(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• অনাবা ফখিবা মশীং খ্বায়দগী ৱাংবগা লোয়ননা, ইন্দিয়ানা অনাবা ফখিবা পুন্না লাখ ২১গী ময়া য়ৌখ্রে
• ফগৎলকপগী চাং অসুম হেনগৎলক্তুনা-ঙসি ৭৪% নক্না য়ৌখ্রে; অনাবা ফগৎলকপ্না এক্তিব কেসতগী শরুক অহুম হেন্দুনা লৈরি
• ভারতনা নোংমখক্তগী মনুংদা কোবিদ তেস্ত লাখ ৯ হেন্না তৌদুনা খ্বাইদগী য়াম্না তেস্ত তৌবা ওইরে
• ঙসি তেস্ত পর মিলিয়ন ২৩,৬৬৮দা হেঙ্গৎলে
• কেস ফেতেলিতি রেত অসি মালেমগী চাংচৎতগী নেম্লি, অসুম হন্থরক্তুনা হৌজিক ওইরিবা অসি ১.৮৯%নি
• কোবিদ-১৯ মতমগী মনুংদা রাজ্যশিংনা নফসাগী মখাদা অনৌবা বেনেফিসরী লাখ ৬০.৭কী ময়া হাপচিনখ্রে

তপ্না-তপ্না থাংজিল্লকপা খোংথাংগা লোইননা, ভারত্তা নোংমদা তেস্ত লাখ ৯খেন্না তৌখ্রে; মিল্লিয়ন অমদা তৌবসু ৱাংখৎলক্তুনা ২৩,৯৯৮ য়ৌরে

তপ্না-তপ্না ৱাংখৎলকপনা, নোংমগী তেস্ত তৌবগী মশীংদা ভারতনা অনৌবা পন্দোম লোম্লে। ইহান হানবা ওইনা, নোংমখক্তগী মনুংদা কোবিদ তেস্ত লাখ ৯ তৌদুনা খ্বাইদগী য়াম্না তেস্ত তৌবা ওইরে। হৌখিবা পুং ২৪ অসিদা কোবিদ-১৯ তেস্ত ৯,১৮,৪৭০ তৌদুনা, ভারতনা নোংমদা সেম্পল লাখ ১০ তৌনবগী পান্দম থম্লিবা অসি ফংবা ঙমগদৌবগী মমি উরে। মসিগী মাই পাকপসিগা লোইননা, অপুনবা তেস্ত তৌখ্রবা মশীংসু কোতি ৩.২৫ য়ৌরে (৩,২৬,৬১,২৫২)। লৈবাক শীনবা থুংবদা দাইগ্নোস্তিক লেব পাকথোক চাউথোক্লকপা, অমসুং লাইনা তেস্ত তৌবা য়াবগী খুদোংচাবা হেনগৎলকপনা হৌজিক লৈরিবা মশীং অসি য়ৌবা ঙম্লকপনি। অকনবা মীৎয়েং চঙদুনা হোৎনবগা লোইননা মিল্লিয়ন অমদা পাবা তেস্ত (তি.পি.এম.) মশীংসু খম থেংনা ৱাংখৎলে। তি.পি.এম. অসি চাং নাইনা ৱাংখৎলকপা উরি। তেস্ত তৌবগী মশীং চাং নাইনা ৱাংখৎলকপগা লোইননা, পোজিতিব ওইবগী চাংসু তপ্না তপ্না নেমথরক্লি। অহৌবদা তেস্ত মশীং য়ামখৎলকপনা পোজিতিব ওইবগী চাং হাইগৎলম্লবসু হৌজিক্তি, রাজ্য/য়ু.তি.শিংনা অনাবশিংবু আইসোলেৎ তৌদুনা থম্বা, মতীক চানা ত্রেক্কিং তৌবা অমসুং মতম চানা লাইয়েং পথাপ পাইখৎহৌবনা হৌজিক্তি হন্থরক্লি। লৈবাক অসিগী চাংচত্তা চাদা ৮ য়ৌনা হাইথখিবগা লোইননা রাজ্য/য়ু.তি. ২৬তদি লৈবাক্কী চাংচত্তগী হেন্না নেম্বগী রিপোর্ত লৈরি। লৈবাক অসিদা লৈবা দাইগ্নোস্তিক লেব মশীংসু তপ্না তপ্না হেনগৎলক্লি। হৌজিক ফাওবদা সরকারগী লেব ৯৭৭ অমসুং প্রাইবেৎ লেব ৫১৭ শুবগা লোইননা লৈবাক অসিদা অপুনবা ওইনা ১৪৯৪ লৈরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647235

অনাবা ফখিবা মশীং খ্বায়দগী ৱাংবগা লোয়ননা, ইন্দিয়ানা অনাবা ফখিবা পুন্না লাখ ২১গী ময়া য়ৌখ্রে; ফগৎলকপগী চাং অসুম হেনগৎলক্তুনা-ঙসি ৭৪% নক্না য়ৌখ্রে; অনাবা ফগৎলকপ্না এক্তিব কেসতগী শরুক অহুম হেন্দুনা লৈরি

