(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখবা পুং ২৪সিদা কোবিদনা নারম্বদগী ৮৭,৪৭২ নাবা ফখ্রে
• নাবা ফগৎলকপগী চাং মখা তানা চাদা ৭৮.৮৬তা হেনগৎলে
• খ্বাইদগী চাং ৱাংনা নাবা রাজ্য ৫ অসিগী চাং ৱাংনা ফগৎলকখিবগী রিপোর্তসু ফংলি
• কেস ফেতিলিতী রেৎ হৌজিক ১.৬২% লৈরে
• প্রধান মন্ত্রীনা রেলৱেবু কোবিদকী মতমদা চোকথবা নাইদনা থবক শুখিবগীদমক থাগৎখি
• ভারতনা পর মিলিয়ন পোপুলেসন্দা কেস মশিং খ্বাইদগী নেম্বা অমা ওইরি- মদুদি ৩৪৪৫
• কোবিদকী বেক্সিন কেন্দিদেৎ ৩০ ময়াদি ইন্দস্ত্রী অমসুং একাদেমিয়ানা পুথোকপগী তোঙান তোঙানবা তাঙ্ককশিংদা লৈরি

ভারতনা নোংমখক্তংদা খ্বাইদগী চাং ৱাংনা অনাবদগী ফগৎলকখিবগী রেজিস্তর তৌখ্রে, হৌখবা পুং ২৪সিদা কোবিদনা নারম্বদগী ৯৭,৪৭২ দিসচার্জ তৌখ্রে, খ্বাইদগী চাং ৱাংনা নাবা রাজ্য ৫ অসিগী চাং ৱাংনা ফগৎলকখিবগী রিপোর্তসু ফংলি

ভারত্তা হান্না অমুক্কা থোকখিদ্রিবা মওংদা খ্বাইদগী চাং ৱাংনা ফগৎলকখি হায়বা রেকোর্দ থমখ্রে। হৌখিবা পুং ২৪সিদা এক্তিব কেস ৯৭,৪৭২ অসি নারম্বদগী ফগৎলকখিদুনা য়ুমদা/ফেসিলিতীদা নিংথিনা য়েংশিনবদগী অমসুং হোসপিতালশিংদগী অমদি দিসচার্জ তৌখ্রে। হৌখিবা নুমিৎ ১১নিদগী ৭০,০০০দগী হেন্না নোংমদা ফগৎখিবগী চাং য়াম্না চাং ৱাংনবগী রিপোর্ত অসি অসি লেপ্তনা রিপোর্ত তৌরক্লি। ফগৎলকখিবগী চাং অসি মখা তানা কাখৎলক্তুনা ঙসি ৭৯.৯৬% ওইরে। অপুনবা ওইনা ফগৎলকখিবা কেসশিং অসি ৪১,১২,৫৫১ ওইরে। এক্তিব কেশিংদগী ফগৎলকখিবা অসি ৩০,৯৪,৭৯৭ ওইখিদুনা ফগৎলকখিবা অসি শরুক ৪.০৪ ওইখ্রে। খ্বাইদগী চাং ৱাংনা এক্তিব ওইবা রাজ্য ৫ অসিদসু চাং ৱাংনা ফগৎলকখিবগী রিপোর্ত ফংলি। মহারাস্ত্রা, অন্ধ্র প্রদেশ, তমিল নাদু, কর্নাতকা অমসুং উত্তর প্রদেশতগী ৫৯.৯% এক্তিব ওইবগী রিপোর্ত পীরকখি। রাজ্যশিং অসিদা অপুনবা ফগৎলকখিবগী চাং অসি ৫৯.৩%দা ওইরি। রাজ্য ১৬ অমসুং য়ুনিয়ন তেরিতোরীশিংদগী অনৌবা ফগৎখিবগী চাং ৯০%ওইবগী রিপোর্ত তৌরকখি। মহারাস্ত্র(১৯,৫২২)দা অনৌবা ফগৎলকখিবগী চাং অসি ২২.৩১% ওইখি অদুগা অন্ধ্র পর্দেশত(১২.২৪%), কর্নাতকা(৯.৩%), তমিল নাদু(৬.৩১%) অমসুং ছতিসগড়(৬.০%)না মতুংদা ইন্দুনা অনৌবা ফগৎলকখিবগী চাং অসি ৩২.৯% ওইখ্রে। হায়রিবা রাজ্যশিং অসিদা অনৌবা ফগৎলকখিবগী অপুনবা মশিং অসি ৫৫.১% ওইখ্রে। কেস ফেতিলিতী(কে.এফ.আর.)গী চাং অসি নেমথনা থমদুনা হৌজিক ১.৬২% লৈরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656047

হকশেল মন্ত্রালয়না ৱর্ল্দ পেসেন্ত সেফতী নুমিত্তা সেমিনার পাংথোকখ্রে

মালেমগী অনিশুবা ‘ৱর্ল্দ পেসেন্ত সেফতী নুমিৎ’কী থৌরমদা হকশেল অমদি য়াইফ-য়ুম্বাল মন্ত্রালয় অমদি নেস্নেল হেল্থ সিস্তেম রিসোর্স সেন্তরনা অনাবা মীওইশিং অমদি হকশেলগী থৌমী অনিমক অসি নকশিন্না মরি লৈনবনা মরম ওইদুনা অনিমক অসি শোইহন-ঙামহন্দবা পাংথোক্নবা থবকশিং অসি ফগৎহন্নবা ৱেবিনার অমা ঙরাংপাংথোকখ্রে। কোবিদ-১৯গী লায়চৎ অসিনা মমাং থানা মথৌ পাংথোক্লিবা থৌমীশিং অসিনা অনাবশিংবু য়েংশিনবা মতমদা মায়োক্নবা শিংনবা অমদি অরুবা কয়া পুথোহল্লক্লি। ‘হেল্থ ৱার্কর শোইহন-ঙামহন্দবাঃঅনাবশিং শোইহন-ঙামহন্দবগীদক্তা হান্না মরুওইবা অমা’ হায়বা অনাবশিং শোইহন-ঙামহন্দনবগী থীম ওইখিবা মতমদা খোল্লাও অসি “হকশেলগী থৌমীশিং কল্লু, অনাবশিং কল্লু” ওইখি। ৱেবিনার অসি হকশেল অমদি য়াইফ-য়ুম্বাল মন্ত্রালয়গী কেন্দ্রগী হকসেল সেক্রতরী এস.ঐচ. রাজেশ ভুশন্না হৌদোকখি। হকশেলগী সেক্রতরীনা মহাক্কী ৱারোল ফোংদোকখিবা মতমদা হোসপিতালগী থৌমীশিং ঙাক-শেন্নবগী ভারত সরকারনা পায়খৎখিবা তোঙান-তোঙানবা খোংথাংশিং অদুদা অকনবা মিৎয়েং থমখি। অসিগুম্বা খোংথাং খরগী মনুংদা খরদি পি.পি.ই. অমসুং মাস্কশিং শোইদনা ফংহনবা, লুপা লাক্ষ ৫০.০ ফাওবগী ইন্সুরেন্স য়াওহনবা, ফঙ্কস্নেল হেল্পলাইন, কেমোপ্রোফাইলেক্সিসকী মতাংদা পাউতাক পীবিনবনচিংবশিং অসিনি। হকশেলগী সেক্রতরীনা মফমশিংদা নুং-পান শেংনা উবা ঙম্বা “রিপোর্তিং অমসুং লর্নিং সিস্তেম” অমগী মরুওইবগী মতাংদা থোইদোক্না পল্লদুনা হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655808

