PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 07 SEP 2020 6:20PM by PIB Imphal

Coat of arms of India PNG images free download

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • ভারত্তা ফগৎলকপা অপুনবা মশিং অসি হেগৎলকপা লেপত্রি, ঙসি লাখ ৩২.৫ হেনখ্রে
  • ফগৎলকপগী চাং চাদা ৭৭.৩১ য়ৌরে
  • রাজ্য ৫গী অপুনবা কেস ৬০% ওইরি, ভারত্তা এক্তিব কেস চাদা ৬২% অমদি অপুনবা শিখিবগী চাং ৭০% ওইবগী রিপোর্ত ফংখ্রে
  • হকশেল মন্ত্রীনা কেন্দ্রগী তিমশিং পঞ্জাব অমসুং চন্দীগরদা থাজিনখ্রে নুমিৎ ১০নি স্তেসন তৌদুনা লৈগনি, রাজ্যশিং/য়ু.তি.শিংনা কোবিদ-১৯গী কন্তেনমেন্ত, সর্ভিলেন্স, তেস্ত তৌবা অমসুং মপুং ফানা ক্লিনেক মেনেজমেন্ত তৌনবা মীয়ামগী হকশেলগী ওইনা লৌখৎলিবা খোঙথাংশিং য়েংশিনবদা কেন্দ্রগী তিমনা মতেং পাংলগনি
  • উত্তর প্রদেশনা কোবিদ কন্ত্রোল অমসুং কম্মান্দ সেন্তরগী অপুনবা পথাপ অমা অমসুং অপুনবা কোবিদকী পোর্তেল অমা শেমখ্রে
  • শ্রী থাৱার্চান্দ গেহলোৎনা '২৪X৭ তোল-ফ্রী মেন্তেল হেল্থ রিহেবিলিতেসন হেল্পলাইন কিরন- (1800-599-0019) হাংদোকখ্রে

ভারত্তা ফগৎলকপা অপুনবা মশিং অসি হেগৎলকপা লেপত্রি, ঙসি লাখ ৩২.৫ হেনখ্রে, রাজ্য ৫গী অপুনবা কেস ৬০% ওইরি, ভারত্তা এক্তিব কেস চাদা ৬২% অমদি অপুনবা শিখিবগী চাং ৭০% ওইবগী রিপোর্ত ফংখ্রে

পুং ২৪ অসিদা ভারতকী ওইনা নারম্বদগী ফগৎলকপগী অপুনবা মশিং অসি ঙসি লাখ ৩২.৫ হেনখিবগা লোয়ননা অনাবা ৬৯,৫৬৪ অসি দিসচার্জ তৌখ্রে। মসিনা ফগৎলকপগী চাং অসি চাদা ৭.৩১ ওইখ্রে। মসিনা কেস ফেতেলিতী রেৎ অসিদসু ফগৎহন্দুনা ঙসি চাদা ১.৭০ দা হন্থখ্রে। মহারাস্ত্রনা চাদা ২১.৬ ওইদুনা খ্বাইদগী মকোক্তা লৈদুনা, আন্ধ্র প্রদেশ (চাদা ১১.৮), তমিল নাদু (চাদা ১১.০), কর্নাতকা (চাদা ৯.৫) অমসুং উত্তর প্রদেশনা চাদা ৬.৩ ওইনা মথং চত্তুনা রাজ্য ৫গী অপুনবা মশিং অসি চাদা ৬০ ওইরি। মহারস্ত্রদসু এক্তিব ওইবা কেস মশিং অসি চাদা ২৬.৭৬ ওইদুনা আন্ধ্র প্রদেশ (চাদা ১১.৩০), কর্নাতকা (চাদা ১১.২৫), উত্তর প্রদেশ (চাদা ৬ .৯৮) অমসুং তমিল নাদুনা (চাদা ৫.৮৩) মথংদা লৈরি। রাজ্য ৫সিদা অপুনবা এক্তিব ওইবা কেস অসি চাদা ৬২ নি। অপুনবা ফগৎলকপগী চাং অসি ঙসি লাখ ৩২.৫ (৩২,৫০,৪২৯) হেনখ্রে। হৌখিবা পুং ২৪সিদা নৌনা ফগৎকিবা কেসশিং অসি ১১,৯১৫ ওইদুনা খ্বাইদগী চাং ৱাংনা ফগৎখিবগী রেকোর্দ তৌখ্রে। হৌখিবা পুং ২৪সিদা কর্নাতকা অমসুং মহারাস্ত্রদা ফগৎখিবা অসি ৯৫৭৫ অমসুং ৭৮২৬ উখি অদুগা নৌনা ফগৎখিবগী তমিল নাদু অমসুং উত্তর প্রদেশতা মথংশিৎনা ৫৮২০ অমসুং ৪৭৭৯ উখি। হৌখিবা পুং ২৪সিদা ফগৎলকখিবগী চাং অসি চাদা ৫৭ ওইখ্রে।

