ঙসি নই দিল্লীগী ধ্যান চান্দ স্তদিয়মদা মহাক্কী মপোক নুমিৎতা পাংথোকপা “নেস্নেল স্পোর্তস দে” থৌরমদা হোক্কীগী শক্নাইরবা লৈখিদ্রবা মেজর ধ্যান চান্দগী মীতমদা য়ুথ এফেয়ার্স অমসুং স্পোর্তসকী রাজ্য মন্ত্রী (মনিংতম্বা) অমসুং মাইনোরিতি এফেয়ার্সকী রাজ্য মন্ত্রী কিরেন রিজিজুনা লৈ কৎতুনা ইকায়খুম্নবা উৎখ্রে।

Earlier today in the morning, paying floral tribute to Major Dhyan Chand on his birth anniversary at Major Dhyan Chand National Stadium, New Delhi. #MajorDhyanChand #NationalSportsDay pic.twitter.com/CtQD2XDeAc

— Kiren Rijiju (@KirenRijiju) August 29, 2020

থৌরম অদুদা কিরেন রিজিজুনা নেস্নেল স্পোর্তস অমসুং এদভেঞ্চর এৱার্দশিংগী কাংলুপ ৭গী মনুংদা কাংলুপ মরিগী শেনগী মনা হেনগৎলে হায়না লাউথোকখি। রজিব গান্ধী খেল রত্ন এৱার্দ লুপা লাখ ৭.৫তগী লুপা লাখ ২৫দা হেনগৎলে, অর্জুন এৱার্দ লুপা লাখ ৫গী লুপা লাখ ১৫দা হেনগৎলে, দ্রোনাচার্য়া(লাইফতাইম) এৱার্দ লুপা লাখ ৫দগী লুপা লাখ ১৫দা হেনগৎলে, দ্রোনাচার্য়া(রিগুলর) এৱার্দ লুপা লাখ ৫গী লুপা লাখ ১০দা হেনগৎলে। ধ্যানচান্দ এৱার্দ ফংলবশিং লুপা লাখ ৫গী মহুৎতা লুপা লাখ ১০ পীরগনি।

ৱারেপ অসিগী মতাংদা মিনিস্তরনা হায়খি, স্পোর্ত এৱার্দশিংগী মনাগী শেনফমশিং ২০০৮দা শেমদোকখি। হায়রিবা শেনফমশিং অসি য়ামদ্রবদা চহি ১০ খুদিংগী হন্না য়েংশিনগদবনি। শীনফম অতৈগী মীওইশিংগী শেন্থোক হেনগৎলবদি, করিগী ঐখোয়গী শান্নরোইশিংগীসু হেনগৎলোইদৌরিবনো।

*****