দা. হর্শ বর্ধন্না অপুনবা জি.২০ ফাইনান্স অমসুং হকশেল মন্ত্রীশিংগী মীফমদা ৱা ঙাংখ্রে

হকশেল অমসুং য়াইফ য়ুম্বাল মন্ত্রী দা.হর্শ বর্ধননা ভিদিও কনফরেন্সিংগী খুৎথাংদা অপুনবা জি.২০ ফাইনান্স অমসুং হকশেল মন্ত্রীশিংগা ঙরাং উনখ্রে৷ প্রধান মন্ত্রী শ্রী নরেন্দ্র মোদিগী লুচিং মখাদা ভারততা প্রব্লিক হেল্থতা শেল থাদবগী কান্নবা অফবা থবকশিং অদু দা.হর্শ বর্ধননা পুথোকখি৷ মালেম শিনবা থুংনা কর্ব ফ্লেতনিং তৌনবা হোৎনবা মতমদা অরুবা কোবিদ-১৯গী কেসশিং অসি নিংথীজনা থম্ননবগীদমক অমসুং মালেম অসিগী হেন্না খুদোং থিনিংঙাই ওইরবা মীওইশিং অমসুং অহলশিং লাইনা-লাইচৎ অসিদগী ঙাকথোক্নবা মালেম শিনবা থুংনা লৈরিবা হেল্থ সিস্তেম অসি ইন্তরনেস্নেল, মল্তিসেক্তোরিয়েলশিংগা পুন্না হোৎনবা দরকার ওইরে৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655772

প্রধান মন্ত্রীনা পুৱারী ওইরবা কোসি রেল মহাসেতু লৈবাক মীয়ামদা কত্থোকখ্রে, বিহারদা অনৌবা রেল লাইন অমসুং ইলেক্ত্রিফিকেসন প্রোজেক্তশিং পেসেঞ্জরশিংদা নুংঙাইনবগীদমক শঙ্গাখ্রে, প্রধান মন্ত্রীনা রেলৱেবু কোবিদকী মতমদা চোকথবা নাইদনা থবক শুখিবগীদমক থাগৎখি

প্রধান মন্ত্রীনা পুৱারী ওইরবা কোসি রেল মহাসেতু লৈবাক মীয়ামদা কত্থোকখ্রে অমসুং বিহারদা অনৌবা রেল লাইন অমসুং ইলেক্ত্রিফিকেসন প্রোজেক্তশিং পেসেঞ্জরশিংদা নুংঙাইনবগীদমক ভিদিও কনফরেন্সকী থোংদা শঙ্গাখ্রে। থৌরম অদুদা ৱা ঙাংলদুনা প্রধান মন্ত্রীনা হায়খি মদুদি অনৌবা পুৱারী অমা বিহারগী রেলনা শম্নবগী লমদা শেমখ্রে। প্রধান মন্ত্রীনা হায়খি মদুদি হৌখিবা চহী ৬ লোমসিদা, ইন্দিয়ন রেলৱেবু অনৌবা ভারতকী মংলানগা চুন্ননা মওং মরিল তাহন্নবা অমসুং আত্মনির্ভর ভারতকী মংলান মংফাওননবা হোৎনরকখি। মহাক্না হায়খি মদুদি ঙসিদি, ইন্দিয়ন রেলৱে অসি হান্নদগী হেন্নে তরু তনাল্লে। মহাক্না হায়খি মদুদি, ইন্দিয়ন রেলৱে অসি মী লৈতবা রেল ক্রোসিং কয়া ব্রোদ গোজ রেল লাইন্দগী লৌথোক্তুনা হেন্না শাফরে। মহাক্না হায়খি মদুদি ইন্দিয়ন রেলৱেগী অয়াঙবসু হেনগৎলে। বন্দে ভারতকুম্বা মেদ ইন ইন্দিয়া ত্রেনশিংনা মরোমদোম লেপচবা অমসুং অনৌবা ভারতকী মগুন তাক্লি অমসুং মখোয়না রেল নেৎৱার্ক্কী শরুক অমা ওইরি। প্রধান মন্ত্রীনা রেলৱেবু কোবিদকী মতমদা চোকথবা নাইদনা থবক শুখিবগীদমক থাগৎখি। মহাক্না হায়খি, রেলৱেনা মাইগ্রেন্ত লেবরশিংবু থবক পীবদা অমসুং মখোয়বু শ্রামিক স্পিসিএল ত্রেন্দা ময়ুমদা পুবীরকপদা মতেং চাউনা পাংখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656179

কোবিদকী কেসশিং অমসুং সেরো সর্ভেগী ফীবম

ইন্দিয়ানা মীশিং মিলিয়নদা পাবদা কেস অসি খ্বায়দগী নেম্বা ওইরি। ইন্দিয়ানা ৩৪৪৫ ওইবদা য়ু.এস.এ.দা ১৯২৯৫, ব্রাজিলদা ২০১৪৬, রুসিয়া ফেদেরেসন্দা ৭২৮৩ অমসুং খা-আফ্রিকাদনা ১০৯২৯ ওইরি। অদুম ওইনমক খা-নোংপোক থংবা এসিয়াগী লৈবাকশিংগা য়েংলগদি ইন্দিয়ানা হেন্না লৈরি। ইন্দিয়াগী ওইনা শিবগী চাং নেম্লিবা অসি মীপুম খুদিংনা লৌখৎকদবা খোঙথাং কয়া লৌকৎপা, মফম মফমশিংদা কন্তেনমেন্তশিংদা অহকপা চেকশিনবা থম্বা, য়ুম য়ুমদা লৈবা কেস থিদোকপা, ওক্সিজেনগী ওইবা ফোলো-অপ চৎপা, কোভিদ লায়েংনবা থুনা খুদোংচাবা পীবা অমসুং মতিক চানা কেস অসি শিন-লাংবা তৌবা। হেলথ অমসুং ফেমিলি ৱেলফিয়র মিনিস্তর শ্রী আশ্বিনি কুমার চৌবেনা অইবা ওইনা ঙসি লোক সাভাদা পাউখুম পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656187

