(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা অতোপ্পা নুমিৎ অমদসু নোংমগী মনুংদা খ্বাইদগী য়াম্না অনাবা ফরে, হৌখিবা পুং ২৪দা মীওই ৬৮,৫৮৪ অনাবা ফখি, রাজ্য অমসুং য়ু.তি ২৬দা অনাবা ফগৎলকপগী চাং চাদা ৭০ হেল্লে
• অনাবা ফরবা মীওই মশিংনা এক্তিব কেস মশিং(৮,১৫,৫৩৮)দগী লাখ ২১.৫ হেল্লে
• হৌখিবা পুং ২৪দা কোবিদ তেস্ত লাখ ১১.৭ হেন্না তৌখ্রে, পুন্না তেস্ত কোতি ৪.৫ হেন্না তৌখ্রে
• ভারতকী কেস ফেতালিতি রেত(সি.এফ.আর.) অসি মালেমগী চাং(চাদা৩.৩)দগী হন্থরে। শিবগী চাং নোংম-নোংমগী হন্থরক্তুনা ঙসি চাদা ১.৭৫দা লৈরি।

ভারতনা অতোপ্পা নুমিৎ অমদসু নোংমগী মনুংদা খ্বাইদগী য়াম্না অনাবা ফরে, হৌখিবা পুং ২৪দা মীওই ৬৮,৫৮৪ অনাবা ফখি, রাজ্য অমসুং য়ু.তি ২৬দা অনাবা ফগৎলকপগী চাং চাদা ৭০ হেল্লে

ভারতনা নোংমগী মনুংদা মশিং খ্বাইদগী য়াম্না অনাবা ফগৎলে। হৌখিবা পুং ২৪দা কোবিদ-১৯ অনাবা মীওই ৬৮,৫৮৪ ফরে অমসুং হোস্পিতালশিংদগী হনখ্রে। মসিদগী অনাবা ফরবা মশিং লাখ ৩০ রোম(২,৯৭০,৪৯২)য়ৌরে। মসিগা লোয়ন্না ভারতকী কোবিদ-১৯ অনাবশিংগী মরক্তা ফগৎলকপগী চাং চাদা ৭৭ হেল্লে। অনাবা ফরবা মীওই মশিংনা এক্তিব কেস মশিং(৮,১৫,৫৩৮)দগী লাখ ২১.৫ হেল্লে। হৌজিক ফাওবদা অনাবা ফরবা মীওই মশিংনা এক্তিব কেস মশিংগী শরুক ৩.৬ হেল্লে। রেকোর্দ ওইনা অনাবা ফগৎলকপা অসিদগী লৈবাক অসিগী এক্তিব কেস মশিং হন্থরক্লে অমসুং হৌজিক অপুনবা কেসশিংগী চাদা ২১.১৬ খক এক্তিব কেস ওইরি। হায়রিবা থবকশিং অসিনা মরম ওইদুনা ভারতকী কেস ফেতালিতি রেত(সি এফ আর) অসি মালেমগী চাং(চাদা৩.৩)দগী হন্থরে। শিবগী চাং নোংম-নোংমগী হন্থরক্তুনা ঙসি চাদা ১.৭৫দা লৈরি।

অকুপ্পা ৱারোলগীদমক:

ভারতনা নোংমদা তৌরিবা তেস্ততা অমুক্তা থোকখিদ্রিবা মওংদা হেনগৎপা থেংনখ্রে, হৌখিবা পুং ২৪দা কোবিদ তেস্ত লাখ ১১.৭ হেন্না তৌখ্রে, পুন্না তেস্ত কোতি ৪.৫ হেন্না তৌখ্রে

