PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 04 SEP 2020 6:08PM by PIB Imphal

Coat of arms of India PNG images free download

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • ভারতকী অপুনবা ফগৎলকপা মশীং লাখ ৩০ হেনখ্রে
  • অনাবা মীশিংগী চাদা ০.৫ য়ৌদনা ভেন্তিলেতর হাপ্লি, চাদা ২না আই.সি.য়ু.দা লৈরি অমদি চাদা ৩.৫ য়ৌদনা ওক্সিজেন সপ্পোর্ত শীজিন্নরি
  • কোবিদ-১৯ নারবশিংগী মরক্তগী ফগৎলকপগী চাং চাদা ৭৭.১৫ ওইরি।
  • এক্তিব কেস মশিং (৮,৩১,১২৪) হন্থরক্লে অমদি হৌজিক হৌজিক অপুনবা পোজিতিব কেস মশিংগী শুপ্নতগী চাদা ২১.১১ ওইরি‍।
  • নুমিৎ নিনি থংন-থংন্না সেম্পল লাখ ১১.৭০ হেন্না তেস্ত তৌখি
  • নুমিৎ খুদিংগী পোজিতিপ ওইবগী চাং চাদা ৭.৫গী মখাদা লৈরি অমসুং অপুনবা পোজিতিপ ওইবগী চাং চাদা ৮.৫গী মখাদা লৈরি

অনাবা মশীং য়াম্না ফগৎলকপগা লোয়ননা ভারতকী অপুনবা ফগৎলকপা মশীং লাখ ৩০ হেনখ্রে
ভারতকী মী শিবগী চাং মালেমগী চাংচত্তগী নেমবা অমদি অসুম অসুম হন্থরকপদা (হৌজিক্কী চাং চাদা ১.৭৪ ওইরি) নত্তনা, এক্তিব কেসকী পীক্লবা শরুক খরখক, চাদা ০.৫ য়ৌদনা ভেন্তিলেতর সপ্পোর্ত শীজিন্নরি‍। এক্তিব কেসকী চাদা ২না আই.সি.য়ু.দা অমসুং চাদা ৩.৫ য়ৌদবনা ওক্সিজেন সপ্পোর্ত য়াওবা ফমুংদা লৈরি হায়বা দেতানা উৎলি‍। থৌরাং অসিগী মহৈনা, ভারতকী কোবিদ-১৯ নারম্বদগী অপুনবা ফগৎলক্পা মীশিং ঙসি লাখ ৩০ (৩০,৩৭,১৫১) লানখ্রে। হৌখিবা পুং ২৪দা মীওই ৬৬,৬৫৯ ফগৎলক্তুনা, ভারতনা নুমিৎ ৮নি চুপ্না মীশিং ৬০,০০০গী মথক্তা ফগৎলকপা ঙম্লি‍। কোবিদ-১৯ নারবশিংগী মরক্তগী ফগৎলকপগী চাং চাদা ৭৭.১৫ লৈদুনা হৌখিবা থা কয়াসিদা অনাবা ফগৎলকপগী চাং তপ্না তপ্না হেনগৎলক্লি‍। মীশিং য়াম্না ফগৎলকপনা মরম ওইরগা ফখ্রবা অমদি হৌজিক নারিবা মীশিংগী মরক্তা খেন্নবসু অসুম অসুম হেনগৎলক্লি‍। খেন্নবা অসি ঙসিফাওবদা লাখ ২২ লানখ্রে‍। মসিনা লৈবাকসিদা লৈরিবা তশেং তশেংবা কেসলোদ হায়বদি এক্তিব কেস মশিং (৮,৩১,১২৪ এক্তিব মেদিকেল কেয়রগী মখাদা লৈরিবা) হন্থরক্লে, অমদি হৌজিক হৌজিক অপুনবা পোজিতিব কেস মশিংগী শুপ্নতগী চাদা ২১.১১ ওইরি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1651265

ভারতনা মখা তানা কোবিদ-১৯ তেস্ত পাংথোকপা হেনগৎলক্লি, নুমিৎ নিনি থংন-থংন্না সেম্পল লাখ ১১.৭০ হেন্না তেস্ত তৌখি, তেস্ত তৌবগী চাং য়াম্না ৱাংলবসু, নুমিৎ খুদিংগী পোজিতিপ ওইবগী চাং চাদা ৭.৫গী মখাদা লৈরি অমসুং অপুনবা পোজিতিপ ওইবগী চাং চাদা ৮.৫গী মখাদা লৈরি