কোবিদ ঙাকথোক্নবগী থবক থৌরমশিং

ভারত লৈবাক্তা লৈরিবা লৈবাক অসিগী ৱল্দ হেল্থ ওর্গনাইজেসন ওফিসনা ২০২০গী জনুৱারীগী তাং ৬তা চাইনাগী ৱুহান শহরদগী মফম মরাং খংদনা হৌরক্লিবা ন্যুমোনিয়া অসি শন্দোরকপগী মতাংদা ভারতপু চেকশিন্না লৈনবা খঙহনখ্রে৷  ৱল্দ হেল্থ ওর্গনাইজেসননা ২০২০গী জনুৱারীগী তাং ৯দা নোভেল কোরোনা ভাইরসকী মতাংদা ৱারোল পীখ্রে অমসুং মতুং তারকপদা ভাইরস অসিবু সার্স কোব-২ ভাইরস হায়না মমিং থোনখি অমসুং লাইনা অসিবুনা ২০২০গী ফেব্রুৱারীগী তাং ১১দা ৱল্দ হেল্থ ওর্গনাইজেসননা কোবিদ-১৯ হায়না মমিং থোনখি৷ ভারতকী ইহান হানবা কোবিদ-১৯গী কেস অসি ২০২০গী জনুৱারীগী তাং ৩০দা খঙবা ঙমখি৷ লৈবাক শিনবা থুংনা লোকদাউন চৎথদ্রিঙৈগী মমাংদা থোক্লক্লিবা ফিভম অসিগী মতুং ইন্না প্রো-এক্তিব, গ্রেদেদ অমসুং প্রি-ইম্তিদ ওইবা মওং অমদা মখল মখা কয়াগী এক্সন কয়ামরোম লৌখৎখ্রে৷ লাইনা অসি চংলকপা থিংন্নবগীদমক লাইনা অসিনা শোকহল্লবা অতোপ্পা লৈবাকশিংদগী চংলক্লিবা সিম্পতম উৎতবা পেসেঞ্জরশিবু ভারতনা হিথাংফম, ইয়রপোর্ত অমসুং ঙমখৈ কয়ামরোমদা ২০২০গী জনুৱারীগী তাং ১৮দগী স্ক্রিনিং তৌবা হৌখি৷ মদুগী মতুং তারকপদা পেসেঞ্জর খুদিংমক্কী য়ুনিভরশেল স্ক্রিনিং তৌবা হৌখি৷ হায়রিবা ইন্তরনেস্নেল ত্রাভেল্লরশিং অসি কম্ম্যুনিতী অদুদা মশক খঙদোকপা, চিংনবা মওংদা শোক্না শম্নরুবশিং অমসুং নারে খঙলবা মীওইশিং খঙদোকপদা ইন্তিগ্রেতেদ দিজিস সর্বিলেন্স প্রেগ্রাম্না লেপ্পা লৈতনা থিজিল্লি৷ হায়রিবা ৱারোল অসি রাজ্যগী(হকশেল অমসুং য়াইফ য়ুম্বাল)গী মন্ত্রী শ্রী অশৱিনি চৌবেহনা ঙসি লোক সভাদা অইবা চেরোল অমা ইদুনা পীশিনখি৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656184

কেন্দ্র সরকারগী অৱাংবা থাক্কী কাংবু অমা জম্মুদা চঙশিনখ্রে

হকশেল অমসুং য়াইফ-য়ুম্বাল মন্ত্রালয়না জম্মুদা অৱাংবা থাক্কী কেন্দ্রগী কাংবু অমা থাজিন্নবা লেপখ্রে। জিল্লা অসিদা হৌখিবা নুমিৎ খরনিসিদা কোবিদ কেস মশীং য়ামখৎলকখিবনি। কাংবু অসিনা রাজ্য অসিনা পোজিতিব কেসশিং লাকশিন্নবা, সর্বিলিএন্স, তেস্ত, অমসুং মতীক চানা ক্লিনিকেল মেনেজমেন্তকী থবক লৌখৎলিবশিং অসিদা মতেং পাংগনি। কেন্দ্রগী কাংবু অসিনা মতম চানা লাইওং খঙদোকপা অমসুং মখা তাবা লৌখৎকদবা থবকশিংদা লৈবা খুদোংচাদবশিংদা লমজিংগনি। কোবিদ লাকশিন্নবগীদমক তোঙান-তোঙানবা রাজ্য/য়ু.তি. সরকারশিংনা পায়খৎলিবশিংদা মপাঙ্গল হেনগৎনবগীদমক কেন্দ্র সরকারনা কেন্দ্রগী কাংবু মতম মতমগী ওইনা রাজ্য অমসুং য়ু.তি.শিং অসিদা থারি। কাংবুশিং অসিনা রাজ্য.য়ু.তি.গী ওথোরিতীশিংগা ৱারী শানগনি অমসুং খুদোংচাদবশিং নৈনগনি অমসুং চয়েৎনবশিং কোকহন্নবা হোৎনগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656139

তিকা পুথোক্নবগী থৌওং

সেন্ত্রেল দ্রগ স্তেন্দার্দ কন্ত্রোল ওর্গনাইজেসন (সি.দি.এস.সি.ও.)না হায়খ্রে মদুদি তিকা য়াওনা অনৌবা হিদাকশিংগী ক্লিনিকেল ত্রাইএল তৌবা নত্ত্রগা য়োন্নবগী অয়াবা পীবগী তঙাইফদবশিং অমসুং চৎন-কাংলোনশিং অসি ন্যু দ্রগ এন্দ ক্লিনিকেল ত্রাইএল রুলস, ২০১৯দা পল্লি। সি.দি.এস.সি.ও.না হায়খ্রে মদুদি কোরোনা ভাইরসকী তিকা রিসর্চ অমসুং দিবেলপমেন্ততা স্তেন্দার্ত প্রোসিজ্যুরদগী থৈদোকপগী রিপোর্ত অমতা লাক্ত্রি। সেন্ত্রেল দ্রগ স্তেন্দার্দ ওর্গনাইজেসন (সি.দি.এস.সি.ও.)না হায়রি মদুদি মখাগী মেন্যুফেকচররশিং অসিদা কোবিদ-১৯ তিকাগী প্রিক্লিনিকেল তেস্ত, একজামিনেসন অমসুং ইনালাইসিস তৌনবগীদমক মেন্যুফেকচররগী লাইসেন্স পর্মিসন পীখ্রে। হেল্থ রিসর্চ বিভাগকী মখাদা লৈবা ওতোনোমস ওর্গনাইজেসন অমা ওইরিবা  ইন্দিয়ন কাউন্সিল ওব মেদিকেল রিসর্চ (আই.সি.এম.আর.আ)না হায়খ্রে মদুদি কোবিদ-১৯ তিকা অমা পুথোক্নবগী স্তদীশিং পায়খৎখ্রে। রাজ্যগী মন্ত্রী (হকশেল অমসুং য়াইফ য়ুম্বাল মন্ত্রালয়), শ্রী অস্বিনি কুমার চৌবেনা লোক সভাদা ঙসি অইবা পাউখুম ওইনা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656188

কোবিদকী বেক্সিন কেন্দিদেৎ ৩০ ময়াদি ইন্দস্ত্রী অমসুং একাদেমিয়ানা পুথোকপগী তোঙান তোঙানবা তাঙ্ককশিংদা লৈরি

