অনাবা মীওইশিং হেন্না ফগৎলকপা অমসুং হোস্পিতালশিং অমসুং হোম আইসোলেসন্দগী (ফীভম লুদবা অমসুং ময়াই ওইরপ্তা লৈবা কেসশিংগী) দিসচার্জ তৌবগা লোয়ননা ভারতকী কোবিদ-১৯দগী পুন্না ফগৎখিবশিং অসি ঙসি লাখ ২৭ হেনখ্রে। মীওই ২৭, ১৩,৯৩৩ ফগৎপা ঙম্লিবা অসিগী মরমদি কেন্দ্রনা শেম্বা তেস্ত তৌবা কনশিনবা, নক্নরুবা মীওইশিং মতম চানা সর্ভিলেন্স তৌবগী খুত্থাংদা পাক শন্না তেস্ত তৌবা অমসুং লৈবাক শিনবা থুংনা মেদিকেল ক্যের ইনফ্রাস্ত্রকচর ফগৎহনবগী খুত্থাংদা মপুং ফানা লায়েংবগী পোলিসী অসি মপুং ফানা ইমপ্লিমেন্ত তৌবননি।

হৌখিবা পুং ২৪দা কেস ৬৪,৯৩৫ ফগৎখিবগা লোয়ননা, ভারতকী কোবিদ-১৯ নারিবা মীওইশিংগী মরক্তা রিকভরী রেৎ অসি ৭৮.৬১%দা হেনগৎখ্রে অমসুং লেপ্তনা হেনগৎলকপা উবা ফংলি। হৌখিবা থা খরা অসিদা ফগৎলক্লিবা অনাবা মীওইশিংগী মশিং অসি তপ্না-তপ্না হেনগৎলক্লি।

ঙসি ভারত্তা ফগৎখিবশিংগী মশিং অসি এক্তিব কেসশিংদগী শরুক ৩.৫ হেনখ্রে।

ভারতনা লাখ ১৯.৫কী ময়া (১৯,৪৮,৬৩১) ফগৎহনবা ঙমদুনা এক্তিব কেসশিং (৭৬৫৩০২, হৌজিক লায়েং চত্থরিবা) অসিদগী হেনবা ঙমখ্রে। ফগৎলকপগী মশিং ৱাংনা রেকোর্দ তৌবা ঙম্বা অসিনা লৈবাক অসিগী তশেংবা কেসলোদ মদুদি এক্তিব কেসশিং অসি লেপ্তনা হন্থহল্লি অমসুং হৌজিক অপুনবা পোজিতিব কেসশিংগী ২১.৬০% খক্তা ওইরি। মসিনা ফগৎখ্রবা মীওই অমসুং এক্তিব কেসশিংগী মশিংগী মরক্তা চাউনা খেৎপা লৈহনবদা মতেং পাংলি।

লেপ্তনা হোলিস্তিক ওইবা খোঙথাংশিং লৌখৎতুনা ফীভম লুবা অনাবশিংগী মতম চানা অমসুং মপুং ফানা ক্লিনিকেল মেনেজমেন্ত তৌবনা কেস ফেতেলিতী রেৎ নেমহনবা অমসুং ত্রেজেক্তরীদা তাথহনবদা খুৎলায় ওইরি। ঙসি মসি মখা তানা ১.৭৯%দা তাথরকখ্রে।

তেক্নিকেল ইসু, চৎন-কাংলোন অমদি পাউতাক্কী ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নায়না চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

*****