হকশেল অমসুং য়াইফ-য়ুম্বাল মন্ত্রালয়

ভারতনা চীংদোল অমগসু লোম্লে; ফগৎলকপা অপুনবা মশিং মিল্লিয়ন ২ হেল্লে

হৌখিবা পুং ২৪দা নোংমদা খ্বাইদগী ৱাংনা মীওই ৬০,০৯১ ফগৎলকখ্রে

ভারতকী ফগৎপগী চাংসু চীংদোল অমা লেপ্লে, চাদা ৭৩ লান্না চেনখ্রে

Posted On: 19 AUG 2020 11:24AM by PIB Imphal

খোঙজেল য়াঙনা চেন্দুনা অপুনবা তেস্ত মশীং করোর ৩ লান্থোক্তুনা ভারতনা অতোপ্পা থাক ৱাংবা অমগসু রেকোর্দ থম্লে‍। অপুনবা ফগৎলকপা মশীং ঙসি মিল্লিয়ন ২ লান্থোকখ্রে (২০,৩৭,৮৭০)‍।

মসিগা লোয়ননা অতোপ্পা এচিভমেন্ত অমা হায়রগদি হৌখিবা পুং ২৪সিদা নোংমদা খ্বাইদগী ৱাংবা ওইনা মীওই ৬০,০৯১ ফগৎলকখিবা অসিনি‍। অসিগুম্লবা মশীং য়াম্লবা কোবিদ-১৯ নারুবা মীওইশিং ফগৎলকপা অমদি অনা লায়েংশঙশিংদগী অমসুং য়ুমদা আইসোলেসন তৌবদগী (মাইল্দ অমসুং ময়ায় ওইরপ তৌবা কেসশিং) থাদোকখিবগা লোয়ননা ফগৎলকপগী চাং অসি চাদা ৭৩ (৭৩.৬৪) ওইদুনা চীংদোল অনী লোম্লে‍। মসিনা কেস ফেতেলিতী রেত (মী শিবগী চাং) হন্থহল্লে অমদি ঙসি চাদা ১.৯১দা নেম্না লৈরে‍।

রেকোর্দ ওইনা ৱাংনা ফগৎলকপা অসিনা একচুএল কেস লোদ হায়বদি মক্তিব কেস হন্থহন্দুনা হৌজিক্কী ওইনা অপুনবা পোজিতিব কেসকী শরুক ৪ থোকপগী ১দা (শুপ্নতগী চাদা ২৪.৪৫) লৈরে‍। মশীং য়াম্না ফগৎলকপা অমদি শিইবগী চাং হন্থরকপা অসিনা ভারতকী থাক নাইবা খুজিল থৌরাং অসি কান্নবা ফংলে হায়বা উৎলি‍। ভারতকী ওইনা এক্তিব কেসতগী (৬,৭৬,৫১৪) ফগৎলকপনা মশীং ১৩,৬১,৩৫৬ হেল্ল‍‍।

জনুৱারী ২০২০ হৌরকপদগী হৌনা, ভারত লৈঙাক্না চেকশিন্না লৈবাকসিদা কোবিদ-১৯গী থাক নাইবা, মাঙজৌনবা অমদি ইচঙ থৌবা রেন্সপোন্স অমসুং মেনেজমেন্তকী লাল্লোং ইন্দুনা লাকখি‍। মীৎয়েং চঙবা, পুন্না পাঙথোকমিন্নবা অমদি লৈঙাক মপুম ওইনা চঙশিনখিবা খোঙজঙ অসিনা মায় পাকপা পুরক্লি‍।

কেয়রগী খোঙথাঙ, ইচঙ থৌনা তেস্ত তৌবগী থৌরাং, মপুং ফানা ত্রেক তৌবা অমসুং মতিক চানা লায়েংবা হায়রিবা ৱাফমশিং অসিদা লেপ্পা নাইদবা থৌরাং অসি কেন্দ্রনা লুচিংদুনা স্তেত/য়ু.তি. লৈঙাকশিংগা খুৎশম্নরগা চঙশিল্লকখিবনি‍। অহেনবা মীৎয়েঙ চঙদুনা য়ুমথোঙ য়ুমথোঙ খুদিং চঙদুনা কন্তেক্ত ত্রেসিং তৌবনা কোবিইদ-১৯ কেসশিং ঙন্না থেংনবা অমদি মশক খঙদোকপা ঙমহল্লি‍। থোইদোক্না কন্না নাদবা কেসশিংদি নীংথিনা শেন্নরগা ময়ুমদা আইসোলেসন তৌহন্দুনা লায়েংলি‍। মরম চাবা স্তেন্দর্দ কেয়র এপ্রোচতা য়ুম্ফম ওইবা নীংথিনা মান্ননা শেমদোক্লবা ক্লিনিকেল মেনেজমেন্ত প্রোতোকোলগী মতুং ইন্না কন্না নাবা অমদি কা হেন্না ফীভম শোকচিল্লবা অনাবশিং অনা লায়েংশঙদা পুদুনা খ্বাইদগী ফবা মেদিকেল কেয়র পীরি‍।

