অত্মানির্ভর ভারত অমা ওইনবগী পান্দমদা লৌউ-শিংউদা মীপাল তাংদবা হায়বা অসি মর ওই। মসিগীদমক, লৈবাক অসিগীদমক মমল য়াম্লবা ফোরেন একচেঞ্জ তানবগী মথক্তা এগ্রিকলচরেল এক্সপোর্ত তৌবসু য়াম্না মরু ওই, এক্সপোর্তশিং তৌবনা লৌমীশিং/প্রদ্যুসরশিং/এক্সপোর্তরশিংনা অচৌবা মালেমগী কৈথেলশিংদগী খুদোংচাবা লৌবা অমসুং মখোয়গী ইনকম হেনগৎহনবদা মতেং ওইগনি। এক্সপোর্ত তৌবনসু লৌউ-শিংউগী সেক্তরদা লৌ উবাগী লম অমসুং পোত্থোক হেনগৎহনবনা মরম ওইদুনা পোত্থোক পুথোকপা হেনগৎহল্লি।

দবল্যু.তি.ও.শিংগী ত্রেদ স্তেতেতিক্সকী মতুং ইন্না ২০১৭দা মালেমগীএগ্রিকলচর ত্রেদতা ভারতকী এগ্রিকলচরগী ওইবা এক্সপোর্তশিং অমসুং ইম্পোর্তশিং অসি মথংশিৎনা ২.২৭% অমসুং ১.৯০%নি। লায়চৎ অসিগী লোকদাউনগী লুরবা তাংফমদা ফাওবা ভারতনা মালেমগী ফুদ সপ্লাই চেন্দা অকায়বা পীদনবা অমসুং এক্সপোর্ত তৌবা মখা চত্থনবা কন্না হোৎনখি। মার্চ ২০২০দগী জুন ২০২০ ফাওবা এক্সপোর্ত তৌখিবা এগ্রিগী পোৎলমশিং অসি ২০১৯গী মতম অসিমক্তদা এক্সপোর্ত তৌখিবা লুপা কোতি ২০৭৩৪.৮কা চাংদম্নবদা লুপা কোতি ২৫৫৫২.৭ ওইদুনা ২৩.২৪% খংহেন হেনগৎপা উৎলি।

ভারতকী এগ্রিকলচরেল জি.দি.পি.গী পর্সেন্তেজকী মতুং ইন্না এগ্রিকলচরেল এক্সপোর্ত অসি ২০১৭-১৮গী ৯.৪%দগী ২০১৮-১৯দা ৯.৯%দা হেনগৎখ্রে। অদুগা ভারতকী এগ্রিকলচরেল জি.দি.পি.গী পর্সেন্তেজকী মতুং ইন্না এগ্রিকলচরেল ইম্পোর্ত অসি ৫.৭%দগী ৪.৯%দা হন্থদুনা ভারত্তা এক্সপোর্ত তৌবা য়াবা হেনগৎপা অমসুং হন্থবা অসি এগ্রিকলচরগী পোত্থকশিং ইম্পোর্ত তৌবদা মখা পোল্লি তাক্লি। 

