ঙসি ভারত্তা অপুনবা ওইনা মীওই লাখ ২৯ হেন্না অনাবা ফখি। মমাংদা নুমিৎ ২২দা মীওই লাখ ১০ অনাবা ফখিবা অদুগা চাংদম্নবদা শুপ্নগী নুমিৎ ১৭দা মীওই লাখ ১০ অনাবা ফখি।

ভারতনা কোবিদ-১৯ লায়েংনবা পায়খৎলিবা থবকশিংগী মহৈ ওইনা অনাবা ফগৎলকপগী চাং হেনগৎলকপনি। ভারতনা অনাবা ফগৎলকপগী চাং ৱাংখৎলকপগা লোয়ন্না অনাবা মশিং য়াম্না ফগৎলে অমসুং হোস্পিতালশিংদগী দিসচার্জ তৌরে।

২০২০গী মেদগী , অনাবা ফগৎলকপা মশিং শরুক ৫৮ হেনগৎলে।

লৈবাক্কী চাংচৎতগী রাজ্য/য়ু.তি ১২না অনাবা ফগৎলকপগী চাং ৱাংলে। মহারাস্ত্রা অমসুং তামিল নাদু খক্তদা অপুনবা অনাবা ফগৎলকপশিংগী চাদা ৩০ লৈরি।  

হৌখিবা থা খর অসিদা অনাবা ফগৎলকপা মশিং হেনগৎলক্লি। নুমিৎ খুদিংগী ওইনা অনাবা ফগৎলকপা মশিং হেনগৎলকপদগী, থংন থংন্না নুমিৎ তরুকনিদা, নুমিৎ খুদিংগী ভারত্তা মীওই লিশিং ৬০ হেন্না অনাবা ফখি। হৌখিবা পুং ২৪দা কেস ৬২,০২৬ অনাবা ফখি। কোবিদ-১৯ অনাবশিংগী মরক্তা ভারতকী অনাবা ফগৎলকপগী চাং চাদা ৭৬.৯৮ য়ৌরে।

এক্তিব কেস মশিংদগী অনাবা ফগৎলকপা মশিংনা মিল্লিয়ন ২.১ হেল্লে। মসি জুলাইগী অহানবা চয়োলদগী অগস্তকী অরোইবা চয়োল ফাওবদা চয়োলগী ওইনা অনাবা ফগৎলকপগী চাংদগী শরুক ৪ হেনগৎলবনি।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in অমসুং  @MoHFW_INDIA দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

*****