(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী অপুনবা ফগৎলকপা লাখ ৩৩ হেনখ্রে; অপুনবা কেসকী চাদা ৭৭ হেন্না নাবা ফখ্রে
• ভারত্তা অপুনবা কোবিদ তেস্ত অসি করোর ৫গী অনৌবা খ্বাইদগী ৱাংনা য়ৌবা অমা
• তেস্ত পর মিলিয়ন অসি লেপ্তনা ৱাংখৎলক্তুনা ঙসি ৩৬,৭০৩ য়ৌখ্রে
• ভারতকী কেস ফেতেলিতী রেৎ অসি মালেমগী চাংচৎতগী হন্থরি অমদি ঙসি চাদা ১.৭০দা লৈখি
•  হৌখিবা নুমিৎ ২০নিদা তেলি-কন্সলতেসন লাখ ১ হেন্না পাঙথোকপগা লোয়ননা ‘ই.-সঞ্জীবনি’ তেলেমেদিসিন সর্বিসনা তেলি-কন্সলতেসন লাখ ৩ হেন্না পাঙথোকপগী রেকোর্দ থমখ্রে
• পি.এম.জি.কে.পি.গী মখাদা লায়রবা করোর ৪২ হেনবনা লুপা করোর ৬৮,৮২০গী শেলগী তেংবাং ফংখ্রে

ভারতকী অপুনবা ফগৎলকপা লাখ ৩৩ হেনখ্রে; অপুনবা কেসকী চাদা ৭৭ হেন্না নাবা ফখ্রে

ভারত্তা হৌজিক ফাওবদা কোবিদ-১৯গী অপুনবা কেসকী চাদা ৭৭ হেন্না নাবা ফখ্রে। নাবা ফখিবগী অপুনবা মশিং লাখ ৩৩ (৩,৩২৩,৯৫০) হেনখ্রে। নোংমদা ফগৎলকপগী চাংসু অনৌবা থাক অমা য়ৌরে।  হৌখিবা পুং ২৪দা কোবিদ-১৯না নারবা মীওই ৭৩,৫২১ নাবা ফখি অমদি দিসচার্জ তৌখি।  নাবা ফরবা মীওইনা এক্তিব কেস (৮,৮৩,৬৯৭)তগী লাখ ২৪ হেল্লে অমদি এক্তিব কেসকী শরুক ৩.৭ ওইরে। ভারতকী কেস ফেতেলিতী রেৎ (সি.এফ.আর.) অসি মালেমগী চাংচৎতগী হন্থরি অমদি ঙসি চাদা ১.৭০দা লৈখি।

ভারত্তা অপুনবা কোবিদ তেস্ত অসি করোর ৫গী অনৌবা খ্বাইদগী ৱাংনা য়ৌবা অমা; তেস্ত পর মিলিয়ন অসি লেপ্তনা ৱাংখৎলক্তুনা ঙসি ৩৬,৭০৩ য়ৌখ্রে