নিংখা তম্বদগী হৌনা এগ্রি এক্সপোর্ত চাউনা তৌরি। ১৯৫০-৫১দা ভারতকী এগ্রি এক্সোর্ত অসি লুপা কোতি ১৪৯ ওইরম্বা অদু ২০১৯-২০দা লুপা কোতি লাখ ২.৫৩গী থাক্তা হেনগৎখ্রে। হৌখিবা চহি ১৫ অসিদা লৌউ-শিংউগী পোৎলম পুম্নমক্কী এক্সপোর্ত তৌবা অসি চাউনা হেনগৎখ্রে অদুবু লৌউ-শিংউগী পোত্থোক পুথোকপদা মকোক ওইরবসু ভারতনা লৌউ-শিংউগী পোত্থোক্কী এক্সপোর্ত তৌবদা মকোক ওইরিবশিংগী মরক্তা য়াওবা ঙমদে। খুদম ওইনা মালেম পুম্বগী গেহু পুথোকপদা অনিশুবদা লৈরবসু এক্সপোর্ত তৌবগী রেঙ্কতি ৩৪শুবদা লৈ। মসিগা মান্নবা মওংদা মনা-মশিং পুথোকপদা মালেমগী ৩শুবা ওইরবসু ভারতকী এক্সপোর্ত রেঙ্কিং অসি ১৪শুবদা লৈ। চপ মান্ননা উহৈ-ৱাহৈশিং পুথোকপদা ভারতনা মালেমগী অনিশুবদা লৈ অদুবু এক্সপোর্তকী রেঙ্কিং ২৩ ওই। লৌউ-শিংউদা এক্সপোর্ত তৌবদা মকোক থোংবা লৈবাক ওইনবা পোত্থোক পুথোকপগা চান্ননবা মথৌ তাবা খোঙথাংশিং লৌখৎবগী ময়েংক শেংনা তঙাই ফদবা অমা ওইরি।

হীরম অসিদা দি.এ.সি. এন্দ এফ.দবল্যু.না এগ্রি ত্রেদ খুমাং চাউশিনহন্নবা অচৌবা এক্সন প্লান/লালোং অমা শেমখ্রে। দেতা অমসুং পোত্থোক পুথোক্তিঙৈ, পুথোকপগী অমসুং পুথোক্লবা মতুংগী সমস্যাশিংগী অকুপ্পা ৱারোল অমা খঙদোক্তুনা অপুনবগী লালোং অমা শেমগৎনবা এন্দ তু এন্দ এপ্রোচ অমা পুথোক্নবা হোৎনরি। হৌজিক লৈরিবা পুথোকপগী অমসুং এক্সপোর্ত তৌবগী ফীভম, পাঙ্গল, খুদোংচাদবশিংগী মতাংদা প্রদক্ত গ্রুপশিংগী এনালাইসিস মতুদা অখন্নবা কম্মোদিতীশিংগী তৌরি মসিগী মতুংদা স্তেকহোল্দরশিংগা লোয়ননা খন্নরবা মতুংদা লৌখৎকদবা খোঙথাংশিং খঙদোকখ্রে। ভেল্যু এদিসনবু মরু ওইনা লৌদুনা অমসুং ইম্পোর্ত সবস্তিত্যুসনগী এক্সন প্লানদা মীৎয়েং চংবগা লোয়ননা এগ্রি এক্সপোর্ত ফগৎপা হেনগৎনবা এপ্রোচ অদু শরুক অনি হেনগৎখ্রে। খঙদোকখ্রবা খোঙথাংশিং অসি মতম চানা লৌখৎকদবা এক্সন প্লান অমা ওন্থোকখ্রে।

খরা পল্লবদা, এক্সপোর্তকী লালোং অসিনা হকচাং ফনা থম্নবা চিঞ্জাক/ হকচাং শোক্তনবা চিঞ্জাক/ ন্যুত্রাকোতিকেলশিংগী থুংনা চাউখৎলক্লিবা আপিকপা কৈথেলশিং অসিগী এক্সপোর্ত খুমাং চাউশিন্নবা মীৎয়েং থম্বা; অনৌবা মপাল লৈবাক্কী কৈথেলশিংদা চংবদা অমসুং মশা মতোমদা ভেল্যু রিএলাইজেসন ৱাংখৎহনজবা  অনৌবা প্রদক্তশিংদা মতেং পাংনবা “ব্রান্দ ইন্দিয়া” অসি কেম্পেন মোদতা পুখৎপা; ভারতজী অচৌবা কৈথেল অমা ওইরিবা গল্ফ লৈবাকশিং অসি খন্দোক্তুনা পান্দম থম্লিবা মফম ওইহন্দুনা মার্কেৎ সিয়র হেনগৎনবা তৌগনি হৌজিক্কি ওইনা মখোয়গী অপুনবা ইম্পোর্ত অসিগী সিয়র ১০-১২% খক্তা ভারতনা পীবা ঙম্লি। অনৌবা লমশিংদা হেনগৎপা য়াগদবা প্রদক্তশিংগী লিস্ত অমসুং অনৌবা প্রদক্তশিং হাপচিনবা য়াবা হান্না খঙলবা কৈথেলশিংগী লিস্ত য়াওহন্দুনা প্রদক্ত মার্কেৎ মেত্রিক্স অমা শেমখ্রে।