অনাবা ফখিবা মশিং হেনগৎলকপা অমসুং হোস্পিতালদগী ময়ুম্দা হনখ্রবা অমসুং য়ুম্দা নাইতোম থম্বনা (য়াম্না নেম্বা অমসুং চাংচৎ ওইবা কেসতা), ইন্দিয়াগী কোভিদ-১৯ ফগৎলকখিবা অসি ঙসি পুন্না লাখ ২১ নক্না য়ৌখ্রে। অনাবা ফগৎলকপা ২০,৯৬,৬৬৪ য়ৌরকপা অসি মপুং ফানা পোলিসি শিজিন্নবদগীনি হায়বদি নম্ফুদা তেস্তিং তৌবা, খুমাং চাওশিন্না ত্রেক্কিং তৌবা অমসুং চুম্না ত্রিতিং তৌবদগীনি। চেকশিন থৌরাংদা মিয়েং থম্বা ওক্সিজেন পীবা, আই.সি.য়ু.শিং অমসুং হোস্পিতালশিংদা লৈরিবা য়াম্না হৈ-শিংলবা দোক্তরশিং অমসুং য়াম্না নিংথিনা শেমগৎলবা এম্বুলেন্স অসিনা চিংবনা হায়রিবা ওইহন্নিংবা ফল অসি য়ৌরকখিবনি। পুং ২৪দা অনাবা ৫৮,৭৯৪ ফগৎলকপা অসিনা ইন্দিয়াদা কোভিদ-১৯গী অনাবা ফগৎলকপগী চাং অসি ৭৪% (৭৩.৯১%) য়ৌদুনা অনাবা ফগৎলকপগী মশীং অসি থা খর অসিদগী হেনগৎলক্লি। ইন্দিয়াদা লাখ ১৪ (১৪,১০,২৬৯)অনাবা ফগৎলক্তুনা এক্তিব কেস্ত (৬,৮৬,৩৯৫ এক্তিব কেস ওইদুনা হিদাক লাকথক শিজিন্নরিবা)দগী হেল্লি। অনাবা ফগৎলকপগী রেকোর্দ অসি য়েংলগা এক্তিব কেস অসি হন্থরে অমসুং ২৪.১৯% অপুনবদা ওইরি। তেস্তিং তৌবদা ঙন্না খংদোকহৌবা, মতম চানা ত্রেসিং তৌখিবা অমসুং চপ চাবা ক্লিনিকেল ত্রিৎমেন্ত অসিনা কোভিদ-১৯ অনাবাশিং অসি থাজব অমা লৈরি মদুদি কেস ফেতেলিতি রেত অসি মালেমগী ওইনা নেম্লি অমসুং অসুম হন্থরক্লি (হৌজিক ওইরিবা অসি ১.৮৯%নি), অদুবু এক্তিব কেসকী অপিকপা প্রোপোর্সন খরদি ভেন্তিলেতর সপোর্ততা লৈরি।

অকুপ্পা ৱারোলশিং: https://pib.gov.in/PressReleseDetail.aspx?PRID=1647264

ই.সি.এল.জি.এস.কী মখাদা লুপা কোতি লাখ ১দগী হেনবা লোনগী শেনফম থাদোকখ্রে

ভারত সরকারনা ১০০% শৌগৎপা ইমর্জেন্সী ক্রেদিৎ লাইন গেরেন্তী স্কিমগী মখাদা পব্লিক অমসুং প্রাইবেৎ সেক্তরগী বেঙ্কশিংনা ওগস্ত ১৮, ২০২০ ফাওবদা লুপা কোতি লাখ ১.৫গী লোনগী অয়াবা পীখ্রে অমসুং মসিগী মনুংদগী লুপা কোতি লাখ ১গী শেনফম পীথোকখ্রে। ই.সি.এল.জি.এস. অসি কোবিদ-১৯গী লোকদাউন্না মরম ওইদুনা শোকহল্লবা সেক্তরশিংদা, মরু ওইনা এম.এস.এম.ই.শিংদা, ক্রেদিৎ পীদুনা অৱাবা খরা হন্থহন্নবা হায়দুনা ভারত সরকারনা আত্মানির্ভর ভারত পেকেজকী শরুক অমা ওইনা লাউথোকখিবনি। ই.সি.এল.জি.এস.কী মখাদা পব্লিক সেক্তর বেঙ্ক (পি.এস.বি.)শিংনা লুপা কোতি ৭৬০৪৪.৪৪গী অয়াবা পীখ্রে অমসুং মসিগী মনুংদা লুপা কোতি ৫৬৪৮৩.৪১গী শেনফমদি পীথোকখ্রে। প্রাইবেৎ সেক্তরগী বেঙ্কশিংনা লুপা কোতি ৭৪৭১৫.০২গী অয়াবা পীখ্রে অমসুং মসিগী মনুংদগী লুপা কোতি ৪৫৭৬২.৩৬কী শেনফম পীথখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647210

অখন্নবা সেচুরেসন দ্রাইবকী মখাদা লুপা কোতি ১,০২,০৬৫গী ক্রেদিৎ লিমিৎ লৈদুনা কিসান ক্রেদিৎ কার্দ কোতি ১.২২গী অয়াবা পীখ্রে