ভারত্তা অনৌবা খ্বাইদগী ৱাংনা অমদা-অপুনবা তেস্ত তৌবগী মশিং অসি ঙসি করোর ৫ লানখ্রে। ভারতকী ওইনা জানুৱারী ২০২০দা নেস্নেল ইন্সতিত্যুৎ ওফ ভাইরোলোজী, পুনেগী লেবোরেতরীদা নোংমদা শুপ্নতগী তেস্ত অমখক্তমক তৌদুনা হৌরকখিবা অদু ঙসি ৫,০৬,৫০,১২৮ য়ৌরে। হৌখিবা পুং ২৪দা তেস্ত ১০,৯৮,৬২১ পাংথোকখিদুনা তেস্ত তৌবগী ঙম্বগী চাং অসি হেনগৎলক্লি। নুতিগী তেস্ত তৌবগী চাংচৎ(চয়োলগী ওইনা) অসিনা লেপ্তনা হেনগৎলকপগী মওং তাক্লি। মসিদা জুলাইগী অহুমশুবা চয়োলদগী(৩,২৬,৯৭১)দগী সেপ্তেম্বরগী অহানবা চয়োলদা(১০,৪৬,৪৭০)দা শরুক ৩.২ হেনগৎপা মওংদা রেজিস্তর তৌখ্রে। লৈবাক অসিদা দাইগ্নোস্তিক লেবোরেতরীশিং অসি পাকথোক-চাউথোকহন্দুনা মী মশিং মিলিয়ন্দা তেস্ত তৌবা অসি খংহেন হেনগৎহনখ্রে। ঙসি ফাওবদা তি.পি.এম.অসি জুলাইদা ৬৩৯৬ ওইরম্বদগী ৩৬,৭০৩ ওইখ্রে। লৈবাক অসিগী তেস্তিং নেতৱর্ক অসি লেপ্তনা মপাঙ্গল হেনগৎহন্দুনা ঙসি লৈবাক অসিদা লেবোরেতরী ১৬৬৮লৈখ্রে; সরকারগী সেক্তরদা লেবোরেতরী ১০৩৫ অমসুং লন্নাইগী সেক্তরদা লেবোরেতরী ৬৩৩ লৈরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1652220

কেন্দ্রগী হকশেল মন্ত্রালয়গী ‘ই.-সঞ্জীবনি’ তেলেমেদিসিন সর্বিসনা তেলি-কন্সলতেসন লাখ ৩ হেন্না পাঙথোকপগী রেকোর্দ থমখ্রে, হৌখিবা নুমিৎ ২০নিদা তেলি-কন্সলতেসন লাখ ১ হেন্না পাঙথোকখি