হোর্তিকলচর অসিনা চাউখৎলক্লিবা সব-সেক্তর অমনি হায়বসু খঙজিনবা য়াই। ভারতনা উহৈ অমসুং মনা-মশিং পুথোকপদা অনিশুবা মফম কল্লি। চহিগী ওইনা লুপা কোতি ৫,৬৩৮রোম ওইগদবা উহৈ এম.তি. (এল.এম.তি.) লাখ ৮.২৩ অমসুং লুপা কোতি ৫,৬৭৯রোম ওইগদবা মনা-মশিং এল.এম.তি. লাখ ৩১.৯২ এক্সপোর্ত তৌরি। উহৈ এক্সপোর্ত তৌবদা অঙ্গুরনা মকোক থংলি মতুংদা হৈনৌ, কমফোই, লফোই অমসুং কোম্লানা মতুংদা লৈরি। অতেকপা মনা-মশিং এক্সপোর্ত তৌবদা, তিলহৌ, পুনশিল্লবা মনা-মশিংশিং, অলু, খামেন অসিনবা অমসুং মোরোক অতেকপা অসিনা মরু ওইবা পোৎলমশিং ওইরি। অদুম ওইনমক মালেমগী ওইনা উহৈ অমসুং মনা মশিংগী ত্রেদ অসি য়ু.এস. দোলর বিলিয়ন ২০৮নি অমসুং ভারতকী সিয়র অসিদি য়াম্না য়ামদে। উহৈ অমসুং মনা মশিং এক্সপোর্ত তৌবা হেনগৎনবা অচৌবা লম্বী লৈ। অঙ্গুর, হৈনৌ, কমফোই, তিলহৌ, অলু অমসুং থবী –ঘের্কিনদা অখন্নবা মীৎয়েং চংবগা লোয়ননা অতেকপা উহৈ অমসুং মনা মশিং এক্পোর্ত তৌনবা অখন্নবা লালোং পুথোকখ্রে।

হৌজিক লৈরিবা এগ্রি ক্লস্তরশিং অসি মপাঙ্গল কনখৎহনবা মথৌ তাই অমসুং বল্ক ক্বান্তিতী অমসুং ক্বালিতী সপ্লাইশিং তৌবগী লৈরিবা অৱাৎপা অসি মেনশিন্নবা অহেনবা প্রদক্ত ক্লস্তরশিং শেমগৎপদা মীৎয়েংসু চংলগনি। চানবা থাও, কাজু, উহৈ অমসুং মরু মরাংশিংদা অখন্নবা মীৎয়েং চংবগা লোয়ননা ইম্পোর্ত সবস্তিত্যুসনগীদমক মতমগী মুতুং ইন্না পাঙথোক্কদবা এক্সন প্লান অমা শেমখ্রে মসিনা ভারতবু মীপাল তাংদবা ঙমহল্লগনি।

লৌউ-শিংউ মন্ত্রালয়গী এগ্রিকলচরেল কোওপরেসন অমসুং ফার্মর্স ৱেলফিয়র বিভাগকী য়াথং ওইনা এগ্রি এক্সপোর্ত অসি অৱাংবা থাক্তা পুখৎনবা অখন্নবা প্রদক্তকী এক্সপোর্ত প্রমোসন ফোম শেমখ্রে। কম্মর্স বিভাগকী এগ্রিকলচরেল এন্দ প্রোসেস ফুদ প্রদক্তস এক্সপোর্ত দিবেলপমেন্ত ওথোরিতী (এ.পি.ই.দি.এ.)গী লুচিং মখাদা অঙ্গুর, হৈনৌ, লফোই, তিলহৌ, চেং, নুত্রি-সিরিএলশিং, কমফোই অমসুং ফ্লোরিকলচর হায়রিবা এগ্রি অমসুং এলাইদ প্রদক্ত ৮ অসিগী এক্সপোর্ত প্রমোসন ফোরমশিং (ই.পি.এফ.শিং) শেমখ্রে।

