ভারত লৈঙাক্না স্তেত/য়ু.তি. লৈঙাকশিংগা নক্ননা চৎমিন্নদুনা অমদি মতেং পাংনদুনা কোবিদ-১৯ রেসপোন্স অমসুং মেনেজমেন্ত লমজিংলি‍। কোবিদ-১৯ ঙাকথোক্নবা, লাকশিন্নবা অমদি মেনেজ তৌনবা তোঙান তোঙানবা লাল্লোং অমদি থৌরাং কয়া লৌখৎলে‍।

কোবিদ-১৯ শাথিনা নারুরবা মতুংদা ফগৎখ্রবা অনাবশিংনা হকচাঙ চোকথবা, চীকপা নাবা, লোক খুবা, খৌনাউ নাবা, নীংশা হোনবদা নুংঙাইতবনচিংবা খুদম অমদি লাইওং কয়া থেংনরি হায়বা খঙলে‍। লায়না অসিগী শেন্না শাথিবা মওংদা নাবা অমদি অতোপ্পা অনাবা লৈবা মীওইশিংগীদি ফগৎলকপদা মতম হেন্না শাংনা চঙবা য়াই‍।

কোবিদ নারুবদগী ফগৎলক্লিবা অনাবা মীপুম খুদিংমক্কী মতুং তাবা চেকশিন থৌরাং অমসুং পুম্নমকপু মশা মউ ফনা থম্নবা মপুং ফাবা থৌরাং মথৌ তাই‍। মসিদা মীৎয়েঙ থমদুনা, হকশেল মন্ত্রালয়না পোস্ত কোবিদ মেনেজমেন্ত প্রোতোকোল অমা থোকখ্রে‍। মসিনা কোবিদ নাবদগী ফরক্লবা মীওইশিংনা ময়ুমদা মেনেজ তৌবগী মপুং ফাবা থৌরাং পীরি‍।

প্রোতোকোল অসি ঙাকথোক্নবা/লায়েং পথাপ নত্তে‍।

১.       মীওই অমগী থাক্তা

• কোবিদকী চৎন-পথাপশিং (মায়খুম শীজিন্নবা, খুৎশা অমদি নীংশা হোনবগী লু নানবা, ফিজিকেল দিস্তেন্সিং) মখা তানা ঙাকপা
• লুমবু লুমবু শাবা ঈশিং মরাঙ কায়না থকপা (করিগুম্বা নুংঙাইতবা লৈত্রগদি)‍।
• ইম্ম্যুন কনখৎহনগদবা অয়ুসকী হিদাক লাংথক – ক্বালিফাইদ ওইরবা অয়ুস প্রক্তিস্নর অমনা পীগদবা‍।
• হকচাঙনা য়ারবদি, য়ুমগী থবক ইনখাঙ চাং নাইনা তৌবা‍। শিন্ফমগী থমকশিং তাঙ্কক নাইনা মখা শমথবা‍।
• ময়ায় ওইরপ্পা হকচাঙ শাজেল
• য়োগাসন, প্রনায়ম অমদি হিরী কোনবা নুংতিগী তৌবা, হকচাঙগী ফীভমগী মতুং ইন্না নৎত্রগা তাক্লকপগী মতুং ইন্না
• লায়েংলিবা ফিজিক্সিয়ান্না তাক্লকপগী মতুং ইন্না নীংশা শাজেল
• হকচাঙদা নুংঙাইবা চাংদা নুংতিগী অয়ুক্কী অমদি নুমিদাংৱাইরমগী ৱাকিং চৎপা
• মচি ওইবা বেলেন্স দাইত, হেন্না ফবদি লায়না তুমবা ঙমবা থোৎনা থোঙবা দাইত
• মপুং ফানা তুমবা অমদি পোত্থাবা
• মৈখু শীজিন্নবা অমদি য়ু থকপা লেপ্পা
• কোবিদ অমদি অতৈ লায়না লৈরগদি মদুগী হিদাক লাংথক চাং নাইনা চাউ‍। পুন্না চামিন্নবগী য়েমৌনবা থোক্তনবা মীওই অমনা চারিবা হিদাং লাংথকশিং (এলোপেথিক/অয়ুস) পুম্নমক দোক্তরদা খঙহনবা‍।
• মৈশা, ব্লদ প্রেসর, ব্লদ সুগর (মরুওইনা দাইবেতিক ওইরবদি), মিহুনগী ওক্সিমিত্রীনচিংবা য়ুমদা ইশানা য়েংশিনজবা (করিগুম্বা মেদিকেলগী পাউতাক লৈরবদি)
• করিগুমবা মখা তানা লোক খুরবা/ খৌনাউ নারবদি থুমহিনা খৌনাউ তেংবা অমদি ঈশিং মনিল নীংশা হোঞ্জিল্লু‍। খৌনাউ তেংবদা/মনিংল হোঞ্জিনবদা মরোয় মপাঙশিং হাপচিনবা য়াই‍। লোক খুবগী হিদাক মেদিকেল দোক্তর নৎত্রগা ক্বালিফাইদ ওইরবা অয়ুস প্রাক্তিস্নরগী পাউতাক্কী মতুং ইন্না চাগদবনি‍।
• অৱাংবা অরুম লাইহৌ, নীংশা হোনবা ৱাবা, এস.পি.ও._২ চাদা ৯৫দগী তাথরকপা, মরম লৈতনা থবাক নারকপা, চমম্নবা পোক্লকপা, মচী মচীদা শোন্থরকপনচিংবা ঙল্লিঙৈগী লায়ওং য়েংগদবনি‍।