কোবিদ-১৯গী চৈথেংদগী লৌউ-শিংউগী সেক্তরবু ফগৎহন্নবা হায়দুনা কিসান ক্রেদিৎ কার্দকী খুত্থাংদা কন্সেস্নেল ক্রেদিৎ পীনবা হায়দুনা অখন্নবা সেচুরেসন দ্রাইব অমা হৌজিক চত্থরি। ১৭/৮/২০২০ ফাওবগী ওইনা ক্রেদিৎ লিমিৎ লুপা কোতি ১,০২,০৬৫ লৈদুনা কে.সি.সি. কোতি ১.২২গী অয়াবা পীখ্রে। মসিনা খুঙ্গংগী শেন্মিৎলোন হিংগৎহনবদা অমসুং লৌউ-শিংউগী লমদা শাহৌ লৌবদা য়াম্না তেংবাংগনি। পনবা য়াবা ৱাফমদি, আত্মানির্ভর ভারত পেকেজকী শরুক অমা ওইনা সরকারনা ঙায়োকপা অমসুং শঙ্গোম পুথোকপা মীওইশিং য়াওনা লৌউবা কোতি ২.৫দা কান্নবা পীনবা লুপা কোতি লাখ ২গী কন্সেস্নেল ক্রেদিৎ পীগনি হায়না লাউথোকখিবা লৈখ্রবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647213

ঐখোয়গী মেদিকেল কাঙবুনা লৈবাকসিবু চাউথোকচবা পোকহল্লে অমদি ভারত অসি থাজবা য়াবা খোঙবুনি হায়না মালেমদা উৎলে: শ্রী পিয়ুশ গোয়ল

ঐখোয়গী মেদিকেল কাঙবুনা লৈবাকসিবু চাউথোকচবা পোকহল্লে অমদি মালেমগী ওইনা চৎমিন্নবদা লল্লোন ইতিক্তা ভারত ঐসি থাজবা য়াবা খোঙবু অমনি হায়বা মালেমগী মফমদা উৎলে হায়না কম্মর্স অমদি ইন্দস্ত্রী মন্ত্রী শ্রী পিয়ুশ গোয়লনা ফোঙদোকখ্রে‍। ঙসি মফমসিদা পাঙথোকখিবা সি.আই.আই.গী ১২শুবা মেদসেক গ্লোবেল সম্মিত হৌদোকপগী থৌরমদা ৱা ঙাঙলদুনা মহাক্না হায়খিবদা ফার্মাসিউতিকেল কম্পেনীশিংনা ভারত অমসুং মালেমগী ওইনা হিদাক লাংথকশিং মতিক চানা পীননবা হোৎনখি‍। “মেদিকেল খুৎলায়গী ইন্দস্ত্রীশিংনা কন্না হোৎনদুনা কোবিইদ-১৯ লাইচৎ লান্থেংনবদা মথৌ তাবা খুৎলায়শিং ইরমদমসিদা পুথোকচবদা চাউনা মতেং পাংলি‍। ঐখোয়গী দোক্তরশিং, পেরামেদিকশিং অমসুং মেদিকেল কাঙবুশিংনা মখোয়গী ভারতপু শাফনা অমদি তিঙ কায়জঙদনা থমবা হায়বা থৌদাংনা লমজিংদুনা মীচম মীয়ামগীদমক চোকথবা নাইদনা থৌগল তৌরিবা অসিনা লৈবাকসিবু চাউথোকচবা পোকহল্লে‍।” শ্রী গোয়লনা হায়খিবদা ঙসি অকনবা লোকদাউন অমসুং থুনা ফগৎলকপা হায়বসি কমদৌবগে হায়বা ভারতনা মালেমগী মফমদা উৎলে‍ হায়না ঐখোয়না পোঙনা হায়বা ঙম্লে‍। “ঐখোয়গী কোবিইদ-১৯দগী ফগৎলকপগী মশীং অসি চাদা ৭০গী চাং লান্থোক্তুনা য়াম্না পূক্নীং লুম্নিংঙাই ওইরি‍। হৌজিক ওইরিবা মতম অসি ঐখোয় পুম্নমক্কীদমক্তা য়াম্না তমজনিংঙাই ওই‍।” ইরোমদোম লেপচবা হায়বসিনা মীয়ামগী পুন্সি কনবদা মরুওই হায়বা ৱাফম খঙলকপগা লোয়ননা ঐখোয়গী ফার্মাগী ইন্দস্ত্রীশিং, মেদিকেল খুৎলায়শিং অমসুং মেদিকেল শিন্ফমশিংদা অওনবা লাকখিগনি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647230

ফার্মাস্যুতিকেলগী দিপার্তমেন্তনা ফার্মা সেক্তরগী দোমেস্তিক কেপাসিতি চাওখৎনবা চান্নবা মওংগী খোঙথাং কয়া লৌখৎখ্রে: শ্রী গৌদা

কেমিকেল অমসুং ফর্তিলাইজরগী য়ুনিয়ন মিনিস্তর শ্রী দি.ভি. সদানন্দা গৌদা হায়খি মদুদি ফার্মাস্যুতিকেলগী দিপার্তমেন্তনা ফার্মা সেক্তরগী দোমেস্তিক কেপাসিতি চাওখৎনবা চান্নবা মওংগী খোঙথাং কয়া লৌখৎখ্রে। গৌদানা হায়খি মদুদি, লৈবাক অসিগী দ্রগ সেক্যুরিতি মপাঙ্গল কনখৎনবা, সরকার অসিনা ফার্মা সেক্তরগী আত্মানির্ভারতা শাগৎনবা লেপ্লি। সরকারনা লৈবাক অসিদা বল্ক দ্রগ পার্ক অমসুং মেদিকেল দিভাইস পার্ক চাওখৎনবা স্কীম কয়া হৌদোকখ্রে। পার্ক অসিগী ময়ামগী ওইবা পোৎ-চৈ শেমগৎনবা হোৎনবদা সেন্তরনা পীরিবা মতেং অসিদগী হেন্দোক্তুনা য়ুনিয়ন গবর্নমেন্তনা প্রদক্সন লিঙ্কেদ ইন্সেন্তিব (পি.এল.আই.) পীথদুনা পার্ক অসিদা বল্ক দ্রগ অমসুং মেদিকেল দিভাইস পুথোকপদা মতেং পীরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647248