নোংমদা তেস্ত তৌবা ঙম্বগী পান্দম ফংলবা মতুংদা, ভারতনা হৌখিবা নুমিৎ নিনিদা কোবিদ-১৯ তেস্ত তৌবগী চাং হেনগৎলক্তুনা নোংমদা তেস্ত লাখ ১০ হেন্না পাংথোক্লে। লৈবাক শীনবা থুংনা নুমিৎ নিনি থংন-থংন্না সেম্পল লাখ ১১.৭০ হেন্না তেস্ত তৌখ্রে। হৌখিবা পুং ২৪দা সেম্পল ১১,৬৯,৭৬৫ হেন্না তেস্ত তৌখ্রে। নোংমদা মশিং য়াম্না তেস্ত পাংথোকপা ঙম্বগী থাক অসি লৈবাক অমতনা পাংথোকপা ঙমদ্রি। নোংমগী তেস্ত তৌবগী চাং ৱাংখৎলকপগা লোয়ন্না, অপুনবা তেস্ত তৌখিবা মশিং করোর ৪.৭গী ময়া য়ৌরে। হৌজিক ফাওবদা অপুনবা তেস্ত তৌখিবা মশিং ৪,৬৬,৭৯,১৪৫নি। নোংমদা তেস্ত তৌবগী চাং য়াম্না ৱাংলবসু, নোংমগী পোজিতিপ ওইবগী চাং অসি চাদা ৭.৫গী মখাদা লৈরি অদুগা অপুনবা পোজিতিপ ওইবগী চাং চাদা ৮.৫গী মখাদা লৈরি। য়ুমদা নাইতোম লৈরিবশিং অমসুং হোস্পিতালশিংদা লৈরিবশিং ফজনা লায়েংবদগী শিবগী চাং হন্থরকপনি। শিবগী চাং চাদা ১গী মখাদা লৈনবা পান্দম অমগা লোয়ন্না থবক পায়খৎপদগী ভারতকী কেস ফেতালিতি রেত(সি এফ আর) অসি চাদা ১.৭৪দা লৈরে অমসুং তপ্না তপ্না হন্থরক্লি। লৈবাক শীনবা থুংনা দাইগনোস্তিক লেবশিং হাংদোকপগী মহৈ ওইনা ভারতনা তেস্ত তৌবগী চাং হেনগৎলকপনি। হৌজিক ফাওবদা সরকারগী লেব ১০২৫ অমসুং লনাইগী লেব ৬০৬ য়াওনা লৈবাক শীনবা থুংনা অপুনবা লেব ১৬৩১ লৈরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1651215

প্রধান মন্ত্রীনা আই.পি.এস. প্রোবেসন্নরশিংগা ৱারী শানখ্রে

ঙসি সর্দার ভাল্লবভাই পতেল নেস্নেল পুলিস একাদেমি(এস ভি পি এন পি এ)দা ‘দিকসান্ত পেরেত থৌরম’ মনুংদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা আই.পি.এস প্রোবেসন্নরশিংগা ৱারি শানখ্রে। থৌরম অদুদা প্রধান মন্ত্রীনা হায়খি একাদেমি অসিদগী পাস তৌরকখিবা নহা ওইরবা আই.পি.এস ওফিসারশিংগা মহাক্না চাংনাইনা ৱারি শানখি, অদুবু চহি অসিগী ওইনা কোরোনাভাইরসনা মরম ওইদুনা মহাক্না মখোয়গা উনবা ঙমদ্রে। অদুবু ঐনা ওফিস পায়রিঙৈ মতমদা, ঐনা করিগুম্বা মতমদা অদোমগা ময়ামগা শোইদনা উনগনি হায়না মহাক্না মখা তাখি। মাইপাক্না মখোয়গী ত্রেনিং লোইশিনবগী আই.পি.এস প্রোবেসন্নরশিংদা য়াইফ-পাউজেল পীরদুনা প্রধান মন্ত্রীনা হায়খি য়ুনিফোর্মগী শক্তি উৎপগী মহুৎতা প্রোবেসন্নরশিংনা মখোয়গী য়ুনিফোর্মগী চাউথোকচবা অসিনা হেন্না মরুওই। মরুওইনা কোবিদ-১৯ মনুং অসিদা অফবা থবক পাংথোক্তুনা খাগি য়ুনিফোর্মগী মীনুংশিং খঙবা মশক অদু মীয়ামদা ৱাখলদা মমি তাহনগদবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1651252

