য়ুমলৈ-কৈরৈ মন্ত্রালয়

এম.ঐচ.এ.না অনৌবা চৎন-কাংলোন থোকখ্রে

কন্তেন্মেন্ত জোনগী মপান্দা অনলোক ৪না অহেনবা থবক থৌরমশিং হাংদোকখ্রে

সেপ্তেম্বর ৩০, ২০২০ ফাওবা কন্তেন্মেন্ত জোনশিংদা অকনবা চেকশিল থৌরাংশিং লৌখৎকনি

Posted On: 29 AUG 2020 8:05PM by PIB Imphal

গৃহ মন্ত্রালয়না অহেনবা থবক থৌরমশিং কন্তেন্মেন্ত জোনশিংগী ৱাংমদা হাংদোক্নবগীদমক অনৌবা কাংলোনশিং ঙসি থোকখ্রে। সেপ্তেম্বর ১, ২০২০দগী চৎনবা হৌগদবা অনলোক ৪ অসিদা তাংকক নাইনা হাংদোক্কদবা থবক থৌরমশিংগী থৌরাং মখা চত্থখ্রে। ঙসি থোকখিবা অনৌবা চৎন-কাংলোনশিং অসি রাজ্য অমসুং য়ু.তি.শিংদগী ফংবা ফীদবেকশিংদা য়ুম্ফম ওইদুনা শেম্বনি অমসুং কেন্দ্রগী মন্ত্রী অমসুং দিপার্ত্মেন্তশিংগা কুপ্না তান্নখি।

অনৌবা চৎন-কাংলোনশিং অসিদা য়াওরিবা মরুওইবা ৱারোলশিং

  • সেপ্তেম্বর ৭, ২০২০দগী হৌদুনা এম.ঐচ.এ.গা তান্নদুনা হাউসিং অমসুং অর্বান এফিয়র্স মন্ত্রালয়/রেলৱে মন্ত্রালয়না মেত্রো রেল তাংকক নাইনা চেনবা হৌরগনি। মসিগা মরী লৈননা, স্তেন্দার্দ ওব ওপরেতিং প্রোসিজ্যুর অমা এম.ও.ঐচ.য়ু.এ.না থোকখ্রে।
  • সোসিএল/ একাদেমিক/ স্পোর্তস/ ইন্তর্তেন্মেন্ত/ কলচরেল/ পোলিতিকেলগী থবক থৌরমশিং অমসুং অতোপ্পা মী তিনবা য়াবা থবকশিং মীওই ১০০ ফাওবা তিন্দুনা সেপ্তেম্বর ২১, ২০২০দগী মখা চত্থবা য়ারগনি। অদুমওইনমক অসিগুম্বা মী তিনবগী থৌরমশিং অসি ফেস মাস্ক শোইদনা উপকদবনি, সোসিএল দিস্তেন্সিং, থর্মেল স্কেনিং অমসুং হেন্দ ৱাশ নত্ত্রগা সেনিতাইজর শীজিন্নগদবনি।
  • সেপ্তেম্বর ২১, ২০২০দগী হৌদুনা ওপন এয়র থিএতরশিং হাংদোকপা য়ারগনি।
  • রাজ্য অমসুং য়ু.তি.শিংগা কুপ্না তান্নরবা মতুংদা স্কুল, কোলেজ, এজুকেসনেল অমসুং কোচিং ইন্সতিত্যুসনশিংদা মহৈরোইশিং অমসুং মহৌশাগী ক্লাসকীদমক্তদি সেপ্তেম্বর ৩০ ফাওবা লোনগনি। ওনলাইন/দিস্তেন্স লর্নিংদি মখা তানা চত্থবা য়াগনি অমসুং পুক্নিং থৌগৎকদবনি। অদুবু কন্তেন্মেন্ত জোনগী ৱাংমদা সেপ্তেম্বর ২১, ২০২০দগী হৌদুনা চৎনবা হৌগদবা মখাদা পীরিবা থবক থৌরমশিং অসিগীদক্তা হকশেল অমসুং য়াইফ-য়ুম্বাল মন্ত্রালয়না এস.ও.পি. অমা থোক্লকখিগনিঃ
    ক) রাজ্য/য়ু.তি.শিংনা তিচিং অমসুং নোন-তিচিং স্তাফশিংবু ওনলাইন তিচিং নত্ত্রগা তেলি-কাউন্সেলিং অমসুং মসিগা মরী লৈনবা থবকশিংগীদমক চাদা ৫০ ফাওবা লাকপা য়াগনি।
    খ) ক্লাস ৯দগী ১২ ফাওবগী মহৈরোইশিংনা কন্তেন্মেন্ত জোনগী ৱাংমদা লৈবা স্কুলশিংদা মশানা পামজবগী মতুং ইন্না মখোয়গী ওজাশিংদগী গাইদেন্স লৌনবগীদমক উন্নরুবা য়াগনি।
    গ) স্কিল নত্ত্রগা ওন্ত্রপ্রিন্যুরশিপ ত্রেনিংশিং নেসনেল স্কিল দিবেলপমেন্ত কোর্পোরেসন নত্ত্রগা স্তেৎ স্কিল দিবেলপমেন্ত মিসন নত্ত্রগা অতোপ্পা ভারত সরকারগী মন্ত্রালয়শিংগী নত্ত্রগা রাজ্য সরকারগী মন্ত্রালয়শিংগা লোইননা নেসনেল স্কিল ত্রেনিং ইন্সতিত্যুৎ, ইন্দস্ত্রিএল ত্রেনিং ইন্সতিত্যুৎ, শোর্ত তর্ম ত্রেনিং সেন্তরশিংদা চত্থবা য়াগনি।