শ্রী রাজনাথ সিংহনা নেভেল কম্মান্দরশিংবু মরু ওইবা মফমশিংদা অকনবা মিৎয়েং চংনবা হায়খ্রে

ঙাকশেল মন্ত্রী শ্রী রাজনাথ সিংহনা ঙরাং নেভেল কম্মান্দরস কনফরেন্সকী হৌদোকপগী থৌরমদা নেভেল কম্মান্দরশিংদা ৱা ঙাংখ্রে। মহাক্না ইন্দিয়ন নেভীগী নুপা অমসুং নুপীশিংবু লৈবাক অসিগী ঈশিংগী হীরমগা মরী লৈনবা থবক খুদিংমক নীংথিনা পাঙথোকপগী অমসুং মসিগী জহাজ অমসুং প্লেনশিং থাদোক্তুনা খুদোংথিবা অমা হেক্তা থেংনবা ঙম্নবা শেম-শাদুন লৈবগীদমক্তা থাগৎপা ফোঙদোকখি। মমাংদা অমুক্তা থোকখিদ্রিবা কোবিদ-১৯গী লায়চৎনা থোকহল্লিবা খুদোংচাদবা কয়া অসিগী মতাংদা পল্লদুনা মহাক্না ইন্দিয়ন নেভীবু মসিগী খ্বাইদগী চাউবা লৈবাক্কী মীওই য়ুমদা পুরকপগী থবক অমসুং লৈবাক্কী অপাম্ববু নীংথিনা পাঙথোকখিবা “ওপরেসন সমুদ্র সেতু” চত্থখিবগীদমক থাগৎপা ফোঙদোকখি। য়াম্না খুদোংচাদবা সমুদ্রগী ওইবা ফিভমশিং অমসুং কোরোনা ভাইরসকী মতৌগুম্না লাকখিবা শক উদবা য়েক্নবগী থৌওং কয়া মায়োক্নদুনা নেভীনা ইন্দিয়ন ওসীন রিজন (আই.ও.আর.)গী মফমশিংদা লৈবা ভারতকী য়ুম্লোন্নবা লৈবাকশিংদগী চাউরাক্না মীওই ৪০০০ মুক পুরকপদা তেংবাংখি। মসিগা লোয়ননা “মিসন সাগর”গী মখাদা খা-নোঙচুপ থংবা ইন্দিয়ন ওসীনগী মফমশিং (মালদিবস, মোরিসস, কোমোরোস, সেচেলস অমসুং মদাগাস্কার)দা হিদাক লাংথক পীখি। মহাক্না ইন্দিয়ন নেভীনা সিবিল এদমিনিস্ত্রেসন্দা তেংবাংদুনা কোবিদ-১৯ থেংনবা ঙম্নবা ক্বারেন্তাইন সেন্তর শানবা তেংবাংবগীদমক্তা থাগৎপা ফোঙদোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646978

কোবিদ-১৯ মনুংদা উত্তর প্রদেস, বিহারগুম্বা রাজ্যশিংদা নফসাগী মখাদা অনৌবা বেনিফিসরি লাখ ৬০.৭ রোম হাপচিল্লে

২০২০গী মার্চতগী কোবিদ-১৯ মনুংদা উত্তর প্রদেস, বিহারগুম্বা রাজ্যশিংদা নফসাগী মখাদা অনৌবা বেনিফিসরি লাখ ৬০.৭০ রোম হাপচিল্লে, মসিগী মখোয়গী ফংলিবা মশিং অদুগী মনুংদনি। অহেনবা বেনিফিসিরশিং অসিসু প্রধান মন্ত্রী গরিব কলয়ান অন্না য়োজনাগী কান্নবশিং ফংগনি। নফসা চৎনবা হৌরকপদগী রাজ্যশিং/য়ু.তিশিংগী বেনিফিসরি করোর ৮০ হেনবদা ফুদ অমসুং পব্লিক দিস্ত্রিবুসন দিপার্তমেন্তনা লেপ্তনা চেঙ পীদুনা লাক্লি। নফসাগী মখাদা মীয়ামগী অৱাবশিং কোকহন্নবা রাজ্যশিং/য়ু.তিশিংনা তোল-ফ্রি নম্বর/ওনলাইন গ্রিভান্সেস রিদ্রেসেলগী থবকশিং পায়খৎলে। নফসাগী মখাদা বেনিফসরিশিং চুম্না চেঙ ফংনবা দিস্ত্রিক গ্রিভান্স রিদ্রেসেল ওফিসারশিং, ভিজিলেন্স কমিতিশিং অমসুং স্তেৎ ফুদ কমিসনশিং লৈরে। অসিগুম্বা থবকশিং অসিনা তশেংনা ফংফম থোকপা মীওইশিং/ইমুংশিংগী অনৌবা রেসন কার্দশিং শেম্বদা থেংনরিবা অৱাবশিং কোকহনগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647129