প্রধান মন্ত্রীনা য়ু.এস.-আই.এস.পি.এফ. অমেরিকা-ভারত ২০২০ সমিত্তা মরুওইবা ৱারোল ফোংদোকখ্রে

প্রধান মন্ত্রী শ্রী নরেন্দ্র মোদীনা ঙরাং ভিদিও কনফরেন্সকী থোংদা অমেরিকা-ভারত 2020 সবমিত্তা মরুওইবা ৱারোল থমখ্রে। থৌরম অদুদা ৱা ঙাংলদুনা শ্রী নরেন্দ্র মোদীনা মালেমগী ওইনা থোক্লিবা লায়চৎ অসিনা মীওই খুদিংমক্তা চৈথেং পীরি অমদি মসিনা ঐখোয়গী হান্নগী ফীভমদা হঞ্জিলহল্লক্নবগী, ঐখোয়গী মীয়ামগী হকশেলগী সিস্তেমশিং, ঐখোয়গী শেন্মিৎলোনগী চাংয়েং লৌরি। হৌজিক্কী ওইরিবা ফীভম অসিনা অনৌবা ৱাখল্লোন অমা লৈহন্নবা হায়রি হায়না মহাক্না ফোংদোকখি। অসিগুম্বা চাউখৎপগী লাল্লোং অসি মীওইবদা পান্দম থম্বা ৱাখল্লোনগী ওইবা। মীওইবা খুদিংনা অমগা-অমগা মতেং পাংনবগী ৱাখল্লোন ওইবা অদু ফোংদোকখি। ভারতকী লল্লোন-ইতিক তৌবা কাংলুপশিং, মরুওইনা পিক্না লল্লোন-ইতিক তৌবশিংনা হান্না নিংথিনা মথৌ তৌবা অসিদা মহাক্না নুংঙাইবা ফোংদোকখি। চাউরাক্না শিনোদগী হৌদুনা মালেম পুম্বগী ওইনা অনিশুবা খ্বাইদগী চাউবা পি.পি.ই. কীত শাবা লৈবাক ওইহল্লে হায়না মহাক্না হায়খি। মখল-মখা কয়াদা ফগৎহনখিবা অসি পল্লদুনা প্রধান মন্ত্রীনা মসিগী লায়চৎ অসিদা ভারতকী মীওই বিলিয়ন ১.৩গী অনিংবশিং অমদি অথোইবা অনিংবশিং অসি ফংহনবদা মায় পাক্ত্রি হায়না মহাক্না হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1651145

প্রধান মন্ত্রীনা য়ু.এস.-আই.এস.পি.এফ. য়ু.এস.-ইন্দিয়া সম্মিৎ ২০২০দা পীখিবা অখন্নবা মরুওইবা ৱারোল

