છેલ્લાં બે દિવસથી રાબેતા મુજબ દૈનિક 10 લાખથી વધુ પરીક્ષણો કરાતા ભારતમાં આજે દૈનિક પરીક્ષણમાં અભૂતપૂર્વ ઉછાળો આવ્યો છે.

છેલ્લા 24 કલાકમાં 11.7 લાખ (11,72,179) થી વધુ પરીક્ષણો કરવામાં આવ્યા હતા. આ સિદ્ધિ સાથે, સંચિત પરીક્ષણો 4.5 કરોડથી વધુ (4,55,09,380) થઈ ગયા છે.

દેશમાં દૈનિક કોવિડ-19 પરીક્ષણમાં નોંધપાત્ર વધારો થયો છે. 30 જાન્યુઆરીએ દિવસના માત્ર 10 પરીક્ષણોથી શરુ કરીને આજે દૈનિક સરેરાશ 11 લાખથી વધુને પાર થઇ ગઈ છે.

ભારતની દૈનિક પરીક્ષણ સંખ્યા વિશ્વમાં સૌથી વધુ સંખ્યા ધરાવતા દેશોમાંની એક છે. લાંબા સમયગાળા દરમિયાન વ્યાપક વિસ્તારોને આવરીને સાતત્યતાના ધોરણે આવા ઉચ્ચ સ્તરના પરીક્ષણ પ્રારંભિક નિદાનને સક્ષમ કરે છે અને પરિણામે વ્યાપકપણે આઇસોલેશન અને અસરકારક રીતે હોસ્પિટલમાં દાખલ થવાની સુવિધા આપી શકાય છે. પરિણામે મૃત્યુદર ઓછો થયો છે. પરીક્ષણની વધુ સંખ્યા પણ નીચા પોઝિટિવિટી રેટમાં પરિણામે છે.

દેશભરમાં પરીક્ષણ પ્રયોગશાળા નેટવર્કમાં સમાન રીતે ઝડપી વિસ્તરણ દ્વારા પરીક્ષણમાં વધારો શક્ય બન્યો છે. આજે દેશમાં 1623 લેબ્સ છે; સરકારી ક્ષેત્રે 1022 લેબોરેટરી અને 601 ખાનગી લેબોરેટરી કાર્યરત છે. આમાં સામેલ છે:

• રીઅલ-ટાઇમ RT PCR આધારિત પરીક્ષણની લેબ: 823 (સરકારી: 465 + ખાનગી: 358)
• TrueNat આધારિત પરીક્ષણની લેબ: 678 (સરકારી: 523 + ખાનગી: 155)
• CBNAAT આધારિત પરીક્ષણની લેબ: 122 (સરકારી: 34 + ખાનગી: 88)

ઉપરાંત, 5 સાઇટ્સ પર કોબાસ 6800/8800 સહિતના અદ્યતન ઉચ્ચ થ્રુપુટ મશીનો સ્થાપિત છે: આઈસીએમઆર-રાજેન્દ્ર મેમોરિયલ રિસર્ચ ઇન્સ્ટિટ્યૂટ ઓફ મેડિકલ સાયન્સ, પટના; આઇસીએમઆર-નેશનલ ઇન્સ્ટિટ્યૂટ ફોર કોલેરા અને એન્ટરિક ડિસીઝ, કોલકાતા; રોગ નિયંત્રણ માટે રાષ્ટ્રીય કેન્દ્ર, દિલ્હી; આઈસીએમઆર-નેશનલ ઇન્સ્ટિટ્યૂટ ફોર રિસર્ચ ઇન રિપ્રોડક્ટિવ હેલ્થ, મુંબઇ; અને આઇસીએમઆર-નેશનલ ઇન્સ્ટિટ્યૂટ ફોર કેન્સર નિવારણ અને સંશોધન, નોઈડા. આ મશીન ઓછામાં ઓછા માનવ હસ્તક્ષેપ સાથે દરરોજ 1000 જેટલા નમૂનાઓનું પરીક્ષણ કરી શકે છે.

આરટી-પીસીઆર સાથે ધીમે-ધીમે પરીક્ષણ ક્ષમતા વધારવામાં આવી હતી, મોટા શહેરો / શહેરી વિસ્તારોને આવરી લેતા તબક્કા -1માં સુવર્ણ કક્ષાનું પરીક્ષણ છે, ત્યારબાદ બીજા તબક્કામાં જિલ્લા કક્ષાએ ટૂંકા ગાળાના સમય સાથે મોલેક્યુલર આસેઝ કરવામાં આવે છે. તબક્કા -3 માં, જ્યાં કોઈ મોલેક્યુલર પરીક્ષણો ઉપલબ્ધ નથી ત્યાં એન્ટિજેન પરીક્ષણો કન્ટેઇનમેન્ટ ઝોન અને હોસ્પિટલ પરીક્ષણોમાં ભલામણ કરવામાં આવે છે.

કોવિડ-19 સંબંધિત ટેકનિકલ પ્રશ્નો, માર્ગદર્શિકાઓ અને સલાહ સૂચનો અંગે પ્રમાણભૂત અને અપડેટેડ માહિતી માટે કૃપા કરીને આ વેબસાઇટની નિયમિત મુલાકાત લો: https://www.mohfw.gov.in/ અને @MoHFW_INDIA.

કોવિડ-19 સંબંધિત કોઇપણ ટેકનિકલ પ્રશ્નો technicalquery.covid19[at]gov[dot]in પર અને અન્ય પ્રશ્નો ncov2019[at]gov[dot]in અને @CovidIndiaSeva પર મોકલી શકો છો.

જો કોવિડ-19 સંબંધિત કોઇપણ પ્રશ્ન હોય તો, કૃપા કરીને આરોગ્ય અને પરિવાર કલ્યાણ મંત્રાલયના હેલ્પલાઇન નંબર: +91-11-23978046 અથવા 1075 (ટૉલ ફ્રી) પર કૉલ કરો. કોવિડ-19 અંગે રાજ્યો/ કેન્દ્ર શાસિત પ્રદેશોના હેલ્પલાઇન નંબરોની યાદી https://www.mohfw.gov.in/pdf/coronvavirushelplinenumber.pdf પર ઉપલબ્ધ છે.

SD/GP/BT