(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী কোবিদ-১৯ নাবা ফবগী চাং মমাংদা ওইখিদ্রিবা মওংদা মিল্লিয়ন ১.৫ লানখ্রে
• নোংমদা নাবা ফবগী চাং খ্বাইদগী ৱাংবা ওইনা ৫৪,৮৫৯ য়ৌখ্রে; নাবা ফবগী চাংনা এক্তিব কেসতগী লাখ ৯ য়ৌখ্রে
• কেস ফেতালিতী রেৎসু অনৌবা ওইনা ২% য়ৌনা হন্থরে
• ভারত অসি মালেমদা শমুদ্রদা হি হোন্দোক্তুনা চৎলিবা মীওইশিংনা ওনলাইন্দা পরিখা থাবা লম অমা ওইরি।
• দিল্লী এয়রপোর্তনা ভারতকী মফম শিনবা থুংবদা লাক্লিবা ইন্তর্নেস্নেল পেসেঞ্জরশিংগী পোর্তেল অমা শেমখ্রে

ভারতকী কোবিদ-১৯ নাবা ফবগী চাং মমাংদা ওইখিদ্রিবা মওংদা মিল্লিয়ন ১.৫ লানখ্রে; কেস ফেতালিতী রেৎসু অনৌবা ওইনা ২% য়ৌনা হন্থরে

ভারতকী কোবিদ-১৯ নাবা ফবগী চাং অসি মমাংদা ওইখিদ্রিবা মওংদা ঙসি মিল্লিয়ন ১.৫ য়ৌখ্রে। অনাবা মীওই ১৫,৩৫,৭৪৩ য়ৌরিবসি খোংজেল য়াঙনা তেস্ত তৌবা, মপুং ফানা ত্রেক্কিং তৌবা, অমসুং মতীক চানা লাইয়েংলি। ফগৎলবা এম্বুলেন্সকী খুদোংচাবা, চেকশিন থৌরাং লৌবগী থবক ফগৎহনবা অমসুং নোন-ইনভেসিব ওক্সিজেন শীজিন্নবনা পেন্নিংঙাই ওইবা ফল ফংলিবনি। নোংমদা নাবা ফবগী চাং খ্বাইদগী ৱাংবা ওইনা হৌখিবা পুং ২৪ অসিদা মীওই ৫৪,৮৫৯ নাবা ফখি, কোবিদ-১৯না নারবা অনাবশিংগী মরক্তগী নাবা ফবগী চাং অসি চাদা ৭০ য়ৌরক্তুনা ৱাংখৎলক্লি। মমাংদা ওইখিদ্রবা মওংদা ৱাংখৎলকপা অসিনা লৈবাক অসিগী ওইবা এক্তিব কেস মশীংদা হন্থহল্লি অমসুং অপুনবা পোজিতিব কেস মশীংদগী ২৮.৬৬% তমক ওইরে। ভারতনা এক্তিব কেস মশীং (৬,৩৪,৯৪৫)দগী লাখ ৯ হেন্না নাবা ফখ্রে। কেন্দ্র অমসুং রাজ্য/য়ু.তি. সরকার অনীনা অপুনবা ওইনা ঙন্না লাইওং খঙদোক্নবগীদমক খুমাং চাউশিন্না তেস্ত তৌবা অমসুং হকচিনবা ক্লিনিকেল মেনেজমেন্তশিং হোস্পিতালদা লৈরিবা কেসশিংদা লৌখৎলকপনা কেস ফেতালিতী রেৎসু কা হেন্না হন্থরে। ঙসি ফাওবদা ওইরিবা চাং অসি ২%নি, অমসুং মসিদগী হন্থরক্লি। কেসশিং ঙন্না খঙদোকপনা এক্তিব কেস মশীং তপনা তপনা হন্থরক্নবগী মচাক ওইরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644695

