ই.এস.আই. কোর্পোরেসনগী মেম্বরশিংনা মখোয়গী ঙরাং অথেংবদা লেবর অমসুং অনইমপ্লোয়মেন্ত (আই./সি.)গী রাজ্য মন্ত্রী শ্রী সন্তোশ কুমার গাংৱারনা লুচিংদুনা ফমখিবা ১৮২শুবা মীফমদা মসিগী সর্বিস পীবগী থৌওং অমসুং কোবিদ-১৯ লায়চৎনা শোকহল্লবা থৌমীশিংগী মতাংদা চাউখৎপা পুরক্নবা মরু ওইবা ৱারেপ খরা লৌখ্রে। মখাদা পীরিবশিং অসি মীফমদুদা লৌখিবা ৱারেপশিংনিঃ

ক) ই.এস.আই.সি.না ই.এস.আই. স্কিমশিংগী মখাদা লৈবা থবক তৌবা মীওইশিংদা থবক তৌদবগী খুদোংচাবা ওইনা শেল পীবা অতল বিমিৎ ব্যক্তি কল্যান য়োজনা অসি থবক ওইনা পাঙথোক্লগনি। ই.এস.আই. কোর্পোরেসন্না স্কিম অসি জুন ৩০, ২০২১ ফাওবা চহি অমা শাংদোক্নবা ৱারেপ লৌখ্রে। মসিনা হৌজিক লৈরিবা কাঙলোন অমসুং কোবিদ-১৯গী লায়চৎ মনুংদা থবক মাঙলবা মীওইশিংদা পীবা শেলগী তেংবাংশিংদা কোমথোক্নবা ৱারেপ লৌখ্রে। কোমথোক্লবা কাঙলোন অসিগী মখাদা শেলগী তেংবাং পীগদবা অসি ২৪.৩.২০২০দগী ৩১.১২.২০২০ ফাওবগী মতমগী মনুংগীনি। মসিগী মতুংদা স্কিম অসিনা হান্না লৈরম্বা কাঙলোন্দা অমুক হঞ্জিন্দুনা ১.১.২০২১দগী ৩০.৬.২০২১ ফাওবগী মতমগী মনুংগী ওইনা কান্নবশিং ফংগনি। কাঙলোনশিং অসিবু হঙ্গৎনা য়েংশিনবা অসি তুংদা মসিগী তঙাই ফদবা লৈবা লৈতবগী মতাংদা খন্নদুনা ৩১.১২.২০২০গী মতুংদা পাঙথোক্কনি।

স্কিম অসিগী কান্নবা ফংবগী ইলিজিবিলিতী ক্রাইতেরিয়াশিং মখাদা পীরিঃ

১. থবক তৌদবা খ্বাইদগী য়াম্বা নুমিৎ ৯০নিগী ওইনা নোঙমগী ওইনা চাংচত্তা ২৫% পীরম্বা অদু নোঙমগী চাংচৎকী শেলগী ৫০% পীরগনি।

২. থবক তৌদবা মতুংগী নুমিৎ ৯০নিগী মতুংদা কান্নবা ফংলম্বা অসি নুমিৎ ৩০নিদা তেন্সিল্লগনি।

৩. ইন্স্যুর তৌরবা মীওইনা মহাক্কী ক্লেম অসি অকোনবদা থবক পীখিবা মীওইনা পীশিনবগী মহুত্তা ই.এস.আই.সি.গী ব্রাঞ্চ ওফিস্তা হকথেংননা পীশিনবা য়াগনি অমসুং আই.পি.গী বেঙ্ক একাউন্ততা শেল হাপ্লক্কনি।

৪. ইন্স্যুর তৌরবা মীওই অসি মহাক্কী থবক হৌদ্রিঙৈগী য়ামদ্রবদা চহি ২গী মমাংদগী হৌনা থবক তৌবা ঙম্বা মীওই ওইগদবনি অমসুং থবক হৌদ্রিঙৈগী হেক মমাংগী থবক শুবগী মতমগী নুমিৎ ৭৮নিদগী তাদনা থবক শুরম্বা মীওই ওইগদবনি অমসুং চহি ২ অসিগী মনুং অসিদা থবক শুবগী মতম অমগী মনুংদা য়ামদ্রবদা নুমিৎ ৭৮ থবক শুরম্বা মীওই ওইগদবনি।

কোবিদ-১৯গী মনুংসিদা ই.এস.আই.সি. হোস্পিতালশিংগী আই.সি.য়ু./ঐচ.দি.য়ু.গী সর্বিসশিং ফবা হেনগৎহন্নবা হায়দুনা ই.এস.আই.সি. হোস্পিতালশিংগী অপুনবা ফমুংগী ১০%দি আই.সি.য়ু./ঐচ.দি.য়ু. ওন্থোক্নবা ৱারেপ লৌখ্রে।

