(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• লৈবাক্কী চাংচৎতগী রাজ্য/য়ু.তি ১২না অনাবা ফগৎলকপগী চাং ৱাংলে
• থংন থংন্না নুমিৎ তরুকনি, নুমিৎ খুদিংগী ভারত্তা মীওই লিশিং ৬০ হেন্না অনাবা ফখি
• এক্তিব কেস মশিংদগী অনাবা ফগৎলকপা মশিংনা মিল্লিয়ন ২.১ হেল্লে
• হৌখিবা পুং ২৪দা কেস ৬২,০২৬ অনাবা ফগৎলকপগা লোয়ননা অনাবা ফগৎলকপগী চাং চাদা ৭৬.৯৮ য়ৌরে
• মালেমদা খ্বাইদগী নেম্বা অমা ওইনা, ভারতকী শিবগী চাং চাদা ১.৭৬ ওইরি অমসুং হন্থরক্লি

লৈবাক্কী চাংচৎতগী রাজ্য/য়ু.তি ১২না অনাবা ফগৎলকপগী চাং ৱাংলে, থংন থংন্না নুমিৎ তরুকনি, নুমিৎ খুদিংগী ভারত্তা মীওই লিশিং ৬০ হেন্না অনাবা ফখি, এক্তিব কেস মশিংদগী অনাবা ফগৎলকপা মশিংনা মিল্লিয়ন ২.১ হেল্লে

ঙসি ভারত্তা অপুনবা ওইনা মীওই লাখ ২৯ হেন্না অনাবা ফখি। মমাংদা নুমিৎ ২২দা মীওই লাখ ১০ অনাবা ফখিবা অদুগা চাংদম্নবদা শুপ্নগী নুমিৎ ১৭দা মীওই লাখ ১০ অনাবা ফখি। ভারতনা কোবিদ-১৯ লায়েংনবা পায়খৎলিবা থবকশিংগী মহৈ ওইনা অনাবা ফগৎলকপগী চাং হেনগৎলকপনি। ভারতনা অনাবা ফগৎলকপগী চাং ৱাংখৎলকপগা লোয়ন্না অনাবা মশিং য়াম্না ফগৎলে অমসুং হোস্পিতালশিংদগী দিসচার্জ তৌরে। ২০২০গী মেদগী , অনাবা ফগৎলকপা মশিং শরুক ৫৮ হেনগৎলে। নুমিৎ খুদিংগী ওইনা অনাবা ফগৎলকপা মশিং হেনগৎলকপদগী, থংন থংন্না নুমিৎ তরুকনিদা, নুমিৎ খুদিংগী ভারত্তা মীওই লিশিং ৬০ হেন্না অনাবা ফখি। হৌখিবা পুং ২৪দা কেস ৬২,০২৬ অনাবা ফখি। কোবিদ-১৯ অনাবশিংগী মরক্তা ভারতকী অনাবা ফগৎলকপগী চাং চাদা ৭৬.৯৮ য়ৌরে। এক্তিব কেস মশিংদগী অনাবা ফগৎলকপা মশিংনা মিল্লিয়ন ২.১ হেল্লে। মসি জুলাইগী অহানবা চয়োলদগী অগস্তকী অরোইবা চয়োল ফাওবদা চয়োলগী ওইনা অনাবা ফগৎলকপগী চাংদগী শরুক ৪ হেনগৎলবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1650654

মালেমদা খ্বাইদগী নেম্বা অমা ওইনা, ভারতকী শিবগী চাং চাদা ১.৭৬ ওইরি অমসুং হন্থরক্লি