অকুপ্পা ৱারোলগীদমক:

রাজ্য/য়ুনিয়ন তেরিতোরীশিংগী দেতাশিংদা অনৌবা হাপচিনবশিং, ফগৎলকখিবশিং অমসুং শিবগী রিপোর্তশিং ফংখ্রে

অকুপ্পা ৱারোলগীদমক:

হকশেল মন্ত্রীনা কেন্দ্রগী তিমশিং পঞ্জাব অমসুং চন্দীগরদা থাজিনখ্রে নুমিৎ ১০নি স্তেসন তৌদুনা লৈগনি; রাজ্যশিং/য়ু.তি.শিংনা কোবিদ-১৯গী কন্তেনমেন্ত, সর্ভিলেন্স, তেস্ত তৌবা অমসুং মপুং ফানা ক্লিনেক মেনেজমেন্ত তৌনবা মীয়ামগী হকশেলগী ওইনা লৌখৎলিবা খোঙথাংশিং য়েংশিনবদা কেন্দ্রগী তিমনা মতেং পাংলগনি

হকশেল অমসুং য়াইফ য়ুম্বাল মন্ত্রালয়না পঞ্জাব অমসুং য়ু.তি.ওফ চন্দীগরদা কেন্দ্রগী তিমশিং থাজিন্নবা ৱারেপ লৌখ্রে। অৱাংবা থাক্কী তিম অসিনা শীবগী চাং হন্থনবা অমদি পুন্সি কয়া কন্নবা পান্দমগা লোয়ননা কোবিদ-১৯নাবা মীওইশিংগী কন্তেনমেন্ত, সর্ভিলেন্স, তেস্ত তৌবা অমসুং মপুং ফানা ক্লিনেক মেনেজমেন্তগী তৌনবগী মীয়ামগী হকশেলগী ওইনা খোঙথাংশিং রাজ্যশিং/য়ু.তি.শিংনা লৌখৎলিবা অসিদা মতেং পাংলগনি। মখোয়না রাজ্যশিং/য়ু.তি.শিংদা মতম চানা দাইগনোস্তিক অমসুং ফোলো অপ তৌবগা মরী লৈনবা খুদোংচাদবশিং মপুং ফানা কোকহন্নবা হোৎনবদা লমজিংগনি। মীহুৎ অনিগী তিমশিং অসিদা পি.জি.আই.এম.ই.আর., চন্দীগরগী কম্ম্যুনিতী মেদিসিন এক্সপর্ত অমা অমসুং এন.সি.দি.সি.দগী ইপিদেমিওলোজিস্ত অমা য়াওগনি। তিমশিং অসিনা রাজ্য/য়ু.তি.দা কোবিদ লাকশিন্নবা লমজিং লমতাক্নবা নুমিৎ তরানি স্তেসন তৌদুনা লৈগনি। পঞ্জাবনা পুন্না কেস ৬০,০১৩ রিপোর্ত তৌরকখি অদুগা ঙসি ফাওবদা এক্তিব কেস ১৫,৭৩১ লৈরি। শীখিবা ১৭৩৯ রেজিস্তর তৌখ্রে। রাজ্য অসিগী মীশিং মিলিয়ন অমদা তৌবা তেস্তকী মশিং অসি ৩৭৫৪৬ ওই (হৌজিক্কী ওইনা ভারতকী চাংচৎতা ওইরিবা মশিং অই ৩৪৫৯৩.১নি) লোয়ননা ৪.৯৭% ওইদুনা পোজিতিবিতীগী অপুনবগী অতাবা স্পেক্ত্রমদা লৈরি। য়ু.তি.ওফ চন্দীগরদা এক্তিব কেস ২০৯৫ রিপোর্ত তৌরক্লি অমরোমদা অপুনবা কেস অসি ৫২৬৮ ওইরি। মীশিং মিলিয়ন অমদা তৌবা তেস্ত অমসুং অপুনবা পোজিতিবিতী অসি মথং শিৎনা ৩৮০৫৪ অমসুং ১১.৯৯% ওইরি।

অকুপ্পা ৱারোলগীদমক:

কেন্দ্রগী হকশেলগী সেক্রেতরীনা রাজ্য/য়ু.তি. ৬কী হকশেলগী সেক্রেতরীশিংগা ৱারী শাদুনা হাই সর্জ, কেসলোদ অমসুং ফেতালিতীগী মতাংদা পুথোক্তুনা ৱারী শান্নখ্রে
কেন্দ্রগী হকশেল সেক্রেতরীনা ভিদিও কনফরেন্সকী থোংদা রাজ্য ৫গী অমসুং য়ু.তি. ১গী হকশেলগী সেক্রেতরীগা মখোয়গী মখাদা লৈবা জিলা ৩৫দা লাকশিন্নবা অমসুং কোবিদ মেনেজমেন্তকী মতাংদা য়েংশিন মীফম অমা কৌখি। হায়রিবা জিলা ৩৫ অসিদা নোংচুপ বেঙ্গালগী ওইনা কোলকতা, হাউরা, নোর্থ ২৪ পর্গানাস অমসুং ২৪ সাউথ পর্গানা, মহারাস্ত্রদা পুনে, নাগপুর, থানে, মুম্বাই সবঅর্বান, কোলাপুর, সঙ্গলি, নাশিক, অহেমদবাদ, রাইগাদ, জলগাও, সোলাপুর, সতারা, পলঘর, ঔরাঙ্গাবাদ, ধুলে অমসুং নান্দেদ য়াওরি; গুজরাৎকী সুরত; পুদুচেরীগী পোন্দিচেরী; ঝার্খন্দগী নোংপোক সিংভুম; দিল্লীগী জিলা ১১মক য়াওরি। রাজ্যগী হকশেলগী সেক্রেতরীশিং অসিগী মথক্তা ফিবম শোক্লবা জিলাশিং অসিগী দিস্ত্রিক্ত কল্লেক্তর, ম্যুনিসিপাল কম্মিসনর অমসুং অতোপ্পা ফংসনরীশিং দিজিতেল মীফম অদুদা শরুক য়াখি। শরুক য়ারিবশিং অদুদা ৱা ঙাংলদুনা, কেন্দ্রগী সেক্রেতরীনা লান্নগনবা লাইনা অসিবু কোমোর্বিদ অমসুং অহল ওইরবা মীওইশিংদা মীৎয়েং থমদুনা এক্তিব কেস থিদোক্তুনা; ফিবম শোক্লবা মফমশিংদা লৌখৎলিবা লাকশিন্নবগী খোংথাংশিং হন্না য়েংশিন্দুনা অমসুং মপাঙ্গল কনখৎহন্দুনা; অমসুং তেস্ত তৌবগী চাং ৱাংখৎহন্দুনা পোজিতিব ওইবগী চাং চাদা ৫গী মখাদা লৈহন্দুনা শন্দোকপগী চেন নম্থবা, লাকশিনবা অমসুং থুগাইনবা হোৎনবগী তঙাইফদবা লৈরিবসিগী মতাংদা পনখি। রাজ্যগী হকশেলগী সেক্রেতরীশিংনা হায়রিবা জিলাশিং অসিদা হৌজিক ওইরিবা কোবিদ-১৯গী ফিবমগী মতাংদা কুপ্না নৈনদুনা পুখৎখি। মখোয়না লাকশিন্নবগী লৌখৎলিবা খোংথাং, কন্তেক্ত ত্রেসিং, সর্বিলেন্স এক্তিবিতীশিং, ফেসিলিতীগী ওইনা কেস শিবগী চাং, চয়োল খুদিংগী ওইনা লাকপা অনৌবা কেস অমসুং শিবগী মওং, অসিনচিংবশিংগী মতাংদা পনখি। মখোয়না মথং থাগী পোরম অমসুং তৌগদবশিং খন্নখি। জিলাহসিং অসিদা আর.তি.-পি.সি.আর. অমসুং রেপিদ এন্তিজেন তেস্ত য়েন্থোকপা, তেস্তিং লেব শীজিন্নবা, হোস্পিতালাইজেসনগী ফিবম, অমসুং ওক্সিজেন য়াওবা ফমুং, আই.সি.য়ু. বেদ, অমসুং ভেন্তিলেতর অসিনচিংবশিংগী মতাংদা কুপ্না কেন্দ্রদা লানখৎখি।

অকুপ্পা ৱারোলগীদমক:

উত্তর প্রদেশনা কোবিদ কন্ত্রোল অমসুং কম্মান্দ সেন্তরগী অপুনবা পথাপ অমা অমসুং অপুনবা কোবিদকী পোর্তেল অমা শেমখ্রে

