কেন্দ্রগী কেমিকেলস অমসুং ফর্তিলাইজর মন্ত্রী শ্রী দি.ভি. গৌদানা মরু ওইনা লায়রবা মীওইশিংগী ওইনা মীয়াম খুদিংদা হিদাক-লাংথকশিংবু অহোঙবা মমলদা ফংহন্নবা হায়দুনা ভারত সরকারনা মার্চ ২০২৪ ফাওবগী মনুংদা প্রধান মন্ত্রী ভারতিয় জনঔশধি কেন্দ্র (পি.এম.বি.জে.কে.)গী মশিং অসি ১০৫০০ য়ৌহন্নবা পান্দম থম্লে হায়খি। পি.এম.বি.জে.কে. অসি হীরম অসিগী মতাংদা থবক পায়খৎপগী এজেন্সী ওইরিবা প্রধান মন্ত্রী ভারতিয় জনঔশধি পরিয়োজনা পি.এম.বি.জে.পি.)না ফার্মাস্যুতিকেলস বিভাগ (এম./ও. সি. অমসুং এফ.)কী মখাদা লৈবা ব্যুরো ওফ ফার্মা পি.এস.য়ু. ওফ ইন্দিয়ানা শেমগৎপনি।

মসিগী থৌওং অসিগী মতুং ইন্না লৈবাক অসিগী জিলা খুদিংদা জনঔশধি কেন্দ্রশিং লৈগনি। মসিনা লৈবাক্কী কাচিন কোয়াগী মফম খুদিংদা লৈবা মীওইশিংদা হিদাক কয়া অহোঙবা মমলদা ফংহনগনি। সেপ্তেম্বর ১৫, ২০২০ ফাওবদা লৈবাক অসিগী অপুনবা দুকান মশিং অসি ৬৬০৩দা হেনগৎখ্রবনি।

ইং ২০২০গী মার্চতগী জুন ফাওবগী মতমগী মনুংদা কোবিদ লায়চৎ অসিনা মরম ওইদুনা পি.এম.জে.বি.কে.না পোত্থোক পুথোক পুশিন তৌবগী থৌওংশিংদা খুদোংচাদবা কয়া লৈবদগী এ.পি.আই. অমসুং অতোপ্পা ফার্মাস্যুতিকেলসকী রো মেতরীএলশিংগী অৱাৎপা লৈবা অমসুং কেন্দ্র অমসুং মফম মফমশিংগী পোৎ থমফমদগী মসিগী দুকানশিংদা পোৎ পীবগী থৌওংদা অয়েৎপা কয়া পীখি। মসিগী ৱাফমশিং অসি খন্নরবা তুংদা আই.তি.না তেংবাংবা মতিক চাবা লোজিস্তিক অমসুং সপ্লাই চেনগী পথাপ অমনা খন্নরিবা হিদাক য়োনফম খুদিংদা হিদাক লেপ্তনা য়ৌহনবদা তেংবাংনবা থৌওং কায়গী থৌরাংসু য়াৎখ্রে।

হৌজিক হৌজিক্কী ওইনা গুরুগ্রাম, চেন্নৈ, বেঙ্গালুরু অমসুং গুৱাহাতিদা লৈবা জনঔশধি কেন্দ্রগী পোৎ-থমফম মরি থবক তৌরি। নোংচুপ থংবা অমসুং ময়াইগী ভারতকী মফমশিংদা পোৎ-থমফম অনি হাংনবসু মখা তানা খন্নরি। মসিগী মথক্তা সপ্লাই চেন সীস্তেম অসিবু হেন্না মপাঙ্গল লৈহন্নবা হায়দুনা রাজ্য/য়ু.তি.শিংদা দিস্ত্রিব্যুতর খনবগী থৌওংশিংসু হৌরে।

ইং ২০২০-২১দগী ২০২৪-২৫ ফাওবগী মতমগী ওইনা অয়াবা পীরবা লুপা করোর ৪৯০গী শেনফম লৈরদুনা পি.এম.বি.জে.পি.না মগুন লৈবা হিদাকশিংগী মমলশিংবু য়াম্না তাথহন্দুনা লৈবাক অসিগী মীয়ামশিংদা, মরু ওইনা লায়রবশিংদা হিদাক কয়া ফংহল্লি।

*********