পোষ্ট কৰা হৈছে:
15 AUG 2020 1:07PM by PIB Guwahati
ভাৰতে ক’ভিড-১৯ ৰোগী আৰোগ্যৰ হাৰ বৃদ্ধিৰ ধাৰাবাহিকতা অব্যাহত ৰাখি এদিনতে পুনৰ সৰ্বাধিৰ ৰোগীৰ আৰোগ্যৰ অভিলেখ ৰচনা কৰিছে৷ বিগত ২৪ ঘণ্টাত দেশত ৫৭,৩৮১গৰাকী ক’ভিড ৰোগী আৰোগ্য হৈছে৷
ইয়াৰ জৰিয়তে ভাৰতৰ আৰোগ্যৰ হাৰ ৭০%লৈ বৃদ্ধি হৈছে৷ এই সফলতাত অৰিহণা যোগো ৩২খন ৰাজ্য আৰু কেন্দ্ৰীয় শাসিত অঞ্চলৰ আৰোগ্য হাৰ ৫০%তকৈ অধিক৷ ১২খন ৰাজ্যৰ আৰোগ্যৰ হাৰ ৰাষ্ট্ৰীয় আৰোগ্যৰ হাৰতকৈ অধিক৷

ইফালে, দেশত সৰ্বমুঠ আৰোগ্য হোৱা ৰোগীৰ সংখ্যা ১৮,০৮,৯৩৬গৰাকীলৈ বৃদ্ধি পাইছে৷ আক্ৰান্ত হৈ চিকিৎসাধীন হৈ থকা ৰোগী আৰু আৰোগ্য হোৱা লোকৰ মাজৰ ব্যৱধান ১১ লাখৰ সীমা অতিক্ৰম কৰিছে(আজিৰ সৈতে ১১,৪০,৭১৬জন)৷
এয়া ৰাজ্য আৰু কেন্দ্ৰীয় শাসিত অঞ্চলসমূহৰ সৈতে কেন্দ্ৰীয় চৰকাৰে গ্ৰহণ কৰা সমন্বিত প্ৰচেষ্টাৰ ফল৷
বৰ্তমান দেশত ৬,৬৮,২২০গৰাকী ৰোগী চিকিৎসাধীন হৈ আছে, যিটো মুঠ আক্ৰান্তৰ ২৬.৪৫%৷ চিকিসা ব্যৱস্থাত কৰা উন্নয়ন সাধন কৰা অভূতপূৰ্ব আন্তঃগাঁথনি আৰু চিকিৎসকসকলৰ নেৰানেপেৰা প্ৰচেষ্টাৰ লগতে সু-ব্যৱস্থাপনাৰ বাবে দেশত ক’ভিড-১৯ ৰোগীৰ মৃত্যুৰ হাৰ ১.৯৪ শতাংশলৈ নিম্নগামী হৈছে৷
দেশত পৰীক্ষা, চিনাক্ত আৰু চিকিৎসা এই কৌশল গ্ৰহণ কৰি বিগত ২৪ ঘণ্টাত আন এক বৃহৎ সফলতা অৰ্জন কৰিছে, যাৰ জৰিয়তে এই সময়ছোৱাত ৮,৬৮,৬৭৯টা নমূনা পৰীক্ষা সম্ভৱ হৈছে৷ দেশত মুঠ নমূনা পৰীক্ষা ২.৮৫ কোটি হৈছে৷
ইফালে পৰ্যায়ক্ৰমে পৰীক্ষা সুবিধা বৃদ্ধিৰ জৰিয়তে দেশত বৰ্তমানলৈকে পৰীক্ষাগাৰৰ সংখ্যা ১৪৬৫টা লৈ বৃদ্ধি পাইছে৷ ইয়াৰে ৯৬৮টা চৰকাৰী আৰু ৪৯৭টা বেচৰকাৰী পৰীক্ষাগাৰ৷ সেইবোৰ হৈছে-
সঠিক সময়ত আৰটি-পিচিআৰ আধাৰিত পৰীক্ষাগাৰঃ৭৫১(চৰকাৰীঃ৪৪৮+ব্যক্তিগতঃ৩০৩)
ট্ৰুনাট আধাৰিত পৰীক্ষাগাৰঃ৫৯৭(চৰকাৰীঃ৪৮৬+ব্যক্তিগতঃ১১১)
চিবিএনএএটি আধাৰিত পৰীক্ষাগাৰঃ১১৭(চৰকাৰীঃ৩৪+ব্যক্তিগতঃ৮৩)
স্বাস্থ্য আৰু পৰিয়াল কল্যান মন্ত্ৰালয়ে “ভাৰতত ক’ভিড-১৯ মহামাৰী আৰু গুটখাজাতীয় সামগ্ৰী ব্যৱহাৰ” শীৰ্ষক এক দষ্টাবেজ প্ৰকাশ কৰা হৈছে৷ এই দষ্টাবেজ চাবলৈ এই লিংকত ক্লিক কৰকঃ-
https://www.mohfw.gov.in/pdf/COVID19PandemicandTobaccoUseinIndia.pdf
ক’ভিড-১৯ সম্পৰ্কীয় সকলো প্ৰমাণীকৃত আৰু আপডেটেড তথ্য, নিৰ্দেশনা আৰু পৰামৰ্শৱলীৰ বাবে অনুগ্ৰহ নিয়মীয়াকৈ পৰিদৰ্শন কৰকঃ https://www.mohfw.gov.in/.
technicalquery.covid19[at]gov[dot]in লৈ ক’ভিড-১৯ সম্পৰ্কীয় কাৰিকৰী জিজ্ঞাসা আৰু অন্য জিজ্ঞাসাৰ বাবে ncov2019[at]gov[dot]in আৰু @CovidIndiaSeva লৈ মেইল কৰিব পাৰে৷
ক’ভিড-১৯ সম্পৰ্কীয় যিকোনো জিজ্ঞাসাৰ বাবে অনুগ্ৰহ কৰি +৯১-১১-২৩৯৭৮০৪৬ অথবা ১০৭৫ (টোল-ফ্ৰী) নম্বৰত স্বাস্থ্য আৰু পৰিয়াল কল্যাণ মন্ত্ৰালয়লৈ ফোন কৰিব পাৰে৷
https://www.mohfw.gov.in/pdf/coronvavirushelplinenumber.pdf ত ক’ভিড-১৯ৰ বাবে ৰাজ্য/কেন্দ্ৰীয় শাসিত অঞ্চলৰ হেল্পলাইন নম্বৰসমূহ উল্লেখ কৰা আছে৷
****
MV/SJ/DB