হকশেল মন্ত্রালয়গী তেলি-কন্সলতেসন পীনবা প্লেৎফোর্ম অমা ওইরিবা ‘ই.-সঞ্জীবনি’ তেলি-মেদিসিন সর্বিসনা তেলি-কন্সলতেসন লাখ ৩ হেন্না পাঙথোকখ্রে। কেন্দ্রগী হকশেল অমসুং য়াইফ য়ুম্বাল মন্ত্রী দাঃ হর্শ বর্ধন্না ওগস্ত ৯, ২০২০দা প্লেৎফোর্ম অসিগী তেলি-কন্সলতেসন লাখ ১.৫ শুবগী হরাওবা পাঙথোক্নবা মীফম অমদা থৌবুরেল ওইখ্রে। নুমিৎ অদুদগী থারগা থা অমগী মনুংদা তেলি-কন্সলতেসন পাঙথোকপগী মশিং অসি শরুক অনি হেনগৎখি। কন্সলতেসন লাখ ১দি হৌখিবা নুমিৎ ২০নি খক্তদা পাঙথোকখি। প্লেৎফোর্ম অসিগী লাখ ১শুবা মশিংদি জুলাই ২৩, ২০২০দা য়ৌখি অমসুং মসিগী মতুং নুমিৎ ২৬নি খক্তদা ওগস্ত ১৮দা মখা তারকপা লাখ ১ পাঙথোকখি। ফিজিকেল দিস্তেন্সিংগী কাঙলোন ইন্না চত্তুনা সর্বিস অসিনা দাক্তরশিংগা অনাবশিংগা পাউ ফাওনহনখি। হৌজিক শন্দোক্লিবা লায়না অসিগী য়াম্না লৌনগনবা মওং অসি য়েংলদুনা মহৌশাগী ওইবা অনা লায়েংবগী থৌওং অসি খুদোংথিনিংঙাই ওইরে হায়না লৌনরিবা তাল্লক অসিদা মসিগী প্লেৎফোর্ম অসিনা মীয়ামদা তঙাই ফদবা অনা লায়েংবগী খুদোংচাবা ফংহনখি। ই.-সঞ্জীবনি প্লেৎফোর্ম অসিনা তেলিমেদিসিন সর্বিস মখল অনি পীরিঃ দাক্তরদগী দাক্তরদা (ই.-সঞ্জীবনি) অমসুং অনাবনা দাক্তরদা (ই.-সঞ্জীবনি ও.পি.দি.) তেলি-কন্সলতেসন তৌবা। অহানবগী মখল অসি অয়ুশ্মান ভারত হেল্থ অমসুং ৱেলনেশ সেন্তর (এ.বি.-ঐচ.দবল্যু.সি.শিং) প্রোগ্রামগী মরু ওইবা য়ুম্বী অমনি। মসি নবেম্বর ২০১৯দগী পাঙথোকপা হৌখিবনি। মসিনা দিসেম্বর ২০২২ ফাওবগী মনুংদা “হব অমসুং স্পোক” মোদেলগী মওংদা হেল্থ অমসুং ৱেলনেশ সেন্তর অপুনবা লাখ ১.৫দা তেলি-কন্সলতেসন পাঙথোকহন্নবা পান্দম থম্লি। রাজ্যশিংনা মেদিকেল কোলেজ অমসুং জিলাগী হোস্পিতালসিং মশক খঙদোক্তুনা “হব” শেমগদবনি অমসুং “স্পোক” ওইরিবা এস.ঐচ.সি. অমসুং পি.ঐচ.সি.শিংদা তেলি-কন্সলতেসন সর্বিস পীগদবনি। হকশেল মন্ত্রীনা অনিশুবা কন্সলতেসন সর্বিস ‘ই.-সঞ্জীবনি’ অসি কোবিদ-১৯গী লায়চৎ অসি য়েংলদুনা অনাবশিংনা দাক্তরশিংগা ৱারী শান্নবা য়াহন্নবা চহিসিগী এপ্রিল ১৩দা হৌদোকখিবনি। মসিগী সেবা অসিনা কোবিদ শন্দোকপা থিংবদা তেংবাংবতা নত্তনা কোবিদকা মরী লৈনদা হেল্থলেয়র পীবদসু অচৌবা মতেং পাংলি। হৌজিক ফাওবদা ই.-সঞ্জীবনি অসি রাজ্য ২৩দা থবক পাঙথোক্লি অমসুং অতোপ্পা রাজ্যশিংদা থবক হৌনবা কন্না হোৎনরি। তমিল নাদু মথন্তনা ই.-সঞ্জীবনি এপ্তগী কন্সলতেসন ৯৭,২০৪ পাঙথোকখি। উত্তর প্রদেশনা পুন্না কন্সলতেসন ৬৫,১৭৩ পাঙথোক্তুনা অনিশুবা মফমদা লৈরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1652246

প্রধান মন্ত্রী গরীব কল্যান পেকেজগী হৌজিক ফাওবগী মাই পাকপা, পি.এম.জি.কে.পি.গী মখাদা লায়রবা করোর ৪২ হেনবনা লুপা করোর ৬৮,৮২০গী শেলগী তেংবাং ফংখ্রে