অতোপ্পা লৈবাকশিংগা চাংদম্নবদা কোবিদনা শিবগী চাং খ্বাইদগী নেম্বা লৈবাকশিংগী মনুংদা ভারত য়াওরি। হৌজিক মালেমগী ওইনা শিবগী চাদা চাদা ৩.৩ ওইরিবা অসিদা ভারতকী শিবগী চাং চাদা ১.৭৬ ওইরি। ভারতকী মীশিং মিল্লিয়ন অমদা শিবগী চাং অসি মালেমগদা খ্বাইদগী নেম্বা ওইরি। মালেমগী ওইনা মীওই মিল্লিয়ন অমদা মীওই ১১০ শিবদা ,ভারতকী ওইনা মীওই মিল্লিয়ন অমদা ৪৮ শিরি। ব্রাজিলদা মীওই ১২ অমসুং য়ু.কেদা মীওই ১৩ শিরি। কেন্দ্র সরকার অমসুং রাজ্যশিং/য়ু.তিশিংনা পুন্না অকনবা থবকশিং পায়খৎপদগী লৈবাক শীনবা থুংনা হকশেলগী খুদোংচাবশিং ফংবা হেনগৎলে। অনাবশিং লায়েংনবগী চৎন-কাংলোনশিং কেন্দ্র সরকারনা পীরে। অরুবা অনাবশিং লায়েংলিবা আই.সি.য়ু দোক্তরশিং ত্রেনিং পীনবা এ.আই.আই.এম.এস নই দিল্লীদা ই-আই.সি.য়ু অমা থবক হৌরে। দেদিকেতেদ কোবিদ হোস্পিতাল ১৫৭৮না ক্বালিতী মেদিকেল কেয়র পীরি। চয়োল অমগী মনুংদা অনিরক, লৈবাকপোকপা অমসুং ইরাইদা, সরকারগী হোস্পিতালশিংদা লৈরিবা আই.সি.য়ুগী দোক্তরশিংগা ভিদিও কনফরেন্স পাংথোক্তুনা লায়েংনগী মতাংদা পাউতাক পীনরি। হায়রিবা সেনসন অসি ২০২০গী জুলাই ৮দগী হৌখিবনি। হৌজিক ফাওবদা তেলি-সেসন ১৭ পাংথোকখ্রে অমসুং ইন্সতিতুসন ২০৪ শরুক য়াখ্রে। অরুবা অনাবশিং লায়েংলিবা আই.সি.য়ুগী দোক্তরশিং মখা তানা ত্রেনিং পীনবা হেল্থ মিনিস্ত্রিগা লোয়ন্না এ.আই.আই.এম.এস নিউ দিল্লিনা এফ.এ.ক্বিউশিং পুথোক্লে। হায়রিবা এফ.এ.ক্বিউশিং অদু মিনিস্ত্রিগী ৱেবসাইত্তা থাগৎলে। মখাগী লিঙ্ক অসিদা য়েংবা য়াগনি: https://www.mohfw.gov.in/pdf/AIIMSeICUsFAQs01SEP.pdf

অকুপ্পা মরোলগীদমক: https://pib.gov.in/PressReleseDetail.aspx?PRID=1650585

আত্মা নির্ভর ভারত স্কিমগী মখাদা রাজ্যশিং/য়ু.তি.শিংনা পাথোকপা মাইগ্রেন্ত/পন্দুনা লৈরিবা মাইগ্রেন্তগী অপুনবা কোতি ২.৮গী ৯৫%রোমদা লেম্না চেং-হৱায়শিং সপ্লাই তৌখ্রে

