পুনেদা লেবোরেতরী অমদা জনুৱারী ২০২০দা তেস্ত অমখক্তমক তৌবা হৌখিবা ভারত অসিগী অপুনবা তেস্ত তৌবগী মশিং অসি ঙসি কোতী ৩.৫ হেনখ্রে। নুমিৎ তরুক্নিদা লেপ্তনা তেস্ত তৌদুনা হৌখিবা  পুং ২৪সিদা ৮,০১,১৪৭ তেস্ত তৌখিবা অসিগা কোন্ননা পুন্না তেস্ত তৌখিবা অসি ৩,৫২,৯২,২২০ য়ৌখ্রে।

তেস্তিং তৌবদা য়াংখৎলক্লিবা অসি  মাইপুননা অমদি থাক নাইবা মওংদা য়াংশিন্না তেস্ত তৌবগী লাল্লোং অসি থবক পাংথোকহনবগী মহৈননি।

হৌখিবা চয়োল অহুমসিদা নুতিগী তেস্ত তৌবগী চাংচৎ অসি হেনগৎলক্লিবা অসিনা লৈবাক অসিদা কোবিদ-১৯ তেস্ত তৌবা হেনগৎহনবদা মপাঙ্গল হেনগৎহনবগী শক্তম অদু উৎলি।  

নুতিগী তেস্ত তৌবা হেনগৎলকপা অসি নুতিগী পোজিতিব ওইবগী চাং অসিগী চাংচৎ অসি হন্থরকপা অসিনা মতুংদা লৈখ্রে।

“তেস্ত, ত্রেক অমসুং ত্রিত” পোলিসীদা পান্দম থমদুনা তেস্ত পর মিলিয়ন অসি ঙসি ২৫,৫৭৪দা হেনগৎপা উবা ফংলে। মসি পোজিতিব কেসশিং অসি মশক খংদোকপা য়াবা তেস্তিং তৌবা অসি য়াংখৎহনবখক্তদগী মখোয়শিংনা শম্নরম্বশিং অদু মতম চানা নিংথিজনা অমসুং থুনা তোখায়না খায়দোক্নবা হায়বগী লোয়ননা অরুবা অমদি য়াম্না লুবা অনাবশিংদা মথৌ তাবা লায়েং চত্থহনখ্রে। 

তেস্তিং তৌবগী লাল্লোং অসি তপ্না-তপ্না লৈবাক অসিগী লেবোরেতরী নেতৱর্ক অসি শোয়দনা হেনগৎহনগনি। সরকারগী সেক্তরগী লেবোরেতরী ৯৮৩ অমসুং লন্নাইগী লেবোরেতরী ৫৩২ য়াওনা ঙসি লেবোরেতরী ১৫১৫না মীয়ামদা শুনা তেস্ত তৌবগী খুদোংচাবা অসি ফংহল্লি।

• রিএল তাইম আর.তি. পি.সি.আর.গী তেস্তিং লেবশিং: ৭৮০ (সরকারগী: ৪৫৩৮+ লন্নাই: ৩২২)

• ত্রুনেতকী তেস্তিং লেবশিং: ৬১৭ (সরকারগী: ৪৯১ + লন্নাই: ১২৬)

• সি.বি.এন.এ.এ.তি.গী তেস্তিং লেবশিং: ১১৮(সরকারগী: ৩৪ + লন্নাই: ৮৪)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদভাইজরীশিংগী ঈ-পাওশিংগীদমক্তা https://www.mohfw.gov.in/ দা অমসুং @MoHFW_INDIA  দা চাং নাইনা চংবিয়ু।

কোবিদ-১৯গা মরী লৈনবা তেক্নিকেল ক্বেরীশিংগীদমক্তা technicalquery.covid১৯[at]gov[dot]in দা থাবিয়ু অমসুং অতোপ্পশিংগী ওইনা ncov২০১৯[at]gov[dot]in অমসুং @CovidIndiaSevaদা থাবিয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবিয়ু রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবিগনি।

**********