কেন্দ্রগী এজুকেসন মন্ত্রীনা স্তুদেন্তস লর্নিং ইনহেন্সমেন্ত গাইদলাইনশিং ভর্চ্যুল ওইনা ফোঙখ্রে

কেন্দ্রগী এজুকেসন মন্ত্রী শ্রী রামেশ পোখ্রিয়াল ‘নিশঙ্ক’না ঙসি নই দিল্লীদা স্তুদেন্তস লর্নিং ইনহেন্সমেন্ত গাইদলাইনশিং ভর্চ্যুল ওইনা ফোঙখ্রে। থৌরম অদুদা ৱা ঙাংলদুনা মন্ত্রীনা হায় হৌজিক ওইরিবা কোবিদ-১৯গী লায়চৎ অসিদা এজুকেসন মন্ত্রালয়গী মখাদা লৈবা ইন্সতিত্যুসনশিংনা পুন্না থবক তৌমিন্নরি অমসুং স্কুল এজুকেসন অসি দিজিতেলগী পাম্বৈশিংনা অঙাংশিংদা ময়ুম-ময়ুমদা ফংহন্নবা কন্না হোৎনরি। অল্তর্নেতিব একেদেমিক কেলেন্দর, প্রগ্যাতা গাইদলাইনশিং, দিজিতেল এজুকেসন-ইন্দিয়া রিপোর্ত, নিশথা-ওনলাইন্নচিংবা দোক্যুমেন্তশিং অসি অঙাংশিংগী স্কুল এজুকেসন মখা চত্থনবা লৌখৎপা খোঙথাংশিংনি। এন.সি.ই.আর.তি.না হৌজিক ওইরিবা ফীভম অমসুং লায়চৎ অসিগী মতুংগী ফীভমগীদমক এজুকেসন মন্ত্রালয়গী লুচিং মখাদা স্তুদেন্তস লর্নিং ইনহেন্সমেন্ত গাইদলাইনশিং শেমখ্রে।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1647036

মীওই কোতি ২১গী নোঙমগী থবক পীখ্রে অমসুং গরিব কল্যান রোজগার অভিয়ানগী তরেৎশুবা চয়োলগী মনুংদা লুপা কোতি ১৬,৭৬৮ চাদিং তৌখ্রে

গরিব কল্যান রোজগার অভিয়ান (জি.কে.আর.এ.) অসিনা মসিগী থবকশিংবু মিসন মোদতা পাঙথোক্তুনা রাজ্য ৬, বিহার, ঝারখন্দ, মধ্য প্রদেশ, ওরিশা, রাজস্থান অমসুং উত্তর প্রদেশকী ময়ুমদা হল্লক্লবা মাইগ্রেন্ত শিন্মীশিংদা থবক পীরি। অভিয়ান অসিনা রাজ্যশিং অসিগী জিলা ১১৬কী খুঙ্গংগী মীওইশিংদা পুন্সি মহিং তাঞ্জবগী খুদোংচাবা পীরি। মসিগী তরেৎশুবা চয়োলখক্তদা মীওই কোতি ২১গী থবক পীদুনা লুপা কোতি ১৬,৭৬৮গী অপুনবা শেনফম চাদিং তৌখ্রে। কোবিদ-১৯গী লায়চৎ থোক্লকপগা লোয়ননা মাইগ্রেন্ত শিন্মীশিং অমসুং মখোয়গা মান্ননা শোকহল্লবা খুঙ্গংগী মফমশিংদা লৈবা মীওইশিংগী থবক পীনবা অভিয়ান অসি হৌদোকখিবনি। য়ুমদা লৈরগে খনবা মীওইশিংগীসু তুং কোইনা থবক পীবা অমসুং পুন্সি মহিং ফগৎহনবগী থাক অমা শেম্বা হৌরবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647306

