نئی دہلی،  17 ؍ستمبر 2020: کیمکلز اور فرٹیلائزر کی وزارت کے مرکزی وزیر جناب ڈی وی سدانند گوڑانے کہا ہے کہ عام انسان خصوصی طور پر غریبوں کومعیاری دوائیں  کفایتی قیمت پر مہیا کروانے کی غرض سے حکومت نے مارچ  2025  تک  پردھان منتری جن اوشدھی کیندر وں  ( پی ایم بی جے کے ) کی تعداد 10500 تک بڑھانے کا نشانہ مقرر کیا ہے۔15ستمبر 2020 تک  یہ تعداد  6606 پر پہنچ گئی ہے۔

اس کے ساتھ ملک بھر کے تمام ضلعوں  میں جن اوشدھی  کیندر قائم ہوجائیں  گے۔اس سے ملک کے ہر گوشے میں لوگوں کو کفایتی قیمت  پر دوائیں  حاصل کرنے کو یقینی بنایاجائے گا۔

مارچ  سے جون 2020  کے مہینوں کے دوران کووڈ کی وبا ، لاک ڈاؤن اور اس کے بعد    پی ایم بی جے کے کو  اے پی آئی اور دواسازی کی  دیگرخام مواد کونقل  وحمل کے لئے گاڑیوں کی عدم دستیبابی  کی وجہ سے مرکزی اور علاقائی گوداموں  تک پہنچانے   میں متعدد چیلنجوں کا سامناتھا۔اس بات کو ملحوظ رکھتے ہوئے تمام کیندروں پر بروقت دواؤں  کی فراہمی کو  یقینی بنانے  اور اسٹاک ختم ہونے کی صورتحال سے بچنے کے لئے  موثر آئی ٹی سے تقویت یافتہ لوجسٹکس  اور سپلائی چین نظام  کی توسیع کے منصوبے کے ساتھ کام کیاجارہا ہے۔

اس وقت پی ایم بی  جے کے ( جن اوشدھی ) کے چار گودام  گروگرام ، چنئی ، بنگلورو  اور گواہاٹی  میں کام کررہے ہیں۔اس کے علاوہ  دو  مزیدگودام  مغربی  اور وسطی  بھارت میں قائم کرنے کا منصوبہ ہے۔مزید برآں  ریاستوں /مرکز کے  زیر انتظام علاقوں میں  سپلائی چین کو مستحکم کرنے کے لئے ڈسٹری بیوٹروں  کی تقرری بھی کی جارہی ہے۔

پی ایم بی جے کے اسکیم  کے لئے 21-2020  سے  25-2024  تک 490  کروڑروپے کا بجٹ منظورکیاگیا ہے۔

کووڈ لاک ڈاؤن او ر مشکل گھڑیوں کے باوجود  جن اوشدھی کیندر وں  نے 20-2019 کی پہلی سہ ماہی  کے 75.48  کروڑروپے کے مقابلے  21-2020  کی  پہلی سہ ماہی  میں  146.59 کروڑروپے  کی قابل ستائش  فروخت  کا ٹرن اوور حاصل کیاہے۔جولائی ستمبر 2020  ( 15ستمبر تک ) کے مہینوں  میں  کیندروں  میں مزید 109.43  کروڑروپے کی فروخت درج کی گئی۔ اب 15 ستمبر 2020 تک جملہ فروخت  کی مالیت 256.02 کروڑروپے  ہوگئی ۔پی ایم بی جے کے نے معیاری دواؤں  کی قیمتوں   میں بھاری  تخفیف  کی ہے اور آبادی کے بڑے طبقے تک خصوصاََ غریبوں کے لئے دواؤں کی رسائی آسان بنائی  ہے۔

*************

  م ن۔ع ا ۔رم

U- 5588