কেন্দ্র অমসুং রাজ্য সরকারশিংনা খুৎশম্নদুনা থবক পায়খৎপদগী, তেস্ত করোর ৩ পাংথোক্তুনা ভারতনা অনৌবা মাইপাকপা অমা পুরক্লে। লৈবাক শীনবা থুংনা লেবোরেতোরি মশিং য়ামখৎহনবা অমসুং লাইনা তেস্ত তৌনবা খুদোংচাবা পীবদগী তেস্ত তৌবা মশিং হেনগৎলকপনি। হৌখিবা পুং ২৪দা তেস্ত ৭,৩১,৬৯৭ পাংথোকতুনা লৈবাক অসিনা নোংমদা তেস্ত লাখ ১০ দা হেনগৎহনগনি হায়না ভারতনা ৱারেপ লৌখিবা অদু ফংবা ঙম্লে। মসিগী মাইপাকপা অসি পুরকপদগী, তেস্ত পর মিল্লিয়ন হেনগৎলক্তুনা হৌজিক ২১,৭৬৯দা লৈরে।  

২০২০গী জুলাই ১৪দা অপুনবা তেস্ত মশিং করোর ১.২ ওইরম্বদগী ২০২০গী অগস্ত ১৬দা করোর ৩.০ য়ৌরে, হায়রিবা মতম অসিদা পোজিতিপ ওইবগী চাং চাদা ৭.৫দগী চাদা ৮.৮১দা হেনগৎলকখি। অহানবদা পোজিতিপ ওইবগী চাং হেনগৎলক্লবসু, নাইতোম লৈবা,খোঙ্গুল ইবা অমসুং মতম চানা লায়েংবদগী রেত হন্থরকপা অদু দিল্লিনা খুদম ওইনা উৎলে।

অকনবা মওংদা তেস্ত তৌবা অসিনা কোবিদ-১৯ পোজিতিব কেসশিং ঙন্না মশক খঙদোকপা অমসুং নাইতোম লৈহনবা ঙম্মি। মসিগা লোয়ন্না ফজনা লায়েংবদগী শিবগী চাং হন্থরকই। অসুম্না, মতম চানা তেস্ত তৌবা অসিনা পোজিতিপ ওইবগী রেত হন্থহনবদা নত্তনা শিবগী চাংসু হন্থহল্লি।

অকনবা থবকশিং পায়খৎপদগী লৈবাক অসিদা তেস্ত তৌনবা লেবশিং মশিং হেনগৎলক্লি। ২০২০গী জনুৱারিদা পুনেদা লেব অমা খক লৈরম্বদগী ঙসিদি লেব ১৪৭০ লৈরে, মসিদা সরকারগী লেব ৯৬৯ অমসুং লনাইগী লেব ৫০১ য়াওরি।

হায়রিবা লেবশিং অদুদি:

রিএল-তাইম আর.তি পি.সি.আর তেস্তিং লেবস : ৭৫৪(সরকার :৪৫০+লনাই: ৩০৪)

ত্রুনেত তেস্তিং লেবস : ৫৯৯(সরকার : ৪৮৫ + লনাই : ১১৪)

সি.বি.এন.এ.এ.তি তেস্তিং লেব : ১১৭ (সরকার :৩৪+লনাই:৮৩)

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

*******