২০২০গী সেপ্তেম্বর ৪দা অনৌবা চৎন-কাংলোনশিং ফোঙদুনা অগরবতি শাবা খুৎহৈবশিং অমসুং অগরবতি ইন্দস্ত্রিদা মখা তানা মতেং পীবা হেনগৎহন্নবা মাইক্রো, স্মোল অমসুং মেদিয়ম ইন্তরপ্রাইজেস মিনিস্ত্রিনা থবক পায়খৎলে। ২০২০গী জুলাই ৩০দা মতেং পাংনবা থবক মিনিস্ত্রি অসিনা হৌদোকখ্রবা মতুংদা, অগরবতি শানবা মেছিনশিং খক ফংহনবগী মথক্তা, ইন্দস্ত্রি অসিগী অতৈ শরুকশিংদা মতেং পাংনবা মিনিস্ত্রিনা মিৎয়েং চঙলি। মসিদা মচাকশিং অমসুং রো মেতেরিএলশিং পীবা য়াওরি। অনৌবা থবক অসিগী মরুওইবা য়ুম্বী মরি অদুদি :

১. ত্রেনিং, রো মেতেরিএল, য়োনফম অমসুং শেন্থংগী খুৎথাংদা খুৎহৈবশিং লেপ্তনা শৌগৎপা;

২. মনম অমসুং পেকেজিংদা অনৌবা পুথোকপা, অমুক হন্না শীজিন্নবা য়াবা লৈ অমসুং কোইর পিথনা অনৌবা রো মেতেরিএল ওইনা শীজিন্নবা অমসুং এগ্রিকলচর মিনিস্তরগা থবক তৌমিন্নদুনা ৱাচেৎ লৌনবা থবক পায়খৎকনি। মসিগী কন্নৌজদা লৈবা এফ.এফ.দি.সিদা সেন্তর ওফ এক্সলেন্স অমা লিংখৎপা;

৩. খুৎহৈবা ৫০০০গী লেংদবা থবক পীনবা অমসুং শেন্থোক হেনগৎহন্নবা লুপা করোর ৫০ চঙনা মিসিস্ত্রিগী সফুরতি স্কিমগী মখাদা ক্লস্তর ১০ লিংখৎপা;

৪. লৈবাক অসিদা মশাগী ওক্নবা পুথোকপা ঙম্নবা মেছিন পুথোকপা হেনগৎহনবা অমসুং লুপা করোর ২.২০ চঙনা আই.আই.তিশিং/এন.আই.তিশিংদা সেন্তর ওফ এক্সলেন্সশিং লিংখৎপা;

২০২০গী সেপ্তেম্বর ৪দা লাউথোকখিবা থবক অদুগী মখাদা লৈবাক শীনবা থুংনা পাইলোত প্রোজেক ২০গী মখাদা লনাই মীওইশিং অমসুং এস.ঐচ.জিশিংদা অহেনবা খোঙনা ওৎপা মেছিন ৫০০ অমসুং ওতোমেতিক অগরবতি মেকিং মেছিন ৪০০ পীরগনি অমসুং য়োনফম অমসুং রো মেতেরিএলগী মতাংদা মতেং পাংগনি। থবক অসিনা খুৎহৈবা ১৫০০ রোম কান্নবা পীগনি। থবক অসিগী মখাদা খুৎনা অগরবতি শাবা খুৎহৈবশিং অমসুং মপান্দগী হল্লকপা শিন্মীশিংদা খুদোংচাবা পীগনি।

হিরম অসিদা অত্মা-নির্ভর ভারত অমা ওইহন্নবা থবক অসিগী অপুনবা শেনফম লুপা করোর ৫৫দা হেনগৎহল্লে, মসিদা খুৎহৈবা ১৫০০ রোম খুদক্কী মতেং পাংনবা লুপা করোর ৩.৪৫, লুপা করোর ২.২০ চঙনা আই.আই.তিশিং/এন.আই.তিশিংদা সেন্তর ওফ এক্সলেন্সশিং লিংখৎপা, অহেনবা খুৎহৈবা ৫০০০ কান্নবা পীনবা লুপা করোর ৫০ চঙনা অনৌবা সফুরতি ক্লস্তর ১০ লিংখৎপা য়াওরি। মমাংদা থবক অসিদা লুপা করোর ২.৬৬ থাদদুনা খুৎহৈবা ৫০০ রোম কোনশিল্লম্বনি।

মিনিস্ত্রিগী মখাদা লৈবা খাদি এন্দ ভিলেজ ইন্দস্ত্রি কমিসন(কে ভি আই সি)না থবক অসি পায়খৎকনি অমসুং দরকার ওইবা মতেংশিংগীদমক খুৎহৈবশিং অমসুং এস.ঐচ.জিশিংগা খুৎশম্নদুনা চৎমিন্নগনি।

হায়রিবা প্রোজেকশিং অসিনা অগরবতি ইন্দস্ত্রি চাউখৎহনগনি অমসুং অগরবতি শাবা হেনগৎতুনা মপানদা থাদোকপা হেনগৎকনি অমসুং খুৎহৈবশিং অমসুং ওন্ত্রোপ্রিনরশিং থবক ফংনবগী খুদোংচাবশিং হেনগৎকনি।  

******