কোবিদ-১৯ লায়চৎনা মরম ওইদুনা থোরকপা ফীভমদা মতেং পাংনবা ভারত সরকারনা ইং কুমজা ২০২০গী মেদা আত্মা নির্ভর ভারত পেকেজ (এ.এন.বি.পি.)গী মখাদা লৈবাক পুম্বগী মাইগ্রেন্ত ৱার্করশিংগী মতেং পাংনবা শেন-থুম ফগৎহন্নবা খোঙথাং কয়ামরুম লাউথোকখ্রে। মসিগা মরী লৈননা মাইগ্রেন্ত/পন্দুনা লৈরিবা মাইগ্রেন্ত মশিং য়াম্না মতেং পাংনবা হোৎনবগা লোয়ননা লৈবাক পুম্বদা লৈরিবা রাজ্যগী পি.দি.এস স্কিম অমত্তগী মখাদা লৈতবা নত্রগা নফসাগী মখাদা কোন্দবা মীওই পুম্নমক্তা, মতুংদা ‘তার্গেৎ গ্রুপ’ হায়না খঙনগদবা অসিদা খুদোংথিবা নংলিঙৈ চৈরক অসিদা মখোয়গী মথৌ তাবা চান্নবা চেং-হৱায়শিং ফংহন্নবা ফুদ অমসুং পব্লিক দিস্ত্রিব্যুসন বিভাগনা মে ১৫, ২০২০দা মাইগ্রেন্ত/পন্দুনা লৈরিবা মাইগ্রেন্ত মীওই পুম্নমক্তা থা অমগী মীওই অমদা কে.জি. ৫ থা অনিগী হায়বদি ইং কুমজা ২০২০গী মে অমসুং জুন থাগী ওইনা এল.এম.তি. ৪-৮ লেম্না য়েন্থোক্নবা “আত্মা নির্ভর ভারত স্কিম (এ.এন.বি.এস.)”গী মখাদা রাজ্য/য়ু.তি. পুম্নক্তা য়ৌহন্নবা অপুনবা চেং-হৱায়গী এল.এম.তি. ৮ চপ মান্ননা এল্লোকেৎ তৌখি। মসি গ্রাউন্দা লৈরিবা ‘তার্গেৎ গ্রুপ’কী মশিংগী মতুং ইন্না লৌখৎখি অমসুং মসিগী এসেসমেন্ত অসি মে থাগী অরোইবদা য়েন্থথোকপগী থবক চত্থরিঙৈদা রাজ্যশিং/য়ু.তি.শিংনা খুদক্তা লৌখৎখিবনি। মরম অদুনা খনগৎলবা অমসুং ফংফম থোকপা ‘তার্গেৎ গ্রুপ’ পুম্নমক্তা ফংহল্লদুনা স্কিম অসি রাজ্য/য়ু.তি.শিংনা পীখৎলকপা মাইগ্রেন্ত/পন্দুনা লৈরিবা মাইগ্রেন্ত অপুনবা মীশিং কোতি ২.৮কী ৯৫% মুক মাই পাক্না মতেং পাংখ্রে। রাজ্য/য়ু.তি. ১৭না মখোয়গী এসেসমেন্তকা মরী লৈননা চেং-হৱায় ৮০% নত্রগা মসিগী মথক্তা য়েন্থোকপা ঙমখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1650442

মন্ত্রী মন্দল মীফম্না 'মিসন কর্ময়োগী' – নেসনেল প্রোগ্রাম ফোর সিবিল সর্বিসেস কেপাসিতী বিল্দিং (এন.পি.সি.এস.সি.বি.) অয়াবা পীখ্রে

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা পাংথোকখিবা কেন্দ্রগী মন্ত্রী মন্দল মীফম্না নেসনেল প্রোগ্রাম ফোর সিবিল সর্বিসেস কেপাসিতী বিল্দিং (এন.পি.সি.এস.সি.বি.)বু মখাগী ইন্সতিত্যুসনেল ফ্রেমৱার্কশিং অসিগা লোইননা হৌদোকপদা অয়াবা পীখ্রেঃ

১) প্রধান মন্ত্রীগী পব্লিক হ্যুমেন রিসোর্স (ঐচ.আর.) কাউন্সিল।

২) কেপাসিতী বিল্দিং কম্মিসন।

৩) ওনলাইন ত্রেনিংগী দিজিতেল এসেৎশিং অমসুং তেক্নোলোজিকেল প্লেৎফোর্মগী মপু ওইবা অমসুং মথৌ তৌহন্নবগী স্পিসিএল পর্পস ভেহিকল

৪) কেবিনেৎ সেক্রেতরীনা লুচিংবা কোওর্দিনেসন য়ুনিৎ

এন.পি.সি.এস.সি.বি. অসি সিবিল সর্বেন্তশিংগী কেপাসিতী বিল্দিংগীদমক মমুৎ তানা শেমখিবনি, মসিনা মখোয়বু ভারতকী নাৎ অমসুং সেন্সিবিলিতীশিংগী মরাগা লোইননা মখোয়না খ্বাইদগী ফরবা ইন্সতিত্যুসনশিংদগী মালেমগী লৈবাক কয়াদগী অফবা কয়া তমশিনলকপা মতমদা নকশিন্না লৈহনগনি। প্রোগ্রাম অসি ইন্তিগ্রেতেদ গবর্নমেন্ত ওনলাইন ত্রেনিং – আই.জি.ও.তি. কর্ময়োগী প্লেৎফোর্ম শেমগত্তুনা পীগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1650663

শ্রী পিয়ুশ গোয়ালনা ইন্দো-য়ু.এস.গী ললোন ইতিকপু অৱাংবা থাক্তা পুখৎনবা হায়খ্রে, জাতি অনিনা মালেমগী ভেল্যু চেনদা অচেৎপা থাজনবা মরী লৈবা ঙমগনি