অকুপ্পা ৱারোলগীদমক: https://pib.gov.in/PressReleseDetail.aspx?PRID=1651144

শ্রী পিয়ুশ গোয়লনা হায় ভারতকী এক্সপোর্ত অমসুং ইমপোর্তশিং অসি পোজিতব ত্রেন্দশিং উৎলক্লি; ত্রেদ দিফিসিত অসি হন্থরক্লি
কেন্দ্রগী কমর্স অমসুং ইন্দস্ত্রীগী মন্ত্রী, শ্রী পিয়ুশ গোয়লনা ঙসি লৈবাক অসিগী গ্লোবল ত্রেদ, গ্রাউন্দ লেভেল সিচুৱেশন, অমসুং এক্সপোর্তরশিংনা মায়োক্নরিবা অৱাবশিং অদুগা মরী লৈনবা ইসুশিংঅদুগী মতাংদা তাথোক-তাশিন তৌনবা এক্সপোর্ত প্রোমোশন কাউন্সিলশিং (ই.পি.সি.শিং)গী ওফিস-ব্যররশিং উনখি। মহাক্কী ৱাহৌদোক ৱারোলদা, মন্ত্রীনা হায়খি মদুদি লৈবাক অসিগী এক্সপোর্তশিং অদুগা লোইন-লোইননা ইমপোর্তশিংনা পোজিতিব ত্রেন্দশিং উৎলি। এক্পোর্তশিং অদু লাইচৎ অসিনা মরম ওইরগা হনদক্কী চহিগী এপ্রিলদা খংহাই-হাইথরুরবা মতুংদগী মমাং চহিগী থাক অদু য়ৌরক্কদৌরে,। ইমপোর্তশিংগী মতাংদা অফবা অমদি লৈ মদুদি কেপিতল গুদস ইমপোর্তশিং অদু হন্থখিদে, অমসুং ইমপোর্ত্তা মরু ওইনা চ্রুদ, গোলদ অমসুং ফর্তিলাইজরশিংদা হন্থখিবা থেংনখি। মহাক্না মখা তাখি মদুদি ত্রেদ দিফিসিত অসি য়াম্না শাথিনা হন্থেরক্লি অমসুং ঐখোয়গী সপ্পাই চেন্না অখাং কনবা অমসুং ঐখোয়গী এক্সপোর্তরশিংগী নীংহন্নদবা অমসুং হোৎনবা কনবদগী, গ্লোবল ত্রেদতা ঐখোয়গী শেয়র অসি ফগৎলক্লি। মন্ত্রীনসু হায়খি মদুদি ঐখোয়না হেন্না রিলায়েবল ওইবা অমসুং হেন্না ফবা ত্রেদ দেতা পুথোক্নবা হোৎনরি, মসিগী মতুং ইন্না লৈবাক অসিনা হেন্না ফবা প্লান্নিং অমসুং পোলিসীশিং ফ্রেম তৌবা ঙমগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1651202

০৪.০৯.২০২ফাওবদা খারিফ মহৈ-মরোংশিং অসি হেক্তর লাক্ষ ১০৯৫.৩৮গী রেকোর্দ তৌরবা মফমদা মহৈ-মরোংশিং লোকখ্রে
খারিফ ২০২০গী হৌজিক্কী কুম অসি অসিদা লম হেক্তর লাক্ষ ১০৯৫.৩৮ য়ৌনা থবক পাংথোকপা ঙমখ্রে। হৱাইশিং, হৱাই অপৌবশিং, চুজাক অমসুং থাউ লোক্নবা মরুশিং লোকপা লোইশিনখ্রবসু ফৌ লোকপদি মখা চত্থরি। হৌজিক ফাওবদা কোবিদ-১৯না খারিফকী মহৈ-মরোংশিংগী মফমশিং অসি য়ৌশিনবদা অপনবা চৈথেং অমত্তা পীদ্রি। লৌউ-শিংউ অমদি লৌমীশিংগী য়াইফ-থৌরাংগী কেন্দ্র মন্ত্রী শ্রী নরেন্দ্র সিংহ তোমারনা সরকারনা মরুশিং, তীলহাৎ হিদাকশিং, হারশিং, মেছিনরীশিং অমসুং পোৎ শোৎপা অসি মতম চানা হান্না মফম শেমদুনা ফংহনবা অসিনা লায়চৎ অসিগী লোকদাউনগী অসিদসু চাউরবা মফমশিং থু্ংনা থবক পাংথোকপা ঙমহল্লি হায়না ফোংদোকখ্রে। লৌউ-শিংউ অমদি লৌমীশিংগী য়াইফ-থৌরাং মন্ত্রালয় অমসুং রাজ্য সরকারনা মিশন প্রোগ্রামশিং অমদি ফ্লেগশিপ স্কীমশিং অসি মায় পাক্না থবক পাংথোকহন্নবা অরৈবা থাদুনা হোৎনবা য়াবা হোৎনখি। শ্রী তোমারনা মতম চানা থবক পাংথোকপা, তেক্নোলোজীশিং শিজিন্নদুনা অমদি সরকারগী স্কীমশিং অসিগী কান্নবা লৌবা অসি লৌমীশিংননি হায়না ফোংদোকখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1651248

 