বাইতেক্নোলোজী বিভাগনা (দি.বি.তি.) নেস্নেল কোবিদ-১৯ বাইও-রিপোজিতরী মঙা শেমখৎখ্রে।  মসি লৈবাক অসিদা বাইতেক্নোলোজী বিভাগ, ইন্দিয়ন কাউন্সিল ওফ মেদিকেল রিসর্চ অমসুং কাউন্সিল ওফ সাইন্তিফিক এন্দ ইন্দস্ত্রিএল রিসর্চনা শেমগৎখিবা কোবিদ-১৯ বাইও-রিপোজিরী ১৬কী নেৎৱার্ককী শরুক অমনি। লৈবাক অসিগী ওইনা কোবিদকী বেক্সিন কেন্দিদেৎ ৩০ ময়াদি ইন্দস্ত্রী অমসুং একাদেমিয়ানা পুথোকপগী তোঙান তোঙানবা তাঙ্ককশিংদা লৈরি। বেক্সিনশিং অসি প্রি-ক্লিনিকেল অমসুং ক্লিনিকেল দিবেলপমেন্তগী তোঙান তোঙানবা তাঙ্কক্তা লৈরি মসিগী মনুংদা কেন্দিদেৎ ৩দি ফেস I/II/III ত্রাইলশিংগী এদভান্স স্তেজতা লৈ অমসুং ৪না এদভান্স প্রি-ক্লিনিকেল দিবেলপমেন্ত স্তেজতা লৈরি। বেক্সিন পুথোকপগা মরী লৈনবা রিসর্চ রিসোর্সশিং, ক্লিনিকেল ত্রাইএলশিং তৌনবা মফমশিং শেমগৎপা আমসুং ঙাক্না চৎকদবা গাইদলাইনশিং খঙহন্নবা মতেংসু ফংহল্লি। মসিগী ই-পাউ অসি সাইন্স অমসুং তেক্নোলোজী, অর্থ সাইন্সেস অমসুং হকশেল অমসুং য়াইফ য়ুম্বালগী কেন্দ্রগী মন্ত্রী দা হর্শ বর্ধন্না লোক সভাদা ঙসি অইবা পাউখুম ওইনা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656226

কোবিদ-১৯গী মতুংদা স্কিল দিবেলপমেন্ত প্রোগ্রামশিং হোংলকপা

নেস্নেল স্কিল দিবেলপমেন্ত কোর্পোরেসন(এন.এস.দি.সি.)গা লোয়ননা স্কিল দিবেলপমেন্ত অমসুং ওন্তরপ্রিনরশিফকী মন্ত্রালয়না কোবিদ-১৯ লোকদাউন অসিগী মনুংদা ই-স্কিল ইন্দিয়াগী প্লেতফোম অসি শিজিন্নদুনা ওনলাইন্দা স্কিলশিং তম্নবা খঙহনখ্রে৷ মখাতনা ২০২০গী সেপ্তেম্বর তাং ২১দগী হৌদুনা ফিজিকেল ফোর্মদা স্কিল ত্রেনিং প্রোগ্রামশিং পাংথোকপা হৌনবা হোম এফিয়র্সকী মন্ত্রালয়না অয়াবা পীখ্রে৷ মসিগী মতুং ইন্না ত্রেনিং অসি হৌন্নবগীদমক হকশেল অমসুং য়াইফ য়ুম্বালগী মন্ত্রালয়না স্তেন্দর্দ ওপরেতিং প্রোসিদিয়োর্স(এস.ও.পি.শিং) ফোংখ্রে৷ পি.এম.কে.ভি.ৱাই.গী মখাদা ১৭.০৩.২০২০ ফাওবদা সোর্ত তর্ম ত্রেনিং (এস.তি.তি.)কোর্সশিংগী মখাদা মীহুৎ লাখ ৪২.০২ অমসুং লাথ ৩৩.৬৬ মথং মনাও নাইনা ত্রেন তৌখ্রে অমসুং সর্তিফিকেৎ পীথ্রে৷ হায়রিবা সর্তিফাইদ তৌখ্রবা মীহুৎশিং অসিগী মনুংদা মীহুৎ লাখ ১৭.৫৪দি চান্নবা থবক পীখ্রে৷ অসিদসু নত্তনা স্কিম অসিগী শরুক অমা ওইনা লৈরিবা রিকোগনিসন ওফ প্রাইয়র লর্নিং(আর.পি.এল.)গী মখাদা স্কিলদি হৈরবা অদুবু সর্তিফাইদতী তৌদ্রিবা মীহুৎ লাখ ৪৯.১২দি চান্না চান্নবা মফম পীখ্রে৷ হায়রিবা ই-পাউ অসি স্কিল দিবেলপমেন্ত অমসুং ওন্তরপ্রিনরশিফকী রাজ্যগী মন্ত্রী শ্রী আর.কে.সিংহনা ঙসি রাজ্য সভাদা অইবা ৱারোল অমা ওইনা পীশিনখি৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656067

লাইচৎকী মনুংদা মপাল লৈবাক্তা পোত্থোক থাদোকপা হেনগৎনবা লৌখৎপা খোংথাং

মার্চ ২০২০দগী হৌদুনা কোবিদ-১৯ লাইচৎ মনুংদা, এক্সপোর্ত প্রোমোসন কাউন্সিল (ই.পি.সি.), চেম্বর্স ওব কম্মর্স অমসুং ইন্দস্ত্রী, ইন্দস্ত্রী বোদী অমসুং এসোসিএসনশিংগা লোইননা এক্সপোর্তরশিংনা থেংনবা ইস্যু অমসুং খুদোংচাদবা কয়া লোইশিন্নবা অমসুং লাইচৎ মনুংদা মপাল লৈবাক্তা থাদোকপা হেনগৎনবা খোংথাংশিংগী মরমদা খন্নখি। মখোয়না থাংগৎলকখিবা ইস্যুশিং মরী লৈনবা মন্ত্রালয়/বিভাগশিংনা অঙনবদা লোইশিন্নবা খন্নখি। সরকার অসিনা মখাগী মরুওইবা খোংথাংশিং অসিবু এক্সপোর্ত হেনগৎনবগীদমক লৌখৎখিঃ ফোরেন ত্রেদ পোলিসী (২০১৫-২০)গী ভেলিদিতী চহী অমা শাংদোকখি হায়বদি ৩১-৩-২০২১ ফাওবা অমসুং কোমথোকখি অমসুং কোবিদ-১৯না মরম ওইদুনা তাইম্লাইন কয়াসু শাংদোকখি, এদভান্স ওথোরাইজেসন অমসুং এক্সপোর্ত প্রোমোসন কেপিতেল গুদস (ই.পি.সি.জি.) ওথোরাইজেসনগা মরী লৈননা এক্সপোর্ত ওব্লিগেসন পেরদসু ফোরেন ত্রেদ পোলিসী (এফ.তি.পি.)গী মখাদা শাংদোকখি, এক্সপোর্ত ওরিএন্তেদ, য়ুনিৎশিংগী লেত্তর ওব পর্মিসন (এল.ও.পি.)/লেত্তর ওব ইন্তেন্তস (এল.ও.আই.) শাংদোকখি, এস.ই.জেদ. য়ুনিৎশিংদা মখোয়বু মথৌ পাঙথোকপা য়ানবগীদমক অমসুং লাইথোক্নবা অমসুং ত্রেদ রেমিদিএল ইনভেস্তিগেসন্দা লিবরেলাইজ তৌনবগীদমক কোমথোকখি। শিপমেন্ত রুপী ক্রেদিৎকী মমাং অমসুং মতুংদা ইন্তরেস্ত ইক্বেলাইজেসন স্কিমসু চহী অমা শাংদোকখি হায়বদি ৩১-৩-২০২ ফাওবদা। লাইন মন্ত্রালয়শিংনা তোঙান-তোঙানবা সেক্তোরেলগী ওইবা শেন্থংগী পেকেজ কয়া, ইলেক্ত্রোনিক অমসুং ইনফোর্মেসন তেক্নোলোজী মন্ত্রালয় (মৈতী)না প্রদক্সনগা মরী লৈবা ইন্সেন্তিব স্কিম (পি.এল.আই.) অমসুং ফার্মা বিভাগনা কী স্তার্তিং মতিরিএল (কে.এস.এম.)/দ্রগ ইন্তর্মেদিএৎ অমসুং এক্তিব ফার্মাস্যুতিকেল ইনগ্রিদিএন্ত (এ.পি.আই.)শিংগীদমক পি.এল.আই. স্কিম হৌদোকখি। পাউদম অসি কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়ালনা রাজ্য সভাদা ঙসি অইবা পাউখুম ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656129

