙ্গোমগী পোত্থোক অমসুং শঙ্গোম পুথোক্লিবশিংনা অওনবশিং অসিদগী কান্নবা ফংবা য়াই হায়না মহাক্না ফোঙদোকখি।

প্রধান মন্ত্রীনা হায় ইসেন্সিএল কোমোদিতীজ এক্ততা অওনবশিং পুরকখ্রে। মহাক্না হায় এক্ত অসিগী প্রোবিজন খরনা লৌমীশিংগী মনিংতম্বা মৎলি। শ্রী মোদীনা হায় হৱাই চেৱাই, থাও শুংনবা মরুশিং, আলু, তিলহৌনচিংবা এক্ত অসিদগী অথিংবা কোমথোকখ্রে। হৌজিক্তি লৈবাক অসিগী লৌমীশিংনা য়াম্না লায়না মখোয়গী পোত্থোকশিং মশিং য়াম্না কোল্দ স্তোরেজদা থম্বা য়ারে। ঐখোয়গী লৈবাক অসিদা স্তোরেজগা মরী লৈনবা আইনগী সমস্যশিং লৌথোকপা মতমদা কোল্দ স্তোরেজগী নেতৱার্ক অসি মখা তানা চাউখৎলক্কনি অমসুং চাউথোরক্কনি।

প্রধান মন্ত্রীনা হায় লনাইগী কান্নবা থীবা খরনা লৌউশিংদা পুৱারী ওইরবা অওনবশিং পুরকপা অসিদা লৌমীশিংবু লান্না লমজিংনবা হোৎনরি। মহাক্না হায় হৌখিবা চহি ৫দা সরকারনা হৱাই চেংৱাই অমসুং থাও শুংনবা মরুশিং লৈশিনবা অসি ২০১৪গী মমাং চহি ৫দগী শরুক ২৪ হেনখ্রে। হন্দক চহিগী কোরোনাগী মতমদা লৌমীশিংদগী লৌরোক পন্থাদা গেহুশিং রেকোর্দ ওইনা লৈশিনখ্রে।

হন্দক্কী চহি অসিগী লৌরোক পন্থাদা গেহু, মহৈ মরোং, হৱাই চেংৱাই অমসুং থাও শুংনবা মরুশিং লৈশিনবগী এম.এস.পি.দা লৌমীশিংদা লুপা লাখ ১গা লিশিং ১৩ পীখি। মসিগী শেনফম অসি মমাং চহিদগী চাদা ৩০ হেনখ্রে।

মরম অদুনা কোরোনাগী মতমদা সরকারনা লৈশিনবগী রেকোর্দ থম্বা খক্তা নত্তনা লৌমীশিংদা পেমেন্ত তৌবগী রেকোর্দসু থমখ্রে। অনৌবা ৱাখল্লোনগা লোয়ননা লৌমীশিংগী অনৌবা সিস্তেমশিং শেম্বা হায়বসি ২১শুবা চহিচাগী ভারতকী থৌদাংনি।

*****