হৌখিবা নুমিৎ নিনি অসিদা নোংমগী তেস্ত লাখ ১০ হেন্না লেপ্তনা তৌদুনা, ভারতনা নোংমদা তৌরিবা তেস্ততা অমুক্তা থোকখিদ্রিবা মওংদা হেনগৎপা থেংনখ্রে। হৌখিবা পুং ২৪দা কোবিদ তেস্ত লাখ ১১.৭ (১১,৭২,১৭৯)গী মথক্তা তৌখ্রে। মাই পাকপা অসিগা লোয়ননা তেস্ত তৌখিবগী অপুনবা অসি কোতি ৪.৫ (৪,৫৫,০৯,৩৮০) হেনখ্রে। মসিনা লৈবাক অসিগী নোংমগী তৌরিবা কোবিদ-১৯গী তেস্তকী মশিংদা চাউনা হেনগৎলে হায়বা তাক্লি। জনুৱারী ৩০দা নোংমদা তেস্ত ১০ খক্তং তৌরম্বদগী ঙসিদি নোংমদি তৌবগী চাংচৎ অসি লাখ ১১ হেনখ্রে। লৈবাক শিনবা থুংনা লৈরিবা তেস্তিং লেব নেৎৱার্ক থুনা য়ামখৎলকপা অসিনা ওইথোকহল্লিবনি। ঙসি ভারত্তা লেব ১৬২৩ লৈরে; সরকারগী সেক্তরগী লেব ১০২২ অমসুং লনাই লেব ৬০১ ওইরি। মসিগা লোয়ননা কোবাস ৬৮০০/৮৮০০ য়াওনা খ্বাইদগী নৌবা হাই থ্রুপুৎ মেছিন মফম ৫দা ইন্সতোল তৌখ্রে: আই.সি.এম.আর.-রাজেন্দ্রা মেমোরিএল রিসর্চ ইন্দিতিত্যুৎ ওফ মেদিকেল সাইন্সেস, পত্না; আই.সি.এম.আর.—েস্নেল ইন্সতিত্যুৎ ফোর কোলেরা এন্দ এন্তেরিক দিজিজেজ, কোলকতা; নেস্নেল সেন্তর ফোর দিজিজেস কন্ত্রোল, দিল্লী; আই.সি.এম.আর.-নেস্নেল ইন্সতিত্যুৎ ফোর রিসর্চ ইন রিপ্রদক্তিব হেল্থ, মুম্বাই; অমসুং আই.সি.এম.আর.-নেস্নেল ইন্সতিত্যুৎ ফোর কেন্সর প্রিভেন্সন এন্দ রিসর্স, নোইদা। মী য়াম্না চংদনা মসিদা নোংমদা সেম্পল ১০০০রোম তেস্ত তৌবা য়াই।

অকুপ্পা ৱারোলগীদমক:

য়ু.এস.আই.এস.পি.এফ.কী ৩সুবা চহিগী লুচিংবশিংগী মীফমদা ধরমেন্দ্র প্রধান্না ৱা ঙাংখি; অত্মানির্ভর ভারতকী খোঙজং শরুক য়ানবা য়ু.এস কম্পেনিশিংদা খঙহনখি
য়ু.এস.আই.এস.পি.এফকী ৩সুবা চহিগী লুচিংবশিংগী মীফমদা পেত্রোলিয়ম অমসুং নেচরেল গ্যাসকী য়ুনিয়ন মিনিস্তর ধরমেন্দ্র প্রধান ঙরাং শরুক য়াখ্রে। কোবিদ-১৯ লাইচৎনা মালেমগী শেন-থুমদা পীরিবা চৈথেং অমসুং মখা তারকপদা ইনর্জি শীজিন্নবা হন্থরকপগী মতাংদা মিনিস্তর প্রধান্না ৱা ঙাংখি। মহাক্না হায়খি ভারত্তা তপ্না তপ্না শেন-থুমগী থবকশিং হৌরকপদগী ইনর্জি শীজিন্নবগী চাং অথুবদা কোবিদ মমাংগী চাংশিং য়ৌরক্লগনি হায়না থাজনরি। অত্মানির্ভর ভারতকী খোঙজংগী মতাংদা মিনিস্তরনা হায়খি মশাগী ওক্নবা পুথোকপা ভারত অমা শেমগৎনবা, কোবিদ-১৯গী শিংনবশিং খুদোংচাবা ওন্থোক্নবা, লৈবাক মনুংগী পোৎথোকশিং অমসুং শীজিন্নরিবশিং মালেমগী সপ্লাই চেন্দা য়াওহন্নবা অমসুং ২১সুবা চহিচাদা ভারত মালেমগী পোৎ-চৈ শাফম অমা ওইহন্নবা প্রধান মন্ত্রী নরেন্দ্র মোদীনা খোঙজং অসি হৌদোকখিবনি।