নেসনেল ইন্সতিত্যুৎ ওব ওন্ত্রপ্রিন্যুরশিপ অমসুং স্মোল বিজিনেস দিবেলপমেন্ত, ইন্দিয়ন ইন্সতিত্যুৎ ওব ওন্ত্রপ্রিন্যুরশিপ অমসুং মখোয়গী ত্রেনিং পীরিবশিংসু চৎনগনি।

  • হাইয়র এজুকেসন ইন্সতিত্যুসনশিংদা রিসর্স স্কোলারশিং (পি.ঐচ.দি.) অমসুং লেবোরেতরী অমসুং একপরিমেন্তেলগী থবক চঙবা তেক্নিকেল অমসুং প্রোফেসনেল প্রোগ্রাম পোস্ত গ্রেজুএৎ মহৈরোইশিং খক্কী হাংবা য়াগনি। হায়রিবসি এম.ঐচ.এ.গা তান্নরবা মতুংদা ফিবম অমসুং রাজ্য নত্ত্রগা য়ু.তি. অদুগী কোবিদ-১৯গী মখা পোন্না দিপার্ত্মেন্ত ওব হাইয়র এজুকেসন্না চৎনহনগনি।
  • মখাগীশিং অসি নত্তবা অতোপ্পা থবক থৌরম পুম্নমক কন্তেন্মেন্ত জোনগী ৱাংমদা চৎনবা য়াগনি।

১) সিনেমা হোল, স্বিমিং পুল, ইন্তর্তেন্মেন্ত পার্ক, থিএতর (ওপন এয়র থিএতর খক নত্তনা) অমসুং মসিগা মান্নবা মফমশিং।