ই-কম্মর্সতা কোবিদ-১৯গী শাফু

মতম মতমগী মতুং ইন্না হোম পুবা মন্ত্রালয়গী গাইদলাইনশিংগী মখাদা লোকদাউন মনুংদা সোসিএল-দিস্তেন্সিং ঙাক‌না চৎনবা তোঙান তোঙানবা অথিংবশিং থমখি। মতম অসিগী মনুংদা ই-কম্মর্সকী খুত্থাংদা চান্নবা চীঞ্জাক, ফার্মাকোতিকেলশিং, মেদিকেল ইক্বিপমেন্ত য়াওনা তঙাই ফদবা পোৎলমশিং ফংহন্নবা হোৎনখি। লায়চৎ অসিনা অদুমক মখা চত্থরকপনা লায়চৎ অসিনা ই-কম্মর্সকী সেক্তরদা পীরিবা শাফু অসি খঙদোকপা হায়বা অসি ঙনমল্লি। ই-কম্মর্স ওপরেতরশিংনা মখোয়না সপ্লাই তৌরিবা ভেল্যু অদু য়েংদনা রেজিস্তর তৌবা য়াই। ললোন-ইতিক তৌবদা কোমথোকপগী কান্নবা অসি ই-কম্মর্স ওপরেতরশিংদা ফংহন্দে। মখোয়গী খুত্থাংদা করিগুম্বা অসিগুম্বা সর্ভিসেস অসি সপ্লাই তৌরবদি ইলেক্ত্রোনিক কম্মর্স ওপরেতরনা অখন্নবা কাংলুপকী সর্ভিসশিংদা জি.এস.তি. থিগনি। ই-কম্মর্স ওপরেতরশিংনা মখোয়গী খুত্থাংদা তেক্স থিগদবা সপ্লাইশিংগী নেৎ ভেল্যুগী চাদা অমগী চাংদা তেক্স কলেক্সন এৎ সোর্স (তি.সি.এস.) খোমগৎপসু মথৌ তাই, অসিগুম্বা সপ্লাইশিং অসিগী ওইনা ওপরেতরশিংনা খোমগৎকনি। জি.এস.তি. এক্তকী মখাদা রেজিস্তর তৌরবা মীওই খুদিংমক্না মশানা থিগদবা তেক্স অদু য়েংবা য়াগনি অমসুং পীরিবা তেক্স অদুগী মতম অমমমগী ওইনা রিতর্ন অমা তৌগদবনি। মরম অসিনা ই-কম্মর্স ওপরেতরশিংনা অতোপ্পা গুদশিং নত্রগা সর্ভিসশিংগী সপ্লাইয়রশিংগুম্না জি.এস.তি. থিগনি। মসিগী ই-পাউ অসি ঙসি রাজ্য সভাদা কম্মর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা অইবা পাউখুম ওইনা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656135

শ্রমিক ত্রেনশিং

পন্দুনা লৈরিবা মীওইশিং অথুবদা চত্থোক চৎশিন তৌহনবা মথৌ তারিবা অদু য়েংলগা শ্রামিক স্পেসিএল অসি মিসন মোদতা চেনহনখি। শ্রামিক স্পেসিএলশিং অসি সরকারনা পীবা প্রোতোকল অমসুং গাইদলাইনশিংগা লোয়ননা রাজ্য সরকারশিংনা ত্রেনশিং অসি মথৌ তারকপা মতমদা চেনহন্নবা ওইনা শীজিন্নবা ত্রেনশিং ওইখি। মে ১, ২০২০দগী ওগস্ত ৩১, ২০২০ ফাওবগী মরক্তা পন্দুনা লৈরম্বা পেসেঞ্জর লাখ ৬৩.১৯ মখোয়গী মশাগী রাজ্যদা য়ৌহন্নবা শ্রামিক স্পেসিএল পুন্না ৪৬২১ চেনখি। ৩১.০৮.২০২০দগী হৌনা শ্রামিক স্পেসিএলশিংগী দিমান্দদা অপনবা অমত্তা লৈখিদে। মসিগী ই-পাউ অসি রেলৱেজ অমসুং কম্মর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা লোক সভাদা ঙসি অইবা পাউখুম ওইনা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656260

কোবিদ-১৯ লাইচৎনা তেক্সতাইল সেক্তরদা পীবা চৈথেংশিং

মী পুনবা অমসুং শিন্মীশিং চৎথোক-চৎশিন তৌবদা অথিংবশিং থম্বদগী মালেমগী কোবিদ-১৯ লাইচৎনা তোঙান-তোঙানবা তেক্সতাইল সেক্তরশিংদা অকায়বা থোকহল্লে। মসিনা লৌমীশিংগী হৌরগা লল্লোনবশিং/এক্সপোর্তরশিং য়াওনা তেক্সতাইল সেক্তরগী মরী লৈনবশিং শোকহল্লে অমসুং তাঞ্জা অসিদা লাইচৎ অসিনা মমাংদা নিংথিনা খঙনরমদবা হিরমশিংদা খুদোংচাবশিংগী অনৌবা থোঙনাও অমা হাংদোক্লে। সেক্তর অসিনা থেংনরিবা অৱাবশিং খঙদোক্নবা ‘ভারতকী সিল্ক ইন্দস্ত্রিদা কোবিদ-১৯গী ইথিল’ হায়বা হিরম অসিদা সরকারনা থিজিল্লে। পোৎথোক হন্থরকপা অমসুং শেন মাঙবা কয়া থিজিনবা অসিদগী খঙবা ঙম্লে। পোৎথোক পুথোকপা ঙমদবা, কোকুন অমসুং সিল্ক মমল হন্থরকপা, পুথোক-পুনশিনগী অৱাবা, ৱার্কিং কেপিতেল অমসুং কেস ফ্লোগী অৱাবশিং, রো মেতরিএলশিং ফংবা, মুগাগী ফিরোল য়োনবা শিৎতবা, মপান্দা থাদোকপা অমসুং পুশিল্লকপা থিংবগী মথক্তা মপান্দা থাদোকপা অমসুং পুশিল্লকপগী ওর্দরশিং ককখিবা য়াওনা তোঙান-তোঙানবা অৱাবশিং ইন্দস্ত্রিনা থেংনখি। তেক্সতাইল সেক্তর অসি অনওর্গনাইজ সেক্তর অমা ওইবনা সেক্তর অসিদা মাঙলিবশিংগী মতাংদা সরকারনা নিংথিনা থিজিনদে। এম.এস.এম.ইশিং য়াওনা তোঙান তোঙানবা সেক্তরশিংদা শেন্থং পীনবা থবক কয়া পায়খৎলে। কোবিদ-১৯ লাইচৎকী লোকদাউন থমখিবদগী অৱাবা নঙলবশিং মখোয়গী ললোন-ইতিক্কী থবকশিং হিঙ্গৎহন্নবা ফিশাবশিং অমসুং খুৎহৈবশিংনা হায়রিবা কান্নবশিং অসি লৌবা য়াগনি। “অত্মানির্ভর ভারত”গী পান্দম ফংনবা লৈবাক অসিগী মফম কয়াদা লৈরিবা ইয়োংগী ফিশাবশিং অমসুং এক্সপোর্তরশিং ভর্চুএল ওইনা শম্ননবা হেন্দলুম এক্সপোর্ত প্রোমোসন কাউন্সিলনা থবক পায়খৎলে। ৱাফম অসি ঙসি লোক সভাদা অইবা ওইনা পীবা পাউখুম অমদা তেক্সতাইলগী য়ুনিয়ন মিনিস্তর শ্মৃতি জুবিন ইরানিনা ফোঙদোকখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656233