ভারত লৈঙাক্না স্তেত/য়ু.তি. লৈঙাকশিংগা পুন্না হোৎনমিন্নদুনা লৈবাক শিনবা থুংনা অনা লায়েংশঙশিংগী মচাক মথুম ফগৎহন্দুনা তোঙান তোঙানবা কাঙলুপকী পোজিতিব কেসশিংবু কেদিকেতেদ কোবিইদ কেয়র সেন্তর (দি.সি.সি.সি.), দেদিকেতেদ কোবিদ হেল্থ সেন্তর (দি.সি.ঐচ.সি.) অমসুং দেদিকেতেদ কোবিদ হোস্পিতাল (দি.সি.ঐচ.)শিংদা মেদিকেল কেয়র পীরি‍। অসিগুম্বা মফমশিংগী মশীংসু শীংথানিংঙাই ওইনা হেনগৎলে‍। ঙসিদি দি.সি.ঐচ. ১৬৬৭, দি.সি.ঐচ.সি. ৩৪৫৫ অমসুং দি.সি.সি.সি. ১১,৫৯৭ লৈরে‍। মখোয়না পুন্না আইসোলেসন ফমুং ১৫,৪৫,২০৬, ওক্সিজেনগী ঙাক্লৌ য়াওবা ফমুং ২,০৩,৯৫৯, অমসুং আই.সি.য়ু. ফমুং ৫৩,০৪০ পীরি‍।

কেয়র অমসুং সর্ভিস পীনিংদবা লৈরকপদা তুমিন্না য়েংদুনা লৈবা য়ারোইদবা মতিং লৈবা এম্বুলেন্স সর্ভিস, অমসুং থিজিন হুমজিনবগী লায়েং পথাপকা পুনশিল্লবা নন-ইনভেজিব ওক্সিজেনগুম্বা থৌরাংশিং লৌখত্তুনা কোবিদ-১৯ নারবা মীওইশিংদা খোঙলৌ পল্লৌবা লৈতবা অমদি পোইন্ত-তু-পোইন্ত মেদিকেল মেনেজমেন্ত পীবা ঙমহল্লি‍। এইম্স নই দিল্লীনা মখোয়গী তেলি-কন্সল্তেসনগী খুত্থাঙদা স্তেত/য়ু.তি.শিংগী দোক্তরশিংগী ক্লিনিকেল কেপাসিতীশিং শেমগৎপদা মতেং পাংলি‍। অসিগুম্বা তোপ তোপ্পা থৌরাংসিগী খুত্থাঙদা নই দিল্লীগী এইম্সকী স্পিসিএলিস্ত দোক্তরশিংনা কেস ফেতেলিতী হন্থহন্নবগী পান্দম অমদা স্তেতকী অনা লায়েংশঙশিংদা লৈরিবা আই.সি.য়ু.শিং পান্নরিবা দোক্তরশিংদা ৱাখল লৌশিংগী অমদি এক্সপর্তকী লমজিং লমতাক পীরি‍।

হায়রিবা থৌরাংশিং অসিদা মরুওইবা থৌদাং লৌরিবশিংদি স্তেত/য়ু.তি.শিংদা লৈরিবা অশাশিংনি‍। এক্তিব কেস সর্চ তীমগী শরুক অমা ওইনা মখোয়না য়েংশিনবগী অমদি কন্তেক্ত ত্রেসিংগী থৌওং মপাঙ্গল কনখৎহল্লি অমদি ময়ুমদা আইসোলেসন তৌরিবা অনাবশিংদা লমজিং লমতাক পীরি‍। ফীভম লুবা অনাবশিং মতম চানা লায়েংনবগীদমক অনা লায়েংশঙদা য়ৌহল্লকপগী মরুওইবা থৌদাং মখোয়না য়ারি‍। মখোয়না লৈকায়শিংবুসু কোবিদ-১৯দগী ঙাকথোক্নবা অমদি লাকশিন্নবা পাম্বৈশিংগী মরমদা ঈ-পাউ শন্দোক্তুনা মতেং পাংলি অমদি মথৌ তাবশিংবুসু হকশেলগী সর্ভিসেসশিং ফংহনবদা মতেং পাংলি‍।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ অমদি @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19@gov.in দা অমদি অতোপ্পা ৱাহংশিংনা ncov2019@gov.in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু:  +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

****



(Release ID: 1646925) Visitor Counter : 3