PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 25 AUG 2020 7:11PM by PIB Imphal

Coat of arms of India PNG images free download

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • হৌখিবা পুং ২৪দা ৬৬,৫৫০ ফগৎতুনা নোংমদা খ্বাইদগী য়াম্না ফগৎপা ওইখ্রে, অপুনবা ফগৎখিবা অসি লাখ ২৪ হেনখ্রে
  • হৌখিবা নুমিৎ ২৫নি অসিদা ফগৎখিবা কেসশিংদা ১০০% হেন্না হেনগৎখ্রে
  • কেস ফেতেলিতী রেস অসি ঙসি ১.৮৪%দা লৈরে
  • ভারতনা তেস্ত করোর ৩.৭কী ময়া তৌখ্রে; তেস্তিং লেব নেৎৱার্ক ১৫২৪দা হেঙ্গৎলে
  • তেস্ত পর মিলিয়ন (তি.পি.এম.) ২৬,৬৮৫ য়ৌরে
  • পতনাদা দি.আর.দি.ও.গী ফমুং ৫০০ লৈবা কোবিদ হোস্পিতাল শঙ্গাবা

হৌখিবা পুং ২৪দা ৬৬,৫৫০ ফগৎতুনা নোংমদা খ্বাইদগী য়াম্না ফগৎপা ওইখ্রে; ভারতনা অতোপ্পা অমদসু মায় পাকপা ঙমখ্রে: অপুনবা ফগৎখিবা অসি লাখ ২৪ হেনখ্রে, হৌখিবা নুমিৎ ২৫নি অসিদা ফগৎখিবা কেসশিংদা ১০০% হেন্না হেনগৎখ্রে

ভারতনা নোংমদা খ্বাইদগী য়াম্না ফগৎলকপগী রেজিস্তর তৌবা ঙমখ্রে। হৌখিবা পুং ২৪দা কোবিদ-১৯ নাবা মীওই ৬৬,৫৫০ নাবা ফগৎখ্রে অমসুং দিসচার্জ তৌখ্রে। তেস্ত তৌবা কনশিনবা, পাক শন্না ত্রেকিং তৌবা অমসুং মপুং ফানা লায়েংনবগী সরকারগী পোলিসী অসিগী খুদম অমা ওইনা ফগৎখিবগী অপুনবা মশিং অসি লাখ ২৪ লানখ্রে (২৪,০৪,৫৮৫)। মসিগা লোয়ননা ভারতকী কোবিদ-১৯গী অনাবা মীওইশিংগী মরক্তা ফগৎলকপগী চাং অসি ৭৬% য়ৌখ্রে (৭৫.৯২%)। নাবা ফ্গৎলকখিবা মীওইশিংগী মশিংনা এক্তিব কেসশিং (৭,০৪,৩৪৮)তগী লাখ ১৭ হেন্না হেনখ্রে। ঙসি ফাওবদা নাবা ফগৎখ্রবা মীওইশিংনা এক্তিব কেসশিংগী শরুক ৩.৪১ ওইরি। হৌখিবা পুং ২দা ফগৎলকপশিংদা ১০০% হেন্না হেনগৎলক্লি। ফগৎলকপশিং ৱাংখৎলকপগী রেকোর্দ অসিনা লৈবাক অসিগী তশেংবা কেসলোদ হায়বদি এক্তিব কেসশিং অসি হন্থহনবা ঙমখ্রে অমসুং হৌজিক্কী ওইনা পোজিতিব ওইখিবা অপুনবা কেসকী ২২.২৪% খক্তা ওইরি। তপ্না-তপ্না হন্থরক্লিবা কেস ফেতেলিতী রেস অসি ঙসি ১.৮৪%দা লৈরে।

অকুপ্পা ৱারোলগীদমক:

তেস্ত, ত্রেক, ত্রিৎ"কী খোংথাং তুং ইন্নদুনা ভারতনা কোতি ৩.৭কী ময়া য়ৌনা তেস্ত তৌরে; তেস্ত পর মিলিয়ন (তি.পি.এম.) হেনগৎলক্তুনা ২৬,৬৮৫ য়ৌরে

