কেন্দ্রগী পাৱর মন্ত্রীনা খ্বাইদগী ইহান অহানবা ওইনা ইলেক্ত্রিসিতী কঞ্জ্যুমরশিংগী হক পীনবা কাঙলোনশিং শেমখ্রে। ইলেক্ত্রিসিতীগী কঞ্জ্যুমরশিং অসি পা ৱর সেক্তরগী খ্বাইদগী মরু ওইবা স্তেকহোলদরশিংনি। সেক্তর অসিনা মখোয় লৈবদগী হিংলিবনি। মীয়াম খুদিংদা ইলেক্ত্রিসিতীগী খুদোংচাবশিং ফংহনখিবগা লোয়ননা মখোয়গী পেন্নবা মিৎয়েং চঙবা অসি য়াম্না মরু ওইবা ওইরক্লি। মসিগীদমক্তা লৈরিবা সর্বিসশিং অসিদগী মরু ওইবা সর্বিসশিং, খ্বাইদগী অনেম্বা সর্বিসকী থাক খায়দোকপা অমসুং হীরমশিং অসিবু কঞ্জ্যুমরশিংগী হকনি হায়না শকখঙবা অসি য়াম্না মরু ওইবা থৌদাং অমা ওইরে।

পান্দমশিং অসিগা লোয়ননা সরকারনা অহানবা ওইনা ইলেক্ত্রিসিতী (কঞ্জ্যুমরশিংগী হক) কাঙলোনশিং, ২০২০ শেমখ্রে।

মসিগী মরু ওইবা থৌওংশিংদিঃ

• সেবাশিংদা থাজবা য়াবাঃ এস.ই.আর.সি.শিংনা দি.আই.এস.সি.ও.এম.শিংগী কঞ্জ্যুমরশিংগী ওইনা চহিদা মৈ মুৎপগী চাংচৎকী অকুইবা অমসুং মশিং লেপকনি।
• মৈ পুশিনবগী মতম চাবা অমসুং লায়হনলবা থৌওং: কে.দবল্যু. ১০ ফাওবগী মৈ পুশিনবদা চে-চাং মখল অনিখক চঙলগনি অমসুং কে.দবল্যু. ১৫০ ফাওবগী মৈ লৌশিনবদা দীমান্দ চার্জ পাবগী থৌওং চৎনররোই।
• অনৌবা কনেক্সন অমা লৌবদা মেত্রোগী মফমশিংদা নুমিৎ ৭, অতোপ্পা ম্যুনিসিপালগী মফম,শিংদনা নুমিৎ ১৫ অমসুং খুঙ্গংগী মফমশিংদনা নুমিৎ ৩০দগী তাদনা চঙলগনি।
• অপীবা বিলগী মতমদগী নুমিৎ ৬০ নত্ত্রগা অহেনবগী মনুংদা শেল থিদোকপদা ২দ্গী ৫% ফাওবগী রিবেৎ পীগনি।
• বিল থিবগী থৌওং অসি শেল ওইনা পীবা, চেক, দেবিৎ কার্দ অমসুং নেৎ-বেঙ্কিং শিজিন্নদুনা পাঙথোকপা য়াগনি অদুবু লুপা ১০০০ অমসুং অহেনবা বিলশিংদি ওনলাইন্দা থীগদবনি।
• মৈ লৌশিনবা তোকপা, নৌনা অমুক লৌশিনবা, মীতর শিন্দোকপা, বিল্লিং তৌবনচিংবা হীরমশিংগী কান্নবা কয়া পীগনি।
• নৌনা হৌরক্লিবা কঞ্জ্যুমরগী কাঙলুপ অমা ওইরিবা “প্রোজ্যুমর”শিংবু শক-খঙবা। কঞ্জ্যুমরসু ওইবা অমসুং মশাগী য়ুমথক্তা মৈগী য়ুনিৎ নত্ত্রগা মখোয়গী লৌবুক্তা ঈশিং পীবগী থৌওংদা সোলার ইনর্জী শিজিন্নবা মীওইশিং অসি কাঙলুপ অসিদা চল্লি। মখোয়না মশাগী শিজিন্ননবা মৈ পুথোকপগী হক লৈগনি অমসুং এস.ই.আর.সি. পীবা অকক্নবা চাংগী মনুংদা মখোয়গী মান্নবা কনেক্সন অসিগী খুত্থাংদা গ্রিদতা মৈ পীশিনবসু য়াগনি।
• দি.আই.এস.সি.ও.এম.না সেবা পীবদা থেংথবা মতমদা খেতি পুরোন নত্ত্রগা শেল হঞ্জিনবগী থৌওং লৈগনি অমসুং মসিগী থৌওং অসি য়ারিবমখৈ ওতোমেতিক ওইহন্নবা হোৎনগনি অমসুং মৈগী বিলদা উৎকনি।
• অনৌবা কনেক্সন লৌবা, মৈ লৌথোকপা, নৌনা অমুক মৈ শম্বা, কনেক্সনগী মফম হোংবা, মিং অমসুং অতোপ্পা ৱারোল ওন্থোকপা, লোদ লৌবগী চাং ওন্থোকপা, মীতর শিন্দোকপা, সপ্লাই পীদবনচিংবা থৌওংশিংগী মতাংদা ২৪x৭ তোল ফ্রী কোল সেন্তর, ৱেবতা য়ুম্ফম ওইবা মোবাইল এপ্লিকেসন লৈহন্দুনা এস.এম.এস./ই.-মেলদা পাউ ফাওবা, ওনলাইন্দা স্তেতস খঙবা য়াবা অমসুং থবক য়াঙশিনহনবদা তেংবাংবগী খুদোংচাবা কয়াসু পীগনি।
• কঞ্জ্যুমর ২দগী ৩না মীহুৎ শিনবা কঞ্জ্যুমরগী ৱাকৎ তাবগী ফোরম অমা সব-দিবিজনগী থাক্তগী হৌদুনা ৱাকৎপা নুংঙাইহন্নবা লৈহল্লগনি।

দ্রাফৎ রুল অসি পাৱর মন্ত্রালয়না সেপ্তেম্বর ৯, ২০২০দগী থাদোকপা হৌখ্রে অমসুং মসিগী মতাংদা সেপ্তেম্বর ৩০, ২০২০ ফাওবগী মনুংদা মীয়াম্না পাউতাক, ফীদবেক নত্ত্রগা ৱাফম কয়া অমা ফোপঙদোক্লকপা য়াগনি। হায়রিবা পাউতাকশিং অসি ফংলবা মতুংদা কাঙলোনশিং অসি অরোইবা ওইগনি।

ইলেক্ত্রিসিতী (কঞ্জ্যুমরশিংগী হক) কাঙলোন, ২০২০গী পি.দি.এফ. য়েংনবা মফম অসিদা ক্লিক তৌবীয়ু

*****