জল শক্তি মন্ত্রালয়
জল শক্তিগী য়ুনিয়ন মিনিস্তর গাজেন্দ্র সিংহ সেখাৱাতনা শ্বচ্ছ ভারত মিসন একাদেমি হাংদোকখ্রে
এস.বি.এম(জি)গী অনিসুবা তাঙ্কক্কী মখাদা পান্দমশিং ফংনবা ও.দি.এফ প্লসকী আই.ভি.আরদা য়ুম্ফম ওইবা লেম্না পীরিবা মোবাইল ওনলাইন কোর্সশিং য়াম্না মরুওই
Posted On:
11 AUG 2020 2:13PM by PIB Imphal
হৌজিক চয়োল অমগী ওইনা চৎথরিবা লমচৎ হোংহন্নবা খোঙজং ‘গান্দাগিমুক্ত ভারত’কী শরুক অমা ওইনা ঙসি পাংথোকপা থৌরম অমদা জল শক্তিগী য়ুনিয়ন মিনিস্তর গাজেন্দ্র সিংহ সেখাৱাতনা শ্বচ্ছ ভারত মিসন একাদেমি হাংদোকখ্রে। তোল-ফ্রি আই.ভি.আর নম্বরদা দাইএল তৌদুনা গাজেন্দ্র সিংহ সেখাৱাতনা এস.বি.এম একাদেমি হাংদোকখি অমসুং এস.বি.এম একাদেমিগী তরাম্না ওকপগী পাউজেল তাখি। লমচৎ-শাজৎ হোংহন্নবা অমসুং মরী লৈনবশিং হায়বদি শ্বচ্ছগ্রহিশিং অমসুং অতোপ্পা থৌমীশিং ৱাখল তাহনবদা এস.বি.এম(জি)গী অনিসুবা তাঙ্কক্কী মখাদা পান্দমশিং ফংবদা ও.দি.এফ প্লসকী আই.ভি.আরদা য়ুম্ফম ওইবা লেম্না পীরিবা মোবাইল ওনলাইন কোর্সশিং য়াম্না মরুওই।
য়ুনিয়ন মিনিস্তরনা হায়খি, মালেমগী লৈবাকশিংদা উখিদ্রবা মওংদা সেনিতেসনগী লমদা মীয়ামগী খোঙজং অমা ওইদুনা শ্বচ্ছ ভারত মিসন(গ্রামিন)না ভারতকী খুঙ্গংশিংদা অওনবা পুরক্লে। খোঙজং অসিদগী, ২০১৯গী ওক্তোবর ২দা খুঙ্গংশিং, জিলাশিং অমসুং রাজ্যশিং পুৱারি ওইনা লমহাংদা খোঙহামদ্রে হায়না লাউথোক্লে। মহি অমসুং মপংগী অমোৎপশিং লোইশিন্নবা পান্দমদা অমসুং তুংকোইনা লমহাংদা খোঙহামদনবা থবকশিংদা মিৎয়েং থমদুনা চহি অসিদা শ্বচ্ছ ভারত মিসন(গ্রামিন)গী অনিসুবা ফেজ হৌদোকখি। থৌরম অসিনা মী খুদিংমক তোইলেত অমমম শীজিন্নবা ফংনবা থবক পায়খৎকনি। শ্বচ্ছ ভারত মিসন অসি মোবাইলদা য়ুম্ফম ওইবা তেক্নোলোজি শীজিন্নদুনা শ্বচ্ছগ্রহিশিং, পঞ্চয়াতশিংগী মেম্বরশিং, এন.জি.ওশিং, এস.ঐচ.জিশিং অমসুং শ্বচ্ছ ভারত মিসন(গ্রামিন)ফেজ-২গা মরী লৈনবা অতোপ্পশিং ত্রেনিং পীগনি।
থৌরম অদুদা ৱা ঙাংবদা জল শক্তিগী রাজ্য মন্ত্রী রাত্তন লাল কাতারিয়ানা কেন্দ্র অমসুং রাজ্য সরকারগী শ্বচ্ছ ভারত মিসন(গ্রামিন)কাংবুগী ওফিসিএলশিং অমসুং শ্বচ্ছগ্রহিশিং হৌখিবা চহি মঙা অসিদা খুঙ্গংগী মীয়ামগী লমচৎ-শাজৎ হোংনবা অমসুং থৌরম অসি মীয়ামগী ইহৌ অমা ওইনবা চোকথবা লৈতনা থবক পায়খৎপগীদমক থাগৎখি। শ্বচ্ছ ভারত মিসন(গ্রামিন)ফেজ-২দা চপ মান্নবা থৌনাগা লোয়ননা মখা তানা থবক পাংথোক্নবা মহাক্না মখোয়দা তকশিনখি।
শ্বচ্ছ ভারত মিসন(গ্রামিন)ফেজ-২গী মখাদা পায়খৎলিবা এস.বি.এম একাদেমগী থবকশিং অমসুং মরুওইবা থৌদাংশিংগী মতাংদা দ্রিংকিং ৱাতর এন্দ সেনিতেসন দিপার্তমেন্তগী সেক্রেতরি,পরমেশ্বারনলয়রনা শন্দোক্না তাকখি। মহাক্না হায়খি, ফোন্দা য়ুম্ফম ওইবা একাদেমি অসিনা শেন তিংদনা, অপাম্বা মতমদা, মফম অমদা হেক্তা অফবা মখলগী মচাকশিং ফোন্দা তাকপী-তম্বীগনি। মসিনা বেনিফিসরিশিংগা ৱারি শানবা নুংঙাইনবা লৌশিং অমসুং ৱারি শানবগী লৌশিং কয়া তাক্কনি। আই.ভি.আরগী কোর্স অসিদা মিনিত ৬০গী মোদুল অসিদা লমহাংদা খোঙ হামদনবা অমসুং অমোৎপশিং লোইশিন্নবগী মতাংদা তোঙান হীরম কয়া য়াওরি। এস.বি.এম একাদেমি কোর্স অসিদা চেপ্তর মরি য়াওরি, চেপ্তর অমমমদা ওদিওগী পারাশিং য়াওরি অমসুং চেপ্তরগী অরোইবদা মল্তিপল-চোইজগী কুইজ অমা য়াওরি। কোর্স অসি মাইপাক্নবা , মীওই অমনা ৱাহংশিগী চাদা ৫০দগী তাদনা চুম্না পাউখুমশিং পীগদবনি।
হৌজিক্কি ওইনা এস.বি.এম একাদেমগী মচাকশিং অসি হিন্দি ওইরি অমসুং মীয়াম্না তোল ফ্রি নম্বর(১৮০০১৮০০৪০৪)দা দাইল তৌবা য়াগনি অমসুং মখোয়গী মোবাইল ফোনশিংদা মচাকশিং লোইনা তাবা য়াগনি।
মিনিস্তরনা ওনলাইনদা শ্বচ্ছগ্রহিশিং, থৌমীশিং অমসুং রাজ্যগী ওফিসিএলশিংগা ৱারি শানখি। মসিগী লেম্না তম্বা য়াবা কোর্স অসি শরুক য়ানবা মীয়াম পুক্নিং থৌগৎনবা মখোয়দা তকশিনখি।
*******
(Release ID: 1645035)
Visitor Counter : 195
Read this release in:
Punjabi
,
Assamese
,
English
,
Urdu
,
Hindi
,
Marathi
,
Bengali
,
Odia
,
Tamil
,
Telugu
,
Malayalam