PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
01 SEP 2020 6:23PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- ভারত্তা হৌখিবা পুং ২৪দা মীওই ৬৫,০৮১ নাবা ফখি, নাবা ফরবা অপুনবা মীওইশিংগী মশিং ২৩,৩৯,৮৮২ য়ৌখিদুনা কোবিদ-১৯না নাবা ফবগী চাং অসি ৭৭%দা ৱাংখৎখ্রে
- হৌখিবা পুং ২৪দা অনৌবা কেস ৬৯,৯২১ অমসুং ৮১৯ শিখিবগী রিপোর্ত তৌরকখি
- ভারত্তা পাঙথোকখিবা অপুনবা তেস্ত কোতি ৪.৩৩গী মনুংদা তেস্ত কোতি ১.২২ হেনবদি মমাংগী চয়োল অনিখক্তদা পাঙথোকখি, হৌখিবা পুং ২৪দা তেস্ত মিলিয়ন ১ হেন্না পাঙথোকখি
- রাজ্য/য়ু.তি. ২২না নেস্নেল এবরেজদগী হেন্না তেস্ত পর মিলিয়ন হেন্না ফজনা তৌখি
- কোবিদকী ইরাং মনুংসিদা ভারতনা মরু ওইবা হিদাক লাংথক্কী পোত্থোকশিং পীবগী থৌদাং লৌরিবা অসিনা ভারতপু খোঙলোই অমা ওইনা চৎমিন্নবা য়াবা য়াবা লৈবাক অমনি হায়বা তাক্লেঃ শ্রী পিয়ুশ গোয়ল
ভারত্তা হৌখিবা পুং ২৪দা মীওই ৬৫,০৮১ নাবা ফখি অমসুং অনৌবা কেস ৬৯,৯২১ লাকখি, হৌখিবা পুং ২৪দা মীওই ৮১৯ লৈখিদে
নুমিৎ মঙানিদগী হৌরক্তুনা নোঙমদা মীওই ৬০,০০০ হেন্না নাবা ফবগী চৎনবী অমা মখা তানা চত্থরক্তুনা হৌখিবা পুং ২৪দা মীওই ৬৫,০৮১ নাবা ফখি। নাবা ফরবা অপুনবা মীওইশিংগী মশিং ২৩,৩৯,৮৮২ য়ৌখিদুনা কোবিদ-১৯না নাবা ফবগী চাং অসি ৭৭%দা ৱাংখৎখ্রে। নাবা ফবগী অপুনবা মশিংনা এক্তিব কেসকী মশিংদগী শরুক ৩.৬১ হেল্লি। ঙসি ফাওবগী ওইরিবা এক্তিব কেসকী মশিং ৭,৮৫,৯৯৬ অসিদগী অনাবা ফবগী মশিংনা লাখ ২০.৫৩ হেন্দুনা চৎলি। জুলাইগী অহৌবা চয়োলদগী ওগস্তকী অরোয়বা চয়োলদা নাবা ফবগী মশিং অসি শরুক ৪ থোক্না হেনগৎখি। হৌখিবা পুং ২৪দা রাজ্য মঙানা লৈবাক অসিগী অপুনবদা খ্বাইদগী য়াম্বা এক্তিব কেসকী মশিং হাপখি। মখোয়শিং অসুদিঃ মহারাস্ত্রা (১১,৮৫২), আন্ধ্র প্রদেশ (১০,০০৪), করনাতকা (৬,৪৯৫), তমিল নাদু (৫,৯৫৬) অমসুং উত্তর প্রদেশ (৪,৭৮২)নি। মখোয়শিং অসিনা পুল্লগা হৌখিবা পুং ২৪গী মনুংদা লাকখিবা এক্তিব কেসকী মশিংগী ৫৬% ওইখি। হায়রিবা রাজ্য মঙা অসিনা হৌখিবা পুং ২৪দা অনাবা ফবগী মশিংসু খ্বাইদগী য়াম্না লাকপা ওইদুনা লৈবাক্কী অপুনবা ৬৫,০৮১গী মনুংদা ৫৮.