তেস্ত, ত্রেক, ত্রিৎকী খোংথাং মায় পাক্না পায়খৎপনা ভারত্তা অপুনবা ওইনা কোবিদ-১৯ সেম্পল কোতি ৩.৭কী ময়া য়ৌনা তেস্ত তৌখ্রে। নোংমদা তৌবা তেস্তকী চাং হেংগৎনবা হোৎনবগা লোইননা হৌজিক ফাওবদা অপুনবা ওইনা তৌখ্রবা তেস্ত মশীং অসি ৩,৬৮,২৭,৫২০নি। হৌখিবা পুং ২৪ অসিদা তেস্ত ৯,২৫,৩৮৩ তৌখিবগা লোইননা মিল্লিয়ন অমদা তেস্ত তৌবগী মশীং অসি ২৬,৬৮৫ য়ৌরে। পুনেদা লেব অমখক্তং লৈরম্বদগী ভারতকী তেস্ত তৌনবগী লেবকী নেৎৱার্ক অসি ঙসিদি লেব ১৫২৪ লৈবগা লোইননা পাকথোক চাউথোক্লক্লি। সরকারগী লেব ৯৮৬ অমসুং প্রাইবেৎ লেব ৫৩৮ শুরে।

অকুপ্পা ৱারোলগীদমক:

পতনাদা ফমুং ৫০০ লৈবা দি.আর.দি.ও.গী কোবিদ হোস্পিতাল হাংদোকখ্রে

পাতনাদা দিফেন্স রিছর্স এন্দ দিবলপমেন্ত ওর্গনাইজেসন(দি আর দি ও)না লিংখৎপা আই.সি.য়ু ফমুং ১২৫ য়াওবা অপুনবা ফমুং ৫০০ লৈবা কোবিদ হোস্পিতাল অমা ঙসি হোম এফেয়ার্সকী রাজ্য মন্ত্রী নিত্যনন্দ রাইনা শঙ্গাখ্রে। বিহতাদা নৌনা শাবা ই.এস.আই.সি হোস্পিতালদা লৈবা হোস্পিতাল অসি দি.আর.দি.ওনা দিল্লি কন্তোমেন্তদা শাবা ফমুং ১০০০ লৈবা সারদার বাল্লবভাই পতেল হোস্পিতালগা মান্নবা মওংদা শাবনি। হোস্পিতাল অসি শাবদা চঙবা শেনফমশিং প্রধান মন্ত্রীগী সিতিজন এসিস্তেন্স এন্দ রিলিফ ইন ইমর্জেন্সি সিচুএসন্স(পিএম-কিয়ার্স) ত্রস্তনা পুথোকপনি। অসিগুম্বা হোস্পিতাল অমা মুজাফারপুরদা লিংখৎকনি। ফমুং খুদিংদা ওক্সিজেন পীবা, পি.পি.ই কিৎশিং, সেনিতাইজরশিং, সি.সি.তি.ভি সিস্তেম, ফার্মাসি, পেথোলোজি লেব, কেতরিং, লাউন্দরি, এম্বুলেন্স, হোস্পিতাল মেনেজমেন্ত সিস্তেম, এয়র কন্দিসন অমসুং দি.জি সেতশিং শেমগৎলে। হোস্পিতাল অসিগী দরকার ওইবা দোক্তরশিং, নর্সশিং অমসুং মেদিকেল স্তাফশিং দাইরেক্তোরেত জেনেরেল আর্মদ ফোর্সেস মেদিকেল সর্বিসেসনা পীরে।

অকুপ্পা ৱারোলগীদমক:

শিপ্পিং মন্ত্রালয়না ভারতকী হীথাংফমশিং অমসুং চার্তর ফ্লাইৎশিংদা ক্র্যু লাখ ১ হেন্না শিন্দোকপা হৌখ্রে