কর্ম্মস অমসুং ইন্দস্ত্রীগী মিনিস্তর শ্রী পিয়ুশ গোয়ালনা য়ু.এস.কী ব্যুজিনেশ অমসুমং ইন্দস্ত্রীশিংগা ইন্দিয়াগী মীওইশিংগা মান্নবা ললোন ইতিকপু অৱাংবা থাক্তা পুখৎনবা বার্তোন তৌখ্রে। ভিদিও কনফরেন্সকী খুত্থাংদা য়ু.এস.-ইন্দিয়া স্ত্রাতেজিক পার্তনর্সিপ ফোরুম (য়ু.এস.আই.এস.পি.এফ.)দা ৱা ঙাংলদুনা শ্রী গোয়ালনা হায়খি মদুদি দেমোক্রেসি অনি অসিনা সরকারদা, ব্যুজিনেশ্তা অমসুং মী অমগা অমগগ থাক্তা য়াম্না অচেৎপা থাজবা লৈনৈ। লৈবাক অনিগী মরক্তা অফবা মরী লৈনৈ অমসুং য়ু.এস. অসি ইন্দিয়াগী খ্বায়দগী চাওবা ললোন ইতিক্কী খোঙবুনি। মহাক্না হায় মদুদি ললোন ইতিক খক্তা নত্তনা ঙসিগী অমগা অমগা শম্নরবা মালেম অসিদা, জাতি অনিনা মালেমগী ভেল্যু চেনদা অচেৎপা থাজনবা মরী লৈবা ঙমগনি। মিনিস্তরনা হায়খি মদুদি ইন্দিয়ানা কোভিদ শন্দোরকপা থিংনবা য়াম্না ঙন্না অমসুং য়াম্না অচেৎপা খোঙথাং কয়া লৌখিবনা লৈবাক অসিনা মমাং থানা চৎপা ঙম্লি, হায়বদি অশিবগী চাং অসি ২% দগী তানা ওইরি অমদি ফগৎলকপগী চাংনা ৭৫%নি। মিনিস্তরনা হায়খি মদুদি ইন্দিয়ানা মীশিং য়ামজরবসু, ইন্দিয়াগী মীয়াম্না মতম চানা লাকশিনবা ঙমখি। মহাক্না হায়খি মদুদি লোকদাউন মনুং অসিদা লৈবাক্না হকশেলগী মরী লৈনবশিং কনখৎহনবা, অমসুং লায়চৎ অসিবু থেংননবা মীয়ামশিংদা রিলিফ পেকেজ ফংহনবা চৎথরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1650449

নম্থোকপগী থৌওংশিংগা মরী লৈনবা শেন্মিৎলোনগী ইন্সত্রক্সনশিং

লাক্কদৌরিবা চহি অসিগী নমগদবা ফক্লাংগী কেলেন্দর, দেস্কতোপ কেলেন্দর, দাইরিস অমসুং অতৈ অতোপ্পা শিজিন্নগদবা পোৎলমশিং পুম্বা দিজিতেলদা ওইনা পুম্নমক পুথোক্লগনি। কোফি তেবল লাইরিক ফোংলম্বা অদু মখা তানা ফোংলরোই অমসুং মসিগা চান্নবা শিজিন্নবা য়াবা ই-বুক পুথোক্নবা পুক্নিং থৌগৎলগনি। মিনিস্ত্রীশিং/দিপার্তমেন্তশিং/ পি.এস.য়ু.শিং/পি.এস.বি.শিং অমসুং সরকারগী মশা পুম্বনা দিজিতেল নত্ত্রগা ওনলাইন মওং শিজিনহল্লগনি। অনৌবা দিজিতেল পুথোকপা অমসুং ওনলাইন সোলুসন অসিনা হান্নগী কেলেন্দরগা মওং মান্নবা ঙম্নবা থবক্তা ওন্থোক্নি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1650627

পি.আই.বি. ফিল্দ ওফিসশিংদগী ফংবা পাউ

• চান্দিগর: য়ু.তি. চান্দিগরগী এদমিনিস্ত্রেতরনা সীম্তমেতিক পেসেন্তশিং মিৎয়েং চংনবা অমসুং মখোয়গী হেল্থকি সপইসিয়েল কেয়র লৌনবা দোক্তরশিংদা তাক্লকখ্রে। হোম আইসোলেশন্দা লৈরিবা কোবিদ পোজিতিব ওইবা মীওইশিং অদুবু চাং নাইনা মোনিতর তৌগদবনি হায়নসু মহাক্না পনখি।
• হিমাচল প্রদেশ: মুখ্য মন্ত্রীনা হায়খি মদুদি রাজ্য সরকার অসিনা অথুবা মতমদা রাজ্য অসিদা লৈরিবা লাইশঙশিং হাংদোক্নবা থৌরাং তৌরি মসিগীদমক্তা দিভোতীশিং ফেসিলিতেত তৌনবা এস.ও.পি. শেম্লগনি। মহাক্না হায়খি মদুদি দিপ্যুতী কমিশনরশিংদা রাজ্য অসিদা চংলকপগী থৌওংশিং অদু লাইহন্নবা খঙহনখ্রে অদুম ওইনমক ই-পাসকী থৌওং অসি অদুমক লৈখিগনি।
• কেরলা: কেন্দ্রগী হকশেল মন্ত্রালয়না পাংথোকখিবা স্তদী অমা – অনলোক ৪ চৎনহন্নবগী শরুক অমা ওইনা – কেরলাদা লৈরিবা কোবিদ খ্রাইসিস অসি কিনীঙঙাই ওই হায়বা উৎখি। স্তদী রিপোর্ত অদুগী মতুং ইন্না কেরলাদা তেস্তিং তৌবগী চাং অসি ৬.২৩% খক্তনি অমসুং মসিগি কেতেগোরী অসিদা খ্বাইদগী মমৈদা লৈ। মরক অসিদা রাজজ্য অসিদা ঙসি কোবিদনা মরম ওইরগা মঙা অমুক শিখ্রে, মসিনা শিবগী মশিং অদু ৩০৩ য়ৌহনখ্রে। ঙরাং কেরলাগী অনৌবা কেস ১,১৪০ লৈখিবগা লোইননা কোবিদ কেস মশিং অসি ৭৬,৫২৫ য়ৌখ্রে। পেসেন্ত ২২,৫১২ লাইয়েংদুনা লৈরি অমসুং মীওই লাখ ১.৯৬ ওবজার্ভেশন তৌদুনা লৈরি। 
• তামিল নাদু: য়ুমশকৈশা নুমিত্তা পুদুচেরীদা কোবিদ-১৯ কেসশিংগী মশিং ১৫,০০ হেনখ্রে অমসুং শিবগী মশিং অদু  ২৫০ হেনখ্রে। য়ুনিয়ন তেরিতরী অসিদা হৌখিবা পুং ২৪দা অনৌবা কেস ৩৯৭ লৈখি অমসুং ১৩ শিখিবগী পাউ লৈকি। সেপ্তেম্বর ৭তগী তামিল নাদুদা পেসেঞ্জর ত্রেনশিং, ইন্তর-দিস্ত্রিক্ত বসশিং থবক তৌবা হৌরগনি। সরকারনা সেপ্তেম্বর ১দগি ইন্ত্রা-দিস্ত্রিক্ত বস ওপরেশনশিং খক্তমক তৌবা য়াহনবনা মরম ওইরগা রাজ্য অসিগি মনুংদা অরাপ্পা মফমশিং চৎপদা মীয়াম্না থেংনরিবা অৱাবশিং অদুগি মতাংদা ৱাকৎলকপদগী লাউথোকখিবনি।
• কর্নাতকা: বেঙ্গলুরুনা কোবিদকী ফিভমদা শিংথানীংঙাই ওইবা ম্ংদা ফগৎলকপা থেংনরকখি। শিবগী চাং অসি ১%গী মখাদা থম্নবা কেন্দ্র সরকারগী পান্দম অদু য়ৌদুনা হৌখিবা নুমিৎ ১৫নিগী মনুংদা ০.৯.%দা হন্থখ্রে। নোংমদা ৪০০০ তেস্ত তৌবদগী নোংমদা ২৫,০০০দা হেনগৎচরবসু জুলাইদা পোজিতিব ওইবগী চাং অসি ২৩%দগী ১০.২%দা হন্থরকখ্রে। অনলোক ৪গী মখাদা কে.এস.আর.তি.সি.না বসশিংদা সীত পুম্নমক থলহন্নবা অয়াবা ফংখ্রে।