লুপা করোর ১.৭০গী প্রধান মন্ত্রী গরীব কল্যান পেকেজ (পি.এম.জি.কে.পি.)গী শরুক অমা ওইনা সরকারনা নুপীশিং অমসুং অহল ওইরবা লায়রবা মীওইশিং অমসুং লৌউবশিংগীদা লেম্না হৱাই-চেংৱাই য়েন্থোকপা অমসুং শেলগী তেংবাং পীগনি হায়না লাউথোকখ্রবনি। স্কিম অসিবু খোঙজেল য়াংনা পায়খৎপগী থৌওংশিং অসি কেন্দ্র অমসুং রাজ্য সরকারশিংনা য়েংশিন্দুনা লাক্লি। প্রধান মন্ত্রী গরীব কল্যান পেকেজগী মখাদা চাউরাক্না লায়রবা মীওই করোর ৪২না শেলগী তেংবাং ওইনা লুপা করোর ৬৮,৮২০ ফংখ্রে। পি.এম.-কিসানগী অহানবা ইন্সতোলমেন্ত ওইনা বেনিফিসরী করোর ৮.৯৪দা পীনবা লুপা করোর ১৭,৮৯১গী শেনফম কায়থোকখ্রবনি। জন ধনগী একাউন্ত লৈবা নুপী করোর ২০.৬৫ (১০০%)দা অহানবা ইন্সতোলমেন্তকী শেনফম লুপা করোর ১০,৩২৫ হাপখ্রে। জন ধনগী একাউন্ত লৈবা নুপী করোর ২০.৬৩ (১০০%)দা অনিশুবা ইন্সতোলমেন্তকী শেনফম লুপা করোর ১০,৩১৫ হাপখ্রে। জন ধনগী একাউন্ত লৈবা নুপী করোর ২০.৬২ (১০০%)দা অহুমশুবা ইন্সতোলমেন্তকী শেনফম লুপা করোর ১০,৩২২ হাপখ্রে। অহল ওইরবা মীওই, লুখ্রাবী অমসুং নাম্মা শোয়বা মীওই চাউরাকপা করোর ২.৮১দা লুপা করোর ২,৮১৪.৫গী শেনফম অসি ইন্সতোলমেন্ত অনি থোক্না পীখ্রবনি। বেনিফিসরী করোর ২.৮১দা ইন্সতোলমেন্ত অনি থোক্না কান্নবা অসি ফংহনখ্রবনি। য়ুম-কৈ শাবগী শিন্মী করোর ১.৮২দা লুপা করোর ৪,৯৮৭.১৮গী শেনফম ফংহনখ্রবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1652231

নোইদাগী ই.এস.আই.সি. হোস্পিতাল অমসুং দিস্পেন্সরীশিংদা সর্ভিস ফজনা পীদবগী মরান শীরকপা অসিগী মতাংদা ই.এস.আই.সি.না শেংদোকখ্রে

পাউচে খরদা ই.এস.আই. আই.পি.শিং অমসুং মখোয়গী বেনিফিসরীশিংনা নোইদাগী ই.এস.আই.সি. হোস্পিতাল অমসুং দিস্পেন্সরীশিংদা লায়েং ফজনা চত্থদে হায়না ফোঙলিবা পাউশিং অসিগী মতাংদা ই.এস.আই.সি.না নোইদাগী ই.এস.আই.সি. হোস্পিতালনা দেদিকেতেদ মেদিকেল ক্যের অমসুং আই.পি.শিং অমসুং মখোয়গী বেনিফিসরীশিংদা লায়েংবগা মরী লৈনবা সর্ভিস মখল পুম্নমক ফংহল্লি হায়না শেংদোকখ্রে। অসিগুম্বা কোবিদ-১৯গী লায়চৎ মনুংদা  ই.এস.আই.সি. হোস্পিতালনা শীংধানিংঙাই ওইবা মওংদা মেদিকেল ক্যের ফংহল্লি হায়বা অসি মরী লৈনবা দেতানা চাউনা উৎলি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1652239

গরিব কলয়ান রোজগার অভিয়ানগী মখাদা ২০২০গী সেপ্তেম্বর ৪ ফাওবদা ভারত রেলৱেজনা মেনদেস ৮,০৯,০০০ হেনবদা থবক পীখ্রে

