নোংমদা তেস্ত তৌবগী চাং নোংমদা লাখ ৮ হেন্দুনা, ভারত্তা হৌখিবা পুং ২৪দা রেকোর্দ ওইনা নোংমদা তেস্ত লাখ ৮,৩০,৩৯১ হেন্না পাংথোকখ্রে। “তেস্ত, ত্রেক অমসুং ত্রিৎ” লাল্লোং শীজিন্নদুনা ভারতনা নোংমদা তেস্ত লাখ ১০ পাংথোকপা ঙম্নবা থৌরাং তৌরে।

কোবিদ-১৯ পোজিতিব কেসশিং ঙন্না খঙদোক্নবা অমসুং তোখাইনা লৈহন্নবা তেস্ত তৌবা অসি অহানবা মরুওইবা খোঙথাং অমা ওইনা কেন্দ্র সরকার অমসুং রাজ্য/য়ু.তি সরকারশিংনা অকনবা ৱারেপ লৌবদগী ভারতনা নোংমদা পাংথোকপা তেস্ত মশিং হেনগৎলকপনি। চয়োলগী ওইনা নোংমদা পাংথোকপা তেস্ত মশিং ঙকপা ফংনা হেনগৎলক্তুনা ২০২০গী জুলাইগী অহানবা চয়োলদা চাউরাক্না লাখ ২.৩ রোম ওইরম্বদগী হৌজিক লাখ ৬.৩ হেল্লে।

রেকোর্দ অমা ওইনা হৌখিবা পুং ২৪দা তেস্ত লাখ ৮ হেন্না পাংথোক্তুনা, হৌজিক ফাওবদা পাংথোকখিবা অপুনবা তেস্ত মশিং ২,৬৮,৪৫,৬৮৮ য়ৌরে। তেস্ত পর মিল্লিয়ন য়াংনা হেনগৎলক্তুনা ১৯৪৫৩ য়ৌরে।

অকনবা ৱারেপ লৌদুনা থবক পায়খৎলকপদগী লৈবাক শীনবা থুংনা তেস্ত তৌনবা লেব মশিং হেনগৎলকপনি। ২০২০গী জনুৱারিদা শুপ্নগী লেব অমা খক লৈরম্বদগী, ঙসি হৌজিক লৈবাক অসিদা সরকারগী ৯৪৭ অমসুং লনাইগী ৪৮৬ য়াওনা পুন্না লেব ১৪৩৩ লৈরে। মসি কেন্দ্র অমসুং রাজ্য/য়ু.তি সরকারশিংনা লেপ্তনা হোৎনবগী খুদম অমনি।

হায়রিবা লেবশিং অদুদি:

রিএল-তাইম আর.তি পি.সি.আর তেস্তিং লেবস : ৭৩৩(সরকার :৪৩৪+লনাই: ২৯৯)

ত্রুনেত তেস্তিং লেবস : ৫৮৩(সরকার : ৪৮০ + লনাই : ১০৩)

সি.বি.এন.এ.এ.তি তেস্তিং লেব : ১১৭ (সরকার :৩৩+লনাই:৮৪)

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

******