ফিল্দ ওফিসশিংদগী ফংবা পাউ

• চান্দিগর: য়ু.তি. চান্দিগরগী এদমিনিস্ত্রেতরনা লনাইগী হোসপিতালস অমসুং নর্সিং হোমশিংদা লৈবা ফমুংশিংগী য়ামদ্রবদা ২৫%দি কোবিদ পেসেন্তশিংগীদমক্তা রিজার্ভ তৌদুনা থমগদবনি। মহাক্না এম.সি.গী কমিশনরদা মাস্কশিং উপ্পা অমসুং সোসিয়েল দসি্তেন্সিংনচিংবা অসিগুম্বা হাইজিনিক ওইবা প্রক্তিসশিং অসি রেসিদেন্তশিংনা ঙাক্না চৎহন্নবা তোঙান-তোঙানবা মফমশিংদা য়েংশিনবদা লোকল এদমিনিস্ত্রেশনবু মতেং পাংবা ঙমগদবা কাউন্সিলরশিংগা লোইননা এরিয়া কমিতীশিং শেম্নবা অমসুং আই.ই.সি.গী থবক-থৌরমশিং হেন্না কনখৎহন্নবা তাক্লকখ্রে। 
• পঞ্জাব: কোবিদ-১৯গী ত্রীতমেন্ত তৌবা অমসুং তেস্ত তৌবগীদমক্তা লানাইগী হোসপিতালশিং অমসুং লেবশিং খরনা শেল হেন্না লৌবা খঙলকপদগী, পঞ্জাবকী হকশেল অমসুং য়াইফ-য়ুম্বালগী মন্ত্রীনা সিভিল সর্জনশিংদা পঞ্জাব শরকারনা লেপখিবা মমলশিং অদুগী মতুং ইন্না অসিগুম্বা সার্বিসশিং অসি ফংহন্নবা য়াংথং পীরকখ্রে। খরিগুম্বা হায়রিবা ইন্সত্রক্সশিং অসি কনাগুম্বা অমনা খোংগাউনবা থেংনরবদি, এপিদেমিক দিজিজ এক্তকী মখাদা মেনেজমেন্ত অদুগী মায়োক্তা খুদক্তা এক্সন লৌখৎকনি।
• হরিয়ানা: হরিয়ানাগী হকশেল অমসুং হোমগী মন্ত্রী, শ্রী অনিল ভিজনা ওগস্তকী ২৪দা হরিয়ানা ৱিধান সভাগী প্রেমাইস মনুংদা কোবিদ-১৯ সক্রীনিং কেম্প অমা শিনগনি, মসিদা এম.এল.এ.শিং, ওফিসরশিং অমসুং জর্নেলিস্তশিংনা মখোয়গী তেস্ত তৌবা য়াগনি হায়না হায়খি। মসিগী ৱারেপ অসি ২০২০গী ওগস্তকী ২৬তা হৌগদবা ৱিধান সভাগী লাক্কদোরিবা  মন্সুন সেসন অসিগী য়েংলগা লৌখিবনি হায়না মহাক্না হায়খি।  মসিদা নত্তনা রাজ্য অসিগী সিভিল সর্জনশিংদা মখৌগী এরিয়াশিং অদুগি এম.এল.এ.শিং অদু মখোয়গী ময়ুমদা কোবিদ-১৯গী তেস্ত তৌনবা তাক্লকখ্রে।
• অরুনাচল প্রদেশ: অরুনাচল প্রদেশতা, হৌখিবা পুং ২৪দা অনৌবা পোজিতিব কেস ৭৫ থেংনখ্রে অদুগা পেসেন্ত ৭৩ ফখ্রে অমসুং দিসচার্জ তৌখ্রে। হৌজিক রাজ্য অসিদা এক্তিব পোজিতিব কেস ৯২৩ লৈরি। অরুনাচল প্রদেশতা  থেংনখিবা অনৌবা পোজিতিব কেস ৭৫সিগী মনুংদা কেস ১৬তি ইতানাগর কেপিতল রিজনদগী থেংনখি অদুগা কেস ৫৯না অতোপ্পা জিলাশিংদগীনি।
• অসাম: অসামদা ঙরাং পেসেন্ত ২,০৫৪ দিসচার্জ তৌখ্রে, রাজ্যগী হকশেল মন্ত্রী হিমন্তা বিস্বানা ত্বীত তৌরকখি মদুদি নোংমদা দিসচার্জ ২০০০গী মথক্তা তৌবা হায়বসি হরাওনীংঙাইনি অমসুং মেদিকেল তীমবু য়াম্না থগৎনীংঙাইনি। দিসচার্জ তৌখিবা পেসেন্তশিংগী অপুনবা মশিং ৬০,৩৪৮, এক্তিব পেসেন্তশিংগী মশিং ২৩,৭৫৩।
• মনিপুর: মনিপুরদা তেস্ত তৌবদা মীওই ১১১ কোবিদ-১৯ পোজিতিব ওইখ্রে মসিদা সেন্ত্রেল সেক্যুরিতী ফোর্সকী মেম্বর ৫৬ য়াওরি। মীওই ৯৬ ফখ্রে অমসুং দিসচার্জ তৌখ্রে অদুগা মনিপুরদা এক্তিব কেসশিংগী মশিং অসি ১,৯৩৭ লৈরি।
• মিজোরাম: মিজোরামদা ঙরাং কোবিদ-১৯গী অনৌবা কেস ১৩ কনফর্ম তৌখ্রে। অপুনবা কেসশিং ৮৭৩, এক্তিব কেসশিং ৪৮৯।