• অন্ধ্র প্রদেশ: হেনগৎলক্লিবা কোবিদ-১৯গী কেসশিং অসিগা মায়োক্ননবা, রাজ্য সরকারনা হোসপিতালশিং অমসুং কোবিদ কেয়র সেন্তরশিংদা পেসেন্তশিং পুথোক-পুশিন তৌবা খক্তগী ওইনা শিজিন্ননবা  এম্বুলেন্স ১,৩৫০ নেকখ্রে। মন্দলশিংদা লিংখৎপা কোল সেন্রশিংনা হেল্থ ৱার্করশিং, দোক্তরশিং অমসুং হোসপিতালশিংগা লেংমান্ননা থবক তৌগনি অমসুং এম্বুলেন্সশিং পীগনি।
• তেলঙ্গানা: হৌখিবা পুং ২৪দা অনৌবা কেস ২৮৯২ লৈখি, ২২৪০ ফখি অমসুং ১০ শিখিবগী পাউ লৈখি; কেস ২৮৯২গী মনুংদা জি.ঐচ.এম.সি.দগি কেস ৪৭৭ থেংনখি। অপুনবা কেসশিং: ১,৩০,৫৮৯; এক্তিব কেসশিং: ৩২,৩৪১; শিখিবশিং: ৮৪৬; দিসচার্জ তৌখিবশিং: ৯৭,৪০২। হেন্না য়াংনা শন্দোকপা নোভেল কোরোনাভাইরসকী হেন্না কনবা সব-স্তেন অমা হৌজিক তেলঙ্গানাদা পাকশন্না শন্দোরক্লি হায়না ইন্দিয়াগী তোপ রিসর্চ ওর্গনাইজেশন অমা ওইরিবা সিতী-বেসদ সেন্তর ফোর সেল্যুলর & মোলিক্যলর বায়োলোজী (সি.সি.এম.বি.)না হায়খি।
• অরুনাচল প্রদেশ: অরুনাচল প্রদেশতা হৌখিবা পুং ২৪ অসিগী মনুংদা কোবিদকী অনৌবা পোজিতিব কেস ১০০ থেংনখি। রাজ্য অসিদা হৌজিক লৈরিবা ফগৎলকপগী চাং অসি ৭০.৭২%নি।
• অসাম: অসামদা লৈবাকপোকপা নুমিত্তা কোবিদ-১৯ পেসেন্ত ১৪৩৪ দিসচার্জ তোখ্রে। রাজ্য অসিদা অপুনবা কোবিদ-১৯গী কেসশিং অদু ২৪৫১৪দা লৈরি অদুগা পেসেন্ত ৮৬৮৯২ দিসচার্জ তৌখ্রে।
• মনিপুর: মনিপুরদা মীওই ১৩০ অমুক কোবিদ-১৯ পোজিতিব ওইখ্রে। ফগৎলকপগী চাং চাদা ৬৯ ওইবগা লোইননা ১২০ ফগৎলকখ্রে। রাজ্য অসিদা এক্তিব কেস ১৯০৩ লৈরি।
• মঘালয়া: মঘালয়াদা ঙসি কোরোনাভাইরসতগী মীওই ৭৩ ফক্রে। রাজ্য অসিদা লৈরিবা এক্তিব কেসশিংগী মশিং অসি ১১৯৩দা লৈ। মসিগী মনুংদা ৩০৪দি বি.এস.এফ.অমসুং আর্মদ ফোর্সেসতগীনি।
• মিজোরাম: মিজোরামদা ঙরাং কোবিদ-১৯গী অনৌবা কেস নিপান থেংনখি। রাজ্য অসিদা অপুনবা কেসশিংগী মশিং অসি ১০২০ য়ৌখ্রে , মসিগী মনুংদা ৪১০দি এক্তিব কেসশিংনি।
• নাগালেন্দ: নাগালেন্দদা ওদ-ইভন ত্রফিক সীস্তেম অসি দিমাপুর অমসুং কোহিমাদা মখাতানা চৎথখিগনি। দিমাপুরগী অচৌবা মার্কেতশিং- ন্যু মার্কেত, হাজি পার্ক অমসুং হোংকোং মার্কেত অসি হন্দক্কী চয়োল অসিদা হাংদোকপা য়ানা লৈ। দিমাপুর দি.সি.না মোদেলিতীশিং অদু য়েংশিনখ্রে হায়না হায়খি।
• সিক্কিম: সিক্কিমদা ঙসি পুন্না কোবিদ-১৯গী তেস্ত ৪১৫৫৮ তৌখি।
• মহারাস্ত্র: মহারাস্ত্র সরকারনা কোবিদ-১৯গী পেসেন্তশিং লাইয়েংনবা রাজ্য অসিদা লৈরিবা লনাইগী হোসপিতালশিং অমসুং নর্সিং ওমশিংদা ফমুং চাদা ৮০ রিজার্ভ তৌনবা মখোয়গী দাইরেক্তিবঅদু থা অহুম ফাওবা শাংদোকখ্রে। রাজ্যগী হকশেল মন্ত্রী রাজেশ তোপেনা হায়খি মদুদি ফমুংশিং অসিনা লৈবনা, লাইয়েংবগী চাংদুসু কন্ত্রোল তৌরগনি। মরক অসিদা লৈবাকপোকপা নুমিত্তা অনৌবা কোবিদ কেস ১৫,৭৬৫ লৈখি, রাজ্য অসিদা কেসকী মশিং অসি লাখ ৮ হেনখ্রে। এক্তিব কেসশিংগী মশিং অদু লাখ ১.৯৮ ফাওবা হেনগৎখ্রে।
• রাজস্থান: কোবিদ-১৯গী কেসশিং খঙহেন-হেনগৎলকপনা মরম ওইরগা রাজ্য সরকারনা সরকারগী হোসপিতালশিং খরাগা কোবিদকীদমক্তা ওইবা হোসপিতালশিংদা ওইনা ওন্থোক্নবা খন্থহনখ্রে। মসিগী মথক্তা হৌজিক লৈরিবা দেদিকেতেদ কোবিদ কেয়র সেন্তর, আর.য়ু.ঐচ.এস. হোসপিতালদা লৈরিবা ফেসিলিতীশিং অদু অপগ্রেদ তৌরগনি। সরকার অসিনা মাইলদ অমসুং মোদেরেত সীম্তমশিং লৈবা পেসেন্তশিংগীদমক্তা আর.য়ু.ঐচ.এস. প্রেমাইসেসতা ফমুং ১০০ লৈবা কোবিদ কেয়র সেন্তর হাপ্লগনি। হৌজিক ফাওবদা রাজস্থানদা এক্তিব কেস ১৩,৯৭০ লৈরি।
• ছত্তিসগর: ছত্তিসগরদা লৈবাকপোকপা নুমিত্তা মীওই ১,৫১৪ পোজিতিব ওইখিবগা লোইননা নোংমদা কোবিদ-১৯ কেসশিংগী মশিং ক্বাইদগী য়াম্না হেনগৎলকপা থেংনখি।, মসিনা অপুনবা মশিং অদু ৩৩,০১৭ য়ৌহনখ্রে, অদুগা পেসেন্ত ১০ অমুক শিখ্রে, মসিনা শিবগী চাং অসি ২৮৭ য়ৌহনখ্রে। রায়পুর জিলানা অনৌবা কেস ৪৫৩ থেংনখিবগা লোইননা  রাজ্য অসিদা লাইচৎ অসিনা খ্বাইদগী হেন্না শোকহনখি, দুর্গ জিলা (২২৬) অমসুং রাজনন্দগাওন জিলা (১৪৯) অসিনা অপুনবা মশিংদা খ্বাইদগী য়াম্না শরুক য়াখি।
• গোৱা: গোৱা এয়রপোর্তনা দোমেস্তিক ত্রাভেলর খুদিংমক য়ৌরকপা মতমদা কোবিদ-১৯ নেগেতিব সার্তিফিকেত সবমিত তৌগদবনি হায়বা রুল অদু লৌথোকখ্রে। মসি কেন্দ্র সরকারনা থোকখিবা অনলোক ৪.০গী গাইদলাইনশিং অদুগী মতুং ইল্লি।রাজ্য অসিদা লৈবা রেস্তোরেন্তশিং অমসুং বারশিংসু হাংদোকখ্রে। মরক অসিদা গোৱাগী মুখ্য মন্ত্রী, প্রমোদ সাৱন্ত কোবিদকীদমক তেস্ত তৌবদা পোজিতিব ওইরম্লে। চহি ৪৭ শুরবা সাৱন্তনা হায়খি মহাক অসি অসীম্তমেতিকনি অমসুং হোম আইসোলেশন তৌদুনা লৈ।

ফেক্ত চেক

*****