রাজ্য ৬ হায়বদি বিহার, ঝারখান্দ, মৈধ্য প্রদেস, ওরিসা, রাজস্থান অমসুং উত্তর প্রদেসতা গরিব কলয়ান রোজগার অভিয়ানগী মখাদা ২০২০গী সেপ্তেম্বর ৪ ফাওবদা ভারত রেলৱেজনা মেনদেস ৮,০৯,০০০গী থবক পীখ্রে। স্কিম অসিগী মখাদা হায়রিবা রাজ্যশিং অসিদা অতোপ্পা মফমশিংদগী হল্লকপা শিন্মীশিংদা থবক ফংহল্লিবা অমসুং পায়খৎলিবা প্রোজেকশিং অসিগী খুমাঙ চাউশিনবা রেলৱেজ অমসুং কমর্স অমসুং ইন্দস্ত্রি মিনিস্তর পিয়ুস গোয়ালনা কুপ্না য়েংশিল্লি। ২০২০গী সেপ্তেম্বর ৪ ফাওবদা, মসিগী অভিয়ান অসিদা শিন্মী ১২,২৭৬ শীজিন্নখি অমসুং পায়খৎলিবা প্রোজেকশিং অসিগীদমক কন্ত্রেক্তরশিংদা লুপা করোর ১,৬৩১.৮০ থাদোকখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1652266

কেন্দ্রগী মন্ত্রী দা. জিতেন্দ্র সিংহনা হায়খ্রে মদুদি ভারতকী মার্চেন্তস চেম্বরগী থৌদাং অসি কোবিদ মতুংগী ইকোনোমীদা য়াম্না মরু ওই

অকুপ্পা ৱারোলগীদমক: https://pib.gov.in/PressReleseDetail.aspx?PRID=1652079

এপ্রিল ১দগী হৌরগা লাইচৎ মনুংদা ই.পি.এফ.ও.না ক্লেম লাখ ৯৪.৪১ সেতল তৌখ্রে

অকুপ্পা ৱারোলগীদমক: https://pib.gov.in/PressReleseDetail.aspx?PRID=1652291

পি.আই.বি. ফিল্দ ওফিসশিংদগী ফংবা পাউ

•         পঞ্জাব: মুখ্য মন্ত্রী, কেপ্তেন অমরিন্দর সিংনা থাংজ নুমিত্তা নন-ইসেন্সিয়েল ওইবা দুকানশিং হাংদোকপা য়াবা অমসুং নুমিদাংগী পুং মাপল ফাওবা নিংথৌকাবদগীনা থাংজা ফাওবদা পীরিবা মতমশিং অদুদা কোমথোকপা য়াওনা অর্বান এরিয়াশিংদা লোকদাউন তৌরিবা অদু খরা কোমথোকহল্লগনি হায়না লাউথোকখ্রে। রিভাইস তৌরবা এদিশনগী মতুং ইন্না নুংদাংগী কর্ফ্যু অদু হৌজিক্তি নুংদাংগী পুং ৯.৩০দগী অয়ুক্কী পুং ৫ ফাওবা সিতীশিং/তাউনশিংদা থম্লগনি।

•          হরিয়ানা: কোবিদ-১৯গী লাইচৎকী চিরবা মতম অসিবু খুদোংচাবা ওইনা ওন্থোক্তুনা, হরিয়ানাগী মুখ্য মন্ত্রীনা অনৌবা সেশন অসিগীদমক্তা গোভর্নমেন্ত এদেদ অমসুং সেল্ফ-ফাইনান্স কোলেজশিংদা অন্দরগ্রজুৱেট কোর্সশিংদা মিং চন্নবগীদমক্তা ওনলাইন এদমিশন প্লেতফোর্ম অমা ভর্চৱেল ওইবা মওংদা হৌদোকখ্রে। মহৈরোইশিংনা এদমিশন, স্কোলারশিপকী মতাংদা মরী লৈনবা ই-পাউশিং ফংনবগীদমক্তা ৱাতসএপ চেতবোক্স নম্বর ৭৪১৯৪৪৪৪৮৯দা মেসেজ থাবা মথৌ তাই।

•          হিমাচল প্রদেশ: প্রসিদেন্ত রাম্নাথ কোভিন্দনা নেস্নেল এজুকেশন পোলিসীগী মতাংদা গোভর্নরশিং, লেফতেনেন্ত গোভর্নর অমসুং ভাইস চান্সেলরশিংগা লোইননা পাংথোকখিবা ভীদিও কনফরেন্স অদুদা মহাক্কী ৱাখল্লোনশিং অদু ফোংদোক্লদুনা, গোভর্নর, শ্রী বন্দারু দত্তারিয়ানা হায়খি মদুদি রাজ্য অসিনা হিমাচল প্রদেশপু পোলিসী অসি চৎনহনবদা অহানবা রাজ্য ওইহনগনি হায়বগী ৱাফম থমখি হায়রি।

