കഴിഞ്ഞ 24 മണിക്കൂറിനുള്ളില്‍ നടത്തിയത് ദശലക്ഷത്തിലധികം പരിശോധനകള്‍

22 സംസ്ഥാനങ്ങളില്‍/കേന്ദ്രഭരണപ്രദേശങ്ങളില്‍ ദശലക്ഷത്തിലെ പരിശോധന ദേശീയ ശരാശരിയേക്കാള്‍ മികച്ച നിലയില്‍

ന്യൂഡല്‍ഹി, 01 സെപ്റ്റംബര്‍ 2020

ടെസ്റ്റ്, ട്രാക്ക്, ട്രീറ്റ് നയത്തിന്റെ ഭാഗമായി കേന്ദ്രനിര്‍ദേശപ്രകാരം സംസ്ഥാനങ്ങളും കേന്ദ്രഭരണപ്രദേശങ്ങളും കോവിഡ് 19 പരിശോധന ഊര്‍ജ്ജിതമാക്കിയിട്ടുണ്ട്. രാജ്യത്താകെ നടത്തിയ കോവിഡ് ടെസ്റ്റുകളുടെ എണ്ണം 4.3 കോടി കടന്നു (4,33,24,834). കഴിഞ്ഞ രണ്ടാഴ്ച മാത്രം നടത്തിയത് 1,22,66,514 പരിശോധനകളാണ്.

ആകെ പരിശോധനയില്‍ ഏറിയ പങ്കും തമിഴ്‌നാട്, ഉത്തര്‍പ്രദേശ്, മഹാരാഷ്ട്ര എന്നീ സംസ്ഥാനങ്ങളിലാണ്. ഈ മൂന്ന് സംസ്ഥാനങ്ങള്‍ നടത്തുന്നത് രാജ്യത്താകെ നടത്തുന്ന പരിശോധനയുടെ 34 ശതമാനമാണ്.

ഇന്ത്യയുടെ പ്രതിദിന കോവിഡ് പരിശോധനാശേഷി 10 ലക്ഷം മറികടന്നു. കഴിഞ്ഞ 24 മണിക്കൂറിനുള്ളില്‍ നടത്തിയത് 10,16,920 പരിശോധനകളാണ്.

പ്രതിവാര പരിശോധനാശരാശരിയിലും വര്‍ധനയുണ്ടായിട്ടുണ്ട്. 2020 ജനുവരി ആദ്യ വാരം മുതലുള്ള കണക്കുകള്‍ ചൂണ്ടിക്കാട്ടുന്നത് പരിശോധനകള്‍ 4 മടങ്ങ് വര്‍ധിച്ചെന്നാണ്.

രാജ്യത്ത് ദശലക്ഷത്തിലെ പരിശോധന (ടിപിഎം) 31,394 ആയി കുത്തനെ ഉയര്‍ന്നു. 22 സംസ്ഥാനങ്ങളില്‍/കേന്ദ്രഭരണപ്രദേശങ്ങളില്‍ ദശലക്ഷത്തിലെ പരിശോധന ദേശീയ ശരാശരിയേക്കാള്‍ മികച്ച നിലയിലാണ്. ഗോവ, ഡല്‍ഹി, ആന്ധ്രാപ്രദേശ്, തമിഴ്‌നാട് എന്നിവ പ്രതിദിന പരിശോധനയില്‍ ഏറെ മുന്നിലാണ്.

കോവിഡ് 19-മായി ബന്ധപ്പെട്ട സാങ്കേതിക പ്രശ്നങ്ങള്‍, മാര്‍ഗനിര്‍ദേശങ്ങള്‍, ഉപദേശങ്ങള്‍ എന്നിവയുടെ ആധികാരികവും പുതിയതുമായ വിവരങ്ങള്‍ക്ക് ഈ വെബ്സൈറ്റ് നിരന്തരം സന്ദര്‍ശിക്കുക: https://www.mohfw.gov.in/ @MoHFW_INDIA

കോവിഡ് -19 മായി ബന്ധപ്പെട്ട സാങ്കേതിക അന്വേഷണങ്ങള്‍ക്ക് technicalquery.covid19[at]gov[dot]in എന്ന ഇ-മെയിലില്‍ ബന്ധപ്പെടുക. മറ്റ് അന്വേഷണങ്ങള്‍ക്ക് ncov2019[at]gov[dot]in അല്ലെങ്കില്‍ @CovidIndiaSeva -യില്‍ ബന്ധപ്പെടുക.

കോവിഡ് -19 സംബന്ധിച്ച ഏത് അന്വേഷണങ്ങള്‍ക്കും ദയവായി കേന്ദ്ര ആരോഗ്യ- കുടുംബ ക്ഷേമ മന്ത്രാലയത്തിന്റെ ഹെല്‍പ്പ് ലൈന്‍ നമ്പരായ +91 11 23978046 ല്‍ വിളിക്കുക; അല്ലെങ്കില്‍ ടോള്‍ ഫ്രീ നമ്പറായ 1075 ല്‍ ബന്ധപ്പെടുക. കോവിഡ് 19 സംബന്ധിച്ച സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും ഹെല്‍പ് ലൈന്‍ നമ്പരുകള്‍ ഈ ലിങ്കില്‍ ലഭ്യമാണ്:
https://www.mohfw.gov.in/pdf/coronvavirushelplinenumber.pdf.