• নাগালেন্দ: নাগালেন্দগী ঐচ. অমসুং এফ.দবল্যু. দেপার্তমেন্তনা আর.তি.-পি.সি.আর. অমসুং ত্রুনেত মেছিনশিংগী খুত্থাংদা সেমপল তেস্ত তৌবদা লুপা কোতি ১৭ শিজিন্নখ্রে হায়। আর.তি.-পি.সি.আর. খুত্থাংদা তেস্ত ৩১,১২৪ তৌখি অদুগা ত্রুনেতকী খুত্থাংদা ২১,০১৫ তৌখি। নাগা ইঞ্জিনীয়ররিং গ্রেজুৱেত, ও. জুংঙিয়োনা সোসিয়েল দিস্তেন্সিং দিভাইস অমা পুথোকখ্রে, হায়রিবা অসিদা ব্যরর অদুনা দিস্তেন্সিংগী নোর্মশিং কাইরকপা মতমদা  বীপ তৌরক্কনি।
• মহারাস্ত্র: রাজ্য অসিদা এক্তিব কোবিদ কেস লাখ ১.৬০ লৈজরবসু, অনলোক্কিংগী পাম্বৈ অমা ওইনা স্তেত রোদ ত্রান্সপোর্ত কোরপোরেশন্না অহানবা ‘শিবনেরি’ বসনা অয়ুক্কী পুং ৭তা পুনেগীদমক্তা মুম্বাই থাদোকখিবগা লোইননা ঙসি অয়ুক্তা মখোয়গী সার্বিস অমুক হৌখ্রে। মহারাস্ত্রগী খ্বাইদগী মমিং চৎপা গনেশ উতসবকী নুমিৎ খরনিগী মাংওইননা, রাজ্য অসিনা ইন্তর-দিস্ত্রিক্ত বস ত্রান্সপোর্ত সার্বিস অমুক হন্না মথৌ তৌহন্নবগী অয়াবা পীখ্রে। হন্দক্তা পুনেদা পাংথোকখিবা সেরো-সর্ভে অদুনা হাই-ইন্সিদেন্স এরিয়া মঙাদগি লোকল রেসিদেন্তশিংগী সেমপলশিংগী চাদা ৫০ ময়া নক্না কোরোনা ভাইরস ইনফেক্সগীদমক্তা এন্তিবোদিশিং য়াওই হায়না ফোংদোরকখিবদগী, ইন্দিয়ন ইন্সতিত্যুত ওফ সাইন্স এজুকেশন অমসুং রিসর্চনা লুচিংদুনা পাংথোকখিবা সর্ভে অসিনা ভারসকী মায়োক্তা মীওইবগী হকচাংনা করম্না রেসপোন্স তৌবগে হায়বদু খঙনবা হোৎনবা ওইনা ‘ন্যুত্রেলাইজিং এন্তিবোদীশিং’ দিতেক্ত তৌনবা স্তদী অমা হৌখ্রে।হায়রিবা অসিনা লৈবাক অসিদা অসিগুম্বা মখলগী অহানবা সর্ভে ওইগনি।
• রাজস্থান: রাকস্থানদা মুনিসিপাল বোদী ১২৯দা তৌগদবা এলেক্সন অদু কোরোনাভাইরসকী লাইচৎকী য়েংলগা থা অনিগীদমক্তা লেপহনখ্রে। ওর্দর অমদা, স্তেত ইলেক্সন কমিশন্না ২০২০গী ওগস্ততা পাংথোক্নবগী লেপখিবা ইলেক্সন অদু হৌজিক লৈরিবা ফিভম অসি য়েংলগা ২০২০গী ওক্তোবর ২০ ফাওবা য়ৈথোকখ্রে হায়খি। রাজস্থানদা এক্তিব কোবিদ কেস ১৪,৬৭১ লৈরি, অদুগা য়ুমশকৈশা নুমিত্তা ৫ অমুক শিখিবগা লোইননা শিখিবশিংগী মশিং অদু ৯১৫ য়ৌখ্রে।
• গোৱা: হৌখিবা পুং ২৪দা কোবিদ-১৯দগী নিপান শিখিবগা লোইননা, গোৱাগী মশিং অদু য়ুমশকৈশা নুমিত্তা ১২৪ য়ৌখ্রে। রাজ্য অদুদা নুমিৎ অদুগী ওইনা থেংনখিবা অনৌবা কেসশিং অদুগী অপুনবা মশিং অদুনা ফখিবশিং অদুনা হেনবদগী এক্তিব কেসশিংগী মশিং অদু ৩,৮৩৮দা হন্থখ্রে। ৩৫৭ ফখ্রে অমসুং ময়ুমদা থাখ্রে অদুগা অনৌবা কেস ৩৪২ থেংনখ্রে।
• কেরলা: কোঝিকোদে দিসত্রিক্ত কলেক্তর সমবসিভা রাওনা অথিংবা থম্নবগীদমক্তা ওইবা ওর্দরশিং অদুবু থুগাইদুনা খৎনা-চৈনবা থোকখিবদগী মখাতানা খঙহল্লক্ত্রিবা ফাওবা পেরম্ব্রা ফিশ মার্কেত থিংজিন্নবা ওর্দর থোকখ্রে। রাজ্য অসিদগী ঙসি কোবিদনা মরম ওইরগা ৬ অমুক শিখ্রে। খ্বাইদগী অনৌবা মশিংগী মতুং ইন্না হৌজিক ফাওবদা গলফ কন্ত্রীশিংদা কেরলাইত ৪০৬  লাইনা অসিদা লৈখিদ্রে। ঙরাং কেরলাগী অনৌবা কেস ২,৩৩৩ থেংনখিবগা লোইননা কোবিদ-১৯গী মশিং অদু লিশিং ৫০গী তাঙ্কক লান্থোকখ্রে। হৌজিক রাজ্য অসিদা পেসেন্ত ১৭,৩৮২ ত্রিতমেন্ত তৌদুনা লৈরি অমসুং মীওই ১,৬৯,৬৮৭ ওবজার্ভেশনগী মখাদা লৈরি।