•          অরুনাচল প্রদেশ: অরুনাচল প্রদেশতা কোবিদ-১৯গী অনৌবা কেস ১৮০ থেংনখি অমসুং পেসেন্ত ১২৪ দিসচার্জ তৌখ্রে। রাজ্য অসিদা চাদা ৬৯ ফগৎলকপগা লোইননা এক্তিব কেস ১৫৭৬ লৈরি।

•          অসাম: অসামদা হৌখিবা পুং ২৪দা কোবিদ-১৯ পেসেন্ত ২২৫০ ফগৎলক্তুনা দিসচার্জ তৌখ্রে। রাজ্য অসিদা কোবিদ-১৯গী অপুনবা মশিং অসি ১২৮২৪৪ য়ৌখ্রে। মসিগী মনুংদা ৯৯০৭৩ দিসচার্জ তৌখ্রে অমসুং এক্তিব কেস ২৮৭৯৮ লৈরি।

•          মনিপুর: মনিপুরদা কোবিদ-১৯ পোজিতিব ওইবা মীওই ৮৪ অমুক থেংনখি। চাদা ৭৫গী চাংদা ফগৎলক্তুনা ফখিবশিংগী মশিং অসি ১৯৪ লৈরি। রাজ্য অসিদা এক্তিব কেস ১৭১০ লৈরি। মনিপুরগী সরকারনা ২৪ x৭ কোবিদ কন্ত্রোল রুম হেলপলাইন নম্বর – ১৮০০৩৪৫৩৮১৮ অমা মথৌ তৌহল্লি।

•          মঘালয়া: মঘালয়াদাকোবিদ-১৯ এক্তিব কেস অসি ১৪৫৭ য়ৌখ্রে। মখৌয়শিং অসিগী মনুংদা ৩১৪দি বি.এস.এফ. অমসুং আর্মদ ফোর্সেসতগীনি। হৌজিক ফাওবদা কোবিদ-১৯গী পেসেন্ত ১৫৬০ ফখ্রে।

•          মিজোরাম: মিজোরামদা ঙরাং কোবিদ-১৯গী কেস মাপল অমুক কনফর্ম তৌখ্রে। রাজ্য অসিদা অপুনবা কেস ১১২৩ য়ৌখ্রে মসিগী মনুংদা ৩৯১দি এক্তিব কেসনি।

•          নাগালেন্দ: নাগালেন্দদা, কোহিমানা বসশিংগীদমক্তা জিগ-জাগ সীতিং এরেঞ্জমেন্ত হৌদোকখ্রে। বসশিংদা লেপ্পা অমত্তা য়াখিদ্রে। ওফিসিয়েলশিংনা চাং নাইনা বসশিংগী চেক তৌরগনি।

•          সিক্কিম: সিক্কিমদা ঙসি কোবিদ-১৯গী অনৌবা কেস ১৯ থেংনখি। রাজ্য অসিদা এক্তিব কেসশিংগী মশিং ৫৩৮ য়ৌখ্রে অমসুং ফরবা মতুংদা হৌজিক ফাওবদা কোবিদ-১৯গী পেসেন্ত ১৪০৩ দিসচার্জ তৌখ্রে।

