ইন্দিয়ন এয়র ফোর্সনা রাফেল এয়র্ক্রাফ্তপু সেপ্তেম্বর ১০, ২০২০দা অম্বালাগী এয়র ফোর্স স্তেসন্দা হৌনবী মতুং ইন্না হাপচিল্লগনি। এয়র্ক্রাফ্ত অসি ১৭ স্ক্বাদ্রোন, "গোল্দন এরোস"কী শরুক অমা ওইগনি। অহানবগী ইন্দিয়ন এয়র ফোর্স রাফেল এয়র্ক্রাফ্ত অসি ফ্রান্সতগী অম্বালাগী এয়র ফোর্স স্তেসন্দা জুলাই ২৭, ২০২০দা য়ৌরকখিবনি।

ইকাইখুম্নজরিবা ঙাকশেল মন্ত্রী শ্রী রাজনাথ সিংহ অমসুং ফ্রান্সকী আর্ম্দ ফোর্সেস্কী মন্ত্রী  শ্রীমতী ফ্লোরেন্স পার্লীনা থৌরম অদুগী অথোইবা মীথুংলেন ওইবীগনি। চীফ ওব দিফেন্স স্তাফ ফেনরেল বিপিন রাৱৎ, চীফ ওব দি এয়র স্তাফ এয়র চীফ মার্শল আর.কে.এস. ভাদৌরিয়া, ঙাকশেল সেক্রেতরী দা. অজয় কুমার, দা. জি. সথীস রেদ্দী, ঙাকশেল বিভাগকী সেক্রেতরী আর. এন্দ দি. অমসুং চীয়র্মেন দি.আর.দি.ও.গা লোইননা ঙাকশেল মন্ত্রালয় অমসুং আর্ম্দ ফোর্সেস্কী অতোপ্পা মকোক থোংবা ওফিসরশিংনা য়াই.এ.এফ.কী পুৱারীদা মরুওইবা মীৎকুপ অমা ওইহৌরগদবা থৌরমদুদা শরুক য়াগনি। ফ্রান্সকী মাইকৈদা শ্রী ইমানুএল লেনাইন, ভারত্তা লৈবা ফ্রান্সকী এম্বেসেদোর, এয়র জেনরেল ইরিক ওতেলেৎ, ফ্রেঞ্চ এয়র ফোর্স্কী ভাইস চীফ ওব দি এয়র স্তাফ অমসুং অতোপ্পা মকোক থোংবা ওফিসরশিংনা শরুক য়াগনি। ফ্রেঞ্চ দিফেন্স ইন্দস্ত্রীজগী মকোক থোংবা ফন্সনরীশিংগী মরক্তা শ্রী ইরিক ত্রাপিয়র চীয়র্মেন অমসুং চীফ একজিক্যুতিব ওব দাসোল্ত এবিএসন অমসুং শ্রী ইরিক বেরাঞ্জর, সি.ই.ও. এম.বি.দি.এ.সু থৌরম অদুদা শরুক য়াগনি।

শ্রীমতি ফ্লোরেন্স পার্লী আর্ম্দ ফোর্সেস ওব ফ্রান্সকী মন্ত্রীনা দিল্লীদা য়ৌরকপা মতমদা সেরিমোনিএল গার্দ ওব ওনর পীগনি। অম্বালাদা পাঙথোক্কদবা থৌরমদুগী মনুংদা রাফেল এয়র্ক্রাফ্ত মাইখুম হাংবা, মহৌশাদগী তৌরকপা 'সর্ব ধর্ম পুজা', রাফেল অমসুং তেজাস এয়র্ক্রাফ্তকা লোইননা 'সরং এরোবেতিক তীম'দগী এয়র দিস্প্লেসু য়াওগনি। মসিগী মতুংদা, মহৌশাদগী তৌরকপা রাফেল এয়র্ক্রাফ্ততা ৱাতর কেনন সেলুৎ পীগনি। থৌরম অসি রাফেল এয়র্ক্রাফ্তপু ১৭ স্ক্বাদ্রোন্দা হাপচিন্দুনা লোইশিনগনি। থৌরম অসি হেক লোইবগা ভারত অমসুং ফ্রান্সকী মীহুৎশিংগা লোইননা লৈবাক অনীগী মরক্তা ৱারী শানগনি।

*****