• তামিল নাদু: পুদুচেরীদা অনৌবা কেস ৫৫৪, ৮ অমুক শিখিবগা লোইননা কোবিদ-১৯ খ্বাইদগী য়াম্না হেনগৎখি; মসিনা অপুনবা মশিং অদু ৯২৯২ য়ৌহনখ্রে, এক্তিব কেসশিং অদুনা ৩৫২৩ অমসুং শিবগী মশিংনা ১৩৭ য়ৌহনখ্রে। জে.আই.পি.এম.ই.আর.না মখোয়গী ও.পি.দি.শিং অদু লোল্লগনি, ওগস্ত ২৪দগী অকন্নবা ক্লিনিকশিংনা কোবিদ কেয়রগীদমক্‌তা মেনপাৱর থাদোক্লগনি। সেন্তরদা থারকখিবা এস.ও.এস. অমদা কিরন বেদিনা পুদুচেরিদা কোবিদ কেয়রগীদমক্তা লনাইগী হোসপিতালশিংসু শরুক য়াহন্নবা হায়খ্রে। তামিল নাদু সরকারনা ভিনায়কা চতুর্থিগী খুম্হৈগী মতাংদা হাই কোর্তনা থোকখিবা ওর্দর অদু ঙক্না চৎকনি হায়না সি.এম.না হায়খি। সরকার অসিনা মীয়াম তিনবা মফমশিংদা ভিনায়কা মুর্তিশিং খিনগৎপা অমসুং মসিগা লোইননা প্রোসেশন চৎপা হান্নদগী থিংখ্রে।
• কর্নাতকা: রাজ্যগী কেবিনেতনা কোবিদকী চিরবা তাঙ্কক অসিগী মরক্সিদা সেপ্তেম্বর ২১দগী নুমিৎ ৯নিগী লেজিস্লেতিব সেসন পাংথোক্নবা ৱারেপ লৌখ্রে। রাজ্য অসিনা স্লোতর ওফ কাউস এক্ত চৎনহন্নবা ৱারেপ লৌখ্রে। মরক অসিদা রাজ্যগী হকশেল দিপার্তমেন্তনা কন্তেনমেন্ত অমসুং বফর জোনশিংগীদমক্তা গাইদলাইনশিং রিভাইস তৌখ্রে। কর্নাতকাদা শগোলশেল নুমিত্তা কোবিদ কেস ৮০০০গী মথক্তা অমুক থেংনখ্রে; হৌখিবা নুমিৎ খরনিসিদা শিবগী মশিং হেনগৎখ্রে, মসিনা শিখিবগী অপুনবা মশিং অদু ৪,৩২৭ য়ৌখ্রে; কোবিদ পোজিতিবকী অপুনবা মশিং অদু কেস ২,৪৯,৫৯০দা হেনগৎখ্রে।
• অন্ধ্র প্রদেশ: স্তেত এন্দোমেন্ত মিনিস্তরনা লাইচৎ অসি য়েংলগা হন্দক চহিগী ভিনায়কা চতুর্থিগী মীয়মগী ওইবা কুম্হৈ অমত্তা তৌররোই হায়না হায়খি অমসুং পন্দলশিং শিনবগী মহুত্তা য়ুমদা পুজাশিং পাংথোক্নবা মীয়ামদা হায়খ্রে। মুর্তি ঈশিংদা থাধবা মতমদা রেলীশিং অমসুং গনেশ পন্দলশিং হন্দক্কী চহিদি থিংখ্রে। কদাপা সেন্ত্রেল প্রিজনদা কোরোনাভাইরসকীদমক দিতেক তৌখ্রবা, হান্নগী তি.দি.পি.গী এম.এল.এ., জে.সি. প্রভাকর রেদ্দী ঙসি থাদোক্লগনি। আনন্তাপুরদা লৈবা এস.সি./এস.তি. এত্রোসিতিস কোর্ত্তা ঙরাং মহাক্কী লোয়রশিংনা থংগৎলকখিবা পেতিশনদা মহাকপু বেলগী অয়াবা পীখ্রে। রাজ্য অসিনা য়ুমশকৈসা নুমিৎ ফাওবদা কোবিদ-১৯ তেস্ত ৩০,১৯,২৯৬ পাংথোকখ্রে, মসিনা রাজ্য অসিবু সেমপল তেস্ত তৌবদা লাখ ৩০গী তাঙ্কক লান্থোকখিবা মরিশুবা রাজ্য ওইহনখি।
• তেলঙ্গানা: হৌখিবা পুং ২৪দা অনৌবা কেস ১৭২৪, ১১৯৫ ফখি অমসুং ১০ শিখিবগী পাউ লৈখি; কেস ১৭২৪ অসিগী মনুংদা জি.ঐচ.এম.সি.দগী কেস ৩৯৫ থেংনখি।  অপুনবা কেস শিং: ৯৭,৪২৪; এক্তিব কেসশিং: ২১,৫০৯; শীখিবশিং: ৭২৯; দিসচার্জ তৌখিবশিং: ৭৫,১৮৬। সাউথৱেস্ত মনসুন্না লেপ্তবগা লোইননা, হাইদ্রবাদ অমসুং তেলঙ্গানাদা নোং লেপ্তনা চুখি। দা.রেদ্দীনা ভারত্তা অভিগান (ফাভিপিরাভির) লোঞ্চ তৌখ্রে। হায়রিবা দ্রগ অসি খরা কনবদগীনা ময়াই ওইরপ তৌবা কোবিদ-১৯গী লাইনানা নারবা পেসেন্তশিং লাইয়েংবগীদমক্তা দ্রগ কন্ত্রোলর জেনরেল ওফ ইন্দিয়ানা অয়াবা পীখ্রে।

ফেক্ত চেক

******