(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• লেপ্পা লৈতনা হেনগৎলকপা ওইনা, রিকোবরী তেৎসু ৭১.১৭% য়ৌরে;
• ভারতনা নোংমা খক্তদা খ্বাইদগী ৱাংবা ওইনা তেস্ত ৮.৫ তৌখি
• কেস ফেতালিতী রেৎনা ১.৯৫%দা হন্থরক্লে
• এক্তিব কেস মশীং (৬,৬১,৫৯৫)
• থা অমা খক্তদা পি.পি.ই. লাক ২৩ এক্সপোর্ত তৌবগা লোয়ননা মালেমদা মফম কনবা ঙমখ্রে; কেন্দ্র সরকারনা রাজ্যশিং/য়ু.তি.শিংদা পি.পি.ই. কোতি ১.২৮ হেন্না য়েন্থোকখ্রে
• কোবিদ-১৯গী য়েংলদুনা হয়েং লাল কিলাদা পাঙথোক্কদবা নিং-খা তম্বগী কুমওন পালনগী থৌরমগীদমক্তা এম.ও.দি.না অখন্ননা শিল-লাংখ্রে

ভারতনা নোংমা খক্তদা খ্বাইদগী ৱাংবা ওইনা তেস্ত ৮.৫ তৌখি; লেপ্পা লৈতনা হেনগৎলকপা ওইনা, রিকোবরী তেৎসু ৭১.১৭% য়ৌরে; কেস ফেতালিতী রেৎনা ১.৯৫%দা হন্থরক্লে

তুংকোইনা হন্থবা লৈতনা তেস্ত তৌবগী ফেসিলিতী হেনগৎনবগীদমক হোৎনরক্লিবশিং অসিগী মহৈ ওইনা নোংমদা তেস্ত লাখ ১০ তৌনবগী পান্দমদা চঙশিল্লক্তুনা ভারতনা নোংমখক্তদা তৌবা তেস্তকী মশীং হান্না তৌখিদ্রবা মশীং য়ৌবা ঙম্লে। হৌখিবা পুং ২৪ অসিদা অমুক্তা তৌখিদ্রবা মওংদা সেম্পল ৮,৪৮,৭২৮ তেস্ত তৌখ্রে। হৌজিক ফাওবদা অপুনবা ওইনা তেস্ত তৌখ্রবা সেম্পল মশীং অসি ২,৭৬,৯৪,৪১৬ শুখ্রে। দব্ল্যু.ঐচ.ও.না হায়রি মদুদি লৈবাক নোংমদা মীওই মিল্লিয়ন অমগী মনুংদা তেস্ত ১৪০ তৌগদবনি হায়রি। অদুবু লৈবাক অসিগী নোংমদা মীওই মিল্লিয়ন অমদা তৌবা তেস্তকী চাংদি ৬৩০নি, কেন্দ্র অমসুং রাজ্য/য়ুতি সরকারশিংনা কুপ্না য়েংশিন্দুনা হোৎনবনা হায়রিবা ফিগর অসিদগী ৩৪ হেনবা ঙম্লে। রাজ্য/য়ু.তি.শিংনা পোজিতিব ওইরক্লিবা চাং অসি য়েংলগা তেস্ত তৌবগী চাং ৱাংখৎহন্নবা হোৎননবগীদমক পাউতাক পীখ্রে। "তেস্ত, ত্রেক, অমসুং ত্রিৎ"কী খোংথাং মায় পাক্না পায়খৎপনা লৈবাক অসিদা দাইগ্নোস্তিক লেব মশীং হেনগৎনবগী মচাক ওইরি। হায়রিবসি হৌজিক ফাওবদা সরকারগী লেব ৯৫৮ অমসুং প্রাইবেৎ লেব ৪৯৩ শুবগা লোইননা লৈবাক অসিদা অপুনবা ওইনা ১৪৫১ লৈরে। তেস্তিং খোংজেল য়াংনা তৌবা, মতীক চানা ত্রেক তৌবা অমসুং মপুং ফানা লাইয়েং চত্থবনা লৈবাক অসিদা নাবা ফবগী চাং হেনগৎলক্তুনা ঙসিদি নাবা ফবগী চাং অসি ৭১.১৭% য়ৌরে। অপুনবা কোবিদ-১৯দগী নাবা ফরবগী মশীংসু লাখ ১৭.৫ (১৭,৫১,৫৫৫) য়ৌরে। নাবা ফরবা মশীংনা এক্তিব কেস মশীং (৬,৬১,৫৯৫)দগী লাখ ১১ রোম (১,০৮৯,৯৬০) হেল্লে।  ন্দার্দ ওব কেয়র প্রোতোকোলগী মখাদা মতীক চানা অনা লাইয়েং চত্থবনা কোবিদ নাবা মীওই লৈতবগী চাং হন্থহল্লক্লি। কেস ফেতালিতী রেৎসু লেপতনা হন্থরকপনা ঙসি ১.৯৫%দা লৈরে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645757

থা অমা খক্তদা পি.পি.ই. লাক ২৩ এক্সপোর্ত তৌবগা লোয়ননা মালেমদা মফম কনবা ঙমখ্রে; কেন্দ্র সরকারনা রাজ্যশিং/য়ু.তি.শিংদা পি.পি.ই. কোতি ১.২৮ হেন্না য়েন্থোকখ্রে

