ভারতকী খুজিন থৌরাং চুম্না চঙশিল্লিবা কোবিদ-১৯গী রেসপোন্স অমসুং মেনেজমেন্ত – “তেস্ত ত্রেক ত্রীত” – অসিনা চাং নাইনা অৱাংবা থাক্কী তেস্তিংগী মরুওইবা থৌওংদা মীৎয়েং থমদুনা ঙল্লিঙৈদা খঙদোকহৌবা ঙমহল্লি‍। মতম চানা অনাবা খঙদোকহৌবনা মখোয়বু তোখায়না থমহৌবা নৎত্রগা মতিক চাবা লায়েংগীদমক পোজিতিব কেসশিংবু মতম চানা অনা লায়েংশঙদা পুখৎপদা মতেং ওইরি‍।

অসিগুম্বা থৌওং অসি চত্থদুনা ভারতকী অপুনবা তেস্ত মশীং ঙসি করোর ৩.৯গী ময়া য়ৌরে‍। লৈবাক শিনবা থুংনা হৌখিবা পুং ২৪দা তেস্ত ৯,২৪,৯৯৮ তৌখি‍। মসিনা অপুনবা তেস্ত মশীং ৩,৮৫,৭৬,৫১০ য়ৌহল্লে‍।

অনা লায়েংশঙদগী অমদি হোম আইসোলেসন্দগী (মাইল্দ অমসুং মোদরেত কেসশিংগী) নাবা ফগৎলক্তুনা থাদোকখিবগী মশিং হেনগৎলকপনা ভারতকী অপুনবা কোবিদ-১৯দগী ফগৎলক্লবা মীশিং ঙসি মিল্লিয়ন ২.৫ হেল্লে‍। মীওং ২৫,২৩,৭৭১ নাবা ফগৎলকখিবা অসি কেন্দ্রনা লমজিংবা খুজিল থৌরাং অসি স্তেত/য়ু.তি. লৈঙাকশিংনা মওং চুম্না চৎনহন্দুনা চত্থরকপা থৌওং অসিনা ঙমহনবনি‍। হৌখিবা পুং ২৪দা কোবিদ নারমবা মীওই ৫৬,০১৩ ফখ্রে‍। ভারতকী কোবিদ নারমবা মীশিংগী মরক্তা ফগৎলকপগী চাং অসি চাদা ৭৬.২৪দা লৈরে‍।

ভারত্তা হৌজিক নারিবা মীশিং (এক্তিব মেদিকেল কেয়র মখাদা লৈরিবা মীশিং ৭,২৫,৯৯১)দগী ফগৎখ্রবা মীশিংনা লাখ ১৮গী ময়া (১৭,৯৭,৭৮০) হেল্লে‍। অসুম্না লেপ্তনা মীশিং য়াম্না ফগৎলকপা অসিনা লৈবাকসিগী তশেং তশেংবা কেসলোদ হায়বদি এক্তিব কেস অসি অপুনবা পোজিতিব কেসকী চাদা ২১.৯৩ ওইরি‍।

হকশেল মন্ত্রালয়গী ক্লিনিকেল মেনেজমেন্ত প্রোতোকোলদা পীরিবা স্তেন্দর্দ ওফ কেয়র প্রোতোকোলদা মীৎয়েং থমদুনা, আই.সি.য়ু. অমসুং অনা লায়েংশঙশিংদা নীংথিনা হৈশিংলবা হেন্না ফবা দোক্তরশিং থমবা, হেন্না ফগৎলবা এম্বুলেন্স সর্ভিস, নন-ইনভেজিব ওক্সিজেন অমসুং থিজিল্লিবা লায়েং পথাপশিং শীজিন্নবনা লৈবাকসিগী কেস ফেতেলিতী রেত (সি.এফ.আর.) অসি অসুম অসুম তাথরকপা ঙমহল্লে‍। হৌজিক মসি মখা তানা তাথখিদুনা ঙসিদি চাদা ১.৮৩দা লৈরে‍। স্তেত ১০দি ফগৎলকপগী চাং অসি লৈবাক্কী চাংচত্তগী হেন্না চৎলি‍।

লৈবাক শিনবা থুংনা তেস্ত মশিং হেনগৎলক্লিবা অসি থাক নাইনা তেস্তিং লেব নেতৱর্ক চাউথোকহল্লকপা অসিনা ঙমবন‍ি‍। অপুনবা লেব মশিং লৈঙাক্কী সেক্তরদা লেব ৯৯৩ অমসুং লনাই লেব ৫৫৭ য়াওরগা হৌজিকফাওবদা ১৫৫০ য়ৌরে‍। হায়রিবশিং অসিদা য়াওরিবশিংদি:

• রিএল তাইম আর.তি. পি.সি.আর. বেজ তেস্তিং লেব: ৭৯৫ (লৈঙাক্কী: ৪৬০ + লনাইগী: ৩৩৫)
• ত্রুনেত বেজ তেস্তিং লেব: ৬৩৭ (লৈঙাক্কী: ৪৯৯ + লনাইগী: ১৩৮)
• সি.বি.এন.এ.এ.তি. বেজ তেস্তিং লেব: ১১৮ (লৈঙাক্কী: ৩৪ + লনাইগী: ৮৪)

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ অমদি @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু:  +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

****