২) এম.ঐচ.এ.না অয়াবা পীবা ইন্তর্নেসনেল এয়র ত্রাবেল পেসেঞ্জর খক নত্তনা।

  • কন্তেন্মেন্ত জোনশিংদদি সেপ্তেম্বর ৩০, ২০২০ ফাওবা লোকদাউন হকচিন্না চৎনগনি।
  • কন্তেন্মেন্ত জোনশিং অসি দিস্ত্রিক্ত ওথোরিতীশিংনা মাইক্রোল লেবেলদা এম.ও.ঐচ.এফ.দব্ল্যু.গী চৎন-কাংলোনশিং ইল্লবা মতুংদা মখা মখা শন্দোকপা থিংনবগী পান্দমদা লেপকনি। হায়রিবা কন্তেন্মেন্ত জোনশিং অসিদা অকনবা মওংদা চেকশিন থৌরাং লৌখৎকনি অমসুং তঙাই ফদবা থবক থৌরমশিংদমক চৎপা য়াগনি।
  • কন্তেন্মেন্ত জোনগী মনুংদা, অকনবা চেকশিল থৌরাং লৌখৎপগা লোইননা তঙাইফদবা থবকশিংতমক চৎনবা য়াগনি।
  • হায়রিবা কন্তেন্মেন্ত জোনশিং অসি মরী লৈনবা দিস্ত্রিক্ত কল্লেক্তরশিংগী  ৱেবসাইত্তা উৎকনি অমসুং রাজ্য/য়ু.তি.শিংনা এম.ও.ঐচ.এফ.দব্ল্যু.না ঈ পাউ পীথোক্কনি।

কন্তেন্মেন্ত জোনশিংগী মপান্দা রাজ্যশিংনা লোকদাউন অমত্তা লাউথোকপা য়াররোই

রাজ্য/য়ু.তি. সরকারশিংনা কন্তেন্মেন্ত জোনশিংগী মপান্দা লোকেল লোকদাউন অমত্তা কেন্দ্র সরকারগী অয়াবা য়াওদনা লাউথোকপা য়াররোই।

ইন্তর স্তেৎ অমসুং ইন্ত্রা স্তেৎকী চত্থোক চৎশিন্দা অথিংবা লৈরোই

  • ইন্তর স্তেৎ অমসুং ইন্ত্রা স্তেৎকী ওইনা মী অমসুং পোৎচৈগী চত্থোক চৎশিন্দা অথিংবা লৈরোই। অসিগুম্বা চত্থোক চৎশিনগীদমক অখন্নবা পর্মিসন/ এপ্রুবেল/ ই-পর্মিৎ অমত্তা চঙলরোই।

কোবিদ-১৯ মেনেজমেন্তকীদমক নেসনেল দিরেক্তিবশিং

  • কোবিদ-১৯গীদমক থোকপা নেসনেল দিরেক্তিবশিং লৈবাক পুম্বদা সোসিএল দিস্তেন্সিং ঙাকপগা লোইননা চৎনগনি। দুকানশিংনসু লৈবা লাক্লিবশিংগী মরক্তা অথাপ্পা ঙাক্না চৎনহনগনি। এম.ঐচ.এ.না নেসনেল দিরেক্তিবশিং মতীক চানা চৎননবা য়েংশিনগনি।

চেকশিন্নিংঙাই ওইবা মীওইশিংবু ঙাক শেনবা

  • চেকশিন্নিংঙাই ওইবা মীওইশিং হায়বদি চহী ৬৫গী মথক্তা লৈবা মীওইশিং, অনাবা কয়া লৈবা, মীরোনবী, অমসুং চহী ১০গী মখাদা লৈবা অঙাংশিংবু তঙাইফদবা পোৎলমশিং লৌবগী অমসুং অনা লায়েংগা মরী লৈনবদা নত্তনা য়ুমদগী চত্থোক্তনবা খঙহল্লি।

আরোগ্যা সেত্যু শীজিন্নবা

  • আরোগ্যা সেত্যু মোবাইল এপ্লিকেসন শীজিন্নবা পুক্নিং থৌগৎলি।

এম.ঐচ.এ.গী চৎন-কাংলোনশিংগীদমক মফম অসিদা নম্বীয়ু

দি.ও. লেত্তর য়েংনবগীদমক মফম অসিদা নম্বীয়ু

*****



(Release ID: 1649654) Visitor Counter : 10