০৪% ওইখি। মহারস্ত্রানা মীওই ১১,১৫৮ নাবা ফবগী পাউ পীরকপগা লোয়ননা আন্ধ্র প্রদেশ অমসুং করনাতকানা মথংশিৎনা ৮,৭৭২ অমসুং ৭,২৩৮ নাবা ফখি। তমিল নাদুনা তুং ইন্নদুনা ৬,০০৮ ওইখি অমসুং উত্তর প্রদেশনা কোবিদকী অনাবা ৪,৫৯৭ নাবা ফখি হায়না পাউদমলকখি। হৌখিবা পুং ২৪দা অপুনবা মীওই ৫৩৬ লৈখিদবা অসিদা হায়রিবা রাজ্য মঙা অসিদগী ৬৫.৪%গী শরুক ওইদুনা লৈবাক অসিগী অপুনবা লৈখিদবগী মশিং অসি ৮১৯ য়ৌখ্রে। মহারাস্ত্রানা ১৮৪, করনাতকানা ১১৩, তমিল নাদুনা ৯১, আন্ধ্র প্রদেশনা ৮৫ উমসুং উত্তর প্রদেশনা মীওই ৬৩ লৈখিদবগী পাউ লাকখি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1650296
অনৌবা হাপচিনখিবা, ফগৎখিবশিং অমসুং শিখিবগী রিপোর্তা রাজ্য//য়ুনিয়ন তেরিতোরিগী দেতা
ভারত্তা পাঙথোকখিবা অপুনবা তেস্ত কোতি ৪.৩৩গী মনুংদা তেস্ত কোতি ১.২২ হেনবদি মমাংগী চয়োল অনিখক্তদা পাঙথোকখি, হৌখিবা পুং ২৪দা তেস্ত মিলিয়ন ১ হেন্না পাঙথোকখি, রাজ্য/য়ু.তি. ২২না লৈবাক্কী তি.এম.পি.গী চাংচত্তগী হেন্না ৱাংনা লৈরি
ভারতকী তেস্ত তৌবগী অপুনবা মশিং ঙসি অসি কোতি ৪.৩ (৪,৩৩,২৪,৮৩৪) হেনখ্রে। মমাংগী চয়োল খক্তদা তেস্ত ১,২২,৬৬,৫১৪ তৌবা ঙমখি। রাজ্য/য়ু.তি.শিংনা মখোয়গী তেস্ত তৌবগী মশিং নোঙমা নোঙমগী লেপ্তনা হেনগৎলক্লি। তেস্ত মশিং খ্বাইদগী য়াম্না তৌবা রাজ্যশিংগী মনুংদা তমিল নাদু, উত্তর প্রদেশ অমসুং মহারাস্ত্রসু য়াওরি। মসিগী রাজ্য অহুমখক অসিনা অপুনবা তেস্ত তৌবা মশিংগী ৩৪%গী শরুক তেংবাংলি। ভারতকী তেস্তিং পর মিলিয়ন পাঙথোকপগী চাং অসি তেস্ত লাখ ১০ হেনখ্রে। হৌখিবা পুং ২৪দা তেস্ত ১০,১৬,৯২০ তৌখি। লৈবাক শিনবা থুংবগী ওইনা দাইগ্নোস্তিক লেব নেৎৱর্ক চাউথোকপা অমসুং মসিগী কান্নবা পীবগী মরম ওইদুনা তেস্ত তৌবদা য়াম্না খুমাং চাউশিনহল্লে। তেস্ত পর মিলিয়ন (তি.পি.এম.) অসিসু য়াম্না হেগৎলক্তুনা ৩১,৩৯৪ য়ৌখ্রে। রাজ্য/য়ু.তি. ২২না লৈবাক্কী চাংচৎকী তি.পি.এম.দগী হেন্না ৱাংনা লৈরি। গোৱা, দিল্লী, আন্ধ্র প্রদেশ অমসুং তমিল নাদুদগী নোঙমদা তেস্ত মশিং খ্বাইদগী য়াম্না তৌবগী পাউ লাক্লি।