উত্তর প্রদেশ সরকারনসু মাইকৈ অসিদা তোঙআন তোঙানবা থবক থৌরম কয়া পাঙথোকখ্রে। জুলাই ১৮, ২০২০দা উত্তর প্রদেশ সরকারনা জিলা খুদিংদা অমসুং মরী লৈনবা বিভাগশিংগী মীহুৎ কয়া য়াওদুনা কোবিদ কন্ত্রোল অমসুং কম্মান্দ সেন্তর (আই.সি.সি.সি.সি.)গী পথাপ অমা শেমদুনা কোবিদ-১৯গী পোজিতিব কেসকী মশিং হেনগৎলক্লিবা অসি থেংননবা থবক পায়খৎপা হৌখ্রে। মসিগী সেন্তরশিং অসিগী মরু ওইবা পান্দমদি নন-ফার্মাস্যুতিকেলস ইন্তর্ভেন্সন (এন.পি.আই.)গী মরী লৈনবা বিভাগশিংগী মরক্তা নীংথিনা খুৎশম্নবা লৈহনবনি। মখোয়না কোবিদ-১৯গী অনাবশিংবু মতম চানা মতিক চাবা থাক্তা লৈবা কোবিদ ফেসিলিতীশিংদা থাবগী থবকসু পাঙথোকই। কম্মান্দ সেন্তরশিং অসিনা সিম্পতম উৎপা অনাবশিং অমসুং মখোয়গা নক্নরুবা মীওইশিংবু অথুবা মতমদা তেস্ত তৌথোকহনবা, লেবোরেতরীগী রিজল্তশিং খঙহনবা, মখোয়বু পুথোক পুশিন তৌবদা তেংবাংবা অমসুং হোস্পিতালশিংদা এদমিৎ তৌহনবদা তেংবাংবা অমসুং য়ুমদা আইসোলেসন তৌবশিংগী চাং নাইনা ফিভম য়েংশিন্নবা জোনেল য়ুনিৎশিংগা খুৎশম্নদুনা থবক তৌরি। উত্তর প্রদেশ্না রাজ্যগী অপুনবা কোবিদ পোর্তেলঃ http://upcovid19tracks.in অমা শেমখ্রে অমসুং মসিনা সর্বেলিএন্স তৌবা, কোবিদকী অনাবশিংগী তেস্তিং তৌবা অমসুং লায়েংবগী মরী লৈনবা ই-পাউশিং খোমজিল্লি। জিলাগী থাক্তা পাঙথোক্লিবা দেতা খোমজিনবা অমসুং শেন্নবা অসিবু মগুন লৈহন্নবা হায়দুনা চাং নাইনা ত্রেনিং পীবগী থৌওংসু পাঙথোক্লি। মসিগী মনুংদা ৫০০দি থবক তৌনবা খিন্দুনা থমখ্রে অমসুং মসিনা রাজ্য অসিগী অনাবশিংগী নন-ইনভেসিব মেনেজমেন্ত তৌবদা শিজিন্নরি।

অকুপ্পা ৱারোলগীদমক:

খুৎহৈবশিং মশিং হেনগৎনবা, অগরবতি পুথোকপা হেনগৎনবা, ভারত অত্মা-নির্ভর ওইনবা ভারত সরকারনা মতেং পীবা হেনগৎহল্লে

২০২০গী সেপ্তেম্বর ৪দা অনৌবা চৎন-কাংলোনশিং ফোঙদুনা অগরবতি শাবা খুৎহৈবশিং অমসুং অগরবতি ইন্দস্ত্রিদা মখা তানা মতেং পীবা হেনগৎহন্নবা মাইক্রো, স্মোল অমসুং মেদিয়ম ইন্তরপ্রাইজেস মিনিস্ত্রিনা থবক পায়খৎলে। ২০২০গী জুলাই ৩০দা মতেং পাংনবা থবক মিনিস্ত্রি অসিনা হৌদোকখ্রবা মতুংদা, অগরবতি শানবা মেছিনশিং খক ফংহনবগী মথক্তা, ইন্দস্ত্রি অসিগী অতৈ শরুকশিংদা মতেং পাংনবা মিনিস্ত্রিনা মিৎয়েং চঙলি। মসিদা মচাকশিং অমসুং রো মেতেরিএলশিং পীবা য়াওরি। ২০২০গী সেপ্তেম্বর ৪দা লাউথোকখিবা থবক অদুগী মখাদা লৈবাক শীনবা থুংনা পাইলোত প্রোজেক ২০গী মখাদা লনাই মীওইশিং অমসুং এস.ঐচ.জিশিংদা অহেনবা খোঙনা ওৎপা মেছিন ৫০০ অমসুং ওতোমেতিক অগরবতি মেকিং মেছিন ৪০০ পীরগনি অমসুং য়োনফম অমসুং রো মেতেরিএলগী মতাংদা মতেং পাংগনি। থবক অসিনা খুৎহৈবা ১৫০০ রোম কান্নবা পীগনি। থবক অসিগী মখাদা খুৎনা অগরবতি শাবা খুৎহৈবশিং অমসুং মপান্দগী হল্লকপা শিন্মীশিংদা খুদোংচাবা পীগনি। ২০২০গী সেপ্তেম্বর ৪দা লাউথোকখিবা থবক অদুগী মখাদা লৈবাক শীনবা থুংনা পাইলোত প্রোজেক ২০গী মখাদা লনাই মীওইশিং অমসুং এস.ঐচ.জিশিংদা অহেনবা খোঙনা ওৎপা মেছিন ৫০০ অমসুং ওতোমেতিক অগরবতি মেকিং মেছিন ৪০০ পীরগনি অমসুং য়োনফম অমসুং রো মেতেরিএলগী মতাংদা মতেং পাংগনি। থবক অসিনা খুৎহৈবা ১৫০০ রোম কান্নবা পীগনি। থবক অসিগী মখাদা খুৎনা অগরবতি শাবা খুৎহৈবশিং অমসুং মপান্দগী হল্লকপা শিন্মীশিংদা খুদোংচাবা পীগনি। হিরম অসিদা অত্মা-নির্ভর ভারত অমা ওইহন্নবা থবক অসিগী অপুনবা শেনফম লুপা করোর ৫৫দা হেনগৎহল্লে, মসিদা খুৎহৈবা ১৫০০ রোম খুদক্কী মতেং পাংনবা লুপা করোর ৩.৪৫, লুপা করোর ২.২০ চঙনা আই.আই.তিশিং/এন.আই.তিশিংদা সেন্তর ওফ এক্সলেন্সশিং লিংখৎপা, অহেনবা খুৎহৈবা ৫০০০ কান্নবা পীনবা লুপা করোর ৫০ চঙনা অনৌবা সফুরতি ক্লস্তর ১০ লিংখৎপা য়াওরি।

