শেন্দোই কোকপীবা অমসুং শেন্দোইদগী কারকপা শেন্দোই কোকপা অমসুং মসিগা মরী লৈনবা ৱাফমশিংগী মতাংদা থেংনরিবা খুদোংচাদবশিং কোকহন্নবা, গজেন্দ্র শর্মা ভর্সেস য়ুনিয়ন ওফ ইন্দিয়া অমসুং অতোপ্পশিংগা মরী লৈন্ননা ভারতকী সু্প্রিম কোর্ততা চৎথরিবা হিয়ারিং মনুংদা তোঙান-তোঙানবা ৱাফম কয়া চোংথোরক্লে।

হৌজিক ওইরিবা ফিবম অসি য়েংশিন্নবা সরকারনা অখঙ-অহৈগী কাংবু অমা শেম্লে অমসুং মসিগী মতাংদা সরকারনা লৌখিবা ৱারেপ ফজনা খঙহল্লে।

অখঙ-অহৈগী কাংবু(এক্সপার্ত কমিতি) অদুদা মখাগী অসি লৈগনি :

(১) ভারতকী হান্নগী সি.এ.জি, শ্রী রজিব মেহরিসি-চিয়রপর্সন

(২) রিজার্ব বেঙ্ক ওফ ইন্দিয়াগী মোনিতরি পোলিসি কমিতিগী হান্নগী মেম্বর অমসুং আই.আই.এম অহমেদবাদকী হান্নগী প্রোফেসার, দোক্তর রবিন্দ্র ঐচ. ধোলাকিয়া

(৩) স্তেৎ বেঙ্ক ওফ ইন্দিয়া অমসুং আই.দি.বি.আই বেঙ্কগী হান্নগী মেনেজিং দিরেক্তর, শ্রী বি. শ্রীরাম

কমিতি অদুগী তার্মস ওফ রিফরেন্স মখাগী অসি ওইগনি:

(১) কোবিদ-১৯গা মরী লৈন্ননা কোমথোকপদা শেন্দোই লৌদবা অমসুং শেন্দোইদগী লাকপা শেন্দোই কোকপদা লৈবাক্কী শেন-থুম অমসুং শেন-থুমগী ফিবম ফনা লৈহনবদা ফংগদবা চৈথেং নৈনবা

(২) মসিগী মতাংদা খুন্নাইগী তোঙান-তোঙানবা কাংলুপশিংনা থেংনবা শেন-থুমগী অৱাবশিং কোকহন্নবা পাউতাকশিং পীবা অমসুং মসিগী মতাংদা পায়খৎকদবা পাম্বৈশিগী মতাংদা পাউতাক পীবা

(৩) হৌজিক ওইরিবা ফিবম অসিদা কান্নগদবা অতোপ্পা পাউতাকশিং/ফোঙদোক্নিংবশিং খঙহনবা য়াগনি

চয়োল অমগী মনুংদা কমিতিনা মসিগী রিপোর্ত পীশিনগনি। কমিতি অসিদা স্তেৎ বেঙ্ক ওফ ইন্দিয়ানা সেক্রেতরিয়েৎকী মতেং পাংগনি। থবক অসিগীদমক কান্নগনি হায়না খনবা বেঙ্কশিং নৎত্রগা অতোপ্পা মরী লৈনবশিং কমিতিনা ৱা তানবা য়াগনি।

*****