প্রধান মন্ত্রী শ্রী নরেন্দ্র মোদীনা অন্দমান অমসুং নিকোবার ইথৎশিংগী সবমেরিন কেবল কনেক্তিবিতী (সি.এ.এন.আই.) লোঞ্চ তৌখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা অন্দমান অমসুং নিকোবার ইথৎশিং য়ৌবা সমুদ্র মনুংদা পুবা ওপ্তিকেল ফাইবর কেবল (ও.এফ.সি.) শঙ্গাদুনা লৈবাক্তা খুৎশিন্নখ্রে। প্রধান মন্ত্রীনা শ্রী নরেন্দ্র মোদীনা ঙসিগী কনেক্তিবিতী পীবগী থৌওং অসিনা ইথৎশিং অসিদা লোয়বা নাইদ্রবা খুদোংচাবা কয়া পীরগনি হায়খ্রে। সমুদ্র মনুংদা কিলোমীতর ২৩০০ শাংবা পুবগী থৌওংবু হায়নখিবা মতমগী মাংওইননা লোয়শিনবা ঙম্বা অসি য়াম্না থাগৎনিংঙাইনি হায়খি। প্রধান মন্ত্রীনা সেবা অসি ঙসিদগী হৌনা ইথৎশিং অসিদা চেন্নইদগী পোর্ত ব্লেয়ার ফাওবদা, পোর্ত ব্লেয়ারদগী লিত্তল অন্দমান ফাওবা অমসুং পোর্ত ব্লেয়ারদগী স্বরাজ ইথৎ ফাওবগী মনুংদা থবক তৌবা হৌখ্রে হায়খি। প্রধান মন্ত্রীনা সমুদ্রগী মনুংদা কিলোমীতর ২৩০০ শাংবা কেবল পুবগী থৌওং অসিবু থাগৎপা ফোঙদোকখি মরমদি অরুবা সমুদ্র সর্বে তৌবা, কেবলগী মগুন কায়হন্দনা থম্বা অমসুং অখন্নবা বেসেল শিজিন্নন্দুনা ঈশিং মনুংদা কেবল পুবা অসি অরায়বা থবক নত্তে হায়না হায়খি। প্রধান মন্ত্রীনা সবমেরিন কেবল অসিনা এ. অমসুং এন.দা অফবা অমসুং অহোঙবা কনেক্তিবিতী ফংহনবা অমসুং মরু ওইবা ওইনা ওনলাইন এজুকেসন, তেলি-মেদিসিন, বেঙ্কিংগী পথাপ, ওনলাইন ত্রেদিং ফগৎহনবা অমসুং লম-কোয়বা লাকপশিং হেনগৎহনবনচিংবা দিজিতেল ইন্দিয়াগী খুদোংচাবশিং ফগৎহনবদা তেংবাংগনি হায়খি।অকুপ্পা ৱারোলগীদমক, https://pib.gov.in/PressReleseDetail.aspx?PRID=1644702

অন্দমান অমসুং নিকোবর ইথত্তা সবমেরিন কেবল কনেক্তিবিতী শঙ্গাবদা পীখিবা প্রধান মন্ত্রীগী ৱারোল 

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644697

হায়র এজুকেসন কলক্লেবতা প্রধান মন্ত্রীগী ৱারোল

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644025

ইচাউগী ফিবম হন্না য়েংশিন্নবা প্রধান মন্ত্রীনা রাজ্য ৬কী চীফ মিনিস্তরশিংগা মীফম পাংথোকখ্রে

সাউথ-ৱেস্ত মোন্সুন অমসুং লৈবাক অসিগী হৌজিক ওইরিবা ইচাউগী ফিবম থেংননবা মখোয়না থৌরাং তৌরবশিং হন্না য়েংশিন্নবা ভিদিও কনফরেন্সকী খুৎথাংদা ঙসি প্রধান মন্ত্রী নরেন্দ্র মোদীনা অসাম, বিহার, উত্তর প্রদেস, মহারাস্ত্রা, কর্নাতাকা অমসুং কেরলাগী চীফ মিনিস্তরশিংগা উনখ্রে। তুংকোইনা চৎনগদবা ইচাউ মাংজৌননা লাউথোক্নবা থবক পায়খৎনবা অমসুং মাংজৌননা চেকশিনৱারোল লাউথোকপগী থবকশিং ফগৎহন্নবা অনৌবা তেক্নোলোজীশিং মপুংফানা শীজিন্ননবা কেন্দ্র অমসুং রাজ্যশিংগী লুপশিংগী মরক্ত হেন্না মতেং পাংন্নবা প্রধান মন্ত্রীনা তকশিনখি। অকক্নবা মফম অমগী মাংজৌননা পাউ পীনবা থবক ফগৎহন্নবা অনৌবা তেক্নোলোজীশিং হায়বদি আর্তিফিসিএল ইন্তিলিজেন্স শীজিন্ননবা চাংয়েং ওইনা থবক পায়খৎলে। মসিদা রাজ্যশিংদা লুপশিংনা মতম চানা দরকার ওইবা ই-পাউশিং খঙহনগনি অমসুং মীয়ামদা মতম চানা চেকশিনৱারোলশিং লাউথোক্কনি। প্রধান মন্ত্রীনা হায়খি কোবিদ-১৯গী হৌজিক ওইরিবা ফিবম অসি য়েংলগা মী কনবগী থবকশিং পাংথোকপা মতমদা মীয়াম্না হকশেলগী চেকশিন-থৌরাংশিং হায়বদি মাক্স উপ্পা, খুৎ তোইনা হাম্বা অমসুং থাপ্না লৈবা অসি ঙাক্কদবনি অমসুং তেংবাং পোৎলমশিং অদুগী মনুংদা সেনিতাইজর অমসুং মাক্স য়াওহনগদবনি। অহলশিং,মীরোনবীশিং অমসুং অতোপ্পা লায়না লৈবা মীওইশিংগী অখন্নবা পোৎলমশিং ফংহনগদবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644757