শিপ্পিং মন্ত্রালয়না ভারতকী হীথাংফমশিং অমসুং চার্তর ফ্লাইৎশিংগী খুত্থাংদা ক্র্যু ১,০০,০০০ হেন্না শিন্দোকপা হৌখ্রে। মসি মালেমদা ক্র্যু মশিং খ্বাইদগী য়াম্না শিন্দোকপা ওইরি। ক্র্যু শিন্দোকপা অসিদা জহাজ অমগী ক্র্যু মেন্বরশিং অতোপ্পা অমনা মহুৎ শিনজিনবা অমসুং জহাজকী সাইন-ওন অমসুং সাইন-ওফকী প্রোসিজরশিং য়াওরি। কোরোনা লায়চৎ অসিনা খ্বাইদগী শোকহল্লিবশিংগী মরক্তা মেরিতাইম সেক্তর অসি অমনি। ফীভম অসিদা ভারতকী হীথাংফম পুম্নমক্না লায়চৎ মনুং অসিদা মথৌ তৌরি অমসুং তঙাই ফদবা সর্ভিসশিং ফংহল্লি অমসুং ভারতকী অমসুং মালেমগী সপ্লাই চেনগী মথৌ ফজনা তৌহল্লিবা মরু ওইবা থৌদাং অসি হীরোয়শিংনা লৌখি। সাইন-ওন অমসুং সাইন-ওফ লেপখিবা অমসুং তোঙান তোঙান লৈবাকশিংনা মালেম পুম্বদা থমখিবা লোকদাউনশিং অমসুং চত্থোক-চৎশিনদা অথিংবা থমখিবা অসিনা মরম ওইরগা হীরোয়শিংনা অৱাবা থেংনখি।

অকুপ্পা ৱারোলগীদমক:

স্ত্রকচরেল রিফোর্ম তৌবসিনা সরকারগী মরু ওইবা মিৎয়েং চংফম্নিঃ শেলথুম মন্ত্রী

ভারতকী ইন্দস্ত্রীগী মকোকশিংদা ৱা ঙাংলদুনা শেল-থুম অমসুং কোর্পোরেৎ এফিয়ার্সকী কেন্দ্র মন্ত্রী শ্রীমতি নিরমলা সিতারামন্না কোবিদ-১৯ হেক শন্দোকপা হৌরকপদগী পায়খৎলক্লিবা খোঙথাংশিং অমসুং লৌখৎলক্লিবা পোলিসীশিং অসিদা উবা ফংলিবা অসিগুম্না স্ত্রকচরেল রিফোর্ম তৌবদা সরকারনা অহেনবা মিৎয়েং চংলি হায়খ্রে। অনৌবা হৌদোকখিবা পোলিসী খুদিংমক্তা স্ত্রকচরগী পোৎলমশিং য়াওরি। মসিগী মতুং ইন্না শেমদোকপশিং অসিনা ঐখোয়না হৌজিক উরিবা শেন্মিৎলোন ফগৎপগী চাং য়াম্না হেনগৎহনবদা অফবা ইথিল পীরিবা অসিনি। সেপ্তেম্বর ২০১৯দা কোর্পোরেৎ তেক্স হন্থখিবদগী কান্নবা ফঙখিবা লন্নাইগী ইনবেস্তমেন্ত খোঙ্কাপকী ওইনদি কোবিদ-১৯গী লায়চৎ হেক হৌখিবদগী শেল থাদবগী থবক পাঙথোকপা ঙমদ্রে হায়খি। শ্রীমতি সিতারামন্না কোবিদকী মতুংদা ওইগদৌরিবা মালেম অসিদদি হায়রিবশিং অসি মহৈ য়ানফম থোকই হায়খি। কোবিদকী মতুংদা ওইরক্কদৌরিবশিং অসিগী থবক পায়খৎপা হৌবগা লোয়ননা মোদেলশিং অসিদা ইনবেস্তমেন্ত হেনগৎহনবগী খুত্থাংদা দেতানা চলায়বা পোত্থোক শাবগী মোদেলশিংদা মিৎয়েং চঙবা থৌওংশিং পাঙথোকফম থোক্লে।

অকুপ্পা ৱারোলগীদমক:

কোবিদ-১৯না মরম ওইদুনা দিমান্দগী চাং হেনগৎলকপদগী বেঙ্গাল কেমিকেল অমসুং ফার্মাস্যুতিকেল লিমিতেদনা ফেনিওল বোত্তল ৫১,৯৬০ নোংমদা পুথোকখ্রে