ই.এস.আই. কোর্পোরেসন্না মীফম অসিদা ই.এস.আই.সি.না মীয়ামদা মেদিকেল কেয়রগী ইনফ্রাস্ত্রকচর পীবগী মথক্তা মখোয়গী স্তেকহোলদরশিংদা কোবিদ-১৯না পীবা চৈথেং হন্থহন্নবা থবক পায়খৎপগী থাগৎপা ফোঙদোকখ্রে। হৌজিক ফাওবদা ই.এস.আই.সি. হোস্পিতাল ২৩না লৈবাক পুম্বগী ওইনা আইসোলেসন বেদ ২৬০০ অমসুং ক্বারেন্তাইন বেদ চাউরাক্না ফমুং ১৩৫০ লৈদুনা কোবিদ-১৯ দেদিকেতেদ হোস্পিতাল ওইনা মফমশিংগী মীয়ামদা কোবিদকী মেদিকেল সর্বিস পীরি। মসিগী মথক্তা লৈবাক শিনবা থুংবদা লৈরিবা লেমহৌরিবা ই.এস.আই.সি. হোস্পিতালশিংদা কোবিদ আইসোলেসন বেদ ৯৬১ লৈদুনা তোঙান তোঙানবা ই.এস.আই.সি. হোস্পিতালশিংগী অপুনবা কোবিদ আইসোলেসন বেদ ৩৫৯৭ লৈরি। মসিগী মখা তানা হায়রিবা হোস্পিতালশিং অসিদা বেন্তিলেতর ২১৩ য়াওবা আই.সি.য়ু./ঐচ.দি.য়ু. বেদ ৫৫৫ লৈরি।

খ) ফরিদাবাদ (হরয়ানা), সানাথ নগর-হাইদ্রবাদ (তেলঙ্গানা), গুল্বারগা (করনাতকা) অমসুং ই.এস.আই.সি. পি.জি.আই.এম.এস.আর., বসাইদরাপুর (দিল্লী)গী ই.এস.আই.সি. মেদিকেল কোলেজ অমসুং হোস্পিতালশিংনা আই.সি.এম.আর.না অয়াবা পীরবা ইন-হাউস কোবিদ-১৯ লেব তেস্ত সর্বিস হৌখ্রে।

গ) ফরিদাবাদ (হরয়ানা), সানাথ নগর-হাইদ্রবাদ (তেলঙ্গানা)কীই.এস.আই.সি. মেদিকেল কোলেজতা প্লাস্মা থেরাপীগী ত্রিৎমেন্ত পীরি।

ঘ) দিল্লী/এন.সি.আর. মফমশিংগী মরু ওইবা ই.এস.আই.সি. হোস্পিতালশিংদা রেপিদ কোবিদ-১৯ এন্তিজেন তেস্ত তৌবসু হৌখ্রে।

ঙ) ইন্স্যুর তৌরবা মীওইশিং অমসুং মখোয়গী ইমুং মনুংগী মীওইশিংদা মরী লৈনবা হোস্পিতালশিংদা নন-কোবিদ মেদিকেল সর্বিস পীবগী তোঙানবা খুদোংচাবা পীনবা থৌওং অমসু শীনখ্রে।

মসিগী মথক্তা মীফম অদুদা ইন্স্যুর তৌরবা মীওইশিং অমসুং মখোয়গী বেনিফিশরীংদা পীবা সর্বিস/কান্নবশিং ফগৎহন্নবা চাউরাকপা হীরম ৩০ অমসুং এদমিনিস্ত্রেসনগী অতোপ্পা হীরম কয়াগী মতাংদা খন্নদুনা অয়াবসু পীখি।

থবক পীবশিংগী মীহুৎশিং, থবক তৌবশিংগী মীহুৎশিং, প্রোফেস্নেল অখঙ-অহৈশিং অমসুং রাজইয় সরকারগী মীহুৎশিং য়াওবা কোর্পোরেস্নগী মেম্বর ৬০মুক্না ভিদিও কনফরেন্সকী খুত্থাংদা শরুক য়াখি। মীফম অদুদা শরুক য়াখিবা অতোপ্পা শক্নাইরবা মীওইশিংদি লেবর অমসুং ইমপ্লোয়মেন্তকী সেক্রেতরী শ্রী হীরালাল সামারিয়া; এম.পি. শ্রীমতি রাক ক্রিপাল য়াদব; এম.পি. শ্রীমতি দোলা সেন; দাইরেক্তর জেনেরেল শ্রীমতি অনুরাধা প্রসাদ অমসুং লেবর অমসুং ইমপ্লোয়মেন্ত মন্ত্রালয়গী এ.এস. অমসুং এফ.এ. মিস সিবানি স্বাইননি।

******