উপ্প-রাস্ত্রপতি শ্রী এম. ভেঙ্কৈয় নাইদুনা ঙসি অঙাংশিংগী ন্যুত্রিস্নেল লেবেল হেনগৎনবগীদমক ব্রেকফাস্তকী শরুক অমা ওইনা নত্ত্রগা মিদ-দে মিলগী শরুক অমা শঙ্গোম পীবা য়াই হায়না ফোংদোকখি।

শ্রী নাইদুনা কেন্দ্রগী নুপী অমসুং অঙাং চাউখৎ থৌরাং মন্ত্রী শ্রীমতী স্মৃতী ইরানীদা হীরম অসিগী মতাংদা ফোংদোকখি অমসুং সজেসন অসি তৌখি। মন্ত্রীনা উপ্প-রাস্ত্রপতিদা কেন্দ্র সরকারনা রাজ্যশিংদা মিদ-দে মিল স্কিমদা শঙ্গোম য়াওহন্নবগী মতাংদা পাউতাক পীননবগীদমক খন্নগনি হায়না থাজবা ফোংদোকখি।

নুমিত্তুগী অঙনবা শরুক্তা, শ্রী অতুল চতুর্বেদী, সেক্রেতরী, দিপার্ত্মেন্ত ওব এনিমেল হজবেন্দরী অমসুং দেরিইংনা উপ্প-রাস্ত্রপতিবু উপ্প-রাস্ত্রপতি নিবাস্তা কৌদুনা কোবিদ-১৯ লাইচৎকী মনুংদা শা-য়েন লোইবা অমসুং শঙ্গোমগী সেক্তরদা মতেং পাংনবগীদমক লৌখৎপা য়াবা খোংথাংশিংগী মতাংদা শুগাইনা পাউদমখি।

মহাক্না উপ্প-রাস্ত্রপতিদা সরকার অসিনা য়েন-ঙানু লোইবা ওন্ত্রপ্রিনরশিপশিংদা পুক্নীং থৌগৎলি অমসুং ইন্সেন্তিবশিং অমসুং পোলিসী ইন্তর্ভেন্সন কয়া পীদুনা মতেং পাংলি হায়না পাউদমখি। মহাক্না হায়খি মদুদি দিপার্মেন্ত ওব এনিমেল হজবেন্দরীনা শেল-থুমগী মন্ত্রালয়দা য়েন-ঙানু লোইবগী ইন্দস্ত্রীদা পীরিবা লোনগী স্ত্রকচর অসি হোংদোকপগী তঙাইফদবা লৈরিবসিগী মতাংদা থাংগৎকনি হায়নসু ফোংদোকখি।

মহাক্না শ্রী নাইদুদা ওর্গনাইজ সেক্তরনা শঙ্গোমগী কোওপরেতিবশিংনা লৈশিনবগী থবকসু হেনগৎলে হায়না পাউদমখি। সরকার অসিনা ৱার্কিং কেপিতেল লোন্দা কোওপরেতিবশিংদা চহীদা চাদা অনীগী শেন্দোইগী সবভেন্সন পীরি। মসিদা নত্তনা, চাদা অনীগী শেন্দোইগী সবভেন্সনসু মতম চানা পীরকপশিংগীদমক পীরি। উপ্প-রাস্ত্রপতিনা হৌদোক্লকপগী মতুং ইন্না, সেক্রেতরীনা প্রাইবেৎ দেরীশিংদা মসিগা মান্নবা ফেসিলিতীশিং মতম শাংদোক্নবা খন্নগনি হায়না থাজবা পীখি।

উপ্প-রাস্ত্রপতিদা দিপার্ত্মেন্ত অসিনা শা-শন, য়াও, হামেং য়োকপগী ফার্মশিং অমসুং রিজরেল ফোদ্দর স্তেসনশিং পব্লিক প্রাইবেৎ পার্তনর্শিপ মোদেলদা অরৈবা ইনফ্রাস্ত্রকচরশিং হেন্না মপুং ফানা শীজিন্নবা য়ানবগীদমক শেমগৎনবগী মতাংদসু পাউদমখি। মহাক্না খ্বাইদগী নৌবা ইন-ভাইত্রো ফর্তিলাইজেসন তেক্নোলোজীগী মতেংনা শনগী চাদা নাওদা ফগৎনবগী হোৎনরিবা অসিগী মতাংদসু পাউদমখি।

*****