কেমিকেল অমসুং ফর্তিলাইজর মন্ত্রালয়গী মখাদা লৈবা পব্লিক সেক্তর ইন্তর্প্রাইজ অমা ওইরিবা বেঙ্গাল কেমিকেল অমসুং ফার্মাস্যুতিকেল লিমিতেদ (বি.পি.সি.এল.)না মখোয়গী পুথোকপগী থবক অসি কোবিদ-১৯ লাইচৎ হেক শন্দোক্লকপদগী দিমান্দ হেনগৎলকপনা মরম ওইদুনা হেনগৎখ্রে। মসিনা মতম পুম্বগী ওইনা মমাংদা পুথোকখিদ্রিবা মওংদা ফেনিওল বোত্তল ৫১,৯৬০ নোংমদা পুথোকখ্রে। মসি পুম্নমক বি.সি.পি.এল. পানিহাতি, নোর্থ ২৪-পার্গনাস য়ুনিৎ, নোংচুপ বেঙ্গালনা হোৎনবদগী ফংখিবনি। কেন্দ্রগী কেমিকেল অমসুং ফর্তিলাইজর মন্ত্রী শ্রী দি.ভি. সদানন্দ গৌরানা কম্পেনী অসিগী মেনেজমেন্ত অমসুং শিন্মীশিংবু মতম চুপ্পগী ওইনা চাং ৱাংনা পুথোকপগীদমক থাগৎপা ফোংদোকখি।

অকুপ্পা ৱারোলগীদমক:

লোকদাউন মতুংদা অহানবা হাংদোকপা নুমিৎকী শেম-শারিবশিং হন্না য়েংশিন্নবা য়ুনিয়ন মিনিস্তরনা হোতেল অশোক্তা চৎখ্রে
ওগস্ত ২৪দা দিল্লী দিজাস্তর মেনেজমেন্ত ওথোরিতিনা দিল্লীগী হোতেলশিং হাংদোক্নবগী অয়াবা পীবদগী আই.তি.সি.সিগী হোতেলশিং শেম-শারিবশিং য়েংশিন্নবা, তুরিজম মিনিস্ত্রিগী মখাদা লৈবা, আই.তি.দি.সিনা থবক পাংথোকপা হোতেল অশোক্কী ফিবম তুরিজম অমসুং কলচরগী রাজ্য মন্ত্রী প্রাহলাদ সিংহ পতেলনা য়েংশিনখ্রে। ২০২০গী অগস্ত ২৪দগী লৈবাক্কী কোনুংদা লৈবা ইন্দিয়া তুরিজম দিবলপমেন্ত কোরপোরেসন(আই তি দি সি)গী হোতেলশিং হন্না হাংদোক্লগনি হায়না লাউথোকখিবনি। মীদিয়াদা ৱা ঙাংবদা মিনিস্তরনা হায়খি আই.তি.দি.সিনা মসিগী স্তাফশিংদা কোবিদ-১৯গী হকশেলগী অমসুং অশোই-অঙাম থোকহন্দনা চৎন-পথাপশিংগী মতাংদা অকন্নবা ত্রেনিং পীরে অমসুং দিবিজন খুদিংমক্কী অকুপ্পা এস.ও.পি অমা শেম্লে। কোবিদ-১৯গী ফিবম অশেংবা মতমদা য়েংশিন্নবা অমসুং দরকার ওইরকপা মতমদা থবকশিং পায়খৎনবা এদভাইজরি বোদি অমা শেম্নবা আই.তি.দি.সিনা এ.আই.আই.এম.এসকা এম.ও.য়ু অমা খুৎয়েক পীনরে।

অকুপ্পা ৱারোলগীদমক:

কেন্দ্রগী এজুকেসন মন্ত্রীনা নেস্নেল ইন্সতিত্যুৎ ওফ ওপন স্কুলিং (এন.আই.ও.এস.)গী তোঙান তোঙানবা থবক-থৌরমশিং য়েংশিনখ্রে
কেন্দ্রগী এজুকেসন মন্ত্রী শ্রী রমেশ পোখ্রিয়াল ‘নিশাঙ্ক’না ঙসি নই-দিল্লীদা নেস্নেল ইন্সতিত্যুৎ ওফ ওপন স্কুলিং (এন.আই.ও.এস.)গী তোঙান তোঙানবা থবকশিং য়েংশিনখ্রে। মহাক্না হায়খিবদা এন.আই.ও.এস.কী সিলেবস অসি এন.সি.ই.আর.তি.গা মান্নহন্দুনা মসিগী মহৈরোয়শিংদা সবজেক্ত কয়া অসিগী মতাংদা হেন্না কুপথবা লৌশিং পীনবা হোৎনগদবনি হায়খি। এন.আই.ও.এস.না পীরিবা কোর্সশিং অসি য়েংশিন্দুনা মসিগী মহৈরোয়শিংগী তঙাই ফদবগী মতুং ইন্না অনৌবা কোর্স হাপচিনবগী মতাংদা খন্ননবা এন.আই.ও.এস.কী মীওইশিংদা এজুকেসন মন্ত্রীনা ৱাফম কয়া ফোঙদোকখি। শ্রী নিশাঙ্কনা এন.আই.ও.এস.তা মখোয়গী লাইরিক নম্বা মতমদা মহৈরোয়শিংগী হকশেলদা অকায়বা পীদনবা রিসাইকল তৌরবা চে শিজিন্নদনবা হায়খি। মহাক্না মখা তানা এন.আই.ও.এস.না মসিগী লাইরিকশিং নম্বদা চে অহনবা শিজিন্ননবা হায়খি। মন্ত্রীনা কোবিদ-১৯গী ইরাং মরক্তা এন.আই.ও.এস.না পাঙথোকখিবা থবকশিংগী মরমদসু য়েংশিনখি। এন.আই.ও.এস.না হৌজিক মখোয়গী মহৈরোয়শিংগীদমক্তা চেনেল মরি চলাইরি অমসুং মসিগী মনুংদা অনি অমনা সেকন্দরী অমসুং অতোপ্পা অনি অমনা হাইয়র সেকন্দরীগী থাক্কীদমক্তা থম্লি হায়না মন্ত্রীদা পাউদমখি। কোবিদ-১৯গী ইরাংগী মমাংদা নোঙমদা পুং অনি খক্তগী অনৌবা কন্তেন্ত য়াওবা ক্লাস পীরম্বা অদু হৌজিক্তি চয়োল লোইবা য়াওনা নোঙমদা পুং ৬কী অনৌবা কন্তেন্ত য়াওবা ক্লাসশিংমখোয়গী মহৈরোয়শিংদা পীরি হায়না এন.আই.ও.এস.কী ওফিসিএলশিংনা মন্ত্রীদা পাউদমখি। মখোয়না মখা তানা হায়খিবদা প্রধান মন্ত্রী ই.-বিদ্যা প্রোগ্রামগী মখাদা মসিগী ক্লাসশিং অসিগী ভিদিওসু দিকশা প্লেৎফোর্মদা ফংহল্লি হায়না পাউদমখি। মথংগী মতম খরা অসিদা সেকন্দরী অমসুং হাইয়র সেকন্দরী থাক্তা অনৌবা কোর্স ৬ হাপচিন্নবা থৌরাং তৌরী হায়না এন.আই.ও.এস.কী ওফিসিলেশিংনা পাউদমখি।

অকুপ্পা ৱারোলগীদমক:

 