কোবিদকী ইরাং মনুংসিদা ভারতনা মরু ওইবা হিদাক লাংথক্কী পোত্থোকশিং পীবগী থৌদাং লৌরিবা অসিনা ভারতপু খোঙলোই অমা ওইনা চৎমিন্নবা য়াবা য়াবা লৈবাক অমনি হায়বা তাক্লেঃ শ্রী পিয়ুশ গোয়ল
ভারত, ওস্ত্রেলিয়া অমসুং জপান্না ঙসি সপ্লাই চেনস রেসিলিয়েন্সতা মিনিস্ত্রিয়েল ভিদিও কনফরেন্স অমা পাংথোকখি। মীফম অদুদা ৱা ঙাংলদুনা কম্মর্স অমসুং ইন্দস্ত্রী মন্ত্রী শ্রী পিয়ুশ গোয়লনা হায়খি মদুদি “ভারতনা ইন্দো-পেসিফিক্কী মফমশিংদা থাজবা য়াবা অমসুং নীংথিনা মথৌ তৌবা সপ্লাই চেন অমা লৈহন্নবা থবক থৌরমশিং পাঙথোকপগী ৱাখল্লোন অসিদা থৱাই য়াওনা শৌগৎলি। করিগুম্বা পোৎলম অমগী মমলদা য়াম্না থুনা অহোংবা নাইবগী থৌওং য়াওনা ইনপুৎশিং সপ্লাই তৌবগী মতাংদা থেংনবা শিংনবশিং অসি শেন্ননবা সপ্লাই চেন অমগী তোঙান তোঙানবা মগুন চেনবগী মওং অসি য়াম্না মরু ওই। ঐখোয়না লমদমশিং অসিদা থাজবা য়াবা তুং কোইনা চৎকদবা সপ্লাইশিং অমসুং মসিগী মতিক চাবা চাংগী নেৎৱর্ক অমা শেমগত্তুনা মফমশিং অসিদা লৈরিবা বেল্যু চেনশিংবু শম্নহন্নবা মরু ওইবা লম্বী অমা শেম্বা য়াই”।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1650328
গরিব কল্যান রোজগার অভিয়ান্না পুন্সি মহিং ফগৎহন্নবা খুদোংচাবশিংগা লোয়ননা খুঞ্জাশিংদা থৌনা হাপ্লি – বেনিফিসরীশিংগী মাই পাকপগী ৱারীশিং
গরিব কল্যান রোজগার অভিয়ান (জি.কে.আর.এ.) অসিনা কোবিদ-১৯ লায়চৎ থোরকপা অসিদা মশাগী খুঙ্গংশিংদা হল্লক্লিবা মাইগ্রেন্ত শিন্মীশিং অমসুং খুঙ্গংগী মফমশিংদা লৈরিবা শোকহল্লবা প্রজাশিংদা থবক ফংহন্নবা অমসুং পুন্সি মহিং ফগৎহন্নবা খুদোংচাবশিং ফংহন্নবা হৌদোকখি। অভিয়ান অসিনা মিসন মোদতা খোঙথাং লৌখৎতুনা বিহার, ঝর্খন্দ, মধ্য প্রদেশ, ওরিশা, রাজাস্থন অমসুং উত্তর প্রদেশ রাজ্য ৬ অসিদা মশাগী খুঙ্গংদা হল্লক্লিবা মাইগ্রেন্ত শিন্মীশিংদা থবক ফংহন্নবা হোৎনরি। অভিয়ান অসিনা রাজ্যশিং অসিগী জিলা ১১৬তা খুঞ্জাশিংদা পুন্সি মহিং ফগৎনবা খুদোংচাবশিং ফংহন্নদুনা থৌনা হাপ্লি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1650340
