কেন্দ্রগর তেস্ত-ত্রেক-ত্রীতকী লাল্লোং শীজিন্নবগী পান্দমশিংগী মনুংদা অমদি কোবিদনা শিবা মশীং হন্থহনবা অমদি শিবগী চাং নেম্না থম্বনি‍। মশিং য়াম্না ফগৎলকপগী চাং লেঙদনা থমবা অমদি পুন্সিশিং কন্ননবগীদমক মান্নবা থাক্কী লায়েং পথাপ পীননবা ক্লিনিকেল ত্রীতমেন্ত প্রোতোকোল মপাঙ্গল কনখৎহনবদা অহেনবা পুক্নীং চঙলি‍।

ভারতকী মী শিবগী চাং মালেমগী  চাংচত্তগী নেমবা অমদি অসুম অসুম হন্থরকপদা (হৌজিক্কী চাং চাদা ১.৭৪ ওইরি) নত্তনা, এক্তিব কেসকী পীক্লবা শরুক খরখক, চাদা ০.৫ য়ৌদনা ভেন্তিলেতর সপ্পোর্ত শীজিন্নরি‍। এক্তিব কেসকী চাদা ২না আই.সি.য়ু.দা অমসুং চাদা ৩.৫ য়ৌদবনা ওক্সিজেন সপ্পোর্ত য়াওবা ফমুংদা লৈরি হায়বা দেতানা উৎলি‍।

থৌরাং অসিগী মহৈনা, ভারতকী কোবিদ-১৯ নারম্বদগী অপুনবা ফগৎলক্পা মীশিং ঙসি লাখ ৩০ (৩০,৩৭,১৫১) লানখ্রে

হৌখিবা পুং ২৪দা মীওই ৬৬,৬৫৯ ফগৎলক্তুনা, ভারতনা নুমিৎ ৮নি চুপ্না মীশিং ৬০,০০০গী মথক্তা ফগৎলকপা ঙম্লি‍। কোবিদ-১৯ নারবশিংগী মরক্তগী ফগৎলকপগী চাং চাদা ৭৭.১৫ লৈদুনা হৌখিবা থা কয়াসিদা অনাবা ফগৎলকপগী চাং তপ্না তপ্না হেনগৎলক্লি‍।

মীশিং য়াম্না ফগৎলকপনা মরম ওইরগা ফখ্রবা অমদি হৌজিক নারিবা মীশিংগী মরক্তা খেন্নবসু অসুম অসুম হেনগৎলক্লি‍। খেন্নবা অসি ঙসিফাওবদা লাখ ২২ লানখ্রে‍। মসিনা লৈবাকসিদা লৈরিবা তশেং তশেংবা কেসলোদ হায়বদি এক্তিব কেস মশিং (৮,৩১,১২৪ এক্তিব মেদিকেল কেয়রগী মখাদা লৈরিবা)  হন্থরক্লে, অমদি হৌজিক হৌজিক অপুনবা পোজিতিব কেস মশিংগী শুপ্নতগী চাদা ২১.১১ ওইরি‍।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ অমদি @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু:  +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

****