অকুপ্পা ৱারোলগীদমক:

২০২০গী সেপ্তেম্বর ৭তগী তাঙ্কক নাইনা মেত্রো চেনবা হৌরগনি
শ্রী হারদীপ এস. পুরি, এম.ও.এস., (আই./সি.), হাউসিং অমসুং অর্বান এফিয়র্স মন্ত্রালয়না ঙসি মীদিয়াগা ৱারি শানবদা মে্তরো ওপরেশনশিংগীদমক্তা ওইবা এস.ও.পি.গাইদলাইনশিং ঙরাং লাউথোকখ্রে। তাঙ্কক নাইনা মেত্রো চেনবা হৌরগনি। লাইন অমদগী হেন্না লৈবা মেত্রোশিংনা ২০২০গী সেপ্তেম্বর ১২ফাওবদা কোরিদোর পুম্নমক মথৌ তৌনবা তাঙ্কক নাইনা ২০২০গী সেপ্তেম্বর ৭তগীদি অতোপ্পা লাইনশিং হাংদোক্কদবনি। হৌরকপদদি ওপরেশনশিং অদুগী নোংমগী পুংশিং অদু খরা তেনবা য়াই, মসি রেভেন্যু সার্বিস মপুং ফানা তৌবা হৌবগা লোইননা ২০২০গী সেপ্তেম্বর ফাওবদা তপ্না-তপ্না হেনগৎলকপা মথৌ তাগনি। স্তেশনশিং অমসুং ত্রেনশিংদা পেসেঞ্জর চিনবা থোক্তনবা ত্রেনশিং চেনবগী চাং অদু রেগুলেত তৌবা। কন্তেনমেন্ত জোনশিংদা লৈবা স্তেশনশিং/চংবা-থোকপগী গেতশিং অদু লোনবা। সোসিয়েল দিস্তেন্সিং কাইদনা চৎনবা, স্তেশনশিং অমসুং ত্রেনশিংগী মনুংদা চুনবা মার্কিংশিং তৌবা। পেসেঞ্জর অমসুং স্তাফ পুম্নমক্কীদমক্তা ফেস মাস্ক উপ্পা মেন্দেতরী ওইহনবা। মেতরো রেল কোর্পোরেশনশিংনা মাস্ক য়াওদনা লাকপা মীওইশিংদা শেল লৌদুনা মাস্কশিং সপ্লাই তৌবগী এরেঞ্জমেন্তশিং তৌবা। লাইওং লৈতবা মীওইশিং খক্তমক স্তেশশিং চংলকপদা থর্মেল সক্রীনিং তৌরবা মতুংদা ত্রাভেল তৌবা য়াহনবা।

অকুপ্পা ৱারোলগীদমক :

গ্লোবেল ইন্নোবেসন ইন্দেক্সদা মকোক থোঙবা লৈবাক ৫০গী মনুংদা ভারত য়াওরে

ৱার্ল্দ ইন্তেলেকচুএল প্রোপর্তি ওর্গনাইজেসনগী গ্লোবেল ইন্নোবেসন ইন্দেক্স ২০২০ রেঙ্কিংদা ভারতনা মফম ৪ হাইগৎলে অমসুং ৪৮শুবা মফমদা লৈরে। কোবিদ-১৯ লাইচৎ মরক অসিদা, মসি ভারতকী নুংঙাইবা পাউনি অমসুং লৈবাক অসিদা অফবা রিছর্স অমসুং দিবলপমেন্তগী থবকশিং পায়খৎপগী খুদম অমনি। ২০১৯দা ভারত ৫২সুবা মফমদা লৈখি অমসুং ২০১৫দা ৮১সুবদা লৈখি। মালেম পুম্নমক্কী ফজনা চাউখৎলবা লৈবাকশিংগী মরক্তা য়াওবা অসি শিংথানিংঙাই ওইনা মাইপাকপা অমনি। ২০১৯দা ময়াইথংবা অমসুং খাথংবা এসিয়াগী লমদমদা নৌবা পুথোকপদা মাইপাক্লবা লৈবাকশিংগী মনুংদা ভারত অমনি হায়বা ৱার্ল্দ ইন্তেলেকচুএল প্রোপর্তি ওর্গনাইজেসন্না য়ারে। হৌখিবা চহি ৫ অসিদা লৈবাক অসিনা অনৌবা পুথোকপগী রেঙ্কিংদা লেপ্তনা ফিবম ফগৎলক্লি।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