হৌজিক লৈবাক শীনবা থুংনা চৎনরিবা হোংদোক-হোংজিন য়াবা লৈবাক অমা রেসন কার্দ অমদা লাদাখ অমসুং লক্ষদ্বিপ য়াওরে
কঞ্জুমর এফেয়ার্স, ফুদ অমসুং পব্লিক দিস্ত্রিবিউসনগী মিনিস্তর রাম বিলাস পাসৱান্না “লৈবাক অমা রেসন কার্দ অমা” পায়খৎনবা হোৎনরিবশিং হন্না য়েংশিনখ্রে অমসুং হৌজিক চৎনরিবা রাজ্য/য়ু.তি ২৪গী নেস্নেল পোর্তেবিলিতি ক্লস্তরদা লাদাখ অমসুং লক্ষদ্বিপ য়াওহন্নবা তেক্নিকেলগী থৌরাং তৌরে। অতোপ্পা রাজ্যশিং/য়ু.তিশিংগা লোয়ন্না নেসনেল ক্লস্তরদা য়াওনবা হায়রিবা য়ু.তি অনি অসি মপুংফানা চাংয়েং পাংথোকখ্রে। মসিগা লোয়ন্না, হৌজিক রাজ্য/য়ু.তি ২৬ লৈবাক অমা রেসন কার্দ অমগী মখাদা শম্নরগনি অমসুং ২০২০গী সেপ্তেম্বর ১দগী রাজ্য/য়ু.তি ২৬গী য়ুম হোংগনবা পি.দি.এস বেনিফিসরিশিং মখোয়না অপাম্বা ফেয়র প্রাইজ সোপ অমদগী চেং লৌবা য়ারগনি। অপুনবা বেনিফিসরি করোর ৬৫না হৌজিক লৈবাক অমা রেসন কার্দ অমগী মখাদা চেঙ লৌবা য়ারে।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1650379
পি.আই.বি. ফিল্দ ওফিসশিংদগী ফংবা পাউ
- পঞ্জাব: কোবিদকী কেস লেপ্তনা হেনগৎলক্লিঙৈ মরক্সিদা, পঞ্জাবকী মুখ্য মন্ত্রী, কেপ্তেন অমরিন্দর সিংনা রাজ্য অসিগী মুনিসিপাল তাউন ১৬৭তা ৱীকেন্দ লোকদাউন তৌশিনবগা লোইননা সেপ্তেম্বরগী লোইবা ফাওবা সিতীশিংদা নুংদাংগী পুং ৭তগীনা অয়ুক্কী পুং ৫ ফাওবা কর্ফ্যু থম্বগা লোইননা অর্বান এরিয়াশিংদা অথিংবশিং মখাতানা থম্নবা মহাক্কী সরকারগী ৱারেপ অদু লাউথোকখি।
- হিমাচল প্রদেশ: মুখ্য মন্ত্রীনা হায়খি মদুদি মীয়াম্না কোরোনা ভাইরসকী মতাংদা হেন্না চেকশিনবগী মথৌ তাই, মরমদি নোংজু থাগী মনুংদা কোরোনা পোজিতিব ওইবগী কেসশিংগী মশিং অসি হৌখিবা নুমিৎ খরনিগী মনুংদা খোংজেল য়াংনা হেনগৎলক্লি হায়খি।
- অরুনাচল প্রদেশ: অরুনাচল প্রদেশতা কোবিদ-১৯গীদমক্তা তেস্ত তৌবদা মীওই ৭৮গী মথক্তা পোজিতিব ওইখ্রে অমসুং রাজ্য অসিদা এক্তিব কেস ১২২০ লৈরি।
- অসাম: অসামদা নিংথৌকাবা নুমিত্তা কোবিদ-১৯গীদমক্তা তেস্ত তৌবদা মী্ই ৩২৬৬গী মথক্তা পোজিতিব ওইবা থেংনখি অমসুং মীওই ১৫৩১ দিসচার্জ তৌখ্রে। অপুনবা কেস ১,০৯,০৪০দা হেনগৎখ্রে, ৮৫৪৫৮ দিসচার্জ তৌখ্রে, ২৩২৭৩ এক্তিব ওইরি অমসুং ৩০৬ শিখ্রে।
