প্রধানমন্ত্রীগী লোইশঙ

প্রধান মন্ত্রীনা জাতিগী শান্না খোৎনবগী নুমিৎতা শান্নরোইশিংদা য়াইফ পাউজেল পীরি; মেজর ধ্যান চান্দগী মফমদা ইকাই খুম্নবা উৎখ্রে

Posted On: 29 AUG 2020 10:37AM by PIB Imphal

প্রধান মন্ত্রী শ্রী নরেন্দ্র মোদীনা জাতিগী শান্না খোৎনবগী নুমিৎতা শান্নরোইশিংদা য়াইফ পাউজেল পীখ্রে। প্রধান মন্ত্রীনা ভারতকী হোকী মশান্নগী মমিং লৈরবা শান্নরোই মেজর ধ্যান চান্দগী মফমদা ইকাই খুম্নবসু উৎখি।

প্রধান মন্ত্রীনা হায়খি, “তোঙান তোঙানবা শান্না খোৎনবগী লমদা ভারতপু শক্তাক্লিবা মশক নায়রবা শান্নরোই পুম্নমক্না চাউনা মায় পাকখিবশিং অদুবু নুংঙাইবা ফোঙদোকপা ওইনা জাতিগী শান্না খোৎনবগী নুমিৎ অসি পাল্লন তৌরি। মখোয়গী লেপ্পা লৈতবা থৌনা লিংজেল অসি থোইদোক হেন্দোক্না শীংথানিংঙাই ওই।

ঙসি জাতিগী শান্না খোৎনবগী নুমিৎ অসিদা ঐখোয়না মেজর ধ্যান চান্দদা ইকাই খুম্নবা উৎলি, মহাক্না হোকী স্তিক পায়দুনা অঙাকপা মওংদা হোৎনরম্বা অদু কাউবা ঙমদনা লৈহৌরগনি।

ঙসি অসি ঐখোয়গী পীথোরক্লবা শান্নরোইশিংনা মায় পাক্লিবা অসিদা মতেং পাংলিবা ইমুং-মনুংশিং, কোচশিং অমসুং স্তাফশিংনা অদুবু থাগৎপা ফোঙদোকপগী নুমিৎ অমনি।

ভারত সরকারনা শান্না খোৎনবা অসি চাউখৎহন্নবা খোঙথাং কয়া লৌখৎলি অমসুং ভারত্তা লৈরিবা পীথোরক্লবা শান্নরোইশিং মতেং পাংলি। মসিগা লোয়ননা ঐহাক্না মীপুম খুদিংদা শান্না খোৎনবা অমসুং হকচাং ফানা থম্নবা শাজেল তৌবা অসি মখোয়গী নোংমগী তঙাই ফদবা শরুক অমা ওইহনিংঙি। মসি তৌবগী কান্নবা কয়া লৈ। মীপুম খুদিং নুংঙাইনা অমদি হকচাং ফনা লৈবা ওইরসনু!”

#NationalSportsDay is a day to celebrate the remarkable achievements of all those exemplary sportspersons who have represented India in various sports and made our nation proud. Their tenacity and determination are outstanding.

— Narendra Modi (@narendramodi) August 29, 2020

*****



(Release ID: 1649446) Visitor Counter : 103