• কেরলা: লাক্কদবা মতমশিং অসিদা কোবিদ-১৯কেসশিং হেনগৎলক্লিবা অসিবু এদ্রেস তৌনবা রাজ্য আসিনা শেম-শাদুনা লৈরিঙৈ মরক্সিদা, সোসিয়েল সেক্যুরিতী মিশন দাইরেক্তর, দা. মুহাম্মদ অশীলনা হায়খি মদুদি মথংগী নুমিৎ ১৪দা রাজ্য অসিদা কেস লোদ খংহেন হেনগৎলকপা য়ানা লৈ। এ.আই.আর.দা ৱা ঙাংলদুনা মহাক্না হায়খি মদুদি মীয়াম্না অনলোক ৪দা কোমথোক্লিবা অসি শিজিন্নবা মতম য়ারিবমখৈ চেকশিনগদবনি। মরক অসিদা কোবিদ কন্তেনমেনন্ত এক্তিভিতীশিংগী শরুক অমা ওইনা কোঝিকোদে জিলা কলেক্তরনা জিলা অসিদা মফম ৪০ কন্তেনমেন্ত জোন ওইনা অমসুং রিজন মঙানা ক্রিতিকেল কন্তেনমেন্ত জোন ওইনা লাউথোকখ্রে। রাজ্য আসিদা য়াম্লবা মীওই ১,৫৪৭ কোবিদ পোজিতিব ওইখি। ২,১২৯ ফখিবগী পাউসু লৈখি। হৌজিক-হৌজিক পেসেন্ত ২১,৯২৩ লাইয়েংদুনা লৈরি অমসুং জিলা কয়া অমদা মীওই লাখ ১.৯৩ ওবজার্ভেশন্দা লৈরি। রাজ্য অসিগী শিবগী মশিং অদু হৌজিক ফাওবদা ৩০৫ শুখ্রে।
• তামিল নাদু: পুদুচেরীদা কোবিদ-১৯ এক্তিব কেসশিংগী মশিং অদু হৌখিবা পুং ২৪দা অনৌবা কেস ৪৩১ অমসুং তরেত শিখিবগী পাউ লৈখিবগা লোইননা ৫০৪২দা ৱাংখৎলকখ্রে। মসিনা য়ু.তি অসিদা হৌজিক ফাওবদা অপুনবা মশিং অদু ১৫, ৫৮১দা অমসুং শিখিবশিংগী মশিং ২৬০ য়ৌহনখ্রে লোইননা পেসেন্ত ১০,২৭৯ দিসচার্জ তৌখ্রে। হান্নগী পুদুচেরী এম.এল.এ. অমসুং  মক্কলনীথিমায়ম (এম.এন.এম.)গী প্রসিদেন্ত, দা. এম.এ.এস. সুব্রমনিয়ন (চই ৭৭) শগোলশেল নুমিৎকী অয়ুক্তা কোবিদ-১৯না মরম ওইরগা লৈখিদ্রে। তামিল নাদুদা কোবিদ-১৯ সেফতী প্রোতোকোলগা লোইননা জে.ই.ই. মেন ২০২০ পাংথোকখ্রে। সোসিয়েল মীদিয়া রিপোর্তশিংনা কেন্দিদেত ময়াম অমা একজাম অসিগীদমক্তা রেজিস্তর তৌরবা ফাওবদা মখোয়না একজাম অসিগীদমক্তা লাকখিদে হায়না ফোংদোরকখি।