পি.আই.বি. ফিল্দ ওফিসশিংদগী ফংবা পাউ

  • হরিয়ানা: কোবিদ-১৯ লাইচৎ অসিগা মরী লৈননা অনলোক-৪গী গাইদলাইনশিং পীথোকখিবগা লোইননা, হরিয়ানা সরকারনা স্তেন্দার্দ ওপরেতিং প্রোসিজরশিং (এস.ও.পি.শিং) অমসুং রাজ্য অসিদা ফিলম শুতিংগীদমক্তা গাইদলাইনশিং থোকখ্রে। শুতিং তৌবগী মতম অদু য়ারিবমখৈ হন্থহনগদবনি অমসুং মীওই ৫০দগী হেল্লোইদবনি।
  • পঞ্জাব: পঞ্জাব সরকারনা সরকারগী হোসপিতালশিং অমসুং মোবাইল ভানশিংদা ফ্রী ৱাক-ইন তেস্তিং, অমসুং রাজ্য অসিদা কেস হেনগৎলক্লিবা অসি য়েংশিন্নবা কোবিদ তেস্তিং তৌবা থৌগৎনবা অসিগা চপ মান্ননা লানাইগী দোক্তরশিং অমসুং হোসপিতালশিংনা য়ামদবা মেনপাৱর চংবগী মমল লুপা ২৫০দগী হেন্দবা তেস্তিং তৌবগী য়াহল্লগনি
  • অরুনাচল প্রদেশ: অরুনাচল প্রদেশতা, কোবিদ-১৯ পোজিতিব ওইবা মীওই ২১৪ থেংনখি অমসুং অমা শিখি, হৌজিক ফাওবদা রাজ্য অসিদা পুন্না মমীওই নিপান শিখ্রে।
  • অসাম: অসামদা ঙরাং কোবিদ-১৯গীদমক্তা মীওই ৩০৫৪ পোজিতিভ ওইবা থেংনখি অমসুং মীওই ১৯৭১ ফখি, অপুনবা কেস মশিং ১১৮৩৩৩দা হেনগৎখ্রে, এক্তিব কেস ২৭৩০৩ অমসুং শিখিবশিংগী অপুনবা মশিং ৩৩০।
  • মনিপুর: মনিপুরদা, কোবিদ-১৯গীদমক্তা মীওই ১০২ অমুক পোজিতিব ওইখ্রে অমসুং ৩ অমুক শিখ্রে, চাদা ৭২গী চাংদদা ফগৎপগা লোইননা ১৬৭ ফখি। রাজ্য অসিদা এক্তিব কেস ১৮০৩ লৈরি।
  • মিজোরাম: মিজোরামদা, কোবিদ-১৯গী অনৌবা কেস তরুক রাজ্য অসিদা ঙরাং থেংনখি। অপুনবা কেস ১০৪৬। মিজোরাম সরকারনা অসাম অমসুং ত্রিপুরা বোর্দরদা কমপলসরী রেপিদ এন্তিজেন তেস্ত অদু লেপখ্রে। থর্মল স্করীনিং অমসুং অতোপ্পা বেসিক প্রোসিজরশিং অদু খক্তমক মিজোরামদা চংলক্লিবশিং অদুদা তেস্ত তৌরগনি।
  • নাগালেন্দ: নাগালেন্দদা, হৌজিক ফাওবদা আর.তি.-সি.পি.আর.গী খুত্থাংদা তেস্ত তৌনবগীদমক্তা পুন্না সেমপল ৩৯,৭৬৯ থাখ্রে অমসুং ত্রুনেত মেছিনশিংগী খুত্থাংদা তেস্ত তৌনবগীদমক্তা অতোপ্পা ২৩,৬৩৮ অমুক থাখি।