•          কেরলা: এক্সাইজ দিপার্তমেন্তনা অমলোক-৪গী শরুক অমা ওইনা অতোপ্পা রাজ্যশিংদা অয়াবা পীখিবগী অদুগী মতুং ইন্না রাজ্য অসিদা বারশিং আংদোকপগী অয়াবা পীখ্রে। শক্নাইরবা মলয়ালম প্লেরাইৎ কে এ. উম্মেরকুত্তীনা শিখিবগা লোইননা ঙসি কোবিদ-১৯না মরম ওইরগা মরি শিখিবগী পাউ লৈখি। মসিনা শিবগী মশিং অসি ৩৬৩ য়ৌহনখ্রে। কেরলাদা ঙরাং কোবিদ-১৯গী অনৌবা কেস ১,৬৪৮ থেংনখি। পেসেন্ত ২২,০৬৬ লাইয়েংদুনা লৈরি অমসুং রাজ্য শিনবা থুংনা মীওই ২,০০,৬৫১ ক্বারন্তিন তৌদুনা লৈরি।

•          তামিল নাদু: লৈবাকপোকপগী অয়ুক্কী পুং ১০দা লোইদুনা হৌখিবা পুং ২৪দা পুদুচেরীদা কোবিদনা মরম ওইরগা শিবগী চাং অসি ১২ অমুক শিখিবগা লোইননা চাদা ১.৯দা হেগৎখ্রে অমসুং অনৌবা কেস ৪৪০ থেংনখি। হৌজিক ফাওবদা য়ু.তি.অসিদা মীওই ১৭৭৪৯ ভাইরস অসিনা ইনফেক্ত তৌখ্রে, মসিগী মনুংদা ১২৫৮১দি লাইয়েংখ্রে অমসুং দিসচার্জ তৌখ্রে অমসুং ৩৩৭না শিখ্রে, এক্তিব কেস ৪৮৩১ লৈরি।

•          কর্নাতকা: হৌজিক চত্থরিবা কোবিদ-১৯গী ফিভম অসিনা মরম ওইরগা, রাজ্য সরকারনা হনদক্কী চহি অসিদা মাইসুরু দসরা চম্না পাংথোক্নবা লেপখ্রে। সরকার অসিনা চামুন্দেস্বরিদা পুজা কত্তুনা দসারা শঙ্গানবা দোক্তরশিং, নর্সশিং, পৌরাকার্মিকা, আশা ৱার্করশিং অমসুং পুলিস য়াপনা কোবিদ ৱারিয়রশিং ইনভাইৎ তৌনবা ৱারেপ লৌখি।

•          অন্ধ্র প্রদেশ: রাজ্য অসিগী অপুনবা মশিং অদু ৫,০৬,৪৯৩ য়ৌদুনা কোবিদ কেস অদু লাখ মঙা হেনখ্রে। নিংথৌকাবা নুমিত্তা শিবগী মশিং অসি ৪,৪৮৭ য়ৌখ্রে। অপুনবগী ওইনা ইনফেক্সন পোজিতিব ওইবগী চাং অসি ১২.১৬তা হেনগৎখ্রে অদুগা ফগৎলকপগী চাংসু চাদা ৭৯.৭৮দা হেগৎখ্রে, অদুগা শিবগী চাংনা চাদা ০.৮৯দা লৈংদনা লৈখি। রাজ্য অসিনা মার্চ ১২দা ভাইরস অসিগীদমক্তা অহানবা মীওই অমা পোজিতিব ওইবা থেংনখিবদগী কেস অমদগী কেস লাখ মঙা য়ৌরকপদা নুমিৎ ১৮০ চংখি লোইননা অরোইবা লাখ অনি অদুনা নুমিৎ ২০ খক্তদা থেংনখি।

•          তেলঙ্গানা: হৌখিবা পুং ২৪দা অনৌবা কেস ২৩৯২ থেংনখি, ২৩৪৬ ফগৎখি অমসুং ১১ শিখিবগী পাউ লৈখি; কেস ২৩৯২গী মনুংদা, জি.ঐচ.এম.সি.দগী কেস ৩০৪ থেংনখি। অপুনবা কেসশিং: ১,৪৫,১৬৩; এক্তিব কেসশিং: ৩১,৬৭০; শিখিবশিং: ৯০৬; দিসচার্জ তৌখিবশিং: ১,১২,৫৮৭। রাজ্যগী হেল্থ বুলেতিনগী মতুং ইন্না সরকারগী হোসপিতালশিং অমসুং লনাইগী তীচিং হোসপিতালশিং পুন্সিল্লগা কোবিদ-১৯ পেসেন্তশিংগীদমক্তা অহাংবা ফমুং ১৭,৭৩৪ লৈরি।