এক্সপোর্ত প্রমোসন ফোরম অমমমদা মরী লৈনবা পোত্থোক অদুগী এক্সপোর্তরশিং অসি মীহুৎশিং ওইহনগনি লোয়ননা মরী লৈনবা কেন্দ্রগী অমসুং রাজ্যগী সরকারশিংগী মন্ত্রালয়শিং/ বিভাগশিংগী মীহুৎ ওইনা ওফিসিএল মেম্বরশিং য়াওগনি। ফোরমশিং অসিগী চ্যেরমেন্ অসি এ.পি.ই.দি.এ.গী চ্যেরমেন্না ওইগনি। ফোর্মশিং অসি থা অনি খুদিংগী অমুক্তং উন্নগনি মসিদা মরী লৈনবা পোত্থোক এক্সপোর্ত তৌবদা থেংনবা সমস্যাশিংগী মরমদা খন্নগনি/ৱারেপ লৌগনি অমসুং মথৌ তাবগী মতুং ইন্না মীফম অসিদা ৱারী ৱাতাই শানবা এক্সপর্তশিংসু কৌগনি।

ফোরমনা লেপ্পা লৈতনা মরী লৈনবা পোত্থোকশিংগী পুথোকপা অমসুং এক্সপোর্ত তৌবগী ওইবা মপান্থোংগী/মনুংগী ওইবা ফীভমদা দিবেলপমেন্তশিং মোনিতর অমসুং আইদেন্তিফাই/এন্তিসিপেৎ তৌগনি অমসুং মথৌ তাবা পোরম/এদমিনিস্ত্রেতিবকী ওইবা খোংথাংশিং লৌখৎনবা খনগৎকনি/মিৎয়েং চংগনি। মখোয়না মরী লৈনবা পোত্থকশিংগী প্রদ্যুসরশিং, এক্সপোর্তরশিং অমসুং অতোপ্পা মরী লৈনবা স্তেকহোল্দরশিংগা এক্তিব ওইনা পাউ ফাওনগনি অমসুং মখোয়গী অৱাবশিং তাগনি অমসুং মখোয়দা কান্নবা. মতেং অমসুং সোলুসনশিং পীগনি। মখোয়না মালেমগী থাক্তা চাং নায়না মরী লৈনবা পোত্থকশিংগী মার্কেৎ য়েংশিনগনি অমসুংলৈবাক ওইবা পোৎচৈশিংগী খুদোংচাবশিং অমসুং দিবেলপমেন্তশিং/ইমপ্লিকেসনশিং খন্দোক্নি অমসুং চপ মান্নবা অদু লৈবাক্কী প্রদ্যুসরশিং অমসুং এক্সপোর্তরশিংদা থুনা শিজিন্নগনি। 

ফোরমগী রেকমেন্দেসনশিং অসি প্রদক্ত কম্মিতী/ ওথোরিতী ওফ এ.পি.ই.দি.এ.দা থাংগৎলগনি। ফোরমনা এগ্রিকলচর মন্ত্রালয়গী মরী লৈনবা ওর্গনাইজেসনশিং এম.আই.দি., এক্সতেন্সন্ এন.পি.পি.ও.নচিংবা, দি.জি.এফ.তি., সিভিল এভিএসন মন্ত্রালয়, এম.ও.এফ.পি.আই.নচিংবগা মখাতানা এগ্রিকলচরেল এক্সপোর্ত তৌনবা পুন্না চৎমিন্নগনি।

*****