৩শুবা রাস্ত্রিয়া পোশন মাহ সেপ্তেম্বর ২০২০দা পাঙথোক্লি। চহী খুদিংগী পোশন মাহ অসি ২০১৮দা হৌদোকখিবা পোশন অভিয়ান (পি.এম.গী হোলিস্তিক নুরিশমেন্তকীদমক পুম্নমক কোনশিনবা স্কিম)গী মখাদা পাঙথোকপনি। পোশন অভিয়ানগী নোদাল মন্ত্রালয় অমা ওইরিবা নুপী অঙাং চাউখৎ-থৌরাং মন্ত্রালয়না পোশন মাহ অসি মন্ত্রালয় অমসুং দিপার্ত্মেন্ত কয়ানা লৈবাক অমসুং রাজ্য/য়ু.তি., জিলা, অমসুং গ্রাস রুৎকী থাক্তা পাঙথোক্লি। পোশন মাহগী পান্দমদি জন ভাগিদারিবু জন অন্দোলন অমা শেম্নবা পুক্নিং থৌগত্তুনা পীক্লিবা অঙাংশিং অমসুং নুপীশিংদা মচি ওইবা চীঞ্জাক চাবা ফংদগী সমস্যা কোকহন্দুনা হকশেল অমসুং মচি ওইবা চীঞ্জাক শোইদনা ফংহনবনি।

ঐখোয়গী পুন্সিদা মচি ওইবা চীঞ্জাক্কী মরুওইবসি হন্দক্তা প্রধান মন্ত্রী শ্রী নরেন্দ্র মোদীনা ওগস্ত ৩০, ২০২০দা পীখিবা মীয়াম্না পাম্নরবা মহাক্কী মন কী বাৎকী থৌরমদা ফোংদোকখি। প্রধান মন্ত্রীনা অঙাংশিং অমসুং মহৈরোইশিংদা মখোয়না ঙমজবা থাক্তা মপাঙ্গল কলহন্নবগীদমক মচি ওইবা চীঞ্জাক্না লৌরিবা অচৌবা থৌদাং অসিবু পুক্নিং চিংশিন্দুনা ঙাংখি। মহাক্না হৌখিবা চহী খরসিদা খুঙ্গংশিংদা মীয়াম্না মচি ওইবা চীঞ্জাক্কী চয়োল অমসুং মচি ওইবা চীঞ্জাক্কী থা (পোশন মন্থ) পাঙথোক্তুনা মচি ওইবা চীঞ্জাক্কী এৱেইয়র্নেসপু মীয়ামগী ইহৌ অমা ওইনা ওন্থোক্নবা হোৎনরিবা কয়াগী মতাংদা পনখি।

শ্রীমতি স্মৃতি জুবিন ইরানি, কেন্দ্রগী নুপী অমসুন অঙাং চাউখৎ থৌরাং অমসুং তেক্সতাইল মন্ত্রীনা ময়াই তাংবল লৌদুনা ওগস্ত ২৭, ২০২০দা মন্ত্রালয়শিংগী মরক্তা মীফম অমা পাঙথোকখি অমসুং শ্রী রাম মোহন মিশ্রা, সেক্রেতরী, নুপী অঙাং চাউখৎ থৌরাং মন্ত্রালয়না রাজ্য অমসুং য়ু.তি.শিংগা পোশন মাহগী মনুংদা থৌরম কয়া পাঙথোক্নবা খন্নখি। সেভিয়র্লী এক্যুৎ মেলনুরিশ (এস.এ.এম.) ওইবা অঙাংশিং খঙদোকপা অমসুং মখোয়বু য়েংশিনবা অমসুং পোশন ভাতিকা – ন্যুত্রি গার্দেনশিং শেমগৎপবু পোশন মাহগী মরুওইবা মীৎয়েং চঙবা থৌরম ওইনা লৌখৎকনি, মসিগা লোইননা মমাগী শঙ্গোম ঙন্না পীথকপা, পোকপগা নুমিৎ ১০০০নিদি অফবা মচি ওইবা চীঞ্জাক পীজবগী মরুওইবশিং, নহা ওইরিবা নুপী অমসুং অঙাংশিংদা এনেমিয়া নাবা হন্থহন্নবা খোংথাংশিংগী মতাংদা ৱাখল লৌশিং পীনবা হোৎনগনি।

স্তেকহোল্দর ওইবা মন্ত্রালয় খুদিংমক্না পোশন মাহগী পান্দম ফংনবা হোৎনবদা চাউনা মতেং পাংগনি হায়বগী থাজবা ফোংদোকখি অমসুং মখোয়গী ভর্তিকেলশিংগী মখাদা মচি ওইবা চীঞ্জাক্তা মীৎয়েং থমদুনা লৌখৎপা য়াবা থবকশিংগী মতাংদা ফোংদোকখি। দিপার্ত্মেন্ত ওব স্কুল এজুকেসন, এজুকেসন মন্ত্রালয়না রাজ্যশিংদা ন্যুত্রিসন ই-ক্বিজ অমসুং মিম শেম্বগী ওইবা মহৈরোইশিংগী মরক্তা চাংদম্নবগী থৌরম পাঙথোক্নবা খঙহনখি। থা অসিগী মনুংদা পঞ্চায়তী রাজ মন্ত্রালয়না গ্রাম পঞ্চায়ৎ খুদিংদা অখন্নবা কম্মিতীগী মীফম পাঙথোক্নবা শেম শারি। খুঙ্গং চাউখৎ থৌরাং মন্ত্রালয়না রাজ্যশিংদা মহাত্মা গান্ধী নরেগাগী মখাদা ন্যুত্রি-গার্দেনশিং শেমগৎনবা খঙহনখি। আয়ুশ মন্ত্রালয়না য়োগা অমসুং হোলিস্তিক ন্যুত্রিসন লৌখত্তুনা মশা মউ ফবা পুন্সি মহিং অমা ওইহন্নবা মতেং পাংগনি হায়না ফোংদোকখি। হকশেল অমসুং য়াইফ-য়ুম্বাল মন্ত্রালয়না অঙাম্বা থাক্তা মতেং পাংগনি হায়না থাজবা পীখি।

লৈবাক অসিদা লৈরিবা কোবিদ-১৯গী ফিবম অসি য়েংদুনা নুপী অমসুং অঙাংগী য়াইফ-থৌরাং মন্ত্রালয়না স্তেকহোল্দর খুদিংমক্তা পোশন মাহ পাঙথোক্নবগীদমক দিজিতেল প্লেৎফোর্ম শীজিন্ননবা পুক্নিং থৌগৎখি। ঐখোয়গী পুন্সিদা মচি ওইবা চীঞ্জাক্কী মরুওইবা খঙহন্নবগীদমক সোসিএল মীদিয়া, ওনলাইন এক্তিবিতীশিং, পোদকাস্ত, অমসুং ই-সম্বাদ অসিনচিংবশিং শীজিন্নগনি। মন্ত্রালয় অসিনা ৱেবিনারগী পরিং অমসু পাঙথোক্তুনা হীরম অসিদা খঙ-হৈরবশিং অমসুং হকশেলগী প্রোফেসনেলশিংনা নুপী অমসুং অঙাংশিংদা হকশেল অমসুং মচি ওইবা চীঞ্জাক্কী মরুওইবশিংগী মরমদা পাউতাক কয়া পীরি।

*****