•          মহারাস্ত্র: মহারাস্ত্রনা লোকদাউনগী নোর্মশিং কোমথোক্লবা মতুংদা তেস্তিং কিতশিংগী প্রোদক্সন হন্থরবদা, রাজ্য সরকারনা লানাইগী লেবোরেতরীসিংদা পাংথোক্লিবা আর.তি.-পি.সি.আর. কোবিদ-১৯ তেস্তশিংগী মমল অদু মখাতানা হন্থহনখ্রে। সরকারগী ৱারেপকী মতুং ইন্নাকলেক্সন সাইৎশিংদগী তেস্ত সেমপলশিং লৌবগী মমল অদু মমাংগী থাদা লেপখিবা মমল লুপা ১,৯০০দগী লুপা ১,২০০দা হন্থহনখ্রে। কিওস্কশিং, কোবিদ-১৯ কেয়র কলেক্সন সেন্তরশিং, হোসপিতালশিং, ক্লিনিকশিং, লেবোরেতরীশিংগী ক্বারন্তিন সেন্তরশিংদগী সেমপলশিং লৌবগী মমল অদি হৌজিক্তি হান্নগী লুপা ২,২০০ ওইরম্বা অদুদগী লুপা ১,৬০০দা ওইহনখ্রে।

•          মধ্য প্রদেশ: রাজ্য সরকার অসিনা ওক্তোবর ৩১ ফাওবদা কোরোনাভাইরস লাইয়েংনবগীদমক্তা ওক্সিজেন বেদ ৩,৬০০ অমসুং আই.সি.য়ু বেদ ৫৬৪ হাপচিন্নবা পান্দম থম্লি। কোরোনাভাইরসকী লৈরিবা ফিভম অসি য়েংশিন্নবা মুখ্য মন্ত্রী, শিবরাজ চৌহন্না সভাপতি ওইদুনা পাংথোকখিবা মীফম অমদা, মেদিকেল এজুকেশনগী মন্ত্রী, মন্ত্রী ৱিশৱাস সরাংনা খঙহনখি মদুদি কোবিদ-১৯ লাইয়েংলিবা লনাইগী হোসপিতালশিংনা লাইচৎ অসি শন্দোরক্ত্রিঙৈগী মমাংদা লৌরম্বা মমল অদুদগী চাদা ৪০ খক্তমক হেন্দুনা লৌবা য়াগনি হায়না রাজ্য সরকার অসিনা ৱারেপ লৌখ্রে হায়রি।

•          ছত্তিসগর: ছত্তিসগরগী কোরোনাভারস কেসকী মশিং অদু মীওই ২,০১৭ অমুক হেনগৎলকপগা লোইননা পুন্না ৪৭,২৮০ য়ৌখ্রে, অদুগা ভাইরস অসিনা মরম ওইরগা ১৫ অমুক শিখিবগা লোইননা শিখিবশিংগী মশিং অদু ৩৯৫ য়ৌখ্রে। জিলা ২৮দগী থেংনখিবা অনৌবা কেস ২,০১৭গী মনুংদা রাজ্য অসিদা লাইচৎ অসিনা খ্বাইদগী হেন্না শোকহন্দুনা রায়পুর জিলাদা (কেস ৬৫৪) খ্বাইদগী য়াম্না থেংনখি, কেস ১৬,৮৬৬কা লোইননা রায়পুর জিলানা রাজ্য অসিদা মশিং খ্বাইদগী য়াম্না হেল্লি অমসুং হৌজিক ফাওবদা ২০৭ শিখিবা থেংনখি।

ফেক্ত চেক

*****