কোবিদ-১৯গী মনুংদা পাঙথোকপা হেল্থ আউৎরিচ সর্বিসশিং

সরকারনা রাজ্য/য়ু.তি.শিংগা তানদুনা ফিভম কয়াগী মতাংদা চাং নাইনা য়েংশিন্দুনা লাক্লি। নুপী অমসুং অঙাংশিংনা মচি ওইবা চিঞ্জাক ফংবগী ফিভম ফগৎহন্নবা হায়দুনা নুপী অমসুং অঙাং চাউখৎপগী মন্ত্রালয়না অঙাংশিং (থা ৬তগী চহি ৬ ফাওবা), মীরোনবী নুপী, খোম পীথক্লিবী মমশিং অমসুং স্কুল তমদ্রবী ইনখৎলক্লিবী নুপীমচাশিং (চহি ১১দগী ১৪ ফাওবা)গী ওইবা  ইন্তিগ্রেতেদ চাইল্দ দিবেলপমেন্ত সর্বিস (আই.সি.দি.এস.) মপুং ওইবা স্কিমগী মখাদা লৈরিবা ইনখৎলক্লিবী নুপীমচাশিংগী ওইবা অঙ্গনৱাদি সর্বিস অমসুং স্কিমগী মখাদা সপ্লিমেন্তরী ন্যুত্রিসন প্রোগ্রাম অমা থবক ওইনা পায়খৎলি। গৃহ মন্ত্রালয়না দিজেজতর মেনেজমেন্ত এক্ত, ২০০৫গী মনুং চন্না থোকখিবা পাউতাক অমগী মতুং ইন্না লৈবাক শিনবা থুংনা লৈবা অঙ্গনৱাদিগী মফম খুদিংমক অসি কোবিদ-১৯গী চৈথেং হন্থহন্নবা হায়দুনা থিংজিনগদবনি হায়খি। অদুবু অঙ্গনৱাদিগী বেনিফিশরীশিংদা ন্যুত্রিস্নেল সপ্পোর্তশিং লেপ্তনা ফংহনবা ঙম্নবা হায়দুনা অঙ্গনৱাদিগী থৌমীশিংনা বেনিফিশরীশিংগী য়ুম্থোং খুদিংদা চত্তুনা সপ্লিমেন্তরী ন্যুত্রিসন য়েন্থোকপগী থবক চত্থদুনা লাক্লি। মসিগী মখা তাবা ওইনা মন্ত্রালয় অসিনা রাজ্য/য়ু.তি.শিংদা অঙ্গনৱাদিগী থৌমীশিং অসিনা নুমিৎ ১৫ খুদিংগী বেনিফিশরীশিংগী য়ুম্থোংদা তঙাই ফদবা চানবা চিঞ্জাক অমসুং ন্যুত্রিসনগী তেংবাংশিং য়ৌহনগদবনি হায়খি। মসিগী মথক্তা অহেনবা ওইনা অঙ্গনৱাদিগী থৌমীশিং অমসুং তেংবাংবশিংনা খুন্নাইগী সর্বেলিএন্স তৌবা, করিগুম্না হীরম খরগী মরমদা মীয়ামদা খঙহনবা অমসুং মতম মতমগী ওইনা মখোয়দা হায়বা থবকশিং পাঙথোক্তুনা লোকেলগী লৈঙাক্লোইশিংগী মতেং পাংলি। মসিগী ৱারোলশিং অসি নুপী অমসুং অঙাং চাউখৎপগী কেন্দ্র মন্ত্রী শ্রীমতি স্মৃতি জুবিন ইরানিনা লোক সভাদা ঙসি অইবা পাউখুম ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1656246

“ ইন্তরনেস্নেল অমসুং তেলিকম্মুনিকেসন য়ুনিয়ন(আই.তি) ফোরমদা ব্রিক্স লৈবাকশিংনা তেলিকোম/আই.সি.তি.গী থবক থৌরমশিংদা লেপ্পা লৈতনা মতেং পাংনরি”: সঞ্জে ধোত্রি

২০২০গী সেপ্তেম্বরগী তাং ১৭তা ভর্চুয়েল ফোর্মেত্তা ব্রিক্স কম্মুনিকেসন মন্ত্রীশিংগী ৬শুবা মীফম অদুদা ভারত সরকারগী কম্মুনিকেসন, ইলেক্ত্রোনিক্স অমসুং ইনফোর্মেসন তেক্নোলোজী অমসুং ইজুকেসনগী রাজ্যগী মন্ত্রী শ্রী সঞ্জে ধোত্রিনা ভারতকী মহুৎ শিন্দুনা শরুক য়াখি৷ মীফম অদু রসিয়াগী দিজিতেল দিভেলপমেন্ত, কম্মুনিকেসন অমসুং মাস মেদিয়াগী দিপুতী মন্ত্রী শ্রী মেক্সিম পর্শিননা হৌদোকখি৷ ব্রিক্স লৈবাকশিংনা য়াম্না মরু ওইবা হিরম খুদম ওইনা কোবিদ-১৯ থেংনবদা ইনফোর্মেসন অমসুং কম্মুনিকেসন তেক্নোলোজীগী থৌদাং, আই.সি.তি.শিং শিজিন্নবদা থজবা অমসুং শোইদনবা হোৎনবা, অঙাংশিংদা ওনলাইন প্রোতেক্সন পীবা অমসুং খুঙ্গংগী মফমশিংদা লৈরিবা মীওইশিং অমসুং নাম্মা শোইরবা মীওইশিংগা মরী নকশিন্নবা হোৎনবা অমসুং সস্তেন্নেবল দিভেলপমেন্ত গোলশিং ফংন্নবগীদমক দিজিতেল ইকোনোমীগী থৌদাং হায়রিবা হিরমশিং অসিদা লেপ্পা লৈতনা মতেং পাংন্নবা ব্রোদ কন্সেনসস শেমখিবনি৷ শ্রী সঞ্জে ধোত্রি না কোবিদ-১৯ ৱারিয়রশিং ওইনা থবক তৌরিবা ফিল্দ ফোর্স অমসুং তেলিকোম নেতৱর্ক্কী মেনেজরশিংবু থাগৎপা ফোংদোকখ্রে৷ কোবিদ থেংন্নবা ভারত সরকারনা লৌখৎখিবা তোঙান তোঙানবা খোংথাংশিং খুদম ওইনা অরোগ্য সেতু এপ, কোবিদ ক্বারেন্তিন এলর্ত সিস্তেম(সি.ক্যু.এ.এস.), কোবিদ সবধান, মাইগ্রেন্ত ৱর্করশিংবু ময়ুমদা হনহলবা য়ানবা আই.সি.তি. সোলুসনশিং, য়ুমদগী থবক তৌবা অমসুং মহৈ তম্বা য়ানবা ভিদিও কনফরেনসিং সোলুসন পুথোকপা হায়রিবা হিরমশিং অসি মন্ত্রী অদুনা পুথোকখি৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655834

