PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
24 AUG 2020 6:38PM by PIB Imphal
![Coat of arms of India PNG images free download](https://static.pib.gov.in/WriteReadData/userfiles/image/image002I776.png)
![](https://static.pib.gov.in/WriteReadData/userfiles/image/image001JJSQ.jpg)
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- অনাবা ফখিবা অপুনবা লাখ ২৩ হেনখ্রে, অনাবা ফখিবা এক্তিব কেস্তগী লাখ ১৬ হেন্না লৈরি
- কোভিদ-১৯ অনাবশিংগী মরক্তা ভারতকী ফগৎলকপগী চাং অসি ৭৫% হেনখ্রে
- এক্তিব মেদিকেল কেয়রগী মখাদা লৈরিবা এক্তিব কেস ৭,১০,৭৭১ লৈরি
- ভারতনা অপুনবা তেস্ত করোর ৩.৬ রোম পাংথোক্লে
- তেস্ত পর মিল্লিয়ন(তি পি এম)নৌনা ৱাংখৎলক্তুনা ২৬,০১৬ য়ৌরে
- অনলোক-৩ মনুংদা মী চৎথোক-চৎশিন তৌবা, পোৎ-চৈ পুবা অমসুং থবক-ইনখাং শুবদা অপনবা পীদনবা হোম এফেয়ার্স মিনিস্ত্রিনা রাজ্যশিংদা খঙহনখ্রে
- মোতোর ভেহিকল দোক্যুমেন্তশিংগী ভেলিদিতী চহি অসিগী দিসেম্বর ফাওবা শাংদোকখ্রে
![](https://static.pib.gov.in/WriteReadData/userfiles/image/image005441A.jpg)
![](https://static.pib.gov.in/WriteReadData/userfiles/image/image006MSQI.jpg)
খুমাং চাউশিল্লকপা অমদা, ভারতনা অপুনবা তেস্ত করোর ৩.৬ রোম পাংথোক্লে; তেস্ত পর মিল্লিয়ন(তি পি এম)নৌনা ৱাংখৎলক্তুনা ২৬,০১৬ য়ৌরে
ভারতনা কোবিদ-১৯ থেংনবগী মরুওইবা থবক্তি পোজিতিপ কেসশিং মতম চানা খঙদোকপা অমসুং অকনবা তেস্ত তৌবগী থবকশিং পাংথোকপনি।নিংথিনা মশক খঙদোকপা অমসুং নাইতোম লৈহনদুনা ফজনা লায়েংবদগী অনাবা ফবা মীওই মশিং হেনগৎলক্লে অমসুং কোবিদ-১৯না মরম ওইদুনা শিবগী চাং হন্থরক্লে। হৌজিক ফাওবদা ভারতনা তেস্ত ৩,৫৯,০২,১৩৭ পাংথোকখ্রে। হৌখিবা পুং ২৪দা তেস্ত ৬,০৯,৯১৭ পাংথোকখি অমসুং ভারতনা তেস্ত তৌবা মশিং হেনগৎহন্নবা ৱারেপ লৌখিবা অদু থবক ওইনা পাংথোক্লি। লৈবাক শীনবা থুংনা লৈরিবা দাইগনোস্তিক লেবশিংদা য়াম্না লাইনা তেস্ত তৌবা য়ারকপদগী হৌজিক লৈরিবা মশিং অসিদা হেনগৎলকপনি। পান্দম অমগী মখাদা পায়খৎলিবা থবকশিংগী মহৈ ওইনা, তেস্ত পর মিল্লিয়ন(তি পি এম) নৌনা ৱাংখৎলক্তুনা ২৬,০১৬ য়ৌরে। তি.পি.এম মখা তানা লেপ্তনা হেনগৎলক্লি। কোবিদ-১৯গী মতাংদা মীয়ামগী হকশেলগী অমসুং খুন্নাই থবকশিং পায়খৎনবগী মতাংদা ৱাল্ড হেল্থ ওর্গনাইজেসন্না পীবা পাউতাক্কী মতুংইন্না, ভারতনা নোংমদা পাংথোকপা তেস্ত পর মিল্লিয়ন হেনগৎলকপনি। চিংনবা কোবিদ-১৯ কেসশিং থিজিন্নবা থৌরাং অমা ওইনা লৈবাক অমনা অপুনবা মীশিং মিল্লিয়ন অমদা নোংমদা তেস্ত ১৪০ পাংথোকপা দরকার ওই হায়না ৱাল্ড হেল্থ ওর্গনাইজেসন্না পাউতাক পীখি। অকনবা ৱারেপ লৌদুনা থবক পায়খৎলকপদগী লৈবাক শীনবা থুংনা তেস্ত তৌনবা লেব মশিং হেনগৎলকপনি। ঙসি হৌজিক লৈবাক অসিদা সরকারগী ৯৮৪ অমসুং লনাইগী ৫৩৬ য়াওনা পুন্না লেব ১৫২০ লৈরে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1648153
ইন্দিয়াগী অনাবা ফখিবা অপুনবা লাখ ২৩ হেনখ্রে, অনাবা ফখিবা এক্তিব কেস্তগী লাখ ১৬ হেন্না লৈরি
অনাবা মশিং অসুম হেনগৎলকপনা অমসুং ময়ুমদা হনখিবা অমদি য়ুমদা নাইতোম থম্বা (য়াম্না কন্না নাদবশিংগী) ইন্দিয়াগী ওইনা ঙসি কোভিদ-১৯দগী ফখিবসি লাখ ২৩ হেনখ্রে। অনাবা মশিং ২৩,৩৮,০৩৫ ফহনখিবা অসি মতাং চানা তেস্তিং নম্ফুদা তৌবা, মিয়েং অমগী মখাদা ত্রেকিং তৌবা অমসুং মওং চানা ত্রিতিং তৌবা অসিননি। মওং চাবা চেকশিন থৌরাংদা পান্দম থম্দুনা নন-ইনভেসিব ওইবা ওক্সিজেন শিজিন্নবা, আই.সি.য়ু. অমসুং হোস্পিতালদা দোক্তরশিংগী হৈ-শিংবা, এম্বুলেন্সতা পীরিবা মথৌশিং অসিনা অনাবা ফগৎলকপদা অমসুং কোভিদকী অনাবশিং ফগৎপদা মতেং ওইরি। য়ুম্দা নাইতোম লৈরিবা অমদি হিদাক্না লায়েংলিবশিং অসিশু য়াম্না থুনা ফদৎপা হেনগৎলক্লি। পুং ২৪ মনুংদা অনাবা ফবা হেনগৎলকপা ৫৭,৪৬৯ য়ৌখিবনা, থা খর অসিদা ইন্দিয়াগী ওইনা কোভিদ-১৯গী অনাবা অসি ৭৫% (৭৫.২৭%) য়ৌদুনা অনাব মশিং হেনগৎলক্লি। ইন্দিয়ানা এক্তিব কেস (৭,১০,৭৭১ এক্তিব হিদাক পীদুনা লৈরিবা) অনাবা ফগৎলকপা লাখ ১৬ (১৬,২৭,২৬৪) হেদন্দুনা লৈরি। হৌজিক ওইরিবা ফগৎলকপা অসিগী রেকোর্দ অসিনা লৈবাক অসিদা এক্তিব কেস মশিং হন্থদুনা ২২.৮৮%দা লৈরি। আই.সি.য়ু.দা লৈরিবা অনাবশিং অসিসু শিবদী চাং হন্থদুনা অনাবগী চাং হন্থরি। ঙসিগী ওইনা ১.৮৫% হন্থরি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1648145
দা. হর্শ বর্ধন্না গাজিয়াবাদকী এন.দি.আর.এফ.কী ৮শুবা বত্তালিয়ন সেন্তরদা ফমুং ১০গী হোসপিতাল অমা শঙ্গাখ্রে
এস.তি., ই.এস. অমসুং এফ.দব্লয়ু.গী মন্ত্রী দা. হর্শ বর্ধন্না গাজিয়াবাদকী এন.দি.আর.এফ.কী ৮শুবা বত্তালিয়ন সেন্তরদা অনৌবা, মতম কুইনা চৎপা, পুথোক-পুশিন য়াবা, য়াম্না থুনা শেমগৎপা ঙম্বা, শোক্নিংঙাই ওইদবা অমসুং তোঙান-তোঙানবা অইং-অশাদা চান্নবা ফমুং ১০গী মতম খরগী ওইবা হোসপিতাল অমা শঙ্গাখ্রে। মতম খরগী ওইবা হোসপিতাল অসি সি.এস.আই.আর.দা লৈবা লেবোরেতরী সি.এস.আই.আর.-সেন্ত্রেল বিল্দিং রিসর্চ ইন্সতিত্যুত রুরকীনা এন.দি.আর.এফ. অসি উত্তুনা তাক্নবগা লোয়ন-লোয়ননা সিজিন্ননবগীদমক্তা হোম এফেয়র্স মন্ত্রালয়গী নেস্নেল দিজাস্তর রেসপোন্স ফোর্স (এন.দি.আর.এফ.)কা খুৎশম্নরগা শেমগৎখিবনি। মসিনা অমাং-অতাশিং অমুক ফগৎহন্নবগী থাক্কী ওইনা অমসুং মতম শাংলবা লায়চৎ নত্রগা তঙাই ফদবা অথুবগী মওং লাকপগীদমক্তা থৌগল তৌবদা শিজিন্নগনি। মতম খরগী ওইনা শেমগৎখিবা হোসপিতাল অসি নুংঙাইনা হিংনবগী এনভাইরোন্মেন্ত অমসুং তুং-কোইনা চহি ২০ ফাওবা চৎকদবা অমদা অশোক-অপন অমসুং শোই-ঙামদবা প্রাইমরী হেল্থকেয়রকী খুদোংচাবশিং পীননবা দিজাইন শেমখিবনি হায়না থৌরম অদুদা ৱা ঙাংলদুনা দা. হর্শ বর্ধন্না হায়খি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1647964
অনলোক-৩ মনুংদা মী চৎথোক-চৎশিন তৌবা, পোৎ-চৈ পুবা অমসুং থবক-ইনখাং শুবদা অপনবা পীদনবা হোম এফেয়ার্স মিনিস্ত্রিনা রাজ্যশিংদা খঙহনখ্রে
হৌজিক চৎরিবা অনলোক-৩ মনুংদা রাজ্যশিংগী মরক্তা অমসুং রাজ্য মনুংদা চৎথোক-চৎশিন তৌবা, পোৎ-চৈ পুবা অমসুং থবক-ইনখাং শুবদা অপনবা পীদনবা হোম এফেয়ার্স মিনিস্ত্রিনা রাজ্যশিংদা খঙহনখ্রে। ঙসি রাজ্যশিংগী চীফ সেক্রেতরিশিংদা পীবা চেরোল অমদা হোম এফেয়ার্স মিনিস্ত্রিনা হায়খি তোঙান-তোঙানবা জিলাশিং/রাজ্যশিংনা মফম মফমগী ওইনা চৎথোক-চৎশিনদা অথিংবা থম্লে হায়বগী পাউ ফংলে। অসিগুম্বা অথিংবশিং অসিনা রাজ্যশিংগী মরক্তা পোৎ-চৈশিং পুথোক-পুনশিন তৌবা অমসুং শেন-থুমগী থবকশিংদা অকাইবা থোকহল্লে। হোম এফেয়ার্স মিনিস্ত্রিনা হায়খি দিস্ত্রিক্ত এদমিনিস্ত্রেসন নৎত্রগা রাজ্য সরকারশিংনা মফম মফমদা অথিংবা থম্লবদি, দি.এম.এ, ২০০৫গী মখাদা হোম এফেয়ার্স মিনিস্ত্রিনা পীবা চৎন-কাংলোনশিং থুগাইবনি। অনলোক-৩গীদমক ২০২০গী জুলাই ২৯দা হোম এফেয়ার্স মিনিস্ত্রিনা থোকখিবা ওর্দরগী মতুংইন্না, রাজ্যশিংগী মরক্তা অমসুং রাজ্য মনুংদা চৎথোক-চৎশিন তৌবা, পোৎ-চৈ পুবা অমসুং থবক-ইনখাং শুবদা অপনবা পীবা য়াদে হায়রি। হায়রিবা থবকশিং অসিগীদমক তোখাইবা অয়াবা লৌবা/ই-পর্মিত লৌবা দরকার ওইদে। পীরিবা অয়াবশিং অসিগী মনুংদা য়ুম্লোন্নরিবা লৈবাকশিংগা কংফালগী ঙমখৈদা মী চৎথোক-চৎশিন তৌবা অমসুং পোৎ-চৈ পুথোক পুশিন তৌবগী অয়াবা পীরি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1647890
মোতোর ভেহিকল দোক্যুমেন্তশিংগী ভেলিদিতী চহি অসিগী দিসেম্বর ফাওবা শাংদোকখ্রে
রোদ ত্রান্সপোর্ত অমসুং হাইৱে মন্ত্রালয়না মোতোর ভেহিকল এক্ত, ১৯৮৮ অমসুং সেন্ত্রেল মোতোর ভেহিকল রুলস, ১৯৮৯গী মখাদা লৈবা ফিৎনেস, পর্মিৎ, লাইসেন্স, রেজিস্ত্রেসন নত্ত্রগা অতোপ্পা চে-চাং পুম্নমক দিসেম্বর ৩০, ২০২০ ফাওবদা শাংদোকখ্রে। মন্ত্রালয় অসিনা মমাংদসু মোতোর ভেহিকল এক্ত, ১৯৮৮ অমসুং সেন্ত্রেল মোতোর ভেহিকল রুলস ১৯৮৯গা মরী লৈনবা চে-চাংশিংগী মতম শাংদোকপগী মতাংদা চহীসিগী মার্চ ৩০ অমসুং জুন ৯দা এদভাইজরী থোকখ্রবনি। ফিৎনেস, পর্মিৎ (মখল খুদিংগী), লাইসেন্স, রেজিস্ত্রেসন নত্ত্রগা অতোপ্পা মরী লৈনবা চে চাং পুম্নমক সেপ্তেম্বর ৩০, ২০২০ ফাওবা চৎনরি হায়না লৌগনি হায়খিবনি। লৈবাক অসিদা কোবিদ- ১৯ শন্দোক্নবা থিংনবা হোৎনবদা অথিংবা কয়া লৈবনা খুদোংচাদবগী ফিবম হন্থবা লৈতবসিদা ফেব ১, ২০২০দা এক্সপাইয়র্দ ওইরবা অমসুং দিসেম্বর ১, ২০২০দা লোইরগদবা লোকদাউন্না শাংদোকপগী ফিবম চারোইদবা দোক্যুমেন্তশিং অসি দিসেম্বর ৩১, ২০২০ ফাওবা চৎনবা য়াগনি। হায়রিবা দোক্যুমেন্তশিং অসি দিসেম্বর ৩১ ফাওবদা চৎনরি হায়না লৌনবা ইনফোর্স্মেন্ত ওথোরিতীশিংদা খঙহনখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1648182
ইনফোর্মেসন অমসুং ব্রোদকাস্তিং মন্ত্রালয়না মীদিয়া প্রদক্সনগী এস.ও.পি. ফোঙখ্রে
মীদিয়া প্রদক্সন অসি লৈবাক্কী জি.দি.পি. চাউনা শরুক য়াবা অচৌবা শেন্মিৎলোনগী থৌওং অমনি। হৌজিক ওইরিবা কোবিদ-১৯গী লায়চৎ অসি য়েংলদুনা মীদিয়া প্রদক্সনগী স্তেকহোলদরশিংনা মখোয়গী মখোয়গী থবক থৌরমশিং মখা তানা চত্থবদা লায়চৎ অসিবু শন্দোকপা থিংনবা চেকশিন থৌরাং খুদিংমক লৌখৎপা অসি য়াম্না মরু ওইবনি। ইনফোর্মেসন অমসুং ব্রোদকাস্তিং মন্ত্রালয়না হকশেল অমসুং য়াইফ য়ুম্বাল মন্ত্রালয়গা খুৎশম্নদুনা মীদিয়া প্রদক্সনশিংনা লায়চৎ অসি শন্দোকপা থিংনবা গাইদিং প্রিন্সিপাল অমসুং স্তেন্দর্দ ওপরেতিং প্রোসিজর (এস.ও.পি.) অমা শেম শাদুনা কেন্দ্রগী ইনফোর্মেসন অমসুং ব্রোদকাস্তিং মন্ত্রী শ্রী প্রকাশ জাবাদেকরনা ঙসি নই-দিল্লীদা ফোঙখ্রে। হকশেল অমসুং য়াইফ য়ুম্বাল মন্ত্রালয়না পীখিবা গাইদিং প্রিন্সিপাল অসিদা য়াওরিবা হীরমশিং অদুদা কোবিদ-১৯গী কন্তেনমেন্ত জোন মনুংদা অথিংবা থম্বা খুদিংমক ইনবা, হাই-রিস্ক ওইবা থবক তৌবা মীওইশিংনা অহেনবা চেকশিন থৌরাং লৌগদবনি, ফেস-কবর অমসুং ফেস-মাস্ক শিজিন্নবা, খুৎ তোয়না হাম্বা, হেন্দ সেনিতাইজর মতিক চানা লৈহনবা অমসুং মীদিয়া প্রদক্সনগা মরু ওইনা মরী লৈনবা নিংশা হোনবগী থৌওংশিং ঙাকপা য়াওরি। গাইদলাইন অসি ফোঙবা মতমদা শ্রী প্রকাশ জবাদেকরনা অসুম্না হায়খি, “এস.ও.পি. অসিনা মালেমগী কাঙলোন ইল্লি। কোরোনাভাইরসনা থা তরুক্কী ময়াদা শোকহল্লবা ইন্দস্ত্রী অসিনা অমুক হন্না মথৌ তৌবা ঙমহনবদা তেংবাংগনি অমসুং মন্ত্রালয়গী খোঙথাং অসি মীয়াম্না পাম্নগনি”। শ্রী জবাদেকরনা হায়খিবদা ফিলম অমসুং তেলিবিজন শেক্তরনা মশিং য়াম্লবা মীয়ামদা থবক পীবগী মরম অসিনা খোঙথাং অসিনা শেন্মিৎলোন ফগৎহন্নবা শাফু পীবদা পান্দম থম্লিবা অসিগী মতাংদসু পনখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1648011
২০২০গী ওগস্ত ২৩দা রিলিজ তৌখিবা মীদিয়াদা প্রদক্সনগী এস.ও.পি.দা শেংদোকপা
মসিনা হায়রি মদুদি ইনফোর্মেসন অমসুং ব্রোদকাস্তিং মিনিস্ত্রীনা ২০২০গী ওগস্ত ২৩গী মীদিয়াদা পুথোকখিবা ‘গাইদিং প্রিন্সিপল এন্দ এস.ও.পি. ওন প্রেভেন্তিব মিজর্স ফোর মীদিয়া প্রদক্সন তু কন্তেন স্প্রেদ ওফ কোভিদ-১৯’ অসি ফিল্ম নম্বা, তেলেভিজনগী পুথোকপা, ৱেবকী পরিং অমসুং ইলোক্ত্রোনিক অমসুং ফিল্মগী ওইবদা শিজিন্নবা য়াগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1648211
শ্রী পিয়ুশ গোয়লনা দেদিকেতেদ ফ্রাইৎ কোরিদোর কোর্পোরেসন ইন্দিয়া লিমিতেদকী থবক থৌরমশিং য়েংশিনখ্রে
রেলৱেজ অমসুং কম্মর্স অমদি ইন্দস্ত্রীগী মন্ত্রী শ্রী পিয়ুশ গোয়লনা দেদিকেতেদ ফ্রাইৎ কোরিদোর কোর্পোরেসন ইন্দিয়া লিমিতেদ (দি.এফ.সি.সি.আই.এল.)গী থবক থৌরমশিং ঙসি য়েংশিনখ্রে। মীফম অসিদা, মকোক থংবা ওফিসরশিংনা প্রোজেক্ত অসিগী হৌজিক ওইরিবা ফীভমগী মতাংদা খঙহনখি। উত্তর প্রদেশকী দাদ্রিদগী মুম্বাইগী জৱাহর্লাল নেহরু পোর্ত (জে.এন.পি.তি.) চাওনহল্লিবা ৱেস্তর্ন কোরিদোর অমসুং লুধিয়ানা (পঞ্জাব)কী মনাক্তা লৈবা সহনেৱালদগী হৌরগা ৱেস্ত বেঙ্গলগী দানকুনিগী তের্মিনেৎ ফাওবা চেনগদৌরিবা ইস্তর্ন কোরিদোর অসি দিসেম্বর ২০২১ ফাওবগী মনুংদা লোয়শিল্লবা য়াই হায়না পান্নরি। শ্রী গোয়লনা দি.এফ.এফ.স.আই.এল.গী মেনেজমেন্ত তিমদা কোবিদকী লোকদাউন্না মরম ওইদুনা মাংখিবা মতম অদু ফুকৎনবা প্রোজেক্ত অসিগী থবক য়াংশিন্নবা মথৌ তাবা খোঙথাংশিং লৌখৎনবা খঙহনখ্রে। মহাক্না ওফিসিএলশিংদা খ্বাইদগী খুদোংচাদবা মফম খঙদোক্তুনা অমসুং মিসন মোদতা মদু কোকহন্নবা হোৎন্নবসু হায়খি। নহা ওইরিবা ৱাখল লৈবা মীওইশিং য়াওহন্দুনা খ্বাইদগী ফবা পাম্বৈশিং পুথোকপদা থৌগৎনবা খঙহনখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1648203
গরীব কল্যান রোজগার অভিয়ানগী মখাদা ভারত রেলৱেজনা ২০২০গী অগস্ত ২১ ফাওবদা নুমিৎ ৬,৪০,০০০গী থবক ফংহনখ্রে
গরীব কল্যান রোজগার অভিয়ানগী মখাদা ভারত রেলৱেজনা রাজ্য ৬ হায়বদি বিহার, ঝারখান্দ, মৈধ্য প্রদেস, ওরিসা, রাজস্থান অমসুং উত্তর প্রদেসতা নুমিৎ ৬,৪০,০০০গী থবক ফংহনখ্রে। রেলৱেজ মিনিস্তর পিয়ুস গোয়ালনা হায়রিবা প্রোজেকশিংগী ফিবম অমসুং স্কিম অসিগী মখাদা রাজ্যশিংগী শিন্মীশিংনা ফংলিবা থবক শুবগী খুদোংচাবশিং য়েংশিনখি। হায়রিবা রাজ্যশিং অসিদা চাউরাক্না রেলৱেজগী প্রোজেক ১৬৫ পায়খৎলি। ২০২০গী অগস্ত ২১ ফাওবদা, মসিগী অভিয়ান অসিদা শিন্মী ১২,২৭৬ থবক শীজিন্নখি অমসুং প্রোজেকশিং পায়খৎপগীদমক থিকাদারশিংদা লুপা করোর ১,৪১০.৩৫ থাদোকখ্রে। স্কিম অসিগী মখাদা রেলৱেজনা পায়খৎলিবা থবকশিং অদুদি; লেবেল ক্রোশিং য়ৌবা লম্বী শেম্বা; ত্রেক পরিংদা লৈবা ফুনগৎলবা ঈশিং লম্বীশিং অমসুং খোঙবালশিং তেংথোকপা; রেলৱেজ স্তেসনশিং য়ৌবা লম্বীশিং শেম্বা অমসুং রিপিয়ার তৌবা; হৌজিক লৈরিবা রেলৱেজ ইমবেঙ্কমেন্তশিং পাকথোকহনবা অমসুং নৌনা শেমজিনবা; রেলৱেজগী লমগী অরোইবা ঙমখৈদা উ পাম্বীশিং থাবা অমসুং হৌজিক লৈরিবা থোঙশিং/ ইমবেঙ্কমেন্তশিং ঙাকথোক্নবা থবকশিং পায়খৎপনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1648063
ফুদ অমসুং পব্লিক দিস্ত্রিব্যুসন বিভাগনা রাজ্য/য়ু.তি.শিংদা নেস্নেল ফুদ সেক্যুরিতী এক্তকী মখাদা মতিক চাবা শোইনারবা মীওইশিং য়াওহন্নবা খঙহনখ্রে
কঞ্জ্যুমর এফিয়ার্স, ফুদ অমসুং পব্লিক মন্ত্রালয়গী মখাদা লৈবা ফুদ অমসুং পব্লিক দিস্ত্রিব্যুসন বিভাগনা রাজ্য/য়ু.তি.শিংদা নেস্নেল ফুদ সেক্যুরিতী এক্ত ২০১৩গী মনুংদা মতিক চাবা শোইনারবা মীওইশিং য়াওহন্নবা চিথি ইদুনা খঙহনখ্রে। এক্ত অসিগী সেক্সন ৩৮না কেন্দ্র সরকারনা রাজ্য সরকারশিংদা এক্ত অসিগী মখাদা থবক নীংথিনা পাঙথোক্নবা মতম মতমগী মনুংদা হায়বা য়াই। বিভাগ অসিনা রাজ্য/য়ু.তি.শিংদা এন.এফ.এস.এ.গী কাঙলোনগী মতুং ইন্না বেনিফিশরী ওইবা য়াবা শোইনাইবা মীওই খুদিংমক নেস্নেল ফুদ সেক্যুরিতী এক্ত ২০১৩গী মনুংদা চলহন্নবা অমসুং এন.এফ.এস.এ. অমসুং পি.এম.জি.কে.এ.ৱাই.গী এক্ত অসিগী মতুং ইন্না ফংফম থোকপা চেং-হৱাই খুদিংমক ফঙহন্নবা হায়খ্রে। মসিগী মনুংদা চন্দবা মীওইশিং অদু কাঙলোনগী মতুং ইন্না অনৌবা রেসন কার্দ পীদুনা হায়রিবা অসিগী মনুংদা চলহনগদবনি হায়রি। শোইনাইবা হায়বসি এ.এ.ৱাই.গী ইমুংগী মনুংদা চনবগী কাঙলোন অমনি অমসুং মখোয়শিং অসি খুন্নাই অসিদা খুদোংচাদবা কয়া তাবা মীওইশিংনি হায়খি। অনৌবা কাঙলোনগী মতুং ইন্না মখোয়শিং অসি রাজ্য/য়ু.তি.শিংনা হান্না তৌগদবা থবক অমা ওইনা অহেনবা মিৎয়েং চংগদবা ইমুংগী মনুংদা চলহন্নবা চিথি অসিনা মখা তানা হায়খি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1648050
পি.আই.বি. ফিল্দ ওফিসশিংদগী ফংবা পাউ
- কেরলা: ঙসি নুমিৎ য়ুংবা ফাওবদা রাজ্য অসিদা কোবিদনা মরম ওইরগা মীওই তরেত শিখ্রে, মসিনা শিখিবশিংগী মশিং অদু ২৩০ য়ৌহনখ্রে। ভাইরস অসি কেপিতল য়াওনা জিলা মরিদা পাক শন্না শন্দোরক্লি। এসেম্বলী সেসন হৌদ্রিঙৈগী মমাংদা পাংথোকখিবা এন্তিজেন তেস্তশিং অদুদা কোংগ্রেস এম.এল.এ. অমগী পর্সোনেল এসিস্তেন্ত অমসুং এসেম্বলী স্তাফ অমা কোবিদ-১৯গীদমক তেস্ত তৌবদা পোজিতিব ওইখ্রে। ঙরাং রাজ্য অসিদা য়াম্লবা কোবিদ-১৯গী কেস ১,৯০৮ কনফর্ম তৌখি। পেসেন্ত ২০,৩৩০ হৌজিক লাইয়েংদুনা লৈরি অমসুং জিলা কয়া অমদা মীওই ১,৮২,৫২৫ ওবজার্ভেশন তৌদুনা লৈরি।
- তামিল নাদু: তি.এন.গী হকশেল মন্ত্রী, সি. ৱিজয়াবাস্করনা চয়োল অনিগী মনুংদা, সরকার অসিনা এস.এম.এস.কী খুত্থাংদা কোবিদ-১৯ তেস্ত রিজল্তশিং অদু রাজ্য অসিদা লৈরিবা মীওইশিংনা ফংবা ঙম্নবা ওতোমেতেদ সীস্তেম অমা হৌদোক্লগনি হায়খি। তি.এন.দা ঙরাং অনৌবা কেস ৫৯৭৫ থেংনখি, ৬০৪৭ ফকি অমসুং ৯৭ শিখিবগী পাউ লৈখি। অপুনবা কেসশিং: ৩,৭৯,৩৮৫; এক্তিব কেসশিং: ৫৩,৫৪১; শিখিবশিং: ৬৫১৭; দিসচার্জ তৌখিবশিং: ৩,১৯,৩২৭; চেন্নাইদা লৈরিবা এক্তিব কেসশিং: ১৩,২২৩।
- কর্নাতকা: রাজ্য সরকারনা প্লাস্মা থেরাপীগীদমক্তা চৎনা-কাংলোনশিং থমখ্রে। কোবিদতগী ফখিবা মীওইশিং অমসুং প্লাস্মা দোনেত তৌবা পাম্বশিংনা চহি ২৮দগীনা ৬০ ফাওবগী কাংলুপ্তা চনগদবনি; দোনরশিংনা কে.জি. ৫০গী মথক্তা লুমগদবনি হায়রিবশিং অসিনা মখোয়গী ইলিজিবিলিতী ক্রাইতরিয়াশিংগী মনুংদা খরা অমনি। নোংমাইজিং নুমিত্তা কোবিদকী অনৌবা কেস পুন্না ৫৯৩৮ থেংনখি, মসিগা লোইননা রাজ্য অসিদা ফগৎলকপগী চাং অসি ৬৮.২৩% ওইখি। রাজ্য অসিদা ঙরাং ৪৯৯৬ দিসচার্জ তৌখি অমসুং ৬৮ শিখিবগী পাউ লৈখি। অপুনবা কেসশিং: ২,৭৭,৮১৪; এক্তিব কেসশিং: ৮৩,৫৫১; শিখিবশিং: ৪৬৮৩; দিসচার্জ তৌখিবশিং: ১,৮৯,৫৬৪।
- অন্ধ্র প্রদেশ: রাজ্যগী এজুকেশন মন্ত্রী, অদিমুলাপু সুরেশ কোরোনাভাইরসকীদমক তেস্ত তৌবদা পোজিতিব ওইখ্রে। জুনিয়র দোক্তরশিংনা মখোয়গী দিমান্দশিং অদু মনিং থুংহল্লু হায়রদুনা হয়েংদগী রাজ্য অসিদা ইমর্জেন্সী সার্বিসশিং বোইকোত তৌরগনি হায়না খঙহনখ্রে। অপুনবা কেস মশিং ৫০,০০০গী তাঙ্কক য়ৌশিল্লকপগা লোইননা হৌখিবা নুমিৎ নিনিদা ইনফেক্সন ২,৫০০গী মথক্তা লৈখিবগা লোইননা ইস্ত গোবরিদা পোজিতিব কেস ৪৯,২৪৫ লৈদুনা খ্বাইদগী হেন্না শোকহল্লবা জিলা ওইদুনা লৈরি। ঙরাং অনৌবা কেস ৭৮৯৫ লৈখি, ৭৪৪৯ দিসচার্জ তৌখি অমসুং ৯৩ শিখিবগী পাউ লৈখি। অপুনবা কেসশিং: ৩,৫৩,১১১; এক্তিব কেসশিং: ৮৯,৭৪২; দিসচার্জ তৌখিবশিং: ২,৬০,০৮৭; শিখিবশিং: ৩২৮২।
- তেলঙ্গানা: রাজ্য অসিদা হৌখিবা পুং ২৪গী মনুংদা অনৌবা কেস ১৮৪২ লৈখি, ১৮২৫ ফখি অমসুং ০৬ শিখিবগী পাউ লৈখি; কেস ১৮৪২গী মনুংদা, জি.ঐচ.এম.সি.দগী কেস ৩৭৩ থেংনখি। অপুনবা কেসশিং: ১,০৬,০৯১; এক্তিব কেসশিং: ২২,৯১৯; শিখিবশিং: ৭৬১; দিসচার্জ তৌখিবশিং: ৮২,৪১১। কোবিদ-১৯গীদমক্তা ওইবা রাজ্য অসিগী অহানবা প্লাস্মা বেঙ্ক অদু হোমগী য়ুনিয়ন মিনিস্তর ওফ স্তেত, জি. কিশন রেদ্দীনা হাইদ্রবাদতা নোংমাইজিং নুমিত্তা হৌদোকখ্রে।
- অসাম: অসামদা ঙরাং কোবিদ-১৯গীদমক্তা তেস্ত তৌবদা মীওই ১২৭২গী মথক্তা পোজিতিব ওইখ্রে, মসিনা পোজিতিব ওইবগী চাং অসি ৬.৮৯% ওইহনখি। পুন্না পেসেন্ত ৩২৫৯ দিসচার্জ তৌখি। দিসচার্জ তৌখিবা পেসেন্তশিংগী অপুনবা মশিং ৭০৯০০, এক্তিব পেসেন্তশিং ১৯৫৯৫ অমসুং শিখিবশিংগী অপুনবা মশিং ২৪২।
- মনিপুর: মনিপুরদা, কোবিদ-১৯গী তেস্ত তৌবদা মীওই ১১৪ অমুক পোজিতিব ওইখি, ১৬১ ফখ্রে, অপুনবা এক্তিব কেসশিং ১৬০৮ অমসুং ফগৎলকপগী চাং অসি চাদা ৬৯নি।
- মঘালয়া: মঘালয়াদা, অপুনবা এক্তিব কেসশিং ১১৩৩ অমসুং ফখিবগী অপুনবা মশিং ৭৭৬।
- মিজোরাম: মিজোরামদা, কোলাসিব জিলাদা খুঙ্গং অহুম (বুকপুই,মৈদুম, সাইপুম)দা লোকদাউন থমজিনখ্রে, লোকদাউন অসি খুঙ্গং অহুমক্তগী কোবিদ-১৯ পোজিতিব ওইবা থেংনবদগী থমজিনখিবনি।
- নাগালেন্দ: নাগালেন্দদা, পেরেন জিলাগী সিভিল সোসাইতী ওর্গনাইজেশনশিংনা জিলা অসিদা লাইচৎ অসি নীংথিজনা শেন্নবা ঙমদ্রে হায়রদুনা কোবিদ-১৯ দিস্ত্রিক্ত ইনচার্জ তেমজেন ইম্না লোং, মিনিস্তর ঐচ.আর. & তেক এজুকেশনবু শিন্দোক্নবা দিমান্দ তৌখ্রে। নাগালেন্দদা ঙসিদগী ত্বেনসাং জিলাদা নুমিৎ নিনিগী তোতেল লোকদাউন থমজিনখ্রে। হায়রিবা অসি ওগস্ত ২২দা ত্বেনসাং তাউনগী মেন বাজারদা কোবিদ-১৯গী পোজিতিব কেস অনি থেংনরবা মতুংদা দিস্ত্রিক্ত এদমিনিস্ত্রেশন্না খোংথাং অসি লৌখৎখিবনি।
- সিক্কিম: সিক্কিমদা কোবিদ-১৯গিদমক্তা তেস্ত তৌবদা মীওই ৪৩ অমুক পোজিতিব ওখ্রে, এক্তিব কেস ৫০৯ অমসুং দিসচার্জ তৌকিবশিং ৯৩৪।
- মহারাস্ত্র: কোরোভাইরস ইনফেক্সন খঙদোক্নবগীদমক্তা ভোকল তেস্তিংগী পাইলোত প্রোজেক্ত অমা মুম্বাইদা নেস্কো জম্বো কোবিদ সেন্তরদা হৌখ্রে। চিংনবা পেসেন্তশিংগী ভোইস সেমপলশিং অদু আর্তিফিসিয়েল ইন্তেলিজেন্সকী মতেংনা কোবিদ ইনফেক্সন খঙদোক্নবা খোমগৎখ্রে। অদুবু হৌজিক-হৌজিক চৎথরিবা আর.তি.-পি.সি.আর. তেস্তশিং অদু মুম্বাইদা হান্নগুম্না মখাতানা চৎথখিগনি।
- গুজরাত: গুজরাত্তা, এহমদাবাদ মুনিসিপাল কোর্পোরেশন (এ.এম.সি.)না অনৌবা কেসশিং য়াম্না হন্থরকপা অসিগী মতুং ইন্না লনাইগী হোসপিতালশিংবু কোবিদ-১৯গীদমক্তা ওইবা হোসপিতালশিং ওইনা থম্বা অদু তপ্না –তপ্না লৌথোক্লগনি হায়না ৱারেপ লৌখ্রে। অনৌবা কেসশিং অমসুং শিবগী মশিং হন্থরকপদগী, পোজিতিব কেসশিংগী রেসিওদুসু হান্নগী চাদা ৩৫দগী চাদা ২.৫তা হন্থরকখ্রে।
- রাজস্থান: রাজ্য অসিদা নুমিৎ ৬ খক্কী মনুংদা অনৌবা কেস ১০,০০০ থেংনখ্রে, অপুনবা কেসশিংগী মশিং অদুনা ৭০,০০০গী মথক্তা লানখৎখ্রে। হান্নদি লিশিং ৫০দগী লিশিং ৬০ য়ৌবদা নুমিৎ ৯ চংখি। রাজ্য অসিদা শিবগী মশিং অসি য়ৌখ্রে।
- মধ্য প্রদেশ: মধ্য প্রদেশতা নোংমাইজিং নুমিত্তা কোবিদ-১৯গীনোংমদা খ্বাইদগী ৱাংনা হেনগৎলক্তুনা অনৌবা কেস ১,২৬৩ থেংনখি, মসিনা অপুনবা মশিং অদু ৫৩,১২৯ য়ৌহনখি। নুমিৎ অসিদা রাজ্য অসিদা অনৌবা কেসশিংগী মশিং খ্বাইদগী য়াম্না ইন্দোরদা ১৯৪ থেংনখি, মথংদা ভোপালদা কেস ১৬১ অমসুং গ্বালিয়র অমসুং জবলপুর অনিমক্তা ১১৮ থেংনখি।
ফেক্ত চেক
![](https://static.pib.gov.in/WriteReadData/userfiles/image/image007FDEN.jpg)
![](https://static.pib.gov.in/WriteReadData/userfiles/image/image0085J5V.jpg)
![](https://static.pib.gov.in/WriteReadData/userfiles/image/image009M46X.jpg)
*****
(Release ID: 1648364)
Visitor Counter : 162
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Malayalam