ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ଭାରତର ଆରୋଗ୍ୟ ହାର ବୃଦ୍ଧି ଅବ୍ୟାହତ : ସୁସ୍ଥ ସଂଖ୍ୟା ଅତିକ୍ରମ କଲା 27 ଲକ୍ଷ
• ସକ୍ରିୟ ରୋଗୀଙ୍କ ତୁଳନାରେ ସୁସ୍ଥ ରୋଗୀ ସଂଖ୍ୟା 3.5 ଗୁଣ ଅଧିକ
प्रविष्टि तिथि:
30 AUG 2020 2:08PM by PIB Bhubaneshwar
ଅଧିକରୁ ଅଧିକ ରୋଗୀ ସୁସ୍ଥ ହୋଇ ହସ୍ପିଟାଲ ଓ ଘରୋଇ ଏକାନ୍ତବାସରୁ ଛୁଟି ପାଉଥିବା ବେଳେ ମୋଟ କରୋନା ସୁସ୍ଥ ସଂଖ୍ୟା 27 ଲକ୍ଷକୁ ଅତିକ୍ରମ କରିଛି । ବ୍ୟାପକ ପରୀକ୍ଷା, ଚିହ୍ନଟ ଏବଂ ସମୟୋଚିତ ଉପଚାର ଯୋଗୁଁ 27,13,933 ରୋଗୀ ସୁସ୍ଥ ହୋଇଥିବା ସମ୍ଭବ ହୋଇପାରିଛି ।
ଗତ 24 ଘଣ୍ଟା ମଧ୍ୟରେ 64,935 ଜଣ ସୁସ୍ଥ ହୋଇଥିବା ବେଳେ ସୁସ୍ଥତା ହାର 76.61 ପ୍ରତିଶତରେ ପହଞ୍ଚିଛି ଓ ଏହି ବୃଦ୍ଧି ଗତ କେତେ ମାସ ହେବ ଅବ୍ୟାହତ ରହିଛି ।ଆରୋଗ୍ୟ ଲାଭ କରିଥିବା ରୋଗୀଙ୍କ ସଂଖ୍ୟା ସକ୍ରିୟ ରୋଗୀଙ୍କ ତୁଳନାରେ ଆଜି 3.5 ଗୁଣ ଅଧିକରେ ପହଞ୍ଚିଛି ।
ଦେଶରେ ପାଖାପାଖି 19.50 ଲକ୍ଷ (19,48,631)ରେ ପହଞ୍ଚିଥିବା ବେଳେ 7,65,302 ଜଣ ସକ୍ରିୟ ରୋଗୀ ଚିକିତ୍ସାଧୀନ ଅଛନ୍ତି । ଏହି ଆରୋଗ୍ୟ ହାରର ବୃଦ୍ଧି ଯୋଗୁଁ ଦେଶରେ ପ୍ରକୃତ ସକ୍ରିୟ ରୋଗୀଙ୍କ ସଂଖ୍ୟା ମୋଟ ସଂକ୍ରମିତଙ୍କ ତୁଳନାରେ ଶତକଡା 21.60ରେ ପହଞ୍ଚିଛି । ଏହାଫଳରେ ସୁସ୍ଥ ଓ ସକ୍ରିୟ ରୋଗୀଙ୍କ ମଧ୍ୟରେ ପାର୍ଥକ୍ୟ ମଧ୍ୟ ଯଥେଷ୍ଟ ବୃଦ୍ଧି ପାଇଛି । ରୋଗୀମାନଙ୍କର ଚିକିତ୍ସା ପରିଚାଳନାରେ ଉନ୍ନତି ଓ ଅନ୍ୟାନ୍ୟ ସମୟୋଚିତ ପଦକ୍ଷେପ ଯୋଗୁଁ ମୃତ୍ୟୁହାର ମଧ୍ୟ ଦ୍ରୁତ ହ୍ରାସ ପାଉଛି । ଆଜି ଏହି ହାର ଶତକଡା 1.79 ଭାଗରେ ପହଞ୍ଚିଛି ।
ନିର୍ଦ୍ଦେଶାବଳୀ ଓ ପରାମର୍ଶ ପାଇଁ ଭିଜିଟ୍ କରନ୍ତୁ: https://www.mohfw.gov.in/ and @MoHFW_INDIA ।
କୋଭିଡ୍ ସଂକ୍ରାନ୍ତ ବୈଷୟିକ ପ୍ରଶ୍ନ ପଠାଇବା ପାଇଁ covid19[at]gov[dot]in ଏବଂ ଅନ୍ୟାନ୍ୟ ପ୍ରଶ୍ନ ncov2019[at]gov[dot]in and @CovidIndiaSeva ।
କୋଭିଡ-19 ସଂକ୍ରାନ୍ତ କୌଣସି ପ୍ରଶ୍ନ ମଧ୍ୟ ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟର ହେଲ୍ପଲାଇନ ନଂ – +91-11-23978046 କିମ୍ବା 1075 (ନିଃଶୁଳ୍କ)କୁ ପଚରା ଯାଇପାରିବ ।
ରାଜ୍ୟଗୁଡିକର ହେଲ୍ପଲାଇନ ନଂ: https://www.mohfw.gov.in/pdf/ coronvavirushelplinenumber.pdfରେ ଉପଲବ୍ଧ ।
*********
(रिलीज़ आईडी: 1649878)
आगंतुक पटल : 263