পি.আই.বি. ফিল্দ ওফিসশিংদগী ফংবা পাউ

•           কেরলা: ঙসি নুমিৎ য়ুংবা ফাওবদা রাজ্য অসিদা কোবিদ-১৯না মরম ওইরগা অহুম শিখ্রে, মসিনা শিখিবশিংগী মশিং অদু ৪৯২ শুহনখ্রে। পালাকদ জিলা হোসপিতালদা কোবিদনা মরম ওইরগা শিখিবা ওইরবোই নিংদুনা আদিৱাসি নুপী অমগী অশিবা হকচাং পীখিবা অদুগী থৌদোক অদু য়েংশিনহনখ্রে। ওথোরিতীশিংনা অশিবা হকচাং অদু সংস্কার তৌখ্রবা মতুংদা অশোইবা অদুগী মতাংদা খঙলকখিবনি। মরক অসিদা মন্ত্রী কে.তি. জলীলগী ফম থাদোক্নবগী মতাংদা তকশিল্লদুনা ওপোজিশন পার্তীনা রাজ্য শিনবা থুংনা নুমিৎ তরেতনি লেপ্তনা কোবিদকী প্রোতোকোলশিং থুগাইদুনা পাকশন্না প্রোতেস্ত চত্থখি। হৌজিক পেসেন্ত ৩৪,৩১৪ লাইয়েংদুনা লৈরি অমসুং রাজ্য শিনবা থুংনা পুন্না মীওই ১,১৩,৫৯৫ ওবজার্ভেশন্দা লৈরি।

•           তামিল নাদু: রিকোভর এল্থ কেয়র ইঙ্ক., য়ু.এস.তা বেস তৌবা দাইগ্নোস্তিক প্লাতফোর্ম কমপনী, অমসুং আই.আই. তি মদ্রাসনা সলাইভা সেমপলশিং শিজিন্নদুনা মিনট মঙাগী মনুংদা রিজল্তশিং পীবা ঙম্বা পোইন্ত ওফ কেয়র কোবিদ-১৯ এন্তিজেন তেস্ত অমা পুথোকখ্রে। ইন্দিয়ন মেদিকেল এসোসিয়েশন হেদক্বার্তর, দিল্লীনা থাদোকখিবা দেতাগী মতুং ইন্না তামিল নাদুদা কোবিদ-১৯না মরম ওইরগা দোক্তর হুমফু তরুক লৈখিদ্রে, মসিগী মনুংদা ১২দি চেন্নাইদগীনি। তামিল নাদুনা শগোলশেল নুমিত্তা কোবিদ-১৯গী অনৌবা কেস ৫,৫৬০ থেংনখিবগা লোইননা, হকশেল মন্ত্রী, সি. ৱিজয়াবাস্করনা প্রেস স্তেতমেন্ত অমদা হায়খি হোজিক ফাওবদা রাজ্য অসিদা পোজিতিব ওইরবা অঙাং ৪৫,০০০গী মথক্তা লাইয়েংখি।

•           কর্নাতকা: মুখ্য মন্ত্রী, বি.এস. য়েদিয়ুরাপ্পন্না শগোলশেল নুমিত্তা কেন্দ্রগী ফাইনান্স মিনিস্তর নির্মলাসিতারামন্দা রিদ্যুস দিভোল্যুশন্না মরম ওইরগা কর্নাতকাগীদমক্তা লুপা করোর ৫,৪৯৫কী অখ্ন্নবা গ্রান্তকীদমক্তা ১৪শুবং ফাইনান্স কনিশনগী রিকমেন্দেশন অদু লৌনবা আপীল তৌখ্রে। অনৌবা কোবিদ-১৯গী কেস লেপ্তনা হেনগৎলকপনা স্তদী অমগী মতুং ইন্না ওক্তোবর ১২ ফাওবদা কর্নাতকানা কেস লাখ ৭ য়ৌখ্রে অমসুং ১১,২০০ শিখিবগী পাউ লৈখি। ভিক্তোরিয়া হোসপিতালদা পেসেন্তশিংগী কোবিদ মোরতেলিতী  য়েংশিন্ননবদা  কোবিদ-১৯না মরম ওইরগা ৩৭০ লৈখিদবনি হায়বা খঙখি, ৭১দি এদমিশন তৌরবা মতুং পুং ১২গী মনুংদনি অমসুং ৩২ অমদি এদমিশন তৌরবা মতুং পুং ২৪গী মনুংদা ওইখি; হোসপিতাল অসিনা হৌজিক ফাওবদা কোবিদ পেসেন্ত ৫,০০০  লাইয়েংখি।

•           অন্ধ্র প্রদেশ: সরকারনা রাজ্য অসিদা বস সার্বিসশিং হয়েংদগী চেনবা য়ারগনি হায়খ্রে। অহানবা তাঙ্কক্তা কোবিদ রুলশিং ঙাক্না চত্তুনা ৱিশাখাপতনম অমসুং ৱজয়াৱাদাদা বস চেল্লগনি। বস অসিদা পেসেঞ্জরগী চাদা  ৬০% খক্তমক অয়াবা পীরগনি। অহানবা নুমিত্তা তেলঙ্গানাদগী অন্ধ্র প্রদেশ ইঞ্জিনীয়রিং এগ্রিকলচর অমসুং মেদিকেল কমন এন্ত্রান্স তেস্ত (এ.পি.-ই.এ.এম.সি.ই.তি) ২০২০ ইঞ্জিনীয়রিংগীদমক্তা কেন্দিদেত ৫,০০০গী মথক্তা লাকখি। কোবিদ-১৯গী শন্দোরকপা থিংনবা  লৌখৎখিবা পাম্বৈশিং অদুগী শরুক অমা ওইনা নুমিৎ হুম্নিগীদমক্তা আমলপুরা দিভিজন্দা সেক্সন ১৪৪ চলাইখ্রে।