অকুপ্পা ৱারোলগীদমক:

কোবিদ লোক দাউন লৈজরবসু বি.পি.পি.আইনা ২০২০-২১গী অহানবা ক্বাতরদা লুপা করোর ১৪৬.৫৯গী হিদাক য়োনখি, মসি ২০১৯-২০গী অহানবা ক্বাতরদা লুপা করোর ৭৫.৪৮ য়োনখিবা অদুগা চাংদম্নরবনি

কোবিদগী অথিংবা মরক্তা প্রধান মন্ত্রী জনঔসাধি পরিয়োজনা-পি.এম.বি.জে.পি থবক ওইনা পাংথোক্লিবা এজেন্সি বিউরো ওফ ফার্মা পি.এস.য়ু ওফ ইন্দিয়া(বি পি পি আই)না ২০২০-২১গী অহানবা ক্বাতরদা লুপা করোর ১৪৬.৫৯গী হিদাক য়োনখি অমসুং মসি ২০১৯-২০গী অহানবা ক্বাতরদা লুপা করোর ৭৫.৪৮ য়োনখিবা অদুগা চাংদম্নরবনি। ২০২০গী জুলাইদা বি.পি.পি.আইনা লুপা করোর ৪৮.৬৬ য়োনখি। ২০২০গী জুলাই ৩১ফাওবা পুন্না লুপা করোর ১৯১.৯০ য়োনখি।

অকুপ্পা ৱারোলগীদমক:

শ্রী থাৱার্চান্দ গেহলোৎনা '২৪X৭ তোল-ফ্রী মেন্তেল হেল্থ রিহেবিলিতেসন হেল্পলাইন কিরন- (1800-599-0019) হাংদোকখ্রে

'২৪X৭ তোল-ফ্রী মেন্তেল হেল্থ রিহেবিলিতেসন হেল্পলাইন কিরন- (1800-599-0019)' অমা শ্রী থাৱার্চান্দ গেহলোৎ, কেন্দ্রগী সোসিএল জস্তিস অমসুং ইম্পাৱর্মেন্ত মন্ত্রীনা ভর্চুএল মোদ ৱেবকাস্তকী থোংদা ঙসি ৱাখলগী লাইনাগা লোইননা হিংলিবা মীওইশিংদা মতেং পীনবগীদমক হাংদোকখ্রে। দি.ই.পি.দব্ল্যু, সোসিএল জস্তিস অমসুং ইম্পাৱর্মেন্ত মন্ত্রালয়না কোবিদ-১৯ লাইচৎকী তাল্লক্তা ৱাখল লাইনা নাবগী চাং ৱাংখৎলক্লিবসি য়েংদুনা হাংদোকখিবনি। থৌরম অদুদা ৱা ঙাংলদুনা, শ্রী থাৱার্চান্দনা গেহলোৎনা হায়খি মদুদি কিরন হেল্পলাইন অসিনা মেন্তেল হেল্থ রিহেবিলিতেসন সর্বিসশিং ঙন্না খঙদোকপা, ফার্স্ত-এদ পীবা, সাইকোলোজিকেলগী মতেং, দিস্ত্রেস মেনেজমেন্ত, মেন্তেল ৱেলবিইং, অফবা লমচৎ শাগৎপা, সাইকোলোজিকেল ক্রাইসিস মেনেজমেন্ত অসিনচিংবশিং পীগনি। মসিনা স্ত্রেস, এংজাইতী, দিপ্রেসন, পেনিক এতেক, এদজস্তমেন্ত দিসওর্দর, পোস্ত ত্রোমেতিক স্ত্রেস দিসওর্দর, সবস্তেন্স এব্যুজ, শিনিংবা ফাওবা, লাইচৎনা মরম ওইদুনা লাকপা ৱাখলগী সমস্যা, অমসুং মেন্তেল হেল্থ ইমর্জেন্সী লৈবা মীওইশিংদা মতেং পাংনবা পান্দম থম্লি। মসিনা ১বা তাংকক্কী পাউতাক, কাউন্সেলিং অমসুং রিফরেন্সশিং মী অমমমদা, ইমুং মনুংদা, এজ.জি.ও.শিংদা, পেরেন্ত এসোসিএসন, প্রোফেসনেল এসোসিএসন, রিহেবিলিতেসন ইস্তিত্যুৎ, হোস্পিতাল নত্ত্রগা লৈবাক অসিদা লৈবা মতেং মথৌ তারবা মীওই অমহেক্তদা লোল ১৩দা মতেং পীনবগী মথৌ তৌগনি। মসিগী হেল্পলাইন অসি ৱাখল লাইনানা নারবা মীওইশিংগী ইমুং মনুংদা চাউনা কান্নবা পীগনি হায়না থাজবা থম্লি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