- মনিপুর: মনিপুরদা, কোবিদ-১৯গীদমক্তা তেস্ত তৌবদা মীওই ১৪০ অমুক পোজিতিব ওইবা থেংনখি অমসুং এক্তিব কেস ১৮৯৪ লৈরি। ফগৎলকপগী চাং ৬৯% ওইবগা লোইননা ৯১ ফখ্রে।
- মঘালয়া: মেঘালয়া সরকারনা অপনবা লৈতনা মীতোপ চংবদা অথিংবা থমজিল্লিবা অদু লৌথোক্তবগী মিনিস্ত্রী ওফ হোম এফিয়র্সনা পেন্দবা ফোংদোক্লবদা, উপ মুখ্য মন্ত্রী, প্রেস্তন তিনসোংনা মহাক্না লেপখিবা ৱাফম অদুগী মতাংদা হায়খি মদুদি কোবিদকী লাইচৎ অসিদগী লমদম অসিগী মীয়ামবু ঙাক-শেনবা হায়বশিনা খ্বাইদগী হেন্না মরু ওই হায়না মহাক্না হায়খি।
- মিজোরাম: মিজোরামদা অপুনবা কোবিদ-১৯গী কেস ১০১২ অমসুং এক্তিব কেসশিংনা ৪২৩। ৱেস্ত বেঙ্গালগী রাজ্য পুম্বগী ওইনা, মসিদা এয়রপোর্তসু য়াওনা ৭.৯.২০২০, ১১.৯.২০২০ অমসুং ১২.৯.২০২০ লোকদাউন তৌগদৌরিবা অসিগী মতুং ইন্না মিজোরামগী লেংপুই এয়রপোর্ত অসি ৱান-তাইম মোদিফিকেশন ওইনা৭.৯.২০২০ অমসুং ১২.৯.২০২০গী মহুত্তা ৮.৯.২০২০ অমসুং ৯.৯.২০২০দা কমর্সিয়েল পেসেঞ্জরগীদমক্তা হাংদোক্লগনি।
- নাগালেন্দ: নাগালেন্দ সরকারনা ঙসিদগী ইন্তর অমসুং ইন্ত্রা স্তেতকী ওইনা চৎথোক-ৎশিন তৌবদা থমখিবা অথিংবশিং অদু লৌথোকখ্রে। কন্তেনমেন্ত এরিয়াশিংদা মখাতানা সেপ্তেম্বর ৩০ ফাওবা লোকদাউনা তৌখিগনি। নাগালেন্দদা পোজিতিব কেস ৩৯৫০ লৈরি অমসুং মসিগী মনুংদা সেক্যুরিতী ফোর্সতগী কেস ১৬৯২, হল্লকপশিংদগী ১২৬০, ত্রেস তৌখিবা কন্তেক্তশিংদগী ৭১৫ অমসুং ফ্রন্তলাইন ৱার্করশিংদগী ২৮৩।
- সিক্কিম: সিক্কিমদা, কোবিদ-১৯গীদমক্তা তেস্ত তৌবদা মীওই ১৮ অমুক পোজিতিব ওইরম্বা থেংনখি, ১২৩৭ দিসচার্জ তৌখ্রে অমসুং এক্তিব কেস ৪১৪ লৈরি।
- কেরলা: রাজ্য অসিদা ঙসি কোবিদ-১৯না মরম ওইরগা মীওই তরেত অমুক লৈখিদ্রে। লৈখিদবশিং অদু কোল্লম, কোঝিকোদে, কন্নুর অমসুং মালাপুরম জিলাশিংদগীনি, মসিনা শিখিবশিংগী মশিং অদু ৩০১ য়োহনখ্রে। কেপিতলদা ভাইরস অসিবু কন্ত্রেক্ত তৌখিবা পুলিসমেনশিংগী মশিং হেনগৎখ্রে। রাজ্য অসিদা ঙসি কোবিদকী প্রোতোকোলশিং ঙাক্না চত্তুনা সেন্তর ১৩দা জে.ই.ই. একজাম পাংথোকখ্রে। হোজিক্কী ওইনদি জিলা কয়া অমদা পেসেন্ত ১,৫৩০ লাইয়েংদুনা লৈরি অমসুং মীওই ১,৯৮,৮৪৩ ওবজার্ভেশন তৌদুনা লৈরি।