•           তেলঙ্গানা: হৌখিবা পুং ২৪দা অনৌবা কেস ২০৪৩, ১৮০২ ফখি অমসুং ১১ শিখিবগী পাউ লৈখি,; কেস ২০৪৩গী মনুংদা কেস ৩১৪দি জি.ঐচ.এম.সি.দগীনি। অপুনবা কেসশিং: ১,৬৭,০৪৬; এক্তিব কেসশিং: ৩০,৬৭৩; শিখিবশিং: ১০১৬; দিসচার্জ তৌখিবশিং: ১,৩৫,৩৫৭। তাতা ইন্সতিত্যুত ওফ ফন্দামেন্তেল রিসর্চ (তি.আই.এফ.আর.) হাইদ্রবাদকী রিসর্চরশিংনা না মিনত ৩০গী মনুংদা সারস-সি.ও.ভি.-২ আর.এন.এ.গী ভিজুৱল দিতেক্সন তৌনবগীদমক্তা মচুদা য়ুমফম ওইবা এসে স্তেন্দরদাইজ তৌখ্রে। তি.আই.এফ.আর. রিদর্চরশিংনা ইরাই নুমিত্তা হায়খি মদুদি রিভর্স ত্রান্সক্রিপশন লুপ-মেদিয়েতেদ আইসোথর্মল এমপ্লিকেশন (আর.তি.-এল.এ.এম.পি.) এসে অসিনা অথুবা অমসুং রিলাইয়েবল তেস্তিং মেথদশিংগীদমক্তা খ্বাইদগী হেন্না ফবা  অতোপ্পা পাম্বৈ অমা ওইগনি।

•           মহারাস্ত্র: মহারাস্ত্র স্তেত রোদ ত্রান্সপোর্ত কোরপোরেশন (এম.এস.আর.তি.সি.) ওথোরিতীশিংনা মুম্বাই অমসুং পুনে অমসুং অতোপ্পা মফমশিংদা ইন্তরসিতী এয়র-কন্দিশন (এ.সি.) অমসুং নন-এ.সি. বসশিংদা চৎলিবশিংগীদমক্তা ঙসিদঈ চৎথোক-চৎশিন তৌবদা অথিংবা-অপনবা লৈত্রে। এম.এস.আর.তি.সি.না কোরোনাভাইরস দিজিজ (কোবিদ-১৯) শন্দোরক্লিবা অসিগী মরক্সিদা অথিংবা থম্লিবশিং অসি কোমথোক্নবগী শরুক অমা ওইনা ফুল পেসেঞ্জর কেপাসিতীগা লোইননা মখৌয়গী বসসিং চেনবা হৌখ্রে। হান্নদি বসশিং অদু ৫০% পেসেঞ্জর কেপাসিতীদা থবক তৌরম্মি। মরক অসিদা মহারাস্ত্র ইনর্জী মিনিস্তর, নিতিনরাৱত কোবিদ পোজিতিব ওইখি, মহাক্না স্তেত কেবিনেতকী  ইনফেক্সন অসি লৌনবা ৯শুবা মিনিস্তর ওইখি।

•           গুজরাত: গুজরাত্তা শগোলশেল নুমিত্তা নৌংমদা কেস ১,৩৭৯ থেংনদুনা নৌমদা খ্বাইদগী ৱাংবা ওইখি, মসিনা অপুনবা মশিং অদু ১,১৯,০৮৮ য়ৌহনখি, অদুগা ১৪ শিখিবগা লোইননা শিখিবশিংগী অপুনবা মশিং অদু ৩,২৭৩ য়ৌহনখি হায়না হেল্থ ওফিসিয়েলশিংনা হায়খি। সুরত্তা কেস ২৮০ থেংনখি, এহমদাবাদতা ১৭১, রাজকোত ১৪৫, জামনাগর ১২৯ অমসুং বদোদরা ১২৭।

•           রাজস্থান: রাজ্য সরকারনা শিবগী খ্বাইদগী চাউবা মরম অমা ওইরিবা, কোমোর্বিদিতীশিং লৈবা অমসুং হান্নগী লাইনাশিং লৈবা ইনফেক্তেদ ওইবা মীওইশিং লাইয়েংনবা স্পেসিয়েলিস্ত দোক্তরশিংগী সার্বিস পীনবা ওর্দর থোকখ্রে। হৌজিক ফাওবদা স্পেসিয়েলিস্তশিং খুদম ওইনা হার্ত, কিদনীশিং, ব্রেন অমসুং অতোপ্পা হকচাংগী কয়াৎশিং অসি কোবিদ লাইয়েংবদা য়াওরমদে। অদুবু হৌজিক্তগীদি, ইনফেক্ত তৌরবা, আর.য়ু.ঐচ.এস. হোসপিতাল অমসুং জয়পুরিয়া হোসপিতালদা এদমিত তৌরবশিংনা এস.এম.এস. মেদিকেল কোলেজতগী স্পেসিয়েলিস্তশিংগী সার্বিস ফংলগনি।

•           মথ্য প্রদেশ: মধ্য প্রদেশতা সরকারগী ওতোনোমস মেদিকেল কোলেজশিংদগী পোস্ত-গ্রজুৱাত কোর্সশিংগী পাস-আউতশিংগী সার্বিস অদু মতম খরগী ওইনা কোবিদ-১৯গীদমক্তা থবক তৌনবা লৌশিনখ্রে। রাজ্য সরকারনা পোস্ত-গ্রজুৱেত কোর্স পাস তৌরবা মতুংদা তঙাইফদনা তৌগদবা রুরল সার্বিস অদুগী মতম অদুগা কোবিদ মনুংগী মতম তৌখিবা সার্বিসকা পুন্সিন্নবা ৱারেপ লৌখ্রে। সরকার অসিনা ওনারিয়ম বেসিস্তা দিসেম্বর ফাওবা জুনিয়র দোক্তরশিংগী কোবিদ-১৯ দ্যুতী তৌবগী মতম শাংদোকখ্রে।

•           অরুনাচল প্রদেশ: অরুনাচল প্রদেশতা অনৌবা পোজিতিব কেস ১৫৯ থেংনখি। হৌজিক রাজ্য অসিদা এক্তিব কেস ১৮৭১ লৈরি। রাজ্য অসিদা ফগৎলকপগী চাং অসি হৌজিক চাদা ৭২.৫নি।

•           মনিপুর: মনিপুরদা মীওই ১১০ কোবিদ-১৯ পোজিতিব ওইখ্রে: ফগৎলকপগী চাং চাদা ৭৭.৫ ওইবগা লোইননা ১৮ ফখি অমসুং হৌজিক এক্তিব কেস ১৮৪০ লেরি। রাজ্য অসিদা কোবিদ-১৯না মরম ওইরগা অরুবা ফি্যমদা লৈবদগী পেসেন্ত অহুম লৈখিদ্রে, মসিনা রাজ্য অসিদা শিবগী মশিং ৫১ য়ৌহনখ্রে।

•           মিজোরাম: মিজোরামদা ঙরাং কোবিদ-১৯গী আনৌবা কেস ২৮ কনফর্ম তৌখ্রে। অপুনবা কেস ১৫৩৪ য়ৌখ্রে অমসুং এক্তিব কেসকী মশিং ৫৮৫ শুরে।

•           মেঘালয়া: মগালয়াদা কোবিদ-১৯গী অপুনবা কেস ১৯৮৩ য়ৌখ্রে। মসিঘি মরক্তা ৩৬৩দি বি.এস.এফ. অমসুং আর্মদ ফোর্সতগীনি। ফগৎখিবশিংগী অপুনবা মশিং ২৩৪২।

•           নাগালেন্দ: নাগালেন্দ: নাগালেন্দদা শগোলশেল নুমিত্তা কোবিদ-১৯গী অনৌবা পোজিতিব কেস ৪৩ থেংনখি, মসিগী মনুংদা ২৪দি দিমাপুরদগীনি, ১৮না কোহিমাদগী অমসুং মোনদগী ১নি।

ফেক্ত চেক

*****