 

•      চান্দিগর: য়ু.তি. চান্দিগরগী দেমিনিস্ত্রেতরনা, প্রজাশিংদা, মার্কেত এসোসিয়েশনশিং, ভোলন্তীবরশিং অমসুং মুনিসিপাল কাউন্সিলরশিংদা কোবিদ হৌরকপগী লাইওংশিং হেক থেংনবগা মেদিকেলগী ওইবা মতেংগীদমক্তা এদমিনিস্ত্রেশনদা খুদক্তা চংলক্নবা মীয়ামদা পাউতাক পীবীনবা আপীল তৌরকখ্রে।

•           পঞ্জাব: কোবিদকীদমক্তা তেস্ত তৌবদা পুক্নিং থোগৎনবা পঞ্জাবকী মুখ্য মন্ত্রী, কেপ্তেন অমরিন্দর সিংনা য়াম্না লিক্না ৱানা শেল তাঞ্জরিবা অদুবু অইসোলেশন্না মরম ওইরগা মখোয়বু শোকহল্লগনি হায়না কিদুনা মখোয়না মশাবু তেস্ত তৌবা য়াজদ্রবা লাইরবা ইমুংশিংদা চিঞ্জাক্কী পেকেতশিং লেম্না য়েন্থোক্নবা লাউথোকখ্রে।

•           অরুনাচল প্রদেশ: অরুনাচল প্রদেশতা অনৌবা কোবিদ-১৯ পোজিতিব কেস ৮৬ থেংনখি। হৌজিক রাজ্য অসিদা পোজিতিব কেস ১,৫২০ লৈরি।

•           অসাম: অসামদা ঙরাং পেসেন্ত ১,৭৬৩ দিসচার্জ তৌখ্রে, মসিনা দিসচার্জ তৌখিবা পেসেন্তশিংগী মশিং অদু ৯৬,৮২৩ য়ৌহনখ্রে অমসুং এক্তিব পেসেন্তশিংগী মশিংনা ২৮,২৭৩ য়ৌহনখ্রে হায়না অসামগী হকশেল মন্ত্রীনা ত্বীত তৌরকখি।

•           মনিপুর: মনিপুরগী রাজ্যদা কোবিদ-১৯না মরম ওইরগা অনি শিখ্রে অমসুং মীওই ১৩৯ অমুক পোজিতিব ওইবা থেংনখি। চাদা ৭২ ফগৎলকপগী চাংদা ১৮৯ ফগৎখ্রে। পুন্না এক্তিব কেস ১,৮২০ লৈরি।

•           মেঘালয়া: মঘালয়াদা, কোবিদ-১৯ এক্তিব কেস ১,৪৩৩ লৈরি, বি.এস.এফ. অমসুং আর্মদ ফোর্সেসকী অপুনবা কেসশিং অদু ৩১৪ নি, অতোপ্পশিংগী অপুনবা কেসনা ১,১১৯নি, ফগৎখিবশিংগী অপুনবা মশিং অদু ১,৫৫৬ শুখ্রে।

•           মিজোরাম: মিজোরামদা ঙরাং কোবিদ-১৯গী অনৌবা কেস ২১ কনফর্ম তৌখ্রে। অপুনবা কেস ১,১১৪, এক্তিব কেস ৩৮২।