পোৎ পুথোকপা ঙম্বগী চাং হেনগৎহন্দুনা অমসুং লৈবাক অসিদা মথৌ তারিবা পি.পি.ই.শিং পীবা ঙম্লবগা লোয়ননা, জুলাই ২০২০দা থোকখিবা দিরেক্তর জেনরেল ওফ ফোরেন ত্রেদ (দি.জি.এফ.তি.)গী রিভাইস নোতিফিকেসন (নোতিফিকেসন নম্বর ১৬/২০১৫-২০, তাং জুন ২৯, ২০২০) অসিনা পি.পি.ই.শিং এক্সপোর্ত তৌবদা অবাবা পীখ্রে। কোমথোরকপা অসিনা মরম ওইরগা, জুলাই থা অসিমক্তদা ভারতনা লৈবাক মঙাদা পি.পি.ই. লাখ ২৩ এক্সপোর্ত তৌখ্রে।মসিদা য়ু.এস.এ., য়ু.কে., য়ু.এ.ই., সেনেগেল অমসুং স্লোভেনিবানি। মসিনা ভারতপু মালেমগী পি.পি.ই.শিং এক্সপোর্তকী তৌবগী কৈথেলদা মশাগী মফম অমা কনবদা মতেং পাংখ্রে। অত্মানির্ভার ভারত অভিয়ানদা য়াওরিনা “মেক ইন ইন্দিয়া”গী ৱাখল্লোন অসিনা মরম ওইরগা পি.পি.ই.শিং বাওনা মখল কয়াগী মেদিকেলগী খুশু খুলাইশিং লৈবাক অসিদা পুথোকচদুনা মীপাল তাংদবা ঙমহনখ্রে।অমরোমদা কেন্দ্র সরকারনা রাজ্য/য়ু.তি. সরকারশিংদা পি.পি.ই.শিং., এন৯৫মাস্কশিং, ভেন্তিলেতরশিংনচিংবা সপ্লাই তৌরবসু রাজ্যশিং অসিনা মখোয় মশানা হকথেংননা পোৎলমশিং অসি প্রোক্যুর তৌরি। মখোয় মশাগী বজেৎতরী রিসোর্সশিংদগী ২০২০গী মার্চতগী ওগস্তকী মরক্তা মখোয়না লমদম অসিদা শাজবা পি.পি.ই. কোতি ১.৪০ প্রোক্যুর তৌখ্রে। মতম অসিমক্তদা, কেন্দ্রনা রাজ্যশিং/য়ু.তি.শিং/ কেন্দ্রগী লোয়শঙশিংদা লেম্না পি.পি.ই. কোতি ১.২৮ য়েন্থোকখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645751

দা. হর্শ বর্ধন্না এ.আই.আই.এম.এস. দিল্লীদা ভোলুন্তরী ব্লদ দোনেসনগী কেম্পেন হৌদোকখ্রে 

কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না ঙসি দিল্লীগী এ.আই.আই.এম.এস.তা ভোলুন্তরী ব্লদ দোনেসনগী কেম্পেন অমা হৌদোকখ্রে। এইমস্না নীংখা তমখিবা নুমিৎ অসিদা শীনবা কেম্প অসিবু লৈবাক অসিগী মরৈবাক অমসুং মজাতি কন্নবগীদমক হোৎনবদা থৱাই থাখ্রবা লান্মীশিং অমসুং কোবিদ ৱারিয়রশিংদা কত্থোক্লি। ইমুং অনীখক মখোয়না অথোইবা মীথুংলেন ওইনা কৌখৎচখি – অমনা থৱাই থাখ্রবা লান্মী অমসুং অমনা এইমসকী কোবিদ ৱারিয়রগী ইমুং অমনি। এইমসনা লৌখৎলিবা থৌরাংশিং অসিবু থাগৎপা ফোংদোক্লদুনা দা. হর্শ বর্ধন্না হায়খি, "ঐখোয়গী নীংখা তমখিবা নুমিৎকী ৭৩ শুবা নুমিৎ অসিদা শীল্লিবা ঈ দান তৌবগী কেম্প অসি কোবিদ থেংনবদা লৈখিদ্রবা কোৎ অঙৌবা লীৎপশিং অমসুং কার্গিলদা মথ্বাই কৎখ্রবশিংদা কত্থোকচরি। ঐখোয়না দোক্তর, নর্শ নত্ত্রগা পরামেদিকেল স্তাফশিং য়াওনা লাইচৎ অসিদগী পুন্সি কল্লিবা মীওইশিং পুম্নমক্না পীরিবা কত্থোকপগী থবকশিং অসি নিংশিনগদবনি।" থৌরম অসিবু মপুং ফাহন্নবগীদমক এইমস্তা ফ্রন্তলাইন হেলথ ৱার্কর ওইরম্বা লৈখিদ্রবা কোবিদ ৱারিয়র শ্রী হরিলালগীগী ইমুং অমসুং কার্গিলদা লৈখিদ্রবা অথৌবা লেন্স নাইক রজবীর সিংহগী ইমুং মনুংদা মখোয়না কত্থোকখিবা কয়াদুগীদমক ইকাই খুম্নবা উৎখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645731