পি.আই.বি. ফিল্দ ওফিসশিংদগী ফংবা পাউ

  • চান্দিগর: য়ু.তি. চান্দিগরগী এদমিনিস্ত্রেতরনা হকশেল মন্ত্রালয়গা তানরবা মতুংদা অরোইবা ওইনা অমসুং ৱারেপ লৌরবা মতমদা সেরোলোজী তেস্তিংগীদমক্তা শিজিন্ননবা মোবাইল তীমশিং থৌরাং তৌদুনা থম্নবা দাইরেক্তর হেল্থ সার্বিসসেসতা তাক্লকখ্রে।
  • পঞ্জাব: পঞ্জাব সরকারনা অসীম্তোমেতিক/মাইলদ সীম্তোমেতিক পেসেন্তশিং অমসুং চহি ৬০গী মথক্তা লৈবা নত্রগা কো-মোর্বিদিতীশিং লৈবা পেসেন্তশিং অমসুং মীরোল্লবী নুপীশিংগী আইসোলেশন হোমগীদমক্তা মেদিকেল ফিতনেসকা মরী লৈননা অনৌবা গাইদলাইনশিং থোকখ্রে।
  • হরিয়ানা: হরিয়ানাগী হকশেল মন্ত্রী, শ্রী অনিল ভিজনা ভীদিও কনফরেন্সিংগী খুত্থাংদা কোবিদ-১৯গী তেস্তিং তৌনবগীদমক্তা সিরসা অমসুং রেৱারিদা আর.তি.-পি.সি.আর. তেস্তিং লেবোরেতরী অনি শঙ্গাখ্রে। মসিনা রাজ্য অসিদা লেবোরেতরীশিংগী মশিং অসি ২৩ য়ৌহনখ্রে। তেস্তিং লেবোরেতরিশিংগী অকুপ্পা মরোলশিং অদু খঙহল্লদুনা এদিশনেল চীফ সেক্রেতরী হেল্থনা বেসিকশিংদা খুদম ওইনা ত্রেসিং, ত্রেকিং, তেস্তিং অমসুং ত্রীতমেন্ততা সরকারনা মরু ওইবা মিৎয়েং থম্লি হায়না হায়খি।
  • কেরলা: কেরলা হাই কোর্তনা রাজ্য সরকারদা পুলিসনা খোমগৎলকপা কোবিদ-১৯ পেসেন্তশিংগী কোল রেকোর্দকী অখুপ্পা মরোলশিং অদু অতোপ্পা মরমগীদমক্তা শিজিন্নদনবা খঙহল্লকখ্রে। মরক অসিদা ঙসি নুমিৎ য়ুংবা ফাওবদা রাজ্য অসিদা কোবিদ-১৯না মরম ওইরগা অহুম অমুক শিখিবগী পাও লৈখি, মসিনা শিবগী মশিং অসি ২৩৭ য়ৌহনখ্রে। নুংতিগী থোক্লিবা কোবিদকী মশিং অসি ঙরাং খরা হন্থদুনা কেস ১২৪২ থেংনখি। পেসেন্ত ২০,৩২৩ হৌজিক লাইয়েংদুনা লৈরি অমসুং জিলা কয়া অমদা মীওই ১,৮৩,৪৪৮ ওবজার্ভেশন্দা লৈরি।
  • তামিল নাদু: পুদুচেরীদা হৌজিক ফাওবদা কোবিদ-১৯ পোজিতিব কেস খ্বাইদগী য়াম্না হেনগৎলক্তুনা লৈবাকপোকপদা অয়ুক্কী পুং ১০ ফাওবদা পুং ২৪দা লৈখিবা ইনফেক্সন্না মরম ওইরগা মীওই ৫৭১ পোজিতিব ওইবা থেংনখি, মসিনা এক্তিব কেসশিংগী অপুনবা মশিং অসি ৩,৯৬৭ য়ৌহনখ্রে; পেসেন্ত ৫ অমুক শিখিদুনা য়ু.তি. অসিদা শিবগী মশিং অসি ১৬৪ য়ৌহনখ্রে। তি.এন.দা নিংথৌকাবা নুমিত্তা কোবিদ-১৯গী কেস ৫,৯৬৭ অমসুং ৯৭ শিখিবগী পাউ লৈখি। চেন্নাইনা অনৌবা কেস ১,২৭৮ থেংনখি অদুগা অতোপ্পা জিলা মরিদা ৩০০গী মথক্তা ইনফেক্সন তৌবগী পাউ লৈখি। 
  • কর্নাতকা: কর্নাতকাদা চৎলিবা ইন্তর-স্তেত য়াত্রিশিংনা হৌজিক্তি নুমিৎ ১৪গী হোম ক্বারন্তিন তৌবগী মথৌ তাখ্রে। রাজ্য সরকারনা নিংথৌকাবা নুমিত্তা রিভাইজ তৌরবা সার্ক্যুলর অমা থোকখ্রে, মসিগী মতুং ইন্না স্তেত বোর্দরশিং, বস স্তেশন অমসুং এয়রপোর্তশিংদা মেদিকেল চেক-অপ তৌররোই। লাইচৎ অসিনা মরম ওইরগা মার্চ ২৪দগী লোন্দুনা লৈরকপা বেঙ্গলোর সিতীদা লৈবা কে.আর. মার্কেত অদু সেপ্তেম্বর ১দগী হাংদোকপা য়ানা লৈ। রাজ্য সরকারনা স্পোর্তস কমপ্লেক্স অমসুং স্তেদিয়মশিং অমসুং সোসিয়েল ক্লবশিংনা গাইদলাইনশিংগী মতুং ইন্দুনা হাংবগী অয়াবা পীখ্রে অদুবু বারশিং, থিয়েতরশিং, পব্লিক মীতিং অমসুং অতোপ্পা মখলগী মীয়াম তিবদা অথিংবা অদুমক মখাতানা থম্লি।
  • অন্ধ্র প্রদেশ: কর্নুল জিলানা প্লাস্মা কোলেক্সন তৌবগী দ্রাইবতা ময়ামদগী ইহেন হেনখি। কর্নুল ওথোরিতীশিংনা অমুক্তা প্লাস্মা সেমপল ৬০ খোমগৎপা মতমদা, লৈহৌরিবা অতোপ্পা জিলা ১২দা পুন্না ২০দগি তানা খোমখি। ৱিসাখাপতনমদা কোবিদ-১৯দগী ফখিবগী মশিং অসি ২৫,০০০ হেনখ্রে। রাজ্য অসিদা ঙরাং অনৌবা কেস ৮৬০১ থেংনখি, ৮৭৪১ দিসচার্জ তৌখি অমসুং ৮৬ শিখিবগী পাউ লৈখি। ঙরাং ফাওবদা রাজ্য অসিদা লৈখিবা কোবিদ কেসশিংগী অপুনবা  মশিং: ৩,৬১,৭১২; এক্তিব কেসশিং: ৮৯,৫১৬; দিসচার্জ তৌখিবশিং: ২,৬৮,৮২৮; শিখিবশিং: ৩৩৬৮।
  • তেলঙ্গানা: রাজ্য অসিদা হৌখিবা পুং ২৪গী মনুংদা অনৌবা কেস ২৫৭৯ লৈখি, ১৭৫২ ফকি অমসুং ০৯ শিখিবগী পাউ লৈখি; কেস ২৫৭৯গী মনুংদা কেস ২৯৫তি জি.ঐচ.এম.সি.দগী ওইখি। অপুনবা কেসশিং: ১,০৮,৬৭০; এক্তিব কেসশিং: ২৩,৭৩৭; শিখিবশিং: ৭৭০; দিসচার্জ তৌখিবশিং: ৮৪,১৬৩। হোজিক ফাওবদা রাজ্য অসিদা পুন্না স্বাব সেমপল ১০,২১,০৫৪ তেস্ত তৌখি। স্তেত হেল্থ বুলেতিনগী মতুং ইন্না নিংথৌকাবগী নুংদাংদগী সরকারগী হোসপিতালশিং অমসুং লনাইগী তিচিং ওসপিতালশিংদা পুন্না কোবিদ-১৯ পেসেন্তশিংগীদমক্তা অহাংবা বেদ ১৮,০১৬ লৈরি।
  • অসাম: অসামনা কোবিদ-১৯ তেস্ত লাখ ২০ মপুং ফান তৌখ্রে হায়না অসামগী হকশেলগী মন্ত্রী শ্রী হিমন্তা বিস্বা সর্মানা ত্বীত তৌরকখি।
  • মনিপুর: মনিপুরদামীওই ১১৬ অমুক কোবিদ-১৯ পোজিতিব ওইখি অমসুং মীওই ৯৭ ফখি। রাজ্য অসিদা পুন্না এক্তিব কেস ১৬২৭ লৈরি অমসুং ফগৎলকপগী চাং অসি ৬৯% নি।
  • মেঘালয়া: মঘালয়াদা কোবিদ-১৯গী এক্তিব কেস পুন্না ১১৭৯ লৈরি। মসিগী মনুংদা ৪৫৯দি বি.এস.এফ. অমসুং আর্মদ ফোর্সেসতগীনি। রাজ্য অসিদা হৌজিক ফাওবদা কেস ৭৮৯ ফখ্রে।
  • মিজোরাম: মিজোরামদা ঙসি কোবিদ-১৯ পেসেন্ত অহুম ফদুনা দিসচার্জ তৌখ্রে। রাজ্য অসিদা লৈরিবা অপুনবা কেস অসি ৯৫৩নি, মসিগী মনুংদা ৪৮৯দি এক্তিব কেসশিংনি।
  • নাগালেন্দ: নাগালেন্দদা কোবিদ-১৯দগী ফগৎলকপগী চাং অসি ৬৪.৫১% য়ৌখ্রে। নাগালেন্দগী মকোকচুংদা লৈবা নাথান হোস্তেল ক্বারন্তিন সেন্তর অসি ওগস্ত ২৩দা  সেক্যুরিতী পার্সোনেল অমা পোজিতিব ওইখিবদগী কন্তেনমেন্ত জোন ওইনা লাউথোকখ্রে।
  • মহারাস্ত্র: এন.ই.ই.তি./জে.ই.ই. একজামশিং য়ৈথোকখিবগী ৱাকৎ অসি নোংমা-নোংমগী অদুমক হেনগৎলক্লি। মহারাস্ত্রগী মন্ত্রী, আদিত্যা থাকরেনা মথং থাদা এন.ই.ই.তি./জে.ই.ই. একজামইনেশন্না পাংথোক্নবা সেন্তরগী ৱারেপ অদু খন্থনবা পি.এম.দা চিথি অমা ইখ্রে।
  • গুজরাত: এহমদাবারেলৱে দিভিজন্না এহমদাবাদ রেলৱে স্তেশনদা বেগেজ সেনিতাইজেশন অমসুং রাপ্পিং মেছিন মাইপাক্না হৌদোকখ্রে। হায়রিবা অসি ভারতকী রেলৱেজগী ওইনদি অসিগুম্বা মখলগী অহানবনি। অনলোক-১গী মতুংদা লৈরিবা ত্রান্সপোর্ত অমসুং ত্রাভেল সার্বিসকী লৈরিবা খোংজেল অসি য়েংলগা দিভিজন অসিনা কোবিদ লাইচৎ অসিগী মনুংদা অসোই-অঙাম য়াওদবা খোংচৎ লৈহন্নবগীদমক্তা বেগেজ সেনিতাইজেশন অমসুং রাপ্পিং মেছিন অসিগী মতাংদা পুথোরকখিবনি। রাজ্য অসিদা ফগৎলকপগী চাং অসি চাদা ৮০নি।
  • মধ্য প্রদেশ: এম.পি.দা নুমিৎ মঙানি থংনা-থংননা কেস য়াম্না ৱাংনা থেংনখি। নিংথৌকাবা নুমিত্তা অনৌবা কোবিদ কেস ১,২৯২ থেংনখিবগা লোইননা মধ্য প্রদেশতা নুমিৎ মঙানি শুবা ওইনা থংননা কেস য়াম্না ৱাংনা লৈখি। মধ্য প্রদেশতা থেংনখিবা কেস ৫৪,০০০ মথক অসিদা ৪০%দি ওগস্ত খক্তদগীনি। এক্তিব কেসশিংগী মশিং অসি ১০,০৬৮ শুখ্রে। অদুবু মিলিয়ন অমদা চাউরাক্না তেস্ত ১৪,০০০ তৌদুনা এম.পি.গী তেস্ত তৌবগী চাং অসি উত্তর প্রদেশ, বিহার অমসুং ৱেস্ত বেঙ্গালদগী ফাওবা নেম্না লৈরি।
  • ছত্তিসগর: ছত্তিসগর লেজিস্লেতিব এসেম্বলী মোনসুন সেশন, কোবিদ-১৯গী শন্দোরকপা থিংনবা হাউস্তা অনৌবা সীতিং এরেঞ্জমেন্তশিং অমসুং চেকশিন-থৌরাংশিং তৌদুনা ঙসি হৌদোকখ্রে। এসেম্বলীগী মেম্বরশিংগী সীতিং এরেঞ্জমেন্তশিং অদু কোবিদ-১৯ সেফতী প্রোতোকোলশিং ঙাক্না চৎনবা শেমদোকখি। হাউসকী প্রোসীদিংশিংদা শরুক য়াবা মতমদা লোমেকর অনিগী মরক্তা কনতেক্ত হন্থহন্নবা এম.এল.এ.শিংগী সীতশিং অদু তোঙান্না থম্নবা গ্লাস পার্তিশনশিং হাপখি।

ফেক্ত চেক

*****



(Release ID: 1648618) Visitor Counter : 4