  • কেরলা: সরকারগী সার্বিস তৌরিবা জুনিয়র দোক্তরশিংনা করিগুম্বা মখোয়বু সেলরী চেলেঞ্জদা লৌথোক্ত্রবদি সেপ্তেম্বর ১০দগী সার্বিস্তগী তোক্লগনি হায়না খঙহল্লকখ্রে। কোবিদ ফার্সত-লাইন ত্রীমেন্ত সেন্তরশিং অমসুং অতোপ্পা হেল্থ সেন্তরশিংদা থবক তৌখিবা দোক্তর পুন্না ৮৬৮না মখোয়বু সেলরী চেলেঞ্জদগী লৌথোকপীনবা হায়জদুনা মেমোরেন্দম অমা থাজিনখি। রাজ্য অসিদা ঙরাং য়াম্লবা কোবিদ-১৯গী কেস ১,৫৫৩ থেংনখি। হৌজিক-হৌজিক রাজ্য অসিদা পেসেন্ত ২১,৫১৬ লাইয়েংদুনা লৈরি অমসুং জিলা কয়া অমদা হৌজিক পুন্না মীওই লাখ ১.৯২ ক্বারন্তিন তৌদুনা লৈরি। হৌজিক ফাওবদা রাজ্য অসিদা শিবগী মশিং ৩১৫ য়ৌখ্রে
  • তামিল নাদু: পুদুচেরীদা ২০ শিখিবগা লোইননা নোংমদা খ্বাইদগী য়াম্না শিখিবগী মশিং লৈখি, মসিনা নুমিৎ খরনিগী মমাংদা লৈখিবা খ্বাইদগী য়াম্বা ১৩ শিখিবগী হান্নগী মশিং অদু হেনখ, ইরাই নুমিৎকী পুং অয়ুক্তা লোইদুনা হৌখিবা পুং ২৪দা ভাইরস অসিদগী মীওই ৫৯১ পোজিতিব ওইখি।  ওক্সসফোর্দ য়ুনিভর্সিতীনা পুথোকপা কোভিশীল্দ ভেক্সিন অনিশুবা ফেজগী ক্লিনিকেল ত্রায়লশিংগীদমক্তা  চেন্নাই য়ৌরকখ্রে।  ভেক্সিন অসিভারত্তা মল্তি সেন্ত্রিক স্তদী অমগী শরুক অমা ওইনা রাজিব গান্ধি জেনরেল হোসপিতাল অমসুং স্রি রামাচন্দ্র ইন্সতিত্যুত ওফ হায়র এজুকেশন এন্দ রিসর্চ পোরুরদা চহি ১৮গী মথক্তা লৈবা ভোলন্তিয়র ৩০০দা তেস্ত তৌরগনি।
  • কর্নাতকা: কর্নাতকাদা জুলাইদগী হেনগৎলক্লিবা কোবিদ-১৯না মরম ওইরগা শিখিবশিং অদু ১০৪ শিখিবগা লোইননা শগোলশেল নুমিত্তা ৬০৫৪ য়ৌখ্রে। সেপ্তেম্বর ৭তগী থবক তৌবা হৌদোরবা, বেঙ্গলোর মেত্রো রেল কোরপোরেশন্না চৎথোক-চৎশিন তৌরিবশিংদা মখৌয়গী স্মার্ত কার্দশিং তোপ অপ তৌনবা এপ অমা হৌদোক্লগনি। প্রিজন ইনমেত কয়া কোরোনা পোজিতিব ওইখিবগে হায়না হাই কোর্তনা রাজ্য সরকারদা হংখি অমসুং এফিদেভিত অমা ফাইল তৌনবা রাজ্যদা খঙহল্লকখ্রে
  • অন্ধ্র প্রদেশ: মুখ্য মন্ত্রীনা আরোগ্যস্রি স্কীম চৎলু য়াদবা হোসপিতালশিংগী মায়োক্তা অহকপা থবক পাইখৎনা য়াথং পীখি। ৱিশাখাপতনম কোবিদ-১৯গী মশিং অদু ৩৯,০০০ হেনখ্রে। গুন্তুর কলেক্তরনা কোবিদ-১৯ পোজিতিব কেসশিংগি মেপ্পিং লোইশিন্ননবা নোদল ওফিসরশিংদা খঙহল্লকখ্রে। মহাক্না পেসেন্ত ৪০,০৪৪গী মেপ্পিং হৌজিক ফাওবা লোইদ্রিআ হায়বা উবা ফংখি। হৌজিক ফাওবা ত্রিয়াগিং তৌদ্রিবা পেসেন্ত ৯,৫৮৩ লৈরি।