২.       খুন্নাইগী থাক্তা

• ফগৎলক্লবা মীওইশিংনা মখোয়না থেংনরকপশিং মখোয়গী মরূপ মপাঙশিং, মরী মতাশিংদা সোসিএল মিদিয়া, খুন্নাইগী লুচিংবশিং, ৱাখল্লোনগী লুচিংবশিং, লাইনিংগী লুচিংবশিংগী খুত্থাঙদা মীয়ামদা পাক শন্না খঙহন্নবা, লান্না থাজনবা অমদি তাথি তাওইনা তৌবিবা হন্থহন্নবা তমগদবনি‍।
• ফগৎলকপা অমদি হান্নগী ফীভমদা হঞ্জিল্লক্নবগী থৌওংশিংগীদমক (মেদিকেল, খুন্নাইগী, শিন্ফমগী, হিংনবগী লমবী) লৈকায়গী ওইবা সেল্ফ-হেল্প গ্রুপ, সিভিল সোসাইতী ওর্গনাইজেসন, অমদি ক্বালিফাইদ ওইবা প্রোফেসনেলশিংগী মতেং লৌগদবনি‍।
• মমান্নবশিং, কম্ম্যুনিতী হেল্থ ৱর্করশিং, কাউন্সেলাশিংদগী সাইকো-সোসিএল সপ্পোর্ত লৌ‍। মথৌ তারবদি মেন্তেল হেল্থ সপ্পোর্ত সর্ভিসগী মতেং লৌ‍।
• ফিজিকেল দিস্তেন্সিংনচিংবা চেকশিন থৌরাং পুম্নমক লৌখত্তুনা য়োগ অমসুং হিরী কোনবগী গ্রুপ সেসনদা য়াওশিল্লু‍।

৩.      হেল্থকেয়র ফেসিলিতী সেত্তিংদা

• অহানবা মখা তারকপা ভিজিত (ফিজিকেল/তেলিফোনিক) দিসচার্জ তৌরবা মতুংগী নুমিৎ ৭নিগী মনুংদা ওইগদবনি, হেন্না ফবদি মহাক্না লায়েং চত্থখিবা অনা লায়েংশঙদুদনা ফৈ‍।
• মখা তারকপা লায়েং/মতুং তারকপা ভিজিতশিং খ্বাইদগী নকপা ক্বালিফাইদ ওইবা এলোপিথিক/অয়ুস প্রাক্তিস্নর/ অতৈ হিদাক লাংথকশিংগীদমক মেদিকেল ফেসিলিতীদা তৌগদবনি‍। দ্রগ-দ্রগ য়েমৌনবা থোক্তুনা সিরিয়স এদভর্স ইভেন্ত (এস.এ.ই.) নৎত্রগা এদভর্স ইফেক্ত (এ.ই.) থোক্লকপা য়াবা মরম্না পোলি-থেরাপী তৌরোইদবনি‍।
• হোম আইসোলেসন তৌরুবা অনাবশিং, করিগুম্বা মখোয়দা লায়ওং অদুম্মক উৎলবদি, মনাক নকপা হেল্থ ফেসিলিতীদা চৎকদবনি‍।
• অরুবা চেকশিন থৌরাং মথৌ তাবা ফীভম লুবা কেসশিংগীদি হেন্না চেকশিনবা থৌরাং মথৌ তাগনি‍।

****