ਪਿਛਲੇ ਦੋ ਦਿਨਾਂ ਤੋਂ ਪ੍ਰਤੀ ਦਿਨ 10 ਲੱਖ ਤੋਂ ਵੱਧ ਟੈਸਟਾਂ ਦੀ ਸਮਰੱਥਾ ਨੂੰ ਜਾਰੀ ਰੱਖਦਿਆਂ, ਭਾਰਤ ਨੇ ਅੱਜ ਰੋਜ਼ਾਨਾ ਟੈਸਟਿੰਗ ਵਿੱਚ ਬੇਮਿਸਾਲ ਵਾਧਾ ਕੀਤਾ ਹੈ।

ਪਿਛਲੇ 24 ਘੰਟਿਆਂ ਦੌਰਾਨ 11.7 ਲੱਖ ਤੋਂ ਵੱਧ (11,72,179) ਟੈਸਟ ਕੀਤੇ ਗਏ। ਇਸ ਪ੍ਰਾਪਤੀ ਦੇ ਨਾਲ ਹੁਣ ਤੱਕ ਕੁੱਲ 4.5 ਕਰੋੜ (4,55,09,380) ਤੋਂ ਵੱਧ ਟੈਸਟ ਕੀਤੇ ਜਾ ਚੁੱਕੇ ਹਨ। 

ਇਹ ਦੇਸ਼ ਵਿਚ ਰੋਜ਼ਾਨਾ ਕੋਵਿਡ -19 ਦੀ ਟੈਸਟਿੰਗ ਵਿਚ ਭਾਰੀ ਵਾਧਾ ਦਰਸਾਉਂਦਾ ਹੈ। 30 ਜਨਵਰੀ ਨੂੰ ਪ੍ਰਤੀ ਦਿਨ ਸਿਰਫ 10 ਟੈਸਟ ਕਰਵਾਉਣ ਤੋਂ ਸ਼ੁਰੂਆਤ ਨਾਲ, ਰੋਜ਼ਾਨਾ ਔਸਤ ਅੱਜ 11 ਲੱਖ ਤੋਂ ਵੀ ਪਾਰ ਹੋ ਗਈ ਹੈ। 

ਭਾਰਤ ਵਿੱਚ ਰੋਜ਼ਾਨਾ ਟੈਸਟ ਕਰਨ ਦੀ ਸੰਖਿਆ ਵਿਸ਼ਵ ਵਿਚ ਸਭ ਤੋਂ ਵੱਧ ਹੈ। ਵਿਆਪਕ ਖੇਤਰਾਂ ਵਿੱਚ ਨਿਰੰਤਰ ਅਧਾਰ 'ਤੇ ਉੱਚ ਪੱਧਰੀ ਜਾਂਚ ਛੇਤੀ ਬਿਮਾਰੀ ਦੀ ਪਛਾਣ ਨੂੰ ਸਮਰੱਥ ਬਣਾਉਂਦੀ ਹੈ ਅਤੇ ਬਦਲੇ ਵਿੱਚ ਨਿਰਵਿਘਨ ਇਕਾਂਤਵਾਸ ਅਤੇ ਹਸਪਤਾਲ ਵਿੱਚ ਦਾਖਲੇ ਦੀ ਪ੍ਰਭਾਵਸ਼ਾਲੀ ਸਹੂਲਤ ਦਿੰਦੀ ਹੈ। ਇਹ ਆਖਰਕਾਰ ਮੌਤ ਦਰ ਨੂੰ ਘਟਾਉਂਦਾ ਹੈ। ਟੈਸਟਿੰਗ ਦੀ ਵੱਡੀ ਗਿਣਤੀ ਵੀ ਨਤੀਜੇ ਵਜੋਂ ਘੱਟ ਸਕਾਰਾਤਮਕਤਾ ਦਰ ਨੂੰ ਦਿਖਾਉਂਦੀ ਹੈ। 

ਟੈਸਟਿੰਗ ਵਿਚ ਇਹ ਵਾਧਾ ਦੇਸ਼ ਭਰ ਵਿਚ ਟੈਸਟਿੰਗ ਲੈਬ ਨੈਟਵਰਕ ਵਿਚ ਇਕ ਬਰਾਬਰ ਤੇਜ਼ੀ ਨਾਲ ਵਧਣ ਕਰਕੇ ਸੰਭਵ ਹੋਇਆ ਹੈ। ਭਾਰਤ ਵਿਚ ਅੱਜ 1623 ਲੈਬਾਂ ਹਨ; ਸਰਕਾਰੀ ਖੇਤਰ ਵਿੱਚ 1022 ਲੈਬਾਂ ਅਤੇ 601 ਨਿੱਜੀ ਲੈਬਾਂ ਹਨ।

ਇਨ੍ਹਾਂ ਵਿੱਚ ਸ਼ਾਮਲ ਹਨ:

• ਰੀਅਲ-ਟਾਈਮ ਆਰਟੀ-ਪੀਸੀਆਰ ਅਧਾਰਤ ਟੈਸਟਿੰਗ ਲੈਬਾਂ : 823 (ਸਰਕਾਰੀ: 465 + ਪ੍ਰਾਈਵੇਟ: 358)

• ਟਰੂ ਨੈਟ ਅਧਾਰਤ ਟੈਸਟਿੰਗ ਲੈਬਾਂ : 678 (ਸਰਕਾਰੀ: 523 + ਪ੍ਰਾਈਵੇਟ: 155)

• ਸੀਬੀਐਨਏਏਟੀ ਅਧਾਰਤ ਟੈਸਟਿੰਗ ਲੈਬਾਂ : 122 (ਸਰਕਾਰੀ: 34 + ਨਿਜੀ: 88)

ਇਸ ਦੇ ਨਾਲ ਹੀ, ਕੋਬਸ 6800/8800 ਸਮੇਤ ਅਤਿ ਆਧੁਨਿਕ ਉੱਚ ਥਰੂਪੁੱਟ ਮਸ਼ੀਨਾਂ 5 ਸਾਈਟਾਂ 'ਤੇ ਸਥਾਪਿਤ ਕੀਤੀਆਂ ਗਈਆਂ ਹਨ: ਆਈਸੀਐਮਆਰ-ਰਾਜੇਂਦਰਾ ਮੈਮੋਰੀਅਲ ਰਿਸਰਚ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼, ਪਟਨਾ; ਆਈਸੀਐਮਆਰ-ਕੋਲੈਰਾ ਐਂਡ ਐਂਟਰਿਕ ਰੋਗਾਂ ਦੇ ਨੈਸ਼ਨਲ ਇੰਸਟੀਚਿਊਟ, ਕੋਲਕਾਤਾ; ਬਿਮਾਰੀ ਨਿਯੰਤਰਣ ਲਈ ਨੈਸ਼ਨਲ ਸੈਂਟਰ, ਦਿੱਲੀ; ਆਈਸੀਐਮਆਰ-ਪ੍ਰਜਨਨ ਸਿਹਤ ਤੇ ਰਾਸ਼ਟਰੀ ਖੋਜ ਸੰਸਥਾਨ, ਮੁੰਬਈ ਅਤੇ ਆਈਸੀਐਮਆਰ-ਨੈਸ਼ਨਲ ਇੰਸਟੀਚਿਊਟ ਫਾਰ ਕੈਂਸਰ ਪ੍ਰੀਵੈਨਸ਼ਨ ਐਂਡ ਰਿਸਰਚ, ਨੋਇਡਾ। 

ਇਹ ਘੱਟੋ-ਘੱਟ ਮਨੁੱਖੀ ਦਖਲਅੰਦਾਜ਼ੀ ਦੇ ਨਾਲ ਪ੍ਰਤੀ ਦਿਨ 1000 ਦੇ ਨਮੂਨਿਆਂ ਦੀ ਜਾਂਚ ਕਰ ਸਕਦੇ ਹਨ। 

ਪੜਾਅ -1ਤਹਿਤ ਵੱਡੇ ਸ਼ਹਿਰਾਂ/ਸ਼ਹਿਰੀ ਖੇਤਰਾਂ ਨੂੰ ਕਵਰ ਕਰਨ ਲਈ ਗੋਲਡ ਸਟੈਂਡਰਡ ਟੈਸਟ ਆਰਟੀ-ਪੀਸੀਆਰ ਦੇ ਨਾਲ ਟੈਸਟਿੰਗ ਸਮਰੱਥਾ ਹੌਲੀ ਹੌਲੀ ਵਧਾਈ ਗਈ ਸੀ ਅਤੇ ਪੜਾਅ-2 ਤਹਿਤ ਜ਼ਿਲ੍ਹਾ ਪੱਧਰ 'ਤੇ ਥੋੜ੍ਹੇ ਸਮੇਂ ਦੇ ਨਾਲ ਮੌਲੀਕਿਊਲਰ ਟੈਸਟ ਕੀਤੇ ਗਏ। ਪੜਾਅ -3 ਵਿਚ, ਐਂਟੀਜੇਨ ਟੈਸਟਾਂ ਦੀ ਸਿਫਾਰਸ਼ ਕੰਟੇਨਮੈਂਟ ਜ਼ੋਨਾਂ ਅਤੇ ਹਸਪਤਾਲ ਦੇ ਟੈਸਟਾਂ ਵਿਚ ਕੀਤੀ ਜਾਂਦੀ ਹੈ ਜਿੱਥੇ ਕੋਈ ਮੌਲੀਕਿਊਲਰ ਟੈਸਟ ਉਪਲਬਧ ਨਹੀਂ ਹੁੰਦੇ। 

                                                                                       ****

ਐਮਵੀ / ਐਸਜੇ