ই.পি.এফ.ও.না কোবিদ-১৯গী লায়চৎ অসিগী মতমদা উমঙ্গদগী অথিংবা লৈতনা ফ্রী সর্ভিস ফংহনখ্রে

য়ুনিফাইদ মোবাইল এপ্লিকেসন ফোর ন্যু এজ গবর্নান্স(উমঙ্গ)না কোবিদ-১৯গী লায়চৎ অসিগী মতমদা এম্প্লোয়ীজ প্রোভিদেন্ত ফন্দ ওর্গনাইজেসন(ই.পি.এফ.ও.)গী সবসক্রাইভবরশিংদা য়ুমদগী নুংঙাইনা সর্ভিসশিং অসি অথিংবা অমত্তা পীদনা শিজিন্নবা য়াহন্দুনা চাউনা কান্নবা অমা পীখ্রে। হৌজিক-হৌজিক পি.এফ.কী মেম্বর অমনা মখোয়গী মোবাইলদা উমঙ্গ এপ অসি শিজিন্নদুনা তোঙান-তোঙানবা সর্ভিস ১৬ তৌবা য়াই। সর্ভিসশিং অসি তৌনবগীদমক্তা নিংথিজনা মথৌ পাংলিবা য়ু.এ.এন.(য়ুনিভর্সেল একাউন্ত নম্বর)অমসুং ই.পি.এফ.ও.তা রেজিস্তর তৌরবা মোবাইল নম্বর অমা চংই। ই.পি.এফ.ও.কী মেম্বর-সেন্ত্রিক ওইবা সর্ভিসশিং অসি উমঙ্গ এপতা কোবিদ-১৯ লায়চৎকী মতমসিদা সবসক্রাইবরশিংদা য়াম্না নুংঙাইবা অমা ফংজখ্রে। উমঙ্গগী এপ অসিদা মেম্বর অমনা ক্লেমশিং থাঙ্গৎপা য়াই অমদি ক্লেমশিংগী ফীভম অদু খংবা য়াই। কোবিদ-১৯ লায়চৎ অসিগী মতমদা এপ্রীল ২০২০দগী জুলাই ২০২০ ফাওবা উমঙ্গ এপ্তগী  পুন্না ক্লেম লাক্ষ ১১.২৭ ওনলাইন্দা ফাইল তৌরকখি।  উমঙ্গনা মেম্বরশিংদা কোবিদ-১৯না মরম ওইদুনা চত্থোক-চৎশিন য়াদবগী অথিংবনা ই.পি.এফ.ও.গী সর্ভিস ফংবা ঙমখিদবা অদু কোকহন্দুনা মশানা ই.পি.এফ.ও.গী ওফিসতা চৎপগী মথৌ তাবশিংদু হন্থহনখ্রে। কোবিদ লাইচৎকী মনুং এপ্রিলদগী জুলাই ২০২০ ফাওবগী মনুংদা এ.পি.আই. লাখ ১৮.৫২দি ভ্যু পেন্সনর পাসবুক্তা অমসুং এ.পি.আই. ২৯,৭৭৩না জীবন প্রমান পলত্র সর্বিস্না পীখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644807

মরুওইবা অমসুং ঙমখৈগী শরুকশিংদা লৈবা খুঙ্গং ৪৯৮দা সরকারনা মোবাইল কন্নেক্সন ফংহল্লগনি-রবি শঙ্কর প্রসাদ