•           নাগালেন্দ: নাগালেন্দগী কনফর্ম তৌরবা কেস ৪,১৭৮কী মনুংদা সেক্যুরিতী ফোর্সশিংদগী কেস ১,৭৮৬ অমসুং হল্লকখিবশিংদগী ১,২৯৬। হৌজিক মীওই ৭৩৩ সরকারগী ক্বারন্তিনদা লৈরি।                 

•           সিক্কিম: অমা অমুক শিখিবগা লোইননা সিক্কিমদা শিখিবশিংগী অপুনবা মশিং অদু ৬ য়ৌখ্রে; নাবা ফদুনা অমসুং দিসচার্জ তৌখিবশিংগী মশিং ১,৩৮০, এক্তিব কেস ৫৫৪ অমসুং অনৌবা কেস ২৯।

•           কেরলা: অনলোক-৪গী শরুক অমা ওইনা রাজ্য অসিদা মেত্রো সার্বিস তৌবা অমুক হৌখ্রে। মরক অসিদা পুলিসনা থাংজাগী নুমিদাংদা অরনমুলাদা এম্বুলেন্স অমগী মনুংদা কোবিদ-১৯ পেসেন্ত অমবু নমজা-নমথেকপীবগীদমক্তা বুক তৌখিবা এম্বুলেন্স দ্রাইভর অদুগী কস্তদী পীবীনবা প্লী অমা ফাইল তৌরগনি। কেরলাদা ঙরাং মীওই ৩,০৮২দা কোবিদ-১৯ কনফর্ম তৌখ্রে। হৌজিক পেসেন্ত ২২,৬৭৬ লাইয়েংদুনা লৈরি অমসুং জিলা কয়া অমদা মীওই ২,০০,২৯৬ ওবজার্ভেশন তৌদুনা লৈরি। শিবগী মশিং অসি হৌজিক ফাওবদা ২৪৭ শুখ্রে।

•           তামিল নাদু: পুদুচেরীদা অয়ুক্কী পুং ১০দা লোইদুনা হৌখিবা পুং ২৪ অসিদা কোবিদ-১৯গীদমক্তা তেস্ত তৌবদা মীওই ২৯২ পোজিতিব ওইবা থেংনখি অমসুং ১১ শিবগী পাউ লৈখি। হৌজিক ফাওবদা, য়ু.তি. অসিদা মীওই ১৭৩১৬ ভাইরস অসিনা ইনফেক্ত তৌখিবা থেংনখি, মসিগী মনুংদা ১২,১৩৫ লাইয়েংখি অমসুং দিসচার্জ তৌখি অমসুং ২৮০ শিখিদুনা এক্তিব কেস ৪৮৬৫ লৈহৌখি। লোকদাউন-ফ্রী ওইবা নোংমাইজিং নুমিত্তা তামিল নাদু শিনবা থুংনা কোবিদ-১৯গী চৎনা-কাংলোনশিং খোংগাউনখ্রে; মীয়াম তিনবা মফমশিংদা মী কয়া অমনা মাস্ক উপ্তনা চৎথোক-চৎশিন তৌখি।

•           কর্নাতকা: বেঙ্গলুরুদা নুমিৎ ১৫০ লেপ্পুরবা মতুংদা মেত্রো ত্রেন সার্বিস অমুক হন্না চেনবা হৌখ্রে; য়াম্না চিনবা মতমদা ফাওবা পেসেঞ্জর খরা-খক্তমক উবা ফংখি। নোংমাইজিং নুমিত্তা কর্নাতকাদা কোবিদ-১৯গী অনৌবা কেস ৯,৩১৯ থেংনখি। মসিগা লোইননা রাজ্য অসিদা পোজিতিব ওইবা কেসশিংগী অপুনবা মশিং অদু লাখ ৩.৯৮ শুখ্রে।

•           অন্ধ্র প্রদেশ: রাজ্য অসিনা নিংথৌকাবা নুমিত্তা সেন্ত্রেল গোভর্নমেন্তকী রেগুলেশনশিং অদুগা মান্ননা অনলোক ৪.০গী গাইদলাইনশিং থাদোকখ্রে। সরকারনা সেপ্তেম্বর ২১দগী ক্লাস ৯ অমসুং ১০ অমসুং ইন্তরমিদিয়েতকীদমক্তা স্কুলশিং চলাইনবা পার্মিশনশিং পীখ্র। সেপ্তেম্বর ২১দগী ওপন এয়র থিয়েতরশিং মথৌ তৌবা য়ারগনি অদুবু সিনেমা হোলশিং, স্বিম্মিং পুলশিং অমসুং এন্তরতেনমেন্ত পার্কশিংদি অয়াবা পীখিদে। নুমিৎ হুম্নি শুবা ওইনা  য়াম্না ৱাংনা ফগৎলকখিবআ অসিনা মরম ওইরগা রাজ্য অসিদা এক্তিব কেসশিংগী মশিং অদু লাখ অমগী মখা তাখ্রে। তৌইগুম্বসুং রাজ্য অসিদা লৈরিবা কোবিদ-১৯ কেসশিংগী অপুনবা মশিং অদু লাখ মঙাদগী খরদনি তারিবা।