- তামিল নাদু: হোখিবা পুং ২৪দা পুদুচেরীদা কোবিদ কেস ৩৬৩ অমসুং ১২ শিখিবগী পাউ লৈখি, মশিনা অপুনবা কেস শিংগি মশিং অদু ১৪,৭৬৬ য়ৌখ্রে, এক্তিব কেসশিংনা ৪৮৫১ অমসুং শিখিবশিংগী অপুনবা মশিংনা ২৪০ য়ৌখ্রে। ‘অনলোক ৪’গীদমক্তা পুদুচেরীদা থোকখিবা অনৌবা গাইদলাইনশিং: দুকানশিং, এস্তাব্লিশমেন্তশিং, হোতেলশিং (দাইনিং ইন য়াওনা) অমসুং লনাইগী ওফিসশিংনা অয়ুক্কী পুং ৬তগী নুংদাংগী পুং ৮ ফাওবা মথৌ তৌগনি; লিকর শোপশিংনা লাইসেন্সিং কন্দিশনশিং অদুগী মতুং ইন্না হাংগনি অমসুং নুংদাংগী পুং ৮ ফাওবদা লোনগনি।
- কর্নাতকা: কর্নাতকা লেজিসলাচর সেশনগী মাংওইননা, লোমেকরশিংগীদমক্তা কোবিদ-নেগেতিব সর্তিফিকেত অসি তঙাইফদবা ওইগনি। ৱিধনা সৌধাদা মী চিন্দনবা, হনদক্কী সেশন অসিদি মীয়াম্না য়েংবগী অয়াবা পীররোই। মাইসুরুদা, লাইচৎ হেক শন্দোরকপদগী পুলিস পার্সোনেল ৪৭০ ময়া নক্না কোবিদ-১৯না ইনফেক্ত তৌখ্রে
- অন্ধ্র প্রদেশ: আই.আই.তি.শিংদা এদমিশন তৌনবগীদমক্তা অন্ধ্র প্রদেশ শিনবা থুংনা ঙসি সেন্তর ৫২দা জে.ই.ই. মেন্স পাংথোকখ্রে। কেন্দিদেত ৮২,৭৪৮না একজাম অসিগীদমক্তা ফমগদৌরিবনি অমসুং একজাম সেন্তরশিংদা মসিগা চুননবা শিন লাংখি। তিরুপতিগী মুনিসিপাল কোর্পোরেশন্না ভারত সরকারগী খ্বাইদগী নৌবা অনলোক ৪.০গী গাইদলাইনশিং অদুগী মতুং ইন্না লোকদাউনগী অথিংবা পুম্বা কোমথোকখ্রে।
- তেলঙ্গানা: হোখিবা পুং ২৪গী মনুংদা অনৌবা কেস ২৭৩৪ থেংনখি, ২৩২৫ ফখি অমসুং ০৯ শিবগী পাউ লৈখি; কেস ২৭৩৪গী মনুংদা জি.ঐচ.এম.সি.দগী কেস ৩৪৭ থেংনখি। অপুনবা কেসশিং: ১,২৭,৬৯৭; এক্তিব কেসশিং: ৩১,৬৯৯; শিখিবশিং: ৮৩৬; দিসচার্জ তৌখিবশিং: ৯৫,১৬২। তেলঙ্গানাদা কোবি-১৯গী মেপ অসি হাইদ্রবাদতগী লাপ্না লৈবা জিলাশিংদা মশিং হেগৎলকপগা লোইননা য়াম্না য়াংনা অহোংবা পুরক্লি।
- মহারাস্ত্র: নিংথৌকাবা নুমিত্তা কোবিদকী অনৌবা কেস ১,৯৩৫ থেংনখিবগা লোইননা পুনেনা দীল্লিদগী হেন্দুনা খ্বাইদগী হেন্না শোকহল্লবা সেন্তর ওইহনখি, দীল্লিদা পুন্না কেস ১,৭৫,১০৫ লৈখি। দীল্লিদা কেস লাখ ১.৭৪ লৈরি অদুগা মুম্বাইদা কেস লাখ ১.৪৫ লৈরি। পুনেদা লৈরিবা এক্তিব কেসশিংগী মশিং অসি ৫২,১৭২ য়ৌখ্রে। নিংথৌকাবা নুমিত্তা মহারাস্ত্রদা অনৌবা কেস ১১,৮৫২ থেংনখি, মসিনা অপুনবা মশিং অদু ৭,৯২,৫৪১ য়ৌখ্রে।
