উপ রাস্ত্রপতী শ্রী এম. ভেঙ্কৈয় নাইদুনা ওনমগী মাংওইননা পাউজেল ওইনা মীয়ামদা য়াই-পাউজেল পীরক্লি।

মখাগী অসি পাউজেল অদুগী ৱারোলশিংনিঃ

ঐহাক্না ঐখোয়গী লৈবাক্কী মীয়ামগী মফমদা ওনমগী মাংওইননা য়াইফ-পাউজেল পীজরি।

ওনম হায়বসি কেরলাগী মথমোই শেংবা, অচুম্বা চৎপা, মিনুংশি চাউবা অমসুং পুম্নমকপু নুংশিনা য়েংবা থৌনা ফরবা নিংথৌ মহাবলিবু নিংশিংদুনা পাঙথোকই। ওনম নুমিৎ অসি য়েলহৌঙৈগী মশান্না, ঈশৈ অমসুং জগোই অমসুং মহাও কয়াগা লোইননা অচৌবা চাক্লেন 'ওনাসাদ্যা'গা লোইননা পাঙথোকই। ফজবা লৈগী কার্পেৎশিংবু শন্দোক্তুনা য়ুম-য়ুমশিংদা অমসুং থমোইদা তরাম্না ওকচৈ।

হন্দক্কী ওনম কুমহৈ অসিদা ঐখোয়না লনথুম কয়াগা হরাউ তয়াম্বা ফোংদোক্লবসু ঐখোয়না থমোই শেংবা, অপুনবা, মিনুংশি, নুংশিবা, ইশাগী খন্দবা অমসুং কত্থোকপা কয়া অমা নিংথৌ মহাবলিদা চেনখিবা মগুনশিং অদুবুসু নিংশিংশি।

ওনম হায়বসি ইমুং মনুং অমসুং মরুপ মপাংশিং অমত্তা ওইনা পুনশিন্নবগীদমক পাঙথোকই। অদুবু হন্দক্কী চহীগী ওইনদি, কোবিদ-১৯না মরম ওইদুনা হকশেলগী খুদোংচাদবা মতম অমা ওইবনা ঐহাক্না ঐগী নুংশিরবা ইরৈচাশিংদা ওনম কুমহৈবু ইশাগী য়ুমদা, কোবিদকী হকশেল অমসুং হাইজিনগী প্রোতোকোল ঙাক্না পাঙথোকপীনবা খঙহঞ্জরি।

হন্দক্কী নুংঙাইরবা কুমহৈ অসিনা ঈং তপ্পা, মরা চেৎপা অমসুং নুংঙাই য়াইফবা ঐখোয়গী লৈবাক্তা পুরক্তুনা অনৌবা য়ুগ অমা পুরক্লসনু হায়না থৌনিজরি।

*****