  • তেলঙ্গানা: হৌখিবা পুং ২৪দা অনৌবা কেস ২৪৭৮থেংনখি, ২০১১ ফখি অমসুং ১০ শিখিবগী পাউ লৈখি; কেস ২৪৭৮গী মনুংদা কেস ২৬৭দি জি.ঐচ.এম.সি.দগীনি। অপুনবা কেস: ১,৩৫,৮৮৪; এক্তিব কেস: ৩২,৯৯৪; শিখিবশিং: ৮৬৬; দিসচার্জ তৌখিবশিং: ১,০২,০২৪। চাদা ১৮গী চাংদা, কোবিদ-১৯ পোজিতিব ওইবগী চাং অসি তেলঙ্গানাগী হেল্থকেয়র স্তাফকী মরক্তা খোবিদ-১৯ পোজিতিব ওইবগী চাং খ্বাইদগী হেন্না ৱাংঙি। 
  • মহারাস্ত্র: কোংগ্রেসকী লুচিংবা অমসুং এনিমল হসবেন্দ্রী অমসুং দায়রী দিবেলপমেন্তকী স্তএত মিনিস্তর, সুনি কেদর (৫৯) কোবিদ -১৯ পোজিতিব ওইখ্রে।, মহাক অসিনা মহারাস্ত্র ৱিকাস অঘদি কোলিশন গোভর্নমেন্ততা পোজিতিব ওইখিবা তরুকশুবা মিনিস্তরনি। মহারাস্ত্রদা শগোলশেল নুমিত্তা অনৌবা ইনফেক্সন ১৮,১০৫ থেংনখি, মসিনা অপুনবা কেসশিং অদু লাখ ৮.৪৩ হেলহনখি। মুম্বাইগী অপুনবা মশিং অসি লাখ ১.৫০ য়ৌখ্রে।
  • গুজরাত: গুজরাত্তা শগোলশেল নুমিত্তা হৌখিবা পুং খরা অসিদা নুংদাংগী পুং ৫দা লোইদুনা নোংমদা খ্বাইদগী ৱাংখিবদুনা অনৌবা পোজিতিভ কেস ১,৩২৫ থেংনদুনা কোবিদ-১৯পেসেন্তশিংগী অপুনবা মশিং অদু লাখ ১ য়ৌখিবা ১১শুবা রাজ্য ওইখি। গুজরাত্তা লৈরিবা অপুনবা কেস অসি হৌজিক ১,০০,৩৭৫ য়ৌরে। এনালিসিস অমনা উৎখি মদুদি রাজ্য অসিনা অহানবা কেস ২৫,০০০ লান্থোকপদা চংখিবা নুমিৎ ৯০ অদুগা চাংদম্নবদা হৌখিবা নুমিৎ ২৩দা কেস ২৫,০০০ থেংনখি।
  • রাজস্থান: রাজস্থান সরকারনা চার্জশিং অদু নোংমদা লুপা ৫,০০০দগীনা লুপা ৯,৯০০ ফাওবগী মরক্তা থমদুনা লনাইগী হোসপিতালশিং কোরোনাভাইরস লাইয়েংবগীদমক্তা মমল লেপথোকখ্রে। ৱারেপ অসি লাইয়েংবগীদমক্তা লানাইগী হোসপিতালশিংনা কা হেন্না য়াম্বা ফী লৌই হায়বা পাউ লাকখিবদগীনি। লাঈয়েংবগী মমল অদুদা পি.পি.ই. কিত অমগী লুপা ১,২০০সু য়াওরিবনি। হৌজিক ফাওবদা রাজ্য অসিদা এক্তিব কেস ১৬,০৬৭ লৈরি।
  • মধ্য প্রদেশ: শগোলশেল নুমিত্তা এম.পি.দা অনৌবা কোরোনা ভাইরস কেস ১,৬৭২ লৈখিদুনা নোংমদা খ্বাইদগী য়াম্না হেনগৎলকপা থেংনখি, মসিনা রাজ্য অসিগী ইনফেক্সগী মশিং অদু ৬৮,৫৮৬তা য়ৌহনখ্রে। রাজ্য অসিদা নোংমদা খ্বাইদগী য়াম্বা কেস মশিং ২৫৯ ইন্দোরদা থেংনখি, মথংদা গ্বালিয়রদা ২৪৬, ভোপালদা ১৯৮ অমসুং জবলপুরদা ১২৯। ইন্দোরগী অপুনবা কেসশিংগী মশিং অদু ১৩,৭৫২ য়ৌখ্রে।

*****



(Release ID: 1651444) Visitor Counter : 6