PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 13 AUG 2020 6:31PM by PIB Imphal

Coat of arms of India PNG images free download

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  •  ভারতনা নোংমা খক্তদা ৫৬,৩৮৩ ফগৎতুনা নোংমদা খ্বাইদগী য়াম্না ফগৎপা ওইখ্রে
  •  অপুনবা ফগৎখিবশিং লাখ ১৭ ময়া য়ৌরে
  • লেপ্তনা হন্থরকপনা, কেস ফেতেলিতী রেৎ মখা তানা ফগৎতুনা ১.৯৬% ওইরে
  • এক্তিব কেসশিং (৬,৫৩,৬২২) হন্থরে অমসুং অপুনবা মশীংদগী ২৭.২৭% খক্তা ওইরি।
  • কেন্দ্র সরকারনা করোর ১.২৮ হেনবা পি.পি.ই. অমসুং করোর ১০ হেনবা ঐচ.সি.ক্যু লেম্না য়েন্থোকখ্রে
  • ভারতনা রেকোর্দ ওইনা নোংমদা তেস্ত লাখ ৮.৩ হেন্না পাংথোকখ্রে  

ভারতনা নোংমা খক্তদা ৫৬,৩৮৩ ফগৎতুনা নোংমদা খ্বাইদগী য়াম্না ফগৎপা ওইখ্রে; অপুনবা ফগৎখিবশিং লাখ ১৭ ময়া য়ৌরে; লেপ্তনা হন্থরকপনা, কেস ফেতেলিতী রেৎ মখা তানা ফগৎতুনা ১.৯৬% ওইরে

ভারতনা অমুক হন্না নোংমা খক্তদা ৫৬,৩৮৩ ফগৎতুনা নোংমদা খ্বাইদগী য়াম্না ফগৎপা ওইখ্রে। মশিং অসিগা লোয়ননা, ঙসি কোবিদ-১৯দগী ফগৎখিবা অপুনবা অসি লাখ ১৭ ময়া (১৬,৯৫,৯৮২) য়ৌখ্রে। কেন্দ্রনা পীবা স্তেন্দর্দ ওফ ক্যেরগী মতুং ইন্না হোম আইসোলেসন তৌবা য়েংশিনবা অমসুং অকনবা অমদি অরুবা অনাবশিংগী ক্লিনিকেল মেনেজমেন্ত মপুং ফানা তৌদুনা ফ্রন্তলাইন ৱর্কর লাখ কয়ানা মতেং পাংবগা লোয়ননা কেন্দ্রগী অমদি রাজ্য/য়ু.তি. সরকারশিংনা চুংশিন্নদুনা পুন্না মীৎয়েং চংদুনা হোৎনবনা তেস্তিং কনশিনবা, ত্রেকিং পাকশন্না তৌবা অমসুং মপুং ফানা লায়েংনবা মায় পাকনা সরকারশিংনা ইমপ্লিমেন্ত তৌবা ঙমখ্রে। ফগৎখিবশিংগী মশিং হেনগৎলকপগা লোয়ননা, অমরোমদা ফগৎপগী চাং অসি ৭০% লানখ্রে (৭০.৭৭% ঙসি), কোবিদ নাবা মীওইশিংগী মরক্তা শীখিবগী কেস অসি মখা তানা হন্থদুনা ১.৯৬% ওইরে অমসুং মখা তানা হন্থরক্লি। হোস্পিতালদা পুখৎলকখ্রবা অনাবশিংদা লায়েং পীবদা মীৎয়েং থম্লিবা অসিনা কোবিদ-১৯ নাবা মীওই শীবগী চাং অসি মপুং ফানা নমথবা ঙম্লি। মরম অসিনা কেস ফেতেলিতী রেৎ (সি.এফ.আর.) অসি মালেমগী ওইরিবা ফীভম অসিগা চাংদম্নবদা নেম্লি অমসুং মসি লেপ্তনা হন্থরক্লি। ঙসি কেস ফেতেলিতী রেৎ অসি ২.০৭% ওইরি। মশিং য়াম্না ফগৎলকপগী রেকোর্দ তৌবনা লৈবাক অসিগী এক্তিব কেসশিং ওইরিবা অশেংবা কেস লোদ অসি হন্থখ্রে অমসুং হৌজিক অপুনবা পোজিতিব কেসশিংগী ২৭.২৭% খক্তা ওইরি। ফগৎখিবশিংনা এক্তিব কেসশিং (৬,৫৩,৬২২) অসিদগী লাখ ১০ হেন্না হেনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645478

কেন্দ্র সরকারনা করোর ৩ হেনবা এন.৯৫ মাস্ক রাজ্যশিংদা য়েন্থোক্তুনা লেন্দমার্ক শকখংবা অমা ওইখ্রে; কেন্দ্র সরকারনা করোর ১.২৮ হেনবা পি.পি.ই. অমসুং করোর ১০ হেনবা ঐচ.সি.ক্যু লেম্না য়েন্থোকখ্রে

স্তেত/য়ু.তি. সরকারগী হনবা লৈত্রবা কোভিদ-১৯ লাকশিন্নবা অমসুং শিন-লাংবগী থবকশিং অসিনা কোভিদ-১৯ দা পীরিবা কান্নবশিং অসি চাওথোকহন্দুনা, য়ুনিয়ন গবর্নমেন্তনা হিদাক লাংথকশিংসু লেম্না স্তেত/য়ু.তি. সরকারগী হোৎনমল ওইনবা পীরি। ইন্দিয়া সরকারনা য়েল্লিবা পোত্থোক অয়াম্বা হৌরকপদদি লৈবাক অসিদা শেম-শাবা অমত্তা নত্তে। মালেমগী ওইবা দিমান্দসু লায়চৎ অসিনা মরম ওইদুনা অসুম ৱাৎশিলক্লি। মিনিস্ত্রী ওফ হেল্থ এন্দ ফেমিলি ৱেলফেয়র (এম.ও.ঐচ.এফ.দবল্যু.), মিনিস্ত্রী ওফ তেক্সতাইলস এন্দ মিনিস্ত্রী ওফ ফার্মাস্যুতিকেলস, দিপার্তমেন্ত ফোর প্রোমোসন ওফ ইন্দস্ত্রী এন্দ ইন্তরনেল ত্রেদ (দি.পি.আই.আই.তি.), দিফেন্স রির্সস এন্দ দিবলবমেন্ত ওর্গানাইজেসন (দি.আর.দি.ও.) অমসুং অতৈ য়াওনা অপুনবনা হোৎনদুনা য়ুমগী ওইবা ইন্দস্ত্রীশিং অসি পুক্নিং থৌগৎতুনা অমসুং পোৎ শাবদা হেন্না লাইথোক্নবা অমসুম হিদাক লাংথক্কী পোৎ চৈ য়েনবদা হায়বদি পি,পি.ই, এন৯৫ মাস্ক, ভেন্তিলেতর অসিনচিংবা অসি হৌজিক ওইরিবা মতম অসিদা খুৎশম্নরগা চৎমিন্নরি। ফল ওইনা ‘আত্মানির্ভর ভারত’ অমসুং ‘মেক ইন ইন্দিয়া’ ফংনবা মপাঙ্গল হাপ্লি অমসুং য়ুনিয়ন গবর্নমেন্তনা য়েল্লিবা অয়াম্বা য়ু্‌মদা শাবনি। ২০২০গী মার্চকী ১১দা, য়ুনিয়ন গবর্নমেন্তনা করোর ৩.০৪ হেনবা এন৯৫ মাস্ক অমসুং করোর ১.২৮ হেনবা পি.পি.ই. কিত অসি স্তেত/য়ু.তি./সেন্ত্রেল ইন্সতিত্যুসনশিংদা লেম্না য়েন্থোকখি। অদুগা করোর ১০.৮৩ হেনবা ঐচ.সি.ক্যু. তেব্লেত সু মখোয়দা য়েন্থোকখি। মখা তারকপদা, স্তেত/য়ু.তি./সেন্ত্রেল ইন্সতিত্যুসন শিংদা ভেন্তিলেতর ‘মেক ইন ইন্দিয়া’ ২২৫৩৩ ফংহনখ্রে। সেন্তরনা মখোয়গী হাপচিনবা অমসুং য়াহননবা হোৎনগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645435

ভারতনা রেকোর্দ ওইনা নোংমদা তেস্ত লাখ ৮.৩ হেন্না পাংথোকখ্রে; ঙসি সেম্পল করোর ২.৬৮ হেন্না তেস্ত তৌখি;তেস্ত পর মিল্লিয়ন(তি পি এম) ১৯,৪৫৩ য়ৌরে 

নোংমদা তেস্ত তৌবগী চাং নোংমদা লাখ ৮ হেন্দুনা, ভারত্তা হৌখিবা পুং ২৪দা রেকোর্দ ওইনা নোংমদা তেস্ত লাখ ৮,৩০,৩৯১ হেন্না পাংথোকখ্রে। “তেস্ত, ত্রেক অমসুং ত্রিৎ” লাল্লোং শীজিন্নদুনা ভারতনা নোংমদা তেস্ত লাখ ১০ পাংথোকপা ঙম্নবা থৌরাং তৌরে। চয়োলগী ওইনা নোংমদা পাংথোকপা তেস্ত মশিং ঙকপা ফংনা হেনগৎলক্তুনা ২০২০গী জুলাইগী অহানবা চয়োলদা চাউরাক্না লাখ ২.৩ রোম ওইরম্বদগী হৌজিক লাখ ৬.৩ হেল্লে। রেকোর্দ অমা ওইনা হৌখিবা পুং ২৪দা তেস্ত লাখ ৮ হেন্না পাংথোক্তুনা, হৌজিক ফাওবদা পাংথোকখিবা অপুনবা তেস্ত মশিং ২,৬৮,৪৫,৬৮৮ য়ৌরে। তেস্ত পর মিল্লিয়ন য়াংনা হেনগৎলক্তুনা ১৯৪৫৩ য়ৌরে। অকনবা ৱারেপ লৌদুনা থবক পায়খৎলকপদগী লৈবাক শীনবা থুংনা তেস্ত তৌনবা লেব মশিং হেনগৎলকপনি। ২০২০গী জনুৱারিদা শুপ্নগী লেব অমা খক লৈরম্বদগী, ঙসি হৌজিক লৈবাক অসিদা সরকারগী ৯৪৭ অমসুং লনাইগী ৪৮৬ য়াওনা পুন্না লেব ১৪৩৩ লৈরে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645542

প্রধান মন্ত্রী নরেন্দ্র মোদীনা “ত্রান্সপেরেন্স তেক্সেসন – মপুকচেল শেংবশিংবু ইকায়খুম্নবা” ফম্পাক হৌদোকখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা “ত্রান্সপেরেন্স তেক্সেসন – মপুকচেল শেংবশিংবু ইকায়খুম্নবা” ফম্পাক হৌদোকখ্রে‍। থৌরমদুদা ৱা ঙাঙলদুনা মহাক্না হায়খিবদা লৈবাকসিদা লৈরম্লিবা মওং মতৌদা অহোংবা পুরকপগী থৌওং অসি ঙসিদি ফনা য়াম্না খুমাঙ চাওশিল্লে‍। প্রধান মন্ত্রীনা হায়খিবদা “ত্রান্সপেরেন্স তেক্সেসন – মপুকচেল শেংবশিংবু ইকায়খুম্নবা” ফম্পাক অসি ২১শুবা চহীচাগী খাজনাগী মওং মতৌগী মথৌ তাবশিং চুননবা হৌদোকখিবনি‍। ফম্পাক অসিদা ফেসলেস এসেসমেন্ত, ফেসলেস অপিল অমদি তেক্সপেয়র চার্তরনচিংবা অচৌবা অহোংবা কয়া য়াওরি হায়না মহাক্না শন্দোক্না তাকখি‍। ফেসলেস এসেসমেন্ত অমসুং তেক্সপেয়র চার্তর ঙসিদগী চৎনবা হৌরে অদুগা ফেসলেস অপিলগী খুদোংচাবদি দীন দয়াও উপধ্যায়গী মপোক কুমওন নুমিৎসু ওইরিবা সেপ্তেম্বর ২৫দগী লৈবাক শীনবা থুংনা চৎনবা হৌরগনি‍ হায়না মহাক্না হায়খি‍। অনৌবা ফম্পাক অসি ফেসলেস ওইবতা নত্তনা খাজনা থীরিবশিংগী মশাবু থাজবা হেনগৎহন্নবা অমদি মখোয়বু অকিবা লৈহন্দনবা পান্দম থম্লি‍। পি.এম.না হায়খিবদা হৌখিবা চহী তরুকসিদা লৈঙাক অসিনা থমখিবা পান্দমদি “বেঙ্কিং তৌদ্রিবশিংবু বেঙ্কিং তৌহনবা, সিক্যুর ওইদ্রিবশিংবু সিক্যুর ওইহনবা, শেন থাদদ্রিবশিংদা শেন থাদবা অমদি মপুকচেল শেংবশিংবু ইকায়খুম্নবা” হায়বসিনি অদুগা “মপুকচেল শেংবশিংবু ইকায়খুম্নবা” হায়রিবা ফম্পাক অসি মায়কৈ অসিদা চঙশিল্লক্লি‍। লৈবাক শেমগৎপদা পুকচেল শেংবা খাজনা থীরিবশিংগী থৌদাংবু থাগৎলদুনা প্রধান মন্ত্রীনা হায়খিবদা অসিগুমবা খাজনা থীবশিংগী পুন্সিবু নুংঙাইহনবা হায়বসি লৈঙাকসিগী থৌদাংনি‍। “মপুকচেল শেংবা খাজনা থীবা মীওই অমগী পুন্সিনা নুংঙাইরবা মতমদা মহাক্না মাঙদা চৎখত্তুনা চাওখৎপা ওইরক্কনি, অদুগা লৈবাকসিসু চাওখৎলক্তুনা খুমাঙ চাওশিল্লক্কদৌরিবনি,” হায়না পি.এম.না মখা তাখি‍। প্রধান মন্ত্রীনা হায়খিবদা হান্না লৈরম্লিবা মওং মতৌ অসিগী অরুবা মওং মতৌ কয়াসিনা চৎনবদা খুদোংচাদবা কয়া মায়োক্নহল্লি‍। লায়থোকহল্লবা আইন অমসুং থৌওংনা ইনবদা হেন্না লায়হল্লি‍। খুদম অমা হায়রগদি খাজনা মখল কয়াগী মহুৎ শিনখিবা জি.এস.তি. অসিনি হায়না মহাক্না হায়খি‍। প্রধান মন্ত্রীনা হায়খিবদা খ্বাইদগী নৌবা আইন অসিনা হায় কোর্ততা কেস ফাইল তৌবগী লিমিত লুপা করোর ১ ফাওবা অমদি সুপ্রিম কোর্ততা কেস ফাইল তৌবগীনা লুপা করোর ২ ফাওবগী লিমিত থমদুনা লিগেলগী ওইবা পোৎলুম হন্থহল্লে‍। ‘বিবাদ সে বিস্বাস’ স্কিমগুম্বা থৌরাংশিংনা কেস অয়ামবা কোর্তকী মপান্দা লোইশিন্নবা লম্বী য়াৎলে‍।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645472

‘নুং-পান উবা তেক্সেসন- পুকচেল শেংবদা ইকাই খুম্নবা’ হৌদোকপগী থৌরমদা প্রধান মন্ত্রীনা পীখিবা ৱারোল

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645454

ওর্গানিক ফার্মর মশীং য়াম্বদা ভারতনা অহানবা তারে অমসুং ওর্গানিক ফার্মিংগী লম পাক চাউবদনা মাপনশুবদা লৈরে

ওর্গানিক্কী লৌউ-শিংউগী ৱারী অসি ভারত্তা পাম্নবা হেল্লকপদা নত্তনা মালেমগী অতোপ্পা লৈবাকশিংনসু পাম্নবা হেল্লকপগা লোইননা শন্দোকপা হেনগৎলক্লি। কোবিদ লাইচৎনা য়ৈবীরবা মালেম অসিদা হকচাং ফবা অমসুং চাবদা শোক্নিংঙাই ওইদ্রবা চীঞ্জাকশিংবু পাম্নবগী চাং হেনগৎলক্লি অমসুং মসিমক ঐখোয়গী লৌমী, কঞ্জুমরশিং অমসুং অকোইবদা য়াইফনবগী তাঞ্জা অমা ফংলবনি। ভারতনা ওর্গানিক ফার্মর য়াম্না লৈবদা মকোক থংলি অমসুং ওর্গানিক ফার্মিংগী লম চাউবদনা মাপন শুবদা লৈরি। সিক্কিম্না মালেমদা ওর্গানিক খক্তমক ফংবা রাজ্য অহানবা ওইরে অমসুং অতোপ্পা রাজ্য ত্রিপুরা অমসুং উত্তরাখন্দসু পান্দম অসি ফংনবা হোৎনরি। অৱাং নোংপোক লমদম অসি মহৌশানা ওর্গানিক ওইদুনা লাকচৈ অমসুং লৈবাক অসিগী মফম অতৈদগী কেমিকেল য়াওবা পোৎলম চাবগী চাং য়াম্না নেম্লি। মসিগা মান্ননা ত্রাইবেল অমসুং আইলেন্দ ওইবা লমশিংবু মখোয়গী ওর্গানিক্কী ৱারী অসি মখা তানা য়োকখৎনবগীদমক পুক্নিং থৌগৎলি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645497

 

পি.আই.বি. ফিল্দ ওফিসশিংদগী ফংবা পাউ

 

  • মহারাস্ত্রাঃ য়ুমশকৈশা নুমিত্তা অনৌবা কোবিদ কেস ১২,৭১২ লাকপগা লোইননা রাজ্য অসিদা মীওই ১৩,৮০৪ নাবা ফখ্রে অমসুং এক্তিব কেস লাখ ১.৪৭ লৈরি। মহারাস্ত্রদা মীওই ১৮,৬৫০ লৈখিদবা তারবসু  মীওই লাখ ৩.৮১ হেন্না নাবা ফখ্রে। ইন্দিয়ন মেদিকেল এসোসিএসন্না মহারাস্ত্রা সরকারদা কোবিদ-১৯ হোস্পিতালগী ফীগী মতাংদা থোকখিবা নোতিফিকেসন্দু অমুক হন্না য়েংশিন্নবা খঙহনখ্রে। মহারাস্ত্রগী আই.এম.এ. য়ুনিৎনা হায়রি মদুদি মহাত্মা ফুলে জন আরোগ্যা য়োজনা স্কিমগী মখাদা ওক্সিজেন য়াওবা ফমুং, ভেন্তিলেতর য়াওদবা আই.সি.য়ু. অমসুং ভেন্তিলেতর য়াওবা আই.সি.য়ু.শিংদা লুপা ৪,০০০দগীনা লুপা ৯০০০ ফাওবা ওইহল্লিবসি অরুবা কোবিদ অনাবা অমগী ওইনদি কোন্ননা লাইয়েং ঙমহল্লগনি।
  • গোৱাঃ মুখ্য মন্ত্রী প্রমোদ সৱন্তনা হায়খ্রে মদুদি গোৱাদা কোবিদ-১৯ অনাবগী কেস মশীং ৱাংনা লৈরক্লিবসিগী মরমদি লৈবাক অসিগী ওইনা তেস্ত তৌবগী চাং অসি খ্বাইদগী ৱাংবগীনি। গোৱাদা মীওই মিল্লিয়ন অমা লৈবগী মনুংদা ৯০০০০ তেস্ত তৌরি মসি মিল্লিয়ন অমদা মীওই ৬৫০০০ তেস্ত তৌরিবা দিল্লীদগী হেল্লিবনি। গোৱাদা হৌজিক ফাওবদা এক্তিব কেস ৩,১৯৪ লৈরি। 
  • রাজস্থানঃ রাজ্য অসিগী হকশেলগী ওইবা ফেসিলিতীশিংদা সরকার অসিনা কোবিদ-১৯ অনাবশিংগীদমক অনৌবা ভেন্তিলেতর ১৩০০ লৈশিন্দুনা হেন্না মপাঙ্গল কনখৎহল্লগনি। রাজস্থান্দা এক্তিব কেস ১৩,৬৩০ লৈরি।  
  • ছতিশগরঃ হান্নগী মুখ্য মন্ত্রী দা. রমন সিংহগী লোইনবী য়াওনা য়ুমশকৈশা নুমিত্তা মীওই ৪৩৮ মখা তানা পোজিতিব ওইরকপগা লোইননা রাজ্য অসিদা লৈরিবা কেস মশীং অসি ১৩,৪৯৮ শুখ্রে। অনৌবা কেসশিং অসিগী মনুংদগী রাইপুরদগী ১৫৪, রাজনন্দগাওদগী ৫৫, রাইগরদগী ৪১, দুর্গদগী ২৯, বাস্তরদগী ২৬ য়াওরি।
  • কেরলাঃ রাজ্য অসিদা অনৌবা কোবিদকা মরী লৈননা মীওই অনী লৈখিদবগা লোইননা অপুনবা মশীং ১২৮ শুখ্রে। থিরুবনন্থপুরমগী সেন্ত্রেল জেলদগী মীওই ৪১ পোজিতিব ওইখ্রে। কোনুং ওইরিবা মফম অসিদা রেপিদ এন্তিজেন তেস্ত তৌবদা মীওই ২৫ অমগসু পোজিতিব ওইখ্রে সরকার অসিনা দোক্তরগী অইবা য়াওদনা প্রাইবেৎ হোস্পিতালশিংদা কোবিদ-১৯ তেস্ত তৌবগী অয়াবা পীখ্রে। মরক অসিদা পুলিস্না কন্তেন্মেন্ত জোন ঙাকপগী থবক লৌথোক্তুনা দিজাস্তর মেনেজমেন্ত ওথোরিতীদা খুৎশিন্নখ্রে। ঙরাং কোবিদ-১৯গী অনৌবা কেস ১২১২ লাকখি অমসুং মীওই ৮৮০ নাবা ফখি। অনাবা ১৩,০৪৫না হৌজিক লাইয়েংদুনা লৈরি অমসুং মীওই লাখ ১.৫১না ওবজর্বেসন তৌদুনা লৈরি।
  • তমিল নাদুঃ পুদুচেরীদা অনৌবা কোবিদ-১৯ কেস ৩০৫ লাকখ্রে;মীওই তরুক লৈখিদবগা লোইননা অপুনাব ১০০ শুখ্রে; অপুনবা কেস ৬৬৮০ শুখিবগা লোইননা এক্তিব কেস ২৭৫০ লৈরি। তমিল নাদুগী সরকারনা কোবিদ-১৯গী অকিবা লৈবনা ভিনায়াকা চতুর্থী রেল্লী হন্দক চহীগী ওইনা অথিংবা থম্লে। মদুরাইদা কোবিদ-১৯ কেস থা অমরোম হাইগৎলুরবা মতুংদা অনৌবা কেস অমসুং এক্তিব কেস অমসুং পোজিতিব ওইবগী চাং হন্থরকখ্রে। ঙরাং অনৌবা কেস ৫৮৭১, নাবা ফখ্রবা ৫৬৩৩ অমসুং লৈখিদ্রবা ১১৯ রিপোর্ত তৌরকখ্রে। অপুনবা কেসঃ ৩,১৪,৫২০, এক্তিব কেসঃ ৫২,৯২৯, লৈখিদ্রবাঃ ৫২৭৮, দিসচার্জঃ ২,৫৬,৩১৩; চেন্নইদা লৈবা এক্তিব কেসঃ ১০,৯৫৩।
  • করনাতাকাঃ বি.বি.এম.পি. কোবিদ ৱার রুম্না নৈনবা দেতা অমগী মতুং ইন্না বেঙ্গলুরুদা লৈবা কোবিদ পোজিতিব কেস মশীংসু জুলাইদা ২৪% লৈরম্বদগী ওগস্ততা ১৮%দা হাইথরকখ্রে। মরক অসিদা বি.বি.এম.পি.না প্রাইবেৎ হোস্পিতালশিংদা শীজিন্নদ্রবা ফমুংশিং থিংজনবগী মতাংদা চেকশিল ৱারোল থমখ্রে। অহানবা পি.য়ু.সি.দা এদমিৎ তৌবা ঙসিদগী হৌনখ্রে। ঙরাং অনৌবা কেস ৭৮৮৩ তৌরকখ্রে, মসিনা রাজ্য অসিগী খ্বাইদগী ৱাংবা নোংমদা রিপোর্ত তৌরকপা ওইখ্রে। ঙরাং দিসচার্জ ৭০৩৪ অমসুং ১১৩ লৈখিদ্রে। অপুনবা পোজিতিব কেসঃ ১,৯৬,৪৯৪, এক্তিব কেসঃ ৮০,৩৪৩, লৈখিদ্রবাঃ ৩৫১০, দিসচার্জঃ ১,১২,৬৩৩।
  • অন্ধ্র প্রদেশঃ রাজ্য সরকারনা মীয়ামদা কোরোনা ভাইরস্তগী মাংজৌননা ঙাকথোকপা ঙম্নবগীদমক হেল্পলাইন নম্বর হাংদোকখ্রে। মসিনা তেলিমেদিসিন, অমসুং ১০৪ কোল সেন্তরগী অকুপ্পা মরোলশিং পীগনি। মুহারম কুমহৈগী ওইবা চৎন-কাংলোনশিং রাজ্য সরকারনা থোকখ্রে। মাইনোরিতী ৱেলফিয়র দিপার্ত্মেন্তকী সেক্রেতরীনা ওগস্ত ২০দগী হৌদুনা নুমিৎ তরানিগী চৎনগদবা কোবিদ-১৯গী চৎন-কাংলোনশিং ইনগদবনি হায়খ্রে। ঙরাং অনৌবা কেস ৯৫৯৭, দিসচার্জ ৬৬৭৬ অমসুং ৯৩ লৈখিদ্রে। অপুনবা কেসঃ ২,৫৪,১৪৬, এক্তিব কেসঃ ৯০,৪২৫, দিসচার্জঃ ১,৬১,৪২৫ লৈখিদ্রবাঃ ২২৯৬
  • তেলঙ্গানাঃ হাইদেরবাদতা য়ুম্ফম ওইবা জেনরিক দ্রগ শাবা এম.এস.এম. গ্রুপনা শগোলশেল নুমিত্তা এন্তি ভাইরেল দ্রগ ফেবিপিরাবিরগী অহোংবা মমলদা ফংবা য়াবা মখল কৈথেলদা "ফেবিলো" হায়না খঙনবা কোবিদ-১৯গী মাইল্দদগীনা মোদরেৎ ওইবা সিম্পতোম লৈবা অনাবনা শীজিন্নবা য়াবা হিদাক  হৌদোক্লগনি হায়না লাউথোকখ্রে। অনৌবা কেস ১৯৩১, নাবা ফখ্রবা ১৭৮০, অমসুং মীওই ১১ হৌখিবা পুং ২৪ অসিদা রিপোর্ত তৌরকখ্রে, অপুনবা কেস ১৯৩১গী মনুংদগী ২৯৮দি জি.ঐচ.এম.সি.দগী লাকখিবনি। অপুনবা কেসঃ ৮৬,৪৭৫, এক্তিব কেসঃ ২২,৭৩৬, লৈখিদ্রবাঃ ৬৬৫; দিসচার্জঃ ৬৩,০৭৪। ভাইরস হোৎস্পোৎ ওইরিবা গ্রেতর হাইদেরবাদ ম্যুনিসিপাল কোর্পোরেসন্না নৌনা লান্নবগী চাং খরা হন্থরকপা থেংনরে।
  • অরুনাচল প্রদেশঃ অরুনাচল প্রদেশতা হৌখিবা পুং ২৪ অসিদা মীওই ১০৩ নৌনা পোজিতিব ওইরকখ্রে।  কোবিদ-১৯দগী মীওই ১৬৫৯ নাবা ফখিবগা লোইননা এক্তিব কেস ৭৬৮ য়ৌখ্রে। লাক্লিবা অনৌবা কেশসিং অসিগী মনুংদগী লোহিত্তগী কেস ৩৭ লাকপগা লোইননা মকোক চিংলি মসিগী মতুংদা কামেংদগী কেস ২২ অমসুং ইতানগরগী কোনুং ওইরিবা মফম অসিদগী ১০ লাকখি।
  • অসমঃ অসমদা হৌখিবা পুং ২৪ অসিদা কোবিদ-১৯ তেস্ত ১৪৩,১০৯ তৌখি। মসিনা অসমদা তৌখিবা তেস্তশিংগী মরক্তগী অপুনবা ওইনা ১৫৭৩৮০০ য়ৌখ্রে।
  • মনিপুরঃ মনিপুরদা অনৌবা কেস ৪১ অমসুং নাবা ফখ্রবা মশীং ৭৮ য়ৌখ্রে, রাজ্য অসিগী নাবা ফখ্রবগী চাং অসি চাদা ৫৬ য়ৌরে। রাজ্য অসিদা এক্তিব কেস ১৭৩৯ লৈরি।
  • মিজোরমঃ মিজোরমদগী কোবিদ-১৯দগী নাবা ফরবা মীওই ১৩ দিসচার্জ তৌখ্রে। রাজ্য অসিগী এক্তিব কেস মশীংনা ৩০৬ য়ৌখ্রে অমসুং ৩৪৩না দিসচার্জ তৌখ্রে। মিজোরম সরকারনা তেস্তিং রেসিও হেনগৎনবা পান্দম থমদুনা আর.এ.তি. কিৎ ১০০০০ লৈনবা শেম শাখ্রে।
  • নাগালেন্দঃ নাগালেন্দা ৱার্দ ২৩ লৈবা দিমাপুর অর্বান কাউন্সিলনা ফেদরেসন মেম্বরশিংদা ফ্রন্তলাইন ৱার্করশিংবু অৱাবা পীবা অমসুং তাথীতাওইনা তৌবীবদগী লাপনা লৈনবা খঙহনখ্রে। 
  • সিক্কিমঃ সিক্কিমদা ঙসি অনৌবা কোবিদ-১৯ পোজিতিব কেস ২তমক লাকখি। রাজ্য অসিদা হৌজিক ফাওবদা অনাবা ৫৮১ নাবা ফখ্রে অমসুং এক্তিব কেস ৩৪৯ লৈরি।

ফেক্ত চেক

*******



(Release ID: 1645612) Visitor Counter : 6