• কর্নাতকা: স্তেত কেবিনেতনা ঙসি অনৌবা কর্নাতকা ইনফো্র্মেশন তেক্নোলোজী ৱার্কিং পোলিসী ২০২০-২৫ অয়াবা পীখ্রে, হায়রিবা অসিনা মসিগী মনুংদা অমসুং মসিগা মরী লৈনবা সার্বিসশিংদা থবক লাখ ৬০ পীনবা পান্দম থম্লি। ৱার্ক ফ্রোম হোমগী চৎনবী অসি থৌগৎনবা সরকারনা ৫জি. ইনফ্রাস্ত্রকচর শেমগৎনবা খরা হেন্না ইনভেস্ত তৌনবা ৱারেপ লৌখ্রে। রাজ্য আসিনা মথংগী একাদেমিক য়িয়রদগী সরকারগী স্কুলশিংদা এল.কে.জি.অমসুং য়ু.কে.জি. হাংদোক্নবা থৌরাং তৌরি, হায়না লো মিনিস্তর জে.সি. মধুস্বামীনা হায়খি। বি.বি.এম.পি.না সিতী আসিদা লৈরিবা হোসপিতালশিংদা কোবিদনা মরম ওইরগা লৈখিদবশিং অদুগী ওদিত তৌনবা তীম অমা শেমখ্রে। মেত্রো রেল ওপরেশন অসি সেপ্তেম্বর ৭তা পর্পল লাইন খক্তদা হৌরগনি অমসুং গ্রী লাইনদা নুমিৎ নিনিগী মতুংদা অমুক হৌরগনি। রাজ্য সরকারগী লুপা কোতি ১৮০০গী হাই তেক এম্বুলেন্স সার্বিস প্রোক্যোরমেন্ত প্লানগী প্রোগ্রেস অদু হাই কোর্তনা মোনিতর তৌরগনি।
• অন্ধ্র প্রদেশ: য়ুমশকৈশা নুমিত্তা কোবিদ-১৯ গীদমক্তা এমপ্লোয়ী মঙা অমুক পোজিতিব ওইবা থেংনখি, স্তেত এসেম্বলী আমসুং সেক্রেতরিয়েত্তা থোরকখিবা কেসশিংগী মশিং অসি ১১৯দা হেনগৎখি। নুমিৎ খুদিংগী কেস লিশিং কয়া থেংনখিবগা লোইননা, রাজ্য অসিদা লৈরিবা কেসশিংগী অপুনবা মশিং অদু লাখ ৪.৫কী তাঙ্কক লানখ্রে। লৈবাক অসিগী থাক্তা য়েংবদা, মহারাস্ত্রনা (চাদা ১৯.১৯) পোজিতিব ওইবগী মতাংদা লিস্তকী মকোক থোংলি, অন্ধ্র প্রদেশনা চাদা ১১.৮৫ ওইদুনা মথংদা লৈ।
• তেলঙ্গানা: হৌখিবা পুং ২৪দা অনৌবা কেস ২৮১৭ থেংনখি, ২৬১১ ফখি অমসুং ১০ শিখিবগী পাউ লৈখি; কেস ২৮১৭গী মনুংদা জি.ঐচ.এম.সি.দগী কেস ৪৫২ থেংনখি। অপুনবা কেসশিং: ১,৩৩,৪০৬; এক্তিব কেসশিং: ৩২,৫৩৭; শিখিবশিং: ৮৫৬; দিসচার্জ তৌখিবশিং: ১,০০,০১৩। সি.এস.আই.আর-সি.সি.এম.বি. দাইরেক্তর, আর.কে. মিশ্রানা কোরোভাইরসকী সব-স্ত্রেন অমা তেলঙ্গানা পুম্বদা পাকশন্না অমসুং য়াংনা শন্দোরক্লি হায়না রিপোর্তশিং খরদা অচুম্বা অমত্তা য়াওদে হায়না শেংদোকরকখি। “দ কোরোনাভাইরস ‘এ.২.এ.’ ক্লেদ নত্রগা স্ত্রেন অসি প্রিদোমিনেন্ত ওই অমসুং মসি মালেম শিনবা থুংনা লৈ। মসি এ.৩.আই.গা চাংদম্নবদা “হেন্না কনবা নত্রগা হেন্না য়াংবা” ওইদে। মসি হৌজিক্কী ওইনদি মরু ওইবা ক্লেদ অসি খক্তা ওইবনা এ.২.এ. ক্লেদ অসিনা ‘শাফবা’ খক্তনি অমসুং মসিদা ‘অনৌবা অমত্তা লৈতে’, ” হায়না শ্রী মিশ্রানা হায়খি।
• অরুনাচল প্রদেশ: অরুনাচল প্রদেশতা হৌখিবা পুং ২৪গী মনুংদা কোবিদ-১৯গী অনৌবা কেস ১৪৮ থেংনখি অমসুং পেসেন্ত ৯৬ ফখ্রে অমসুং হোসপিতালশিংদগী দিসচার্জ তৌখ্রে। হৌজিক রাজ্য অসিদা এক্তিব কেস ১,২৭৮ লৈরি।
• অসাম: অসামদা তেস্ত ৪৭,৭৪৪গি মনুংদা কোবিদ-১৯গী কেস ৩,৫৫৫ থেংনখি; পোজিতিব ওইবগী চাং অসি ৭.৪৪%নি অদুগা পেসেন্ত ১,৮৩৪না দিসচার্জ তৌখ্রে। দিসচার্জ তৌখিবা পেসেন্তশিংগী অপুনবা মশিং ৮৮,৭২৬ অমসুং এক্তিব পেসেন্ত ২৬,২২৭, অসাম হেল্থ মিনিস্তরনা ত্বীত তৌরকখি।
• মনিপুর: মনিপুর মী্ই ১২৫ অমুক কোবিদ-১৯ পোজিতিব ওইখ্রে। ফগৎলকপগী চাং ৭০% ওইবগা লোইননা ১৫৭ ফখ্রে। এক্তিব কেস ১,৮৭১ লেরি।
• মঘালয়া: মেঘালয়াদা ঙসি মীওই ৮৩ কোরোনাভাইরসতগী ফখ্রে। অপুনবা এক্তিব কেসশিং১,১৮৬, অপুনবা বি.এস.এফ. অমসুং আর্মদ ফোর্সেসশিংগী মশিং ২৯৮, অতোপ্পশিংগী অপুনবা মশিং ৮৮৮ অমসুং ফখিবাশিংগী মশিং ১,৩১৮।
• মিজোরাম: মিজোরামদা ঙরাং কোবিদ-১৯গী অনৌবা কেস ২০ থেংনখি। অপুনবা কেসশিং ১,০৪০, এক্তিব কেসশিং ৩৮৯ অমসুং ফখিবা পেসেন্তশিং ৬৫১।
• নাগালেন্দ: নাগালেন্দদা চাদা ৮০ চাংদা ১০শুবা খ্বাইদগী ৱাংবা কোবিদ-১৯ ফখিবা থেংনখি। কনফর্ম কেস ৪,০১৭গী মনুংদা মীওই ৩,২১২ হোজিক ফখ্রে। সরকার অসিনা সেপ্তেম্বর ৪দগী দিমাপুরগী আনৌবা মার্কেত অমসুং হোংকোং মার্কেত আংদোক্নবগী অয়াবা পীখ্রে। মার্কেত অনি অসিদা লৈরিবা দুকানশিং অদু ওদ-ইভন সীস্তেমগী মখাদা শিন্না শিন্নদুনা হাংগনি।
• সিক্কিম: য়ুমশকৈশা নুমিত্তা সিক্কিমদা কোবিদ-১৯গী অনৌবা কেস ৩৪ থেংনখি। হৌজিক এক্তিব কেস ৪৩১ লৈরি অদুগা হৌজিক ফাওবদা রাজ্য অসিদা থেংনখিবা কেসশিং অদু ১,৭০৪ য়ৌখ্রে। মরক অসিদা মীওই ৩২ আইসোলেশন ফেসিলিতীশিংদগী দিসচার্জ তৌখ্রে।

ফেক্ত চেক

*****