কোবিদ-১৯গী য়েংলদুনা হয়েং লাল কিলাদা পাঙথোক্কদবা নিং-খা তম্বগী কুমওন পালনগী থৌরমগীদমক্তা এম.ও.দি.না অখন্ননা শিল-লাংখ্রে

ঙাক-শেল মন্ত্রালয়না ওগস্ত ১৫, ২০২০দা লাল কিলাদা নিং-খা তম্বগী ফিরাল চিংখৎপগী থৌরম অমা কোবিদ-১৯না হৌজিক ওইহল্লিবা ফিভমগা মরী লৈনবা চেকশিন থৌরাং কয়া লৌখত্তুনা লৈবাক্কী ওইবা থৌরম অসিগী শেংলবা অমসুং চাউথোকচনিংঙাই ওইবা ইথিল কয়াগী খল কায়হন্দনা পাঙথোক্কদৌরি। মী য়াম্না তিনবা ওইদনবা মীওইশিংনা পরিং নাইনা চৎপা য়ানবা হায়দুনা ফম্নবা জগাশিং অমসুং খোং-লম্বীশিং অসি উবাক অমসুং কার্পেৎ থাদুনা থম্লে। নীংথিনা মিং থাদুনা মতিক চানা লাপ্ননা থম্লবা অহেনবা দোর ফ্রেম মেতল দিতেক্তর কয়া থমদুনা মী চিলহন্দনবা অমসুং লাক্লিবা মীওইশিংবু নীংথিনা চঙকপা য়াহন্নবা শেমখ্রে। গারি খাম্ফম মফম অয়াম্বশিং অসি চেক্না খাজিন্দুনা অমসুং লৈমায় হৈদুনা গারিশিংবু য়াম্না নুংঙাইবা মওংদা চঙথোক চঙশিন য়ানবা শিল লাংখ্রে। গার্দ ওফ হোনরগী মীওইশিং অসি মীয়ামদা তেক্ত কায়দবা ওইহন্নবা হায়দুনা ক্বারেন্তাইন তৌদুনা থম্লক্লি। থৌরম অসিদা মীয়ামগী ফমফমগী পথাপ অসি “দো গজ কি দুরী”দা (মীথুং অনিগী মরক্তা ফুৎ ৬কী অরাপ্পা থম্বা) য়ুম্ফম ওইদুনা শেম্নবি। থৌরম অসিদা শরুক য়াবা অসি বার্তোন ফংবখক্তনা য়াগনি অমসুং ভার্তোন ফংদবা মীওইশিংদি মফম অসিদা লাকপিদনবা হায়খ্রে। ওফিসিএলশিং, দিপ্লোমেৎশিং, পব্লিক্কী মেম্বরশিং অমসুং মীদিয়ানচিংবা মীওই চাউরাক্না ৪০০০ হেনবদা থৌরম অসি য়াওনবা বার্তোন তৌখি। তেক্ত কায়দবা ওইবদা মিৎয়েং থমদুনা এন.সি.সি. কেদেৎশিং (নহা ওইরিবা স্কুলগী মহৈরোয়শিংগী মহুত্তা)বু থৌরম অসি য়েংনবা কৌখ্রে অমসুং মখোয়শিংনা গ্যানপথতা ফমগনি। মতিক চাবা মেদিকেল বুথশিং, রেম্পার্ত্তা ১, মাধবদাস পার্ক্তা ১ অমসুং ওগস্ত ১৫গী পার্ক্তা ২ থমদুনা মফম অসিদা লাকপা মীওইশিংগী মনুংদা কোবিদ-১৯গী সিম্পতম উৎপা য়াওবশিংবু য়েংশিন্নবা থমখ্রে। মফম মরি অসিদা এম্বুলেন্সসু থমগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645691

অয়ুশ মন্ত্রালয়না 'ইম্ম্যুনিতী কেম্পেন্দা অয়ুশ' হৌদোকপদা দিজিতেলগী শংশারদগী পা শন্না থাগৎনখ্রে

অয়ুশ মন্ত্রালয়না থা অহুমগী কেম্পেন অমা 'ইম্ম্যুনিতীগীদমক অয়ুশ' হায়না ঙসি ৱেবিনারগী খুথাংদা হৌদোকখ্রে। ৱেবিনার অসিদা মীওই লীশিং ৫০ হেন্না শরুক য়াখি। স্পিরিচুএল গুরু শ্রী শ্রী রবিশঙ্করনা মরুওইবা ৱাফম থম্লদুনা অয়ুশকী পাম্বৈনা মালেম অসিবু হেন্না মশা মউ ফবা অমসুং হেন্না নুংঙাইবা ওইহনবা ঙমগনি হায়খি। ৱেবিনার অদু মন্ত্রালয় অসিগী দিজিতেল কম্ম্যুনিকেসন প্লেৎফোর্ম অমা ওইরিবা অয়ুশ ভর্চুএল কনভেন্সন সেন্তরদগী থাখি। থৌরম অদু অয়ুশ মন্ত্রালয়গী ওফিসিএল ফেসবুক হেন্দলদসু লাইব থাখি অমদুং মীওই ৬০০০০ হেনবনা য়েংখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645799

