হৌজিক ওইরিবা ফিভম হায়বদি মালেম অসিনা থবক খুদিংদা মাংজিল থানবা দিজিতেল ফোর্স-মল্তিপ্লাইয়র অসিদা ভারত সরকারনা খ্বায়দগী ফরবা থৌওং অসিবু মতুং ইন্নবা ৱারেপ লৌখ্রে।

লাক্কদৌরিবা চহি অসিগী নমগদবা ফক্লাংগী কেলেন্দর, দেস্কতোপ কেলেন্দর, দাইরিস অমসুং অতৈ অতোপ্পা শিজিন্নগদবা পোৎলমশিং পুম্বা মিনিস্ত্রীশিং /দিপার্তমেন্তশিং/পি.এস.য়ু.শিং/পি.এস.বি.শিং পুম্বা অমসুং সরকারগী মশা পুম্বনাগী থৌওং অমত্তা লৈত্রে।   

থৌওং খুদিংমক দিজিতেল নত্ত্রগনা ওনলাইন ওইনা তৌরগনি।

থৌওং অসিদা অনৌবা মওং কয়া পুথোক্নবা ময়াম পুম্বা কন্না হোৎনমিন্নবা চংই। অনৌবা তেক্নোলোজি কয়া শিজিন্নদুনা শিন-লাংবা, শেদ্যুলিং অমসুং ফোরকাস্তিং অসি ইকোনোমিকেল, ইফিসিএন্ত অমসুং ইফেক্তিব ওইনা খংনগনি।

প্রধান মন্ত্রী শ্রী নরেন্দ্র মোদী অমসুম মহাক্কী সরকারনগী মওং অসি মতম পুম্বদা তেক্নোলোজিনা মমাং থাই। তেক্নোলোজিগা পুন্না ঐখোয়গী থবক্কা পুন্না চৎমিন্নবা অসি মহাক্কী মিয়েংগী মতুং ইনবনি।

মরম অদুনা লাক্কদৌরিবা চহি অসিগী নমগদবা ফক্লাংগী কেলেন্দর, দেস্কতোপ কেলেন্দর, দাইরিস অমসুং অতৈ অতোপ্পা শিজিন্নগদবা পোৎলমশিং পুম্বা দিজিতেলদা ওইনা পুম্নমক পুথোক্লগনি। কোফি তেবল লাইরিক ফোংলম্বা অদু মখা তানা ফোংলরোই অমসুং মসিগা চান্নবা শিজিন্নবা য়াবা ই-বুক পুথোক্নবা পুক্নিং থৌগৎলগনি।  মিনিস্ত্রীশিং /দিপার্তমেন্তশিং/ পি.এস.য়ু.শিং/পি.এস.বি.শিং অমসুং সরকারগী মশা পুম্বনা দিজিতেল নত্ত্রগা ওনলাইন মওং শিজিনহল্লগনি। অনৌবা দিজিতেল পুথোকপা অমসুং ওনলাইন সোলুসন অসিনা হান্নগী কেলেন্দরগা মওং মান্নবা ঙম্নবা থবক্তা ওন্থোক্নি।

******