•           তেলঙ্গানা: হৌখিবা পুং ২৪গী মনুংদা অনৌবা কেস ১৮০২ অমসুং ০৯ শিখিবগী পাউ লৈখি; কেস ১৮০২গী মনুংদা, জি.ঐচ.এম.সি.দগী কেস ২৪৫ থেংনখি। অপুনবা কেসশিং: ১,৪২,৭৭১; এক্তিব কেসশিং: ৩১,৬৩৫; শিখিবশিং: ৮৯৭; দিসচার্জ তৌখিবশিং: ১,১০,২৪১। নোংমাইজিং নুমিত্তা মীওই ২,৭১১ ফগৎখি, মসিনা রাজ্য অসিদা চাদা ৭৭.২গী চাংদা ফগৎলকখিবগা লোইননা কোবিদ-১৯দগী ফগৎলকখিবগী অপুনবা মশিং অসি ১,১০,২৪১ অদুগা লৈবাক অসিগী অপুনবগী ওইনা ফগৎলকপগী চাং অসি চাদা ৭৭.২৫ নি।

•           মহারাস্ত্র: মহারাস্ত্রদা কোবিদ-১৯ এক্তিব কেসশিংগী মশিং অসি লেপ্পা লৈতনা হেনগৎলক্লি। হৌখিবা নুমিৎ তরেৎখি মনুংদা কেস ১২৬,৫২৩ অমসুং ২,২০৫ শিখিবা থেংনখিবগা লোইননা লৈবাক অসিদা মরিশুবা কেস অদুদগী রাজ্য অসিনা হৌজিক এক্তিব পেসেন্ত ২৩৫,৮৫৭ হেনখ্রে। মরক অসিদা মহারাস্ত্র পুম্বদা কোরনানা মরম ওইরগা শিবা হন্থহন্নবা, রাজ্যগী হকশেল দিপার্তমেন্তনা মখোয়গী তেলি-আই.সি.য়ু. প্রোজেক্ত চাউথোক্নবা খন্নরি।

•           গুজরাত: রাজ্যগী মুখ্য মন্ত্রী, ৱিজয় রুপানিনা ঙসি মীয়ামদা এয়েয়রনেস শন্দোক্নবগীদমক্তা কোবিদ ৱজয় রথ মঙা লমথাখ্রে। প্রোজেক্ত অসি য়ুনিসেফকা খুৎশম্নদুনা গুজরাত সরকারগী হেল্থ দিপার্তমেন্ত অমসুং মিনিস্ত্রী ওফ আই.অমসুং বি. মীদীবা য়ুনাইতস ইন গুজরাতনা ইমপ্লিমেন্ত তৌখিবনি। হৌজিক ফাওবদা গুজরাত্তা এক্তিব কেস ১৬,৪৭৫ লৈরি।

•           রাজস্থান: রাজস্থানদা, অর্বান এরিবাশিংদা লৈরিবশিং অদু য়াওনা ধর্মগী ওইবা মফমশিং অদু ঙসিদগী অমুক হন্না হাংদোকপা হৌখ্রে। অদুবু লাই নিংবা লাক্লিবশিংনা লৈশিং, হৈশিং অমসুং অহাও-অথুমশিং পুরকপদি য়াখিদে। সেফ দিসতেন্সিং নীংথিনা চৎপা অমসুং মাস্কশিং উপ্পা অসি তঙাইফদনা মথৌ তাবা ওইহনখি। রাজস্থানদা কোবিদকী এক্তিব কেস ১৪,৯৫৮ লৈরি।

•           মধ্য প্রদেশ: অসিগুম্বা মখলগী অহানবা ইনিসিয়েতিব অমদা, রাজ্য অসিগী জবলপুরদা লৈবা নেতাজি সুভাশ চন্দ্র বোস মেদিকেল কোলেজ অমসুং হোসপিতালনা কোবিদ-১৯ পেসেন্তশিংগী মরক্তা দিপ্রেসন অমসুং স্বিসাইদেল তেন্দেন্সীশিং কোকহন্নবগীদমক্তা ইমুংশিংগা লোইননা লাইব ইন্তরেক্সন তৌখি। হান্নদগী পেসেন্ত তরাগী মথক্না মখোয়গী ইমুং-মনুংশিংগা ৱারি শানখি। হৌজিক, মীওই ২৬০ হোসপিতালশিংদা ইনফেক্সনগীদমক্তা লাইয়েংদুনা লৈরি।

ফেক্ত চেক

**************



(Release ID: 1652154) Visitor Counter : 6