- গুজরাত: রাজকোত্তা হেনগৎলক্লিবা কোবিদ-১৯গী কেসশিং অসিগী মরক অসিদা, প্রিন্সিপাল সেক্রেতরী (হেল্থ), জয়ন্তি রৱিনা লুচিংবা সেনিয়র ওফিসিয়েলশিং অমসুং দোক্তরশিংগী তীম অমা সিতীদা য়ৌরকখ্রে। এক্সপার্তশিং অসিনা কোবিদ-১৯ পেসেন্তশিংগীদমক্তা ওইবা সরকার অমসুং লনাইগী হোসপিতালশিংদা লৈরিবা ফেসিলিতীশিং অদু মোনিতর তৌগনি অমসুং অতোপ্পা খৌথাংশিংগী মনুংদা কোরোনাভাইরসকীদমক্তা ওইবা ত্রীতমেন্ত প্রোতোকোল অমসুং তেলি মেন্তরিংগী মতাংদা দোক্তরশিংদা গাইদেন্স পীগনি। সরকার অসিনা রাজকোত্তা কোবিদ-১৯ পেসেন্তশিংগীদমক্তা অহেনবা ভেন্তিলেতরশিং অমসুং বেদশিং পীগনি। মরক অসিদা গুজরাত্তা হৌখিবা পুং ২৪ অসিগী মনুংদা অনৌবা কেস ১,২৮০ থেংনখি। হৌজিক্কী ওইনদি রাজ্য অসিদা এক্তিব কেস ১৫,৬৩১ লৈরি।
- রাজস্থান: হৌখিবা পুং ২৪ অসিগী মনুংদা রাজস্ধানদগী কোবিদ-১৯গী অনৌবা কেস ৬৭০ থেংনখি, ১১৭ ফগৎখি অমসুং তরুক শিখিবগী পাউ লৈখি, মসিনা কেসশিংগী অপুনবা মশিং অদু ৮২,৩৬৩ য়োহনখি। অপুনবা মশিং অসিদা এক্তিব কেস ১৪,৩৭২ অমসুং ৬৬,৯২৯ ফখি। হৌজিক ফাওবদা রাজ্য অসিদা লৌনগনবা ভাইরস অসিনা মীওই ১,০৬২গী পুন্সি লৌখ্রে।
- মধ্যা প্রদেশ: এম.পি.দা ওগস্ত থাদা কোবিদ-১৯গী কেস ৩২,১৫৯ থেংনখি, মসি জুলাইগী ৩১ ফাওবদা থেংনখিবা অপুনবা কেসশিং অদুগী শরুক অনীদগী খরা হেল্লি। ওগস্ত ৩১গী নুমিদাং ফাওবদা লৈখিবা পোজিতিব ওইবগী মশিং অদু ৬৩,৯৬৫ য়ৌখি, অদুগা জুলাইগী লািবা ফাওবদা লৈখিবা মশিং অদু ৩১,৮০৬ ওইখি। কেসশিং হেনগৎলকপা অসিনা রাজ্য অসিদা হৌখিবা নুমিৎ নিনি অসিদা নোংমদা কেস ১,৫০০গী মথক্তা থেংনখি হায়বসি ময়েক শেংনা উৎলি। হৌখিবা পুং ২৪, নিংথৌকাবগী নুমিদাং ফাওবদা কেস ১,৫৩২ থেংনখি। শিখিবগী মশিং অসি হোজিক ১,৩৯৪ শুরে, মসিগী মনুংদা ৫২৭ নত্রগা চাদা ৩৭.৮ অসি ওগস্ত খক্তদা থেংনখি।
ফেক্ত চেক
*****
(Release ID: 1650514)
Visitor Counter : 182