শেলথুম মন্ত্রীনা কেপেক্সতা সি.পি.এস.ই.গী অহুমশুবা য়েংশিন মীফম ফমখ্রে

শেলথুম অমসুং কোর্পোরেৎ এফিয়র্স মন্ত্রী শ্রীমতি নির্মলা সিথারমন্না ঙসি ভিদিও কনফরেন্সকী খুথাংদা সিপ্পিং, রোদ ত্রান্সপোর্ত অমসুং হাইৱে, হাউসিং অমসুং অর্বান এফিয়র্স, দিফেন্স অমসুং তেলিকম্ম্যুনিকেসন মন্ত্রালয়, মন্ত্রালয় অসিগী মখাদা লৈবা সি.পি.এস.ই. ৭কী সি.এম.দি.শিংগা লোইননা চৎলিবা শেনবা চহী অসিগী ওইবা কেপিতেল এক্সপেন্দিচরশিং য়েংশিন্নবা মীফম অমা ফমখ্রে। হায়রিবসিনা শেল-থুম মন্ত্রীনা তোঙান-তোঙানবা স্তেকহোল্দরশিংগা লোইননা কোবিদ-১৯ লাইচৎকী মতুংদা শেন্মিৎলোন ফগৎহন্নবগীদমক খন্ন-নৈনবগী তাংকক নাইনা ফমগদবা মীফমগী অহুমশুবা শরুকনি। শেল-থুম মন্ত্রীনা মরী লৈনবা সেক্রেতরীশিংদা শেনবা চহী ২০২০-২১গী ক্বারতর ২শুবদা সি.পি.এস.ই.শিংগী থবকশিং য়েংশিন্দুনা কেপিতেল আউৎলেগী চাং চাদা ৫০গী কেপিতেল এক্সপেন্দিচর হঞ্জিন্নবা হোৎনগদবনি অমসুং চুন্নবা প্লান শেমগদবনি হায়খি। মহাক্না সি.পি.এস.ই.গী থবক থৌরমশিং অসিনা কোবিদ-১৯গী শাফুদগী শেন্মিৎলোন অসি কনবা ঙমগনি হায়খি। সি.পি.এস.ই.শিংনা কোবিদ-১৯ লাইচৎনা মরম ওইদুনা মখোয়দা থেংনরিবা খুদোংচাদবশিংগী মরমদা তমখি। শেল-থুম মন্ত্রীনা হায়খি মদুদি অখন্নবা ফিবমগীদি অখন্নবা উপাই শীজিন্নদুনা হোৎনগদবনি, মসিনা ঐখোয়গী শেন্মিৎলোন ফগৎহনবদা নত্তনা ঐখোয়গী থবকসু ফগৎহনগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645800

কোবিদ লাইচৎ মনুংদা সি.আই.সি থবক তৌবগী মতাংদা চীফ ইনফোরমেসন কমিসন্নর বিমাল জুলকানা য়ুনিয়ন মিনিস্তর দোক্তর জিতেন্দ্র সিংহদা পাউদমখ্রে

ভারতকী চীফ ইনফোরমেসন কমিসন্নরগা লোয়ন্না সেন্ত্রেল ইনফোরমেসন কমিসনগী থবকশিং হন্না য়েংশিল্লবা মতুংদা দোক্তর জিতেন্দ্রনা হায়খি,লাইচৎ মনুংদা নোংমা খক ফাওবা কমিনস থবক তৌবদা অকায়বা পীদে।মসি লাইচৎ মনুংদা কমিসন অমসুং মসিগী স্তাফশিংনা থবক পাংথোকপদগী ওইবনি অমসুং লাইচৎ মনুংদা চহি অসিগী মে ১৫দা কমিসন্না নৌনা শেম্লবা য়ুনিয়ন তেরিতোরি জম্মু অমসুং কাস্মিরদগী আই.তি কেসশিং হিয়ারিং অমসুং দিপোসগী থবকশিং ভর্চুএল ওইনা পাংথোকখি। মহাক্না হায়খি, ওফিসারশিংগী য়ুমগী কম্পুতরশিংদা ই-ওফিস হাংদোক্লে অমসুং কেসশিং লোইশিন্নবা তেক্নোলোজি শীজিন্নরে। মমাং চহিগী চপ মান্নবা থাশিংদা লোইশিনখিবা কেস মশিংগা লাইচৎ মনুংগী থাশিংদা লোইনশিনবা কেস মশিংগা চাংদম্নবদা , ২০১৯গী জুন থাদা কমিসন্না কেস ১২৯৭ লোইশিনবদা ২০২০গী জুন থাদা কেস ১৭৮৫ লোইশিনখি। মসিনা কোবিদ-১৯ লাইচৎ মনুংদা অথিংবা কয়া লৈরবসু কেস মশিং য়াম্না লোইশিল্লে হায়বা উৎলে। কমিসন্নর জুলকানা হায়খি, ভিদিও কনফরেন্স পাংথোকপা, ওদিও কনফরেন্স, ৱেবসাইত্তা দিপুতি রেজিস্তারশিংগা পাউ ফাওন্নবা অকুপ্পা মরোলশিং থাগৎতুনা, দরকার লৈবা নোতিসশিং ই-পোস্তনা পীদুনা অমসুং অনৌবা কেসশিং নুমিৎ অদুমক্তদা ওনলাইন রেজিস্তার তৌদুনা অমসুং স্ক্রুতিনি পাংথোকপা য়াওনা লোকদাউন মনুংদা সি.আই.সি হিয়ারিং পাংথোক্নবা তোঙান-তোঙানবা থবকশিং পায়খৎলে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645572

সত্তলর এন সিক্কি রেদ্দী অমসুং ফিজিওথেরাপিস্ত কিরন সি হায়দ্রবাদতা তেস্ত তৌবদা কোবিদ পোজিতিপ ওইরে

হায়দ্রবাদতা লৈবা পুল্লেলা গোপিচান্দ বেতমিন্তন একাদেমিদা নেসনেল বেতমিন্তন কেম্প শরুক য়াবা লাকখিবা সত্তলর এন সিক্কি রেদ্দী অমসুং ফিজিওথেরাপিস্ত কিরন সি তেস্ত তৌবদা কোবিদ পোজিতিপ ওইরে।সাইনা তঙাইফদনা কোবিদ তেস্ত তৌনবা হায়বদগী কেম্প অদু শরুক য়াবা লাকপা শান্নরোইশিং, কোচশিং অমসুং স্তাফশিং তেস্ত তৌবদা মসি খঙলকপনি।

সিক্কি অমসুং কিরন অনিমক লাইওং উৎতে। মখোয় অনিমক হায়দ্রবাদকী মীওইশিংনি অমসুং মখোয়গী ময়ুমশিংদগী কেম্প য়াওদুনা লাকপনি। চৈরক অসিদা, শেংদোক্নবগীদমক একাদেমী অসি মতম খর থিংলগনি। সিক্কি অমসুং কিরনগা নক্নরম্বশিং খোঙ্গুল লিরে অমসুং আর.তি পি.সি.আর তেস্ত অমুক হন্না পাংথোক্লে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645618

সিপ্পিং মন্ত্রালয়না পোর্তকী তারিফ মমল অসি ক্রুস সিপশিংগী ওইনা চাদা ৬০দগী চাদা ৭০দা হন্থরে

সিপ্পিং মন্ত্রালয়না ক্রুস ভেসেলশিংগী তারিফ রেৎ রেস্নেলাইজ তৌখ্রে। রেৎ হন্থহনবগী শাফু অসি খুদক্তগী ফংনবগীদমক ভারত্তা লৈবা ক্রুজ ইন্দস্ত্রীগী পোর্ত চার্জদা চাদা ৬০দগী ৭০ ফাওবা হন্থরগনি, হায়রিবসি কোবিদ-১৯ লাইচৎকা মরী লৈননা শেন্মিৎলোন্দা শৌগৎনবগীদমক সরকার অসিগী পোলিসী অমগী মতুং ইন্ননি। কেন্দ্রগী সিপ্পিংগী রাজ্যগী ইন্দিপেন্দেন্ত চার্জ মন্ত্রী ওইরিবা শ্রী মন্সুখ মান্দবিয়ানা হায়খি "মসিনা লাইচৎ অসিনা মরম ওইদুনা চাউনা অকাইবা পীখ্রবা ভারতকী ক্রুজ তুরিজমদা চাউনা কান্নবা পীরগনি। মসিনা ফোরেন এক্সচেঞ্জ চাউনা তানবা য়ারগনি অমসুং দাইরেক্ত অমসুং ইন্দাইরেক্ত ওন্সোর ইমপ্লোইমেন্ত ওন্থোক্তুনা ভারত্তা ক্রুজ তুরিজমদা কান্নবা পীরগনি।"

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645774

ফিল্দ ওফিসশিংদগী ফংবা পাউ

• অরুনাচল প্রদেশঃ অরুনাচল প্রদেশতা মীওই অমা লৈখিদ্রে। হৌজিক ফাওবদা অপুনবা ওইনা মীওই মরি লৈখিদ্রে। অরুনাচল প্রদেশতগী লাকপা কোবিদ-১৯ পোজিতিব কেস ৮২গী মনুংদা মীওই ১৭ ইতানগরগী কোনুংদগীনি, ১৪না নোংচুপ কামেংদগীনি, অমসুং ১২না নোংপোক সিয়াং জিল্লাদগীনি। হৌজিকফাওবগী ওইনদি, রাজ্য অসিদা অপুনবা ওইনা এক্তিব কেস ৭৯০ লৈরি।
• অসমঃ অসমদা ঙরাং মীওই ২,১৭৪ দিসচার্জ তৌখি; অপুনবা দিসচার্জ তৌখ্রবা মশীং ৪৯,৩৮৩ শুখ্রে, এক্তিব কেস্না ২২,২৪০নি হায়না হকশেল মন্ত্রী হিমন্ত বিস্বা শর্মনা ত্বীৎ তৌখ্রে।
• মনিপুরঃ মনিপুরগী মুখ্য মন্ত্রীনা রোমি বেগ ইন্দস্ত্রী, থাংমৈবন্দবু কোবিদ ৱারিয়রশিংদা য়েন্থোক্নবগীদমক রাজ্য সরকারদা পি.পি.ই. কিৎ ১০০ কৎপীরকপগীদমক থাগৎপা ফোংদোকখ্রে। হায়রিবা পি.পি.ই. কিৎশিং অসি মনিপুরদা শাজবা কিৎশিংনি অমসুং ভারত সরকারগী দি.আর.দি.ও.-দি.আর.দি.ই.না অয়াবা পীরবনি।
• মেঘালয়ঃ মেঘালয় হকশেল বিভাগ্না ৱার্ল্দ বেঙ্ককা লোনগী খুৎয়েক পীনদুনা সব-সেন্তর, পি.ঐচ.সি. অমসুং সি.ঐচ.সি.শিংবু মপাঙ্গল কনখৎহন্নবা হোৎনগদৌরি। মুখ্য মন্ত্রী কোনরাদ সংমানা হকশেল বিভাগতা সেপ্তেম্বরদগীনা ওক্তোবর ২০২০ ফাওবদা হেলথ ইনফ্রা দিবেলপমেন্ত প্রোজেক্ত হৌনবা খঙহনখ্রে।
• মিজোরমঃ মিজোরমদা ঙরাং অনৌবা কোবিদ-১৯ কেস নিপান লাকখি। অপুনবা কেসঃ ৬৫৭, এক্তিব কেস মশীংনা ৩১৪ য়ৌখ্রে।
• নাগালেন্দঃ নাগালেন্দগী মুখ্য মন্ত্রীনা হায়খ্রে মদুদি সরকার অসিনা কোবিদ-১৯ থিংনবা অমসুং লাকশিন্নবা খোংথাং কয়া অমা লৌখৎলি; মহাক্না মীয়ামদা অনাবা মীওইশিংবু অমসুং ফ্রন্তলাইন ৱার্করশিংবু হন্থনা য়েংবীদনবা হায়জরক্লি। দিমাপুরদা লৈবা দুকান পুম্নমক নিংথৌকাবা নুমিত্তগী হাংদোকখ্রে। শম ককফম অমদি রেস্তোরন্তশিংদি মখা তানা লোনখিগনি। 
• সিক্কিমঃ সিক্কিমদা লৈবা সরকার অমসুং প্রাইবেৎকী মহৈলোইশঙ পুম্বা ওগস্ত ৩১ ফাওবা লোনখিগনি। ওইরিবা ফিবম অসি মতম চাবদা নৌনা য়েংশিনখিগনি হায়না রাজ্যগী এজুকেসন মন্ত্রী শ্রী কে.এন. লেপচানা ফোংদোকখ্রে। সিক্কিমগী মুখ্য মন্ত্রীনা স্কিল্দ য়ুথ স্তার্ত-অপ স্কিম হায়বা স্কিম অমা কম্মর্স অমসুং ইন্দস্ত্রী বিভাগকী মখাদা খুঙ্গং অমসুং শহরগী মফমশিংদা মরুওইনা মহৈ নীংথীনা তমজরবা নহাশিংবু মশানা মশাবু থবক পীজদুনা শেল তাঞ্জনবগীদমক হৌদোকখ্রে।
• কেরলাঃ মুখ্য মন্ত্রী, হকশেল মন্ত্রী য়াওনা মন্ত্রী মরি, এসেম্বলী স্পীকর অমসুং রাজ্যগী পুলিস চীফ য়াওনা কোবিদ-১৯ পোজিতিব ওইখ্রবা মলাপুরম দিস্ত্রিক কল্লেক্তর অমসুং এস.পি.গা শম্নরুবশিং হোম ক্বারেন্তিন তৌদুনা লৈনখ্রে। মলাপুরমগী ফিবম অসি দিস্ত্রিক কল্লেক্তর, দিপ্যুতি কল্লেক্তর অমসুং অতোপ্পা রেবিন্যু ওফিসিএল ২০ পোজিতিব ওইরক্তুনা কল্লেক্তোরেৎ অসি অনৌবা কোবিদ ক্লস্তর অমা ওইরকপগী ফিবমদা লাক্লে।  কোনুং ওইরিবা থিরুবনন্থপুরমনা রাজ্য অসিদা খ্বাইদগী ফিবম শোকপা জিল্লা ওইরে। মরক অসিদা, রাজ্য সরকারনা নীংখা তম্বগী পালন থৌরমসু মী তিনবনা মরম ওইদুনা লাইনা অসি শন্দোকপদগী খরা ওইরবসু হন্থনবগীদমক মিনিৎ ১৫দা তেনশিনখ্রে। মীচম প্রজাদি মফম অদুদা চঙবগী অয়াবা পীখিদ্রে। রাজ্য অসিদা কোবিদকা মরী লৈননা মীওই অহুম অমগা লৈখিদ্রে। সেন্ত্রেল জেলদা মীওই ৬৩ অমগা পোজিতিব ওইরকপগা লোইননা পুল্লপনা মীওই ১৬৪ শুখ্রে। জেল হেদক্বার্তরসু নুমিৎ হুম্নিগী ওইনা লোনশিনখ্রে। ঙরাং কোবিদ-১৯গী অনৌবা কেস ১৫৬৪ লাকখি। অনাবা ১৩,৮৩৯না হৌজিক লাইয়েংদুনা লৈরি অমসুং মীওই লাখ ১.৫৩না ওবজর্বেসন তৌদুনা লৈরি।
• তমিল নাদুঃ পুদুচেরীদা ইরাই নুমিত্তা অনৌবা কোবিদ-১৯ কেস ৩২৮ লাকখ্রে; মসিগা লোইননা অপুনবা মশীং ৬৬৮০ শুখ্রে, এক্তিব কেস ২৭৫০ লৈরি অমসুং লৈখিদবা মশীংনা ১০৬নি। তমিল নাদু সরকারনা ই পাস পীবগী কাংলোন্দা কোম্থোকহনখ্রে; ওগস্ত ১৭তগী হৌদুনা আধার শীজিন্নদুনা এপ্লাই তৌরবা তারবদি খুদক্তা পাস পীগদৌরি। হন্দক্তা নৌনা পুলিস পার্সনেল ৪০ কোবিদ-১৯দগী নাবা ফখিবগা লোইননা রজিব গান্ধী গবর্ন্মেন্ত জেনরেল হোস্পিতালদা লৈবা প্লাজমা বেঙ্কতা প্লাজমা দোনেৎ তৌখ্রে। তমিল নাদুদা ঙরাং অনৌবা কেস ৫৮৩৫, নাবা ফখ্রবা ৫১৪৬ অমসুং লৈখিদ্রবা ১১৯ রিপোর্ত তৌরকখ্রে। অপুনবা কেসঃ ৩,২০,৩৫৫, এক্তিব কেসঃ ৫৩,৪৯৯, লৈখিদ্রবাঃ ৫৩৯৭, দিসচার্জঃ ২,৬১,৪৫৯; চেন্নইদা লৈবা এক্তিব কেসঃ ১০,৮৬৮।
• করনাতাকাঃ হন্দক চহীগী নীংখা তমখিবা নুমিৎকী থৌরমদি নাৎকী ওইবা থৌরম অমত্তা য়াওদনা পাঙথোক্কদৌরি; হয়েং বেঙ্গলোর শহরদা পাঙথোক্কদবা থৌরম অসিদা কোরোনা ৱারিয়র ৭৫ অমসুং কোবিদ-১৯দগী নাবা ফরকখ্রবা মীওই ২৫বু অথোইবা মীথুংলেন ওইনা কৌখৎকদৌরি। কোবিদ নত্তবা অনাবশিংবু লাইয়েংবীয়ু নত্ত্রগা আইনগী ওইবা চৈরাক ফংউ হায়না কর্নাতকা মেদিকেল কাউন্সিলনা দোক্তরশিংদা অকনবা ৱাফম থমখ্রে। কর্নাতাকা হাই কোর্তনা তমিল নাদু ঙমখৈদা চত্থোক চৎশিন তৌবদা অথিংবা থম্লিবসিগী মরম তাক্নবা খঙহনখ্রে। ঙরাং কর্নাতাকাদা পোজিতিব কেস লাখ ২ লান্থোকখ্রে। রাজ্য অসিদা লৈরিবা এক্তিব কেস মশীং ৭৮,৩৩৭নি অমসুং মীওই ৩৬১৩না লৈখিদ্রে।
• অন্ধ্র প্রদেশঃ গুন্তুরগী রমেশ হোস্পিতালদা লাইয়েংদুনা লৈরিবা অন্ধ্র প্রদেশকী হান্নগী মন্ত্রী অমসুং তি.দি.পি.গী লুচিংবা কে অৎচন্নাইদু কোরোনা পোজিতিব ওইরে। অৎচন্নাইদু ই.এস.আই. হোস্পিতালগী শেঞ্জা থুমজাদা ফন্দ লান্না শীজিন্নৈ হায়বগী মরালদা হন্দক্তা ফাখিবনি। রাজ্য সরকারনা কোরোনা ভাইরস্না শোকহল্লবা লাইশঙগী স্তাফশিংদা মেদিকেল ফেসিলিতী পীগনি হায়না থাজবা পীখ্রে। বিশাখাপত্নমদা ঙসি কোরোনা এৱেয়রনেস কেম্পেন চেইয়ৎ অমা লম্থাখ্রে।  ঙরাং অনৌবা কেস ৯৯৯৬, দিসচার্জ ৯৪৯৯ অমসুং ৮২ লৈখিদ্রে। অপুনবা কেসঃ ২,৬৪,১৪২, এক্তিব কেসঃ ৯০,৪৪০, লৈখিদ্রবাঃ ২৩৭৮।
• তেলঙ্গানাঃ হাইদেরবাদ কোরপোরেৎ হোস্পিতালনা সরকারদা ফমুং চাদা ৫০ পীগদৌরি; সিদিপেত্তা রাজ্য অসিগী ইহান হানবা মোবাইল কোবিদ-১৯ তেস্তিং লেব অমা হৌদোক্কদৌরি। অনৌবা কেস ১৯২১, নাবা ফখ্রবা ১২১০, অমসুং মীওই ৯ হৌখিবা পুং ২৪ অসিদা রিপোর্ত তৌরকখ্রে, অপুনবা কেস ১৯২১গী মনুংদগী ৩৫৬দি জি.ঐচ.এম.সি.দগী লাকখিবনি। অপুনবা কেসঃ ৮৮,৩৯৬, এক্তিব কেসঃ ২৩,৪৩৮, লৈখিদ্রবাঃ ৬৭৪; দিসচার্জঃ ৬৪,২৮৪।
• মহারাস্ত্রাঃ সিবিল এবিএসন মন্ত্রালয় অমসুং মহারাস্ত্রা সরকারনা রাজ্য অসিদা কোবিদ-১৯ শন্দোকপা লাকশিন্নবগীদমক শেমখিবা ক্বারেন্তিনগী কাংলোনশিং খরা কোমথোকখ্রে। হৌজিক্তি পসেঞ্জরশিংনা মখোয়না চৎকদবগী মমাং পুং ৭২গী মমাংদা শেল্ফ দিক্লারেসন ফোর্ম অমা পীশিন্দুনা ইন্সতিত্যুসনেল ক্বারেন্তিন তৌদবা য়ারগনি। অসিগুম্বা পসেঞ্জরশিং অসিনা পুং ৯৬কী মনুংদা লৌখিবা নেগেতিব আর.তি.-পি.সি.আর. তেস্তকী চে অমা অপলোদ তৌগদবনি। রাজ্য অসিদা অনৌবা কেস ১১,৮১৩ অমসুং রকোবরী ৯১১৫ শগোলশেল নুমিত্তা রিপোর্ত তৌখ্রে।
• গুজরাৎঃ অহেমদবাদ ম্যুনিসিপাল কোর্পোরেসন্না মীওই ৩০দগী হেন্না লৈবা ইস্তাব্লিশ্মেন্ত খুদিংদা কোবিদ কোওর্দিনেতর অমা হাপকদবনি হায়খ্রে। য়াথং অসিগী মতুং ইন্না অসিগুম্বা কোওর্দিনেতর অসিনা কোবিদ-১৯গা মরী লৈনবা এস.ও.পি. অমসুং প্রোতোকোক খুদিংমক ঙাক্লিব্রা হায়বগী দাইত্য পুগনি। গুজরাত্তা শগোলশেল নুমিত্তা নৌবা কোবিদ-১৯ কেস ১,০৯২ লাকখ্রে অমসুং অনাবা ১০৪৬ ফখ্রে। হৌজিক লৈরিবা এক্তিব কেস মশীংনা ১৪৩১০ নি।
• মধ্য প্রদেশঃ মধ্য প্রদেশতা মখা তানা রাজনিতী ৱালাশিংবু অৱাবা পীবা লেপত্রি। মুখ্য মন্ত্রী সিবরাজ সিংহ চৌহন অমসুং অতোপ্পা মন্ত্রীশিং শগোলশেল নুমিত্তা পোজিতিব ওইখিবগা লোইননা নৌনা খল্লক্লবা রাজ্য সভাগী এম.পি., সমর সিংহ সোলাঙ্কি অমসুং নিৱারিদগী  বি.জে.পি. এম.এল.এ. অনিল জেনসু কোরোনাভাইরস পোজিতিব ওইরে। ভোপালগী লোকেল বি.জে.পি. লিদর অমসুং স্পোক্সপর্সন ওইরিবা দুর্গেশ কেস্বানিসু কোবিদ-১৯ পোজিতিব ওইরে।
• ছতিশগরঃ অনৌবা তেস্তিং ফেসিলিতী হৌদোকখিবগা লোইননা রাজ্য অসিগী কোবিদ-১৯ তেস্ত তৌনবগী কেপাসিতীসু নোংমদা ১১০০০ য়ৌরে। ছতিশগরদা হৌজিক ফাওবদা কোবিদ তেস্ত লাখ ৩.৯ তৌখিবগা লোইননা মীওই ১৩,৯৬০ পোজিতিব ওইরে হায়বা খঙবা ঙমখ্রে। এক্তিব কেস মশীং ৪১৮৭নি।
• গোৱাঃ রাজ্য সরকারনা ঙসি গোৱা মেদিকেল কোলেজ অমসুং হোস্পিতালদা অনৌবা ৱার্দ অহুম অমগা হাপচিন্দুনা কা হেন্না ফিবম লুরবা কোবিদ-১৯ অনাবশিংগী লাইয়েংবগী পথাপ ফগৎহনলগনি হায়না লাউথোকখ্রে। মার্গাও (খা থংবা গোৱা)দা লৈবা ই.এস.আই. হোস্পিতাল অমসুং সব দিস্ত্রিক্ত হোস্পিতাল, পোন্দা (অৱাং থংবা গোৱা)না য়াইমরপ ওইবা লাইওং উৎপদগীনা লাইওং উত্তবা অনাবশিং লাইয়েংগনি হায়না রাজ্যগী হকশেল মন্ত্রী বিস্বাজিৎ রানেনা হায়খ্রে। গোৱাদা হৌজিক কেস্লোদ অপুনবা ওইনা ৩,৪৯১ লৈরি, অদুগা নাবা ফবগী চাংনা ৭২% ওইরি।   

****