ইলেক্ত্রোনিক্স অমসুং আই.তি, কমুনিকেসন অমসুং লো অমসুং জজতিসকী য়ুনিয়ন মিনিস্তর রবি শঙ্কর প্রাসাদনা হায়খি মনুং হুঞ্জিনবা, খুদোংচাদবা অমসুং ঙমখৈগী মরুওইবা মফমশিংগী মীয়াম অমসুং মফমশিং অদুদা থবক তৌরিবশিংদা হেন্না ফবা পুন্সি মহিং অমা ফংহন্নবা মোবাইল কন্নেক্সন ফংহন্নবা ভারত সরকারনা থবক পায়খৎলে। মিনিস্তরনা হায়খি, মনুং হুঞ্জিনবা অমসুং খুদোংচাদবা মফমশিংদা কন্নেক্সন ফংহন্নবা তেলিকমুনিকেসন দিপার্তমেন্তনা থবক কয়া পায়খৎলে। লৈবাক অসিগী মরুওইবা অমসুং ঙমখৈগী শরুকশিং লৈবা কন্নেক্সন ফংদ্রিবা খুঙ্গং ৩৫৪ কোনশিন্নবা তেন্দর অমা পীখ্রে অমসুং মসিগী থবকশিং অসি জে অমসুং কে, লাদাখ অমসুং বিহার, রাজাস্থান, উত্তরখান্দ, হিমাচল প্রদেস অমসুং গুজরাতকী খুঙ্গংশিংদা পায়খৎকনি। হায়রিবা খুঙ্গংশিং অসি ঙমখৈগী শরুক্তা মোবাইল কন্নেক্সন ফংহন্নবা খনখৎখিবনি। হায়রিবা খুঙ্গংশিং অসিদা কন্নেক্সন ফংহল্লবা মতুংদা, জে অমসুং কে অমসুং লাদাখ লমদমদা মোবাইল কন্নেক্সন ফংদবা খুঙ্গং অমতা লৈররোই।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644795

সরকারনা হন্দক্তা লৌখৎলকখিবা এম.এস.এম.ই. সেক্তরদা অৱাবা কোক্নবা থৌরাংনা শেন্মিৎলোনগী চকা খোংজেল য়াংখৎহল্লগনিঃ শ্রী নিতিন গদকারি

মাইক্রো, স্মোল অমসুং মেদিয়ম ইন্তর্প্রাইজেসকী মন্ত্রী শ্রী নিতিন গদকারিনা হাইখ্রে মদুদি এম.এস.এম.ই.গী ৱাহন্থোক হোংদোকপা, ফন্দশিংগী ফন্দ থাদবা, চেম্পিয়ন পোর্তেল, শাংদোক্লবা ক্রেদিৎ স্কিম্না এম.এস.এম.ই.গী সেক্তরদা লোকদাউননা মরম ওইদুনা অৱাবা পীখিবশিংদু খরদি কোকহল্লগনি। মহাক্না স্তেকহোল্দরশিংদা অকিবা অমসুং ফত্তবা ৱাখল অমত্তা পোক্তনবা অমসুং সরকার অসিনা অরৈবা মতেং পাংগনি হায়না থাজবা পীখি। শ্রী গদকারিনা মখা তানা রিলিফ পেকেজদা লুপা কোতি লাখ ৩গী লাউথোকখিবদুদগী লুপা কোতি ১,২০,০০০গী লোনসু এম.এস.এম.ই.শিংগীদমক কাইথখ্রে হায়খ্রে। শেল কাইথবদা থেংবগী মরম্ল পীরদুনা মহাক্না হায়খি, মদুদি মন্ত্রালয়শিং, দিপার্ত্মেন্ত অমসুং পি.এস.য়ূ.শিংদা এম.এস.এম.ই.দা পীগদবা বিলশিং নুমিৎ ৪৫নিগী মনুংদা লোইশিন্নবা য়াথং পীখি।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1644760

উপ রাস্ত্রপতীনা ওফিস্তা থৌ পুবা চহি অহুম শুখিবগী মতাংদা লাইরিক অমা কেন্দ্রগী ঙাকশেল মন্ত্রীনা ফোঙলগনি

ভারতকী উপ রাস্ত্রপতী, শ্রী এম. ভেঙ্কিয়া নাইদুনা ওফিস্তা থৌ পুবা চহি অহুম শুখিবগী মতাংদা ‘কন্নেক্তিং, কম্ম্যুনিকেতিং, চেঞ্জিং’ হায়না মিংথোনবা লাইরিক অমা কেন্দ্রগী ঙাকশেল মন্ত্রী শ্রী রাজনাথ সিংহনা ওগস্ত ১১, ২০২০দা দিল্লীগী উপ-রাস্ত্রপতী নিৱাস্তা ফোঙলগনি। ওগস্ত ১১দা শ্রী নাইদুনা ওফিস্তা থৌ পুবা চহি অহুম মপুং ফারগনি। লাইরিক অসিগী ইলেক্ত্রোনিক ভর্জন (ই-বুক) অসি কেন্দ্রগী ইনফোর্মেসন এন্দ বোর্দকাস্তিং মন্ত্রী শ্রী প্রকাশ জাবাদেকরনা লোঞ্চ তৌগনি। লমায় ২৫০ হেন্না য়াওবা লাইরিক অসি ইনফোর্মেসন এন্দ বোর্দকাস্তিং মন্ত্রালয়গী পব্লিকেসন্স দিবিজননা পুথোকপনি।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1644742

ফাইনান্স মন্ত্রীনা ওনলাইন দেসবোর্দ অমা নেসনেল ইনফ্রাস্ত্রকচর পাইপলাইনগীদমক হৌদোকখ্রে

কেন্দ্রগী ফাইনান্স অমসুং কোরপোরেৎ এফিয়র্স মন্ত্রী শ্রীমতি নির্মলা সিতারমন্না নেসনেল ইনফ্রাস্ত্রকচর পাইপলাইন ওনলাইন দেসবোর্দ অমা ঙসি ভিদিও কনফরেন্সিংগী খুথাংদা হৌদোকখ্রে। ওনলাইন দেসবোর্দ অসিনা স্তেকহোল্দর খুদিংমক্কী ইনফ্রাস্ত্রকচর প্রোজেক্তশিং পুম্নমক অনৌবা ইন্দিয়াদা য়েংবা য়ারগনি। দেসবোর্দ অসি ইন্দিয়া ইনভেস্তমেন্ত গ্রিদ (www.indiainvestmentgrid.gov.in) দা হোস্ত তৌরি। আই.আই.জি. অসি লৈবাক অসিদা ইনভেস্তমেন্তকী খুদোংচাবা খুদক্তা অমসুং ইন্তরেক্তিব ওইবা মওংদা য়েংবা য়াবা প্লেৎফোর্ম অমনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644812

ভারতকী পোত্থোকশিংনা অতোপ্পা লৈবাকশিংদা রেসিপ্রোকেল বেসিস্তা চুম্না এক্সেস তৌবা তঙাইফদে

কম্মর্স অমসুং ইন্দস্ত্রী মন্ত্রী শ্রী পিয়ুশ গোয়ালনা ঙসি এফ.এম.সি.জি. সপ্লাই চেন এক্সপো, ২০২০গী নুমিৎ মঙানি চুপ্না চত্থগদবা অহানবা থৌরম হৌদোকখ্রে। থৌরম অদুদা ৱা ঙাংলদুনা ঐখোয়না কোবিদফ-১৯বু তশেংবা অমনি হায়না লৌদবা য়াদে। মালেম অসি হোংলে। মালেম অসিনা অনৌবা কয়া অমা তমশিল্লগনি অমসুং লৌশিল্লগনি। শ্রী গোয়ালনা হায়খি মদুদি ভারত্না আর.ই.সি.পি.বু য়াবা ঙমদ্রিবগী মরমসি লৈবাকশিংনা য়ানিংলোইদবা এরেঞ্জমেন্ত অমদা তৌই। ভারতকী সোর্সিংদা য়েংশি, ভারত্তা মখোয়গী পোত্থোকশিং চাউখৎনবা হোৎনবা অমসুং মীওই বিল্লিয়ন ১.৩দা থবক পীনবা হোৎনরিবসি য়েংশি। শ্রী গোয়ালনা ভারতকী ইন্দস্ত্রীশিংবু পুন্না চৎমিন্ননবা, মতেং পাংননবা অমসুং চাউখৎপা ভারত অমা ওইনবগীদমক তুংগীসু খন্দুনা হোৎননবা পুক্নিং চিংশিনখি।

ফিল্দ ওফিসশিংদগী ফংবা পাউ

• পঞ্জাবঃ মুখ্য মন্ত্রী কেপ্তেন অমরিন্দর সিংহগী পাউতাক মখাদা মেদিকেল এজুকেসন অমসুং রিসর্চ দিপার্ত্মেন্তনা অনৌবা কোবিদ ভাইরেল তেস্তিং লেব মরি অমগা সেপ্তেম্বর ২০২০ ফাওবগী মনুংদা নোংমদা লেব অমনা তেস্ত ১০০০ অমমম তৌদুনা অপুনবা ওইনা নোংমদা তেস্ত ৪০০০ তৌবা য়ানবগীদমক লিংখৎখ্রে। মসিগী মথক্তা, পতিয়ালা, অম্রিৎসর অমসুং ফরিদকোৎকী মেদিকেল কোলেজ অহুমগী অপুনবা ভাইরেল তেস্তিং কেপাসিতী অসিসু ওগস্ত ফাওবদা নোংমদা তেস্ত ৫০০০ তৌনবা হোৎনরগনি।
• মহারাস্ত্রাঃ নোংমাইজিং নুমিত্তা খ্বাইদগী খুদোংথীবা ওইনা মহারাস্ত্রগী ফিবম চাদ্রবা মওংদা মীওই ৩৯০ লৈখিদ্রে, লাইচৎ অসিনা থা মঙা মপুং ফারকপসিদা খ্বাইদগী খুদোংচাদবা হায়বদু ওইরি, মরকসিদা নুমিৎ নিনি চুপনা রাজ্য অসিদা কোবিদ-১৯ কেস ১২,০০০ হেন্না হাপচিনখ্রে। অপুনবা ওইনা লৈখিদবগী মশীংনা ১৭,৭৫৭ ওইরি। কেস ১২,২৪৮ হাপচিল্লকপগা লোইননা, কোবিদ-১৯গী অপুনবা মশীংনা লাখ ৫.১৫ য়ৌখ্রে। খরা শাফবগী পাউ ওইনা, রাজ্য অসিদা দিসচার্জ তৌবগী মশীং নোংমাইজিং নুমিত্তা ১৩,৩৪৮ তৌখি মসিগা লোইননা দিসচার্জ তৌখিবগী মশীংনা ৩,৫১,৭১০ য়ৌরে।   
• গুজরাৎঃ অহেমদবাদতা লৈবা কোবিদ-১৯ কেস অসি খরা লাকশিল্লক্লবসু, আই.সি.য়ূ.দা লাইয়েংগদবা অনাবা অমদি ভেন্তিলেতর মথৌ তাবা অনাবা মশীংদি হেনগৎলক্লি। আই.সি.য়ু. ফমুং ৬০% অমসুং ভেন্তিলেতর য়াওবা আই.সি.য়ু.গী ফমুং ৭০.৬%দি মী লৈখ্রে। মরক অসিদা গুজরাৎ সরকারনা মীয়াম তিনবা মফমদা মাস্ক উপ্তবা মীওইশিংদগী লৌবা ফাইনসু হান্না ৫০০ লৌরম্বদগী ১০০০দা হেনগৎখ্রে।  
• রাজস্থানঃ রাজ্য অসিদা নিংথৌকাবগী অয়ুক পুং ১০.৩০ ফাওবদা অনৌবা কেস ৫৯৮ লাকখি, মসিনা কোবিদ-১৯গী অপুনবা মশীংদা ৫৩,০৯৫ য়ৌহনখ্রে। রাজস্থানগী হকশেল বিভাগকী মতুং ইন্না নিংথৌকাবা নুমিত্তা মীওই তরুক অমগা লৈখিদবগা লোইননা অপুনবা লৈখিদবা মশীং ৭৯৫ শুখ্রে।
• মধ্য প্রদেশঃ রাজ্য অসিদা হৌখিবা চয়োল তরেৎ অসিদা অনলোক তৌরুবগী মনুংদা অনৌবা কেস মশীং হেনগৎলকপনা মরম ওইদুনা হাই দিপেন্দেন্সী য়ুনিৎ (ঐচ.দি.য়ু.) অমসুং ইন্তেন্সিব কেয়র য়ুনিৎ লৈবা ফমুংশিং অমসুং ওক্সিজেন য়াওবগা লোইননা হেন্না তঙাইফদবা হেল্লক্লি। এম.পি.দা হৌজিক ফাওবদা কেস মশীং ৯,০০৯ লৈরি। কোরোনা লাইচৎকী য়েংদুনা গনেশ উৎসব, মোহারাম, অমসুং জন্মস্তমীসু রাজ্য অসিদা মীয়াম হুপনা পাঙথোকপা থিংলগনি। ইন্দিপেন্দেন্স দেসু পীকশন্না পাঙথোক্কদৌরি।  
• গোৱাঃ রাজ্য অসিদা নোংমদা লাকপা কেস খ্বাইদগী ৱাংবা ওইনা নোংমাইজিং নুমিত্তা ৫০৬ লাকখ্রে। কেস হেনগৎলকপগা লোইননা গোৱাগী অমত্তা ঙাইরবা কোবিদ-১৯ হোস্পিতাল মী থনখিবনা লৈঙাক্না পোন্দাদা লৈবা সব দিস্ত্রিক্ত হোস্পিতালবু রাজ্য অসিগী অনীশুবা মপুং ফারবা কোবিদ হোস্পিতাল ওন্থোকখ্রে।
• অরুনাচল প্রদেশঃ অরুনাচল প্রদেশতা হৌখিবা পুং ২৪ অসিদা কোবিদ-১৯দগী মীওই ৫২ নাবা ফখ্রে অদুগা অনৌবা কেস ৩৮ নোংমাইজিং নুমিত্তা লাকখ্রে। হৌজিক হৌজিক্কী ওইনা রাজ্য অসিদা এক্তিব কেস ৬৭০ লৈ। অনৌবা কেস ৩৮গী মনুংদগী, ১১ অমদি নোংপোক থংবা কামেং জিল্লাদগীনি।
• মনিপুরঃ মনিপুরদা ওফিসিএল ক্বারেন্তিন সেন্তরদা মীওই ৯৯৬ লৈরি, কম্ম্যুনিতী ক্বারেন্তিন সেন্তরদনা মীওই ১৫৮০ লৈরি অমসুং ৪১৯না শেল পীদুনা থম্বা ক্বারেন্তিন সেন্তরদা লৈরি। 
• নাগালেন্দঃ নাগালেন্দদা লৈবা পোজিতিব কেস ২৭৮১গী মনুংদগী ১,২২৬তি আর্ম্দ ফোর্সেস্তগীনি, কেস ২৩৩না হৌরকফম খঙলে অমসুং ৫৪না অতোপ্পশিংনি।
• মিজোরমঃ মিজোরমদা অনৌবা কেস ১২ ঙরাং লাকখ্রে। অপুনবা কোবিদ-১৯ কেস ৬২০ লৈবগী মনুংদা ৩২২না এক্তিব কেস্নি।
• সিক্কিমঃ সিক্কিমদা ঙসি অনৌবা কোবিদ-১৯ পোজিতিব কেস ৪৪ লাকখ্রে। রাজ্য অসিদা হৌজিক ফাওবদা অনাবা ৫১০ নাবা ফখ্রে অমসুং এক্তিব কেস ৩৯৯ লৈরি।
• কেরলাঃ রাজ্য সরকারনা কেন্দ্র সরকারদা নোংনা মাঙ তাকহনখিবদগী হঞ্জিনবা ঙম্নবগীদমক অখন্নবা ইকোনোমিক পেকেজ পীবীনবা হায়জখ্রে। মুখ্য মন্ত্রী পিনারায়ি বিজয়ন্না প্রধান মন্ত্রীনা ঈচাউনা অৱাবা তাহল্লবা রাজ্যশিংগী মুখ্য মন্ত্রীশিংগা ফিবম য়েংশিন্নবা উন্নবা অমদা হংগৎচখিবনি। মুন্নারদা লৈবাক কিন্থবদা লৈখিদবা মশীং ৪৯ শুখ্রে, মখা তানা অতেক অকাইদগী লৌথোক্লবা অশোক অপনশিং হেনগৎলক্লি। অনৌবা কোবিদ-১৯গা মরী লৈননা মীওই অনী লৈখিদ্রে। কেরলাদা ঙরাং কোবিদ-১৯গী অনৌবা কেস ১২১১ লাকখি। অনাবা ১২,৩৪৭না হৌজিক লাইয়েংদুনা লৈরি অমসুং মীওই ১,৪৯,৩৫৭না ওবজর্বেসন তৌদুনা লৈরি।
• তমিল নাদুঃ পুদুচেরীদা অনৌবা কোবিদ-১৯ কেস ২৪৫ লাকখ্রে; অপুনবা মশীং ৫৬২৪ শুখ্রে, এক্তিব কেস্না ২১৮০ লৈরি অমসুং য়ু.তি. অসিদা লৈখিদ্রবা মশীংনা ৮৯নি। তমিল নাদুগী এম.এল.এ.শিংগী মরক্তা চাদা ১০দি কোবিদ-১৯না নারে; এসেম্বলী ইলেক্সন পাঙথোক্কদবা থা নিপানমুক্তা ঙাইরবসিদা এম.এল.এ.শিংনা কন্সতিত্যুএন্সীগী থবকশিং ফিবম চানা পাঙথোক্নরি। ক্লাস ১০গী ফল তমিল নাদুদা লাউথোকখ্রে, মহৈরোই খুদিংমক পাস তৌহনখ্রে। ফল অসি মহৈলোইশঙশিং অসিগী ইন্তর্নেল এসেস্মেন্ত অমসুং মখোয়গী কাবগী চাং য়েংদুনা লেপখিবনি। অনৌবা কেস ৫৯৯৪, নাবা ফখ্রবা ৬০২০ অমসুং লৈখিদ্রবা ১১৯ নোংমাইজিং নুমিত্তা রিপোর্ত তৌরকখ্রে। অপুনবা কেসঃ ২৯৬৯০১, এক্তিব কেসঃ ৫৩৩৩৬, লৈখিদ্রবাঃ ৪৯২৭
• করনাতাকাঃ মুখ্য মন্ত্রী অমসুং অতোপ্পা মন্ত্রীশিংনা প্রধান মন্ত্রী নরেন্দ্র মোদীগা লোইননা ঈচাউগী ফিবম য়েংশিনবদা শরুক য়াখ্রে; রাজ্য সরকারনা কেন্দ্র সরকারদগী লুপা কোতি ৪০০০গী শেন্থুমগী মতেং নিখ্রে। প্রাইমরী এজুকেসন মন্ত্রীনা ঙসি এস.এস.এল.সি. পরিখাগী ফল লাউথোকখ্রে, মহৈরোই চাদা ৭১.৮০না কোবিদকী খুদোংচাদ্রবা মরক অসিদা মাই পাকখ্রে। কর্নাতাকাগী রোদ সেফতীগী ওথোরিতীগী মতুং ইন্না লম্বীদা থোকপা এক্সিদেন্তকী চাং চাদা ৪৮ লোকদাউন মনুং অসিদা হন্থরে হায়খ্রে। বেঙ্গলুরুদা লৈবা কোবিদ পোজিতিব কেস মশীংসু নোংমাইজিং নুমিত্তা ২০০০দা হন্থরে। ঙরাং অনৌবা কেস ৫৯৮৫, দিসচার্জ ৪৬৭০ অমসুং ১০৭ লৈখিদ্রে, অপুনবা পোজিতিব কেসঃ ১৭৮০৮৭, এক্তিব কেসঃ ৮০৯৭৩, লৈখিদ্রবাঃ ৩১৯৮,
• অন্ধ্র প্রদেশঃ রাজ্য শীনবা থুংনা লৈরিবা দিস্ত্রিক্ত কল্লেক্তরনা বিজয়াৱারাদা লৈবা কোবিদ কেয়র সেন্তর অমদা মৈ হৌদুনা মীওই ১০ লৈখিদ্রবা মতুংদা কোবিদ কেয়র সেফতীদা লৈরিবা ফাইয়র সেফতীগী ফিবম য়েংশিনখ্রে। রাজ্য অসিদা স্তাফ ৩০,৮৮৭ লৌদুনা কোবিদ-১৯ কেয়র হোস্পিতালশিংদা থবক তৌহনবদা অয়াবা পীখ্রে। কোরোনা ভাইরস শন্দোকপা লাকশিন্নবগীদমক গুন্তুর জিল্লাগী ওথোরিতীনা মাচেরলা শহরদা নোংমাইজিং নুমিৎকী ওইনা কমপ্লিৎ লোকদাউন লাউথোকখি। গুন্তুর জিল্লাদা নোংমাইজিং নুমিত্তা কোবিদ কেস ৮৮১ অমগা লাকখি, মসিনা অপুনবা কেস ২১৭১৮ য়ৌহনখি। ঙরাং অনৌবা কেস ১০৮২০, দিসচার্জ ৯০৯৭ অমসুং ৭৭ লৈখিদ্রে। অপুনবা কেসঃ ২২৭৮৬০, এক্তিব কেসঃ ৮৭১১২, লৈখিদ্রবাঃ ২০৩৬।
• তেলঙ্গানাঃ তেলঙ্গানাগী কোনুং ওইরিবা শহর অসিদা কোবিদ-১৯ কেস হন্থরে অদুবু জিল্লাশিংদদি হেনগৎলক্লি। অনৌবা কেস ১২৫৬, নাবা ফখ্রবা ১৫৮৭, অমসুং মীওই ১০ হৌখিবা পুং ২৪ অসিদা রিপোর্ত তৌরকখ্রে, অপুনবা কেস ১২৫৬কী মনুংদগী ৩৮৯দি জি.ঐচ.এম.সি.দগী লাকখিবনি। অপুনবা কেসঃ ৮০,৭৫১, এক্তিব কেসঃ ২২,৫২৮, লৈখিদ্রবাঃ ৬৩৭; দিসচার্জঃ ৫৭,৫৮৬

ফেