ਵਿਸ਼ਵ ਵਿੱਚ ਮੌਜੂਦਾ ਹਾਲਾਤ ਵਿੱਚ ਉਤਪਾਦਕਤਾ ਲਈ ਡਿਜ਼ੀਟਲ ਫੋਰਸ ਮਲਟੀਪਲਾਇਰਸ ਨੂੰ ਅਪਣਾਉਣ ਦੀ ਰੂਚੀ ਦੇ ਮੱਦੇਨਜ਼ਰ ਭਾਰਤ ਸਰਕਾਰ ਨੇ ਇਸ ਰਵਾਇਤ ਨੂੰ ਅਪਣਾਉਣ ਦਾ ਫੈਸਲਾ ਕੀਤਾ ਹੈ ।

ਸਾਰੇ ਮੰਤਰਾਲਿਆਂ / ਵਿਭਾਗਾਂ / ਪੀ ਐੱਸ ਯੂਸ / ਪੀ ਐੱਸ ਬੀਸ ਤੇ ਸਰਕਾਰ ਦੇ ਹੋਰ ਸਾਰੇ ਅੰਗ ਹੁਣ ਕੰਧ ਤੇ ਲਾਉਣ ਵਾਲੇ ਕੈਲੰਡਰ , ਡਾਇਰੀਆਂ ਤੇ ਇਹੋ ਜਿਹੀ ਹੋਰ ਸਮੱਗਰੀ ਨਹੀਂ ਛਾਪਣਗੇ ।

ਇਹ ਸਾਰਾ ਕੰਮ ਡਿਜ਼ੀਟਲ ਤੇ ਆਨਲਾਈਨ ਹੋਵੇਗਾ ।

ਅਜਿਹੇ ਮਾਮਲਿਆਂ ਲਈ ਠੋਸ ਯਤਨ ਕਰਕੇ ਹੋਰ ਖੋਜ ਤਰੀਕਿਆਂ ਨੂੰ ਸ਼ਾਮਲ ਕਰਨਾ ਹੈ । ਯੋਜਨਾ , ਸੂਚੀਗਤ ਅਤੇ ਭਵਿੱਖਬਾਣੀ ਲਈ ਤਕਨਾਲੋਜੀ ਦੀਆਂ ਖੋਜਾਂ ਕਫਾਇਤੀ ਅਸਰਦਾਰ ਅਤੇ ਖਰਚ ਬਚਾਉਣ ਵਾਲੀਆਂ ਹੁੰਦੀਆਂ ਹਨ ।

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਤੇ ਉਸ ਦੀ ਸਰਕਾਰ ਨੇ ਤਕਨਾਲੋਜੀ ਨੂੰ ਹਮੇਸ਼ਾ ਹੀ ਇੱਕ ਗਵਰਨੈਂਸ ਦਾ ਮਾਡਲ ਦੀ ਤਰ੍ਹਾਂ ਦੇਖਿਆ ਹੈ । ਆਪਣੇ ਕੰਮ ਵਿੱਚ ਤਕਨਾਲੋਜੀ ਨੂੰ ਸ਼ਾਮਲ ਕਰਨਾ ਉਹਨਾਂ ਦੀ ਦੂਰ—ਦ੍ਰਿਸ਼ਟੀ ਨਾਲ ਮੇਲ ਖਾਂਦਾ ਹੈ ।

ਇਸ ਕਰਕੇ ਸਾਰੇ ਕੈਲੰਡਰ , ਡਾਇਰੀਆਂ , ਸੂਚੀਆਂ ਤੇ ਹੋਰ ਇਹੋ ਜਿਹੀ ਸਮੱਗਰੀ ਜਿਹੜੀ ਪਹਿਲਾਂ ਛਾਪੀ ਜਾਂਦੀ ਸੀ ਹੁਣ ਡਿਜ਼ੀਟਲੀ ਪੇਸ਼ ਕੀਤੀ ਜਾਵੇਗੀ । ਕੋਫੀ ਟੇਬਲ , ਕਿਤਾਬਾਂ ਦੀ ਛਪਾਈ ਬੰਦ ਕਰ ਦਿੱਤੀ ਜਾਵੇਗੀ ਤੇ ਈ—ਕਿਤਾਬਾਂ ਦੀ ਉਚਿਤ ਵਰਤੋਂ ਨੂੰ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ । ਸਾਰੇ ਮੰਤਰਾਲਿਆਂ / ਵਿਭਾਗਾਂ / ਪੀ ਐੱਸ ਯੂਸ / ਪੀ ਐੱਸ ਬੀਸ ਅਤੇ ਸਰਕਾਰ ਦੇ ਹੋਰ ਅੰਗ ਆਨਲਾਈਨ ਤਰੀਕਿਆਂ ਅਤੇ ਡਿਜ਼ੀਟਲ ਦੀ ਵਰਤੋਂ ਕਰਨ ਲਈ ਖੋਜੇ ਤਰੀਕੇ ਅਪਣਾਉਣਗੇ । ਖੋਜ ਭਰਪੂਰ ਡਿਜ਼ੀਟਲ ਅਤੇ ਆਨਲਾਈਨ ਹੱਲ ਛਾਪੇ ਕੈਲੰਡਰਾਂ ਅਤੇ ਡਾਇਰੀਆਂ ਵਾਂਗ ਹੀ ਨਤੀਜੇ ਦੇਣਗੇ ਅਤੇ ਇਹਨਾਂ ਨੂੰ ਪਹਿਲ ਦੇਣੀ ਹੈ ਅਤੇ ਵਿਵਹਾਰ ਵਿੱਚ ਲਿਆਉਣਾ ਹੈ । ਸਾਰਿਆਂ ਨੂੰ ਇਸ ਸਬੰਧ ਵਿੱਚ ਜ਼ਰੂਰੀ ਹੁਕਮ ਜਾਰੀ ਕਰ ਦਿੱਤੇ ਗਏ ਹਨ (ਕਿਰਪਾ ਕਰਕੇ ਵੇਖੋ) ।

https://static.pib.gov.in/WriteReadData/userfiles/Economy%20Instructions%20-%20Printing%20Activites.pdf

ਆਰ ਐੱਮ / ਕੇ ਐੱਮ ਐੱਨ