ਰੱਖਿਆ ਮੰਤਰਾਲਾ
ਭਾਰਤੀ ਹਵਾਈ ਸੈਨਾ ਵਿੱਚ ਰਾਫ਼ੇਲ ਏਅਰ ਕਰਾਫ਼ਟ ਨੂੰ ਸ਼ਾਮਲ ਕਰਨ ਸਬੰਧੀ ਸਮਾਗਮ
Posted On:
09 SEP 2020 1:14PM by PIB Chandigarh
ਰਾਫੇ਼ਲ ਹਵਾਈ ਜਹਾਜ਼ ਨੂੰ 10 ਸਤੰਬਰ 2020 ਨੂੰ ਏਅਰ ਫੋਰਸ ਸਟੇਸ਼ਨ ਅੰਬਾਲਾ ਵਿੱਚ ਭਾਰਤੀ ਹਵਾਈ ਸੈਨਾ ਵਿੱਚ ਸ਼ਾਮਲ ਕੀਤਾ ਜਾਵੇਗਾ । ਇਹ ਜਹਾਜ਼ "ਗੋਲਡਨ ਐਰੋਜ਼" ਦੀ 17 ਸਕੁਆਡਰਨ ਦਾ ਹਿੱਸਾ ਹੋਵੇਗਾ । ਭਾਰਤੀ ਹਵਾਈ ਸੈਨਾ ਦੇ ਪਹਿਲੇ ਪੰਜ ਰਾਫ਼ੇਲ ਹਵਾਈ ਜਹਾਜ਼ ਫਰਾਂਸ ਤੋਂ 27 ਜੁਲਾਈ 2020 ਨੂੰ ਏਅਰ ਫੋਰਸ ਸਟੇਸ਼ਨ ਅੰਬਾਲਾ ਪਹੁੰਚੇ ਸਨ ।
ਮਾਣਯੋਗ ਰੱਖਿਆ ਮੰਤਰੀ ਸ਼੍ਰੀ ਰਾਜ ਨਾਥ ਸਿੰਘ ਅਤੇ ਫਰਾਂਸ ਦੀ ਹਥਿਆਰਬੰਦ ਫ਼ੌਜ ਦੀ ਮੰਤਰੀ ਸ਼੍ਰੀਮਤੀ ਫਲੋਰੈਂਸ ਪਾਰਲੀ ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਹੋਣਗੇ । ਚੀਫ਼ ਆਫ ਡਿਫੈਂਸ ਸਟਾਫ ਜਨਰਲ ਬਿਪਿਨ ਰਾਵਤ , ਚੀਫ਼ ਆਫ ਏਅਰ ਸਟਾਫ ਏਅਰ ਚੀਫ਼ ਮਾਰਸ਼ਲ ਆਰ ਕੇ ਐੱਸ ਭਦੌਰੀਆ , ਰੱਖਿਆ ਸਕੱਤਰ ਡਾਕਟਰ ਅਜੇ ਕੁਮਾਰ , ਡਾਕਟਰ ਜੀ ਸਤੀਸ਼ ਰੈੱਡੀ , ਸਕੱਤਰ ਰੱਖਿਆ ਵਿਭਾਗ (ਖੋਜ ਤੇ ਵਿਕਾਸ) , ਡੀ ਆਰ ਡੀ ਓ ਦੇ ਚੇਅਰਮੈਨ ਤੇ ਰੱਖਿਆ ਮੰਤਰਾਲੇ ਤੇ ਫ਼ੌਜ ਦੇ ਉੱਚ ਅਧਿਕਾਰੀ ਭਾਰਤੀ ਹਵਾਈ ਸੈਨਾ ਵੱਲੋਂ ਕਾਇਮ ਕੀਤੇ ਜਾ ਰਹੇ ਮੀਲ ਪੱਥਰ ਦੇ ਇਤਿਹਾਸਕ ਮੌਕੇ ਹੋਣ ਵਾਲੇ ਸਮਾਗਮ ਵਿੱਚ ਸ਼ਾਮਲ ਹੋਣਗੇ । ਫਰਾਂਸ ਵਫ਼ਦ ਦੀ ਪ੍ਰਤੀਨਿਧਤਾ ਸ਼੍ਰੀ ਇਮੈਨੂਅਲ ਲੇਨੈਨ , ਭਾਰਤ ਵਿੱਚ ਫਰਾਂਸ ਦੇ ਰਾਜਦੂਤ , ਏਅਰ ਜਨਰਲ ਐਰਿਕ ਔਟੀਲੈੱਟ , ਫਰਾਂਸ ਏਅਰ ਫੋਰਸ ਦੇ ਵਾਈਸ ਚੀਫ਼ ਆਫ ਏਅਰ ਸਟਾਫ ਅਤੇ ਹੋਰ ਸੀਨੀਅਰ ਅਧਿਕਾਰੀ ਕਰਨਗੇ । ਫਰਾਂਸ ਰੱਖਿਆ ਉਦਯੋਗ ਦਾ ਇੱਕ ਵਫ਼ਦ ਜਿਸ ਵਿੱਚ ਸੀਨੀਅਰ ਅਧਿਕਾਰੀ ਸ਼ਾਮਲ ਨੇ , ਵੀ ਇਸ ਸਮਾਗਮ ਵਿੱਚ ਸ਼ਾਮਲ ਹੋਵੇਗਾ । ਇਸ ਵਫ਼ਦ ਵਿੱਚ ਸ਼੍ਰੀ ਐਰਿਕ ਟ੍ਰੈਪੀਅਰ ਚੇਅਰਮੈਨ ਤੇ ਚੀਫ਼ ਅਗਜ਼ੈਕਟਿਵ ਦਸੌਲਤ ਐਵੀਏਸ਼ਨ ਅਤੇ ਐੱਮ ਬੀ ਡੀ ਏ ਦੇ ਸੀ ਈ ਓ ਸ਼੍ਰੀ ਐਰਿਕ ਬਰੈਂਗਰ ਸ਼ਾਮਲ ਹਨ ।
ਫਰਾਂਸ ਦੇ ਹਥਿਆਰਬੰਦ ਫ਼ੌਜ ਦੇ ਮੰਤਰੀ ਸ਼੍ਰੀਮਤੀ ਫਲੋਰੈਂਸ ਪਾਰਲੇ ਨੂੰ ਦਿੱਲੀ ਪੁੱਜਣ ਤੇ ਰਸਮੀਂ ਗਾਰਡ ਆਫ ਆਨਰ ਦਿੱਤਾ ਜਾਵੇਗਾ । ਅੰਬਾਲਾ ਵਿੱਚ ਹੋਣ ਵਾਲੇ ਸਮਾਗਮ ਦੌਰਾਨ ਰਾਫ਼ੇਲ ਹਵਾਈ ਜਹਾਜ਼ ਦੀ ਰਸਮੀਂ ਅਦਾਕਾਰੀ , ਰਵਾਇਤੀ "ਸਰਵ ਧਰਮ ਪੂਜਾ", ਰਾਫ਼ੇਲ ਤੇ ਤੇਜਸ ਹਵਾਈ ਜਹਾਜ਼ਾਂ ਵੱਲੋਂ ਏਅਰ ਡਿਸਪਲੇ ਅਤੇ "ਸਾਰੰਗ ਏਅਰੋਬੈਟਿਕ" ਟੀਮ ਵੱਲੋਂ ਵੀ ਏਅਰ ਡਿਸਪਲੇ ਹੋਵੇਗਾ । ਇਸ ਤੋਂ ਬਾਅਦ ਰਾਫ਼ੇਲ ਹਵਾਈ ਜਹਾਜ਼ ਨੂੰ ਰਵਾਇਤੀ ਪਾਣੀ ਦੀਆਂ ਤੋਪਾਂ ਨਾਲ ਸਲਾਮੀ ਦਿੱਤੀ ਜਾਵੇਗੀ । ਇਹ ਪ੍ਰੋਗਰਾਮ ਰਾਫ਼ੇਲ ਹਵਾਈ ਜਹਾਜ਼ਾਂ ਨੂੰ 17 ਸਕੁਆਡਰਨ ਵਿੱਚ ਰਸਮੀਂ ਤੌਰ ਤੇ ਸ਼ਾਮਲ ਕਰਨ ਤੋਂ ਬਾਅਦ ਸਮਾਪਤ ਹੋ ਜਾਵੇਗਾ । ਇਸ ਰਸਮੀਂ ਸਮਾਗਮ ਤੋਂ ਬਾਅਦ ਭਾਰਤ ਤੇ ਫਰਾਂਸ ਦੇ ਵਫ਼ਦਾਂ ਵਿਚਾਲੇ ਦੁਵੱਲੇ ਪੱਧਰ ਦੀ ਮੀਟਿੰਗ ਹੋਵੇਗੀ ।
ਆਈ ਐੱਨ / ਬੀ ਐੱਸ ਕੇ / ਜੇ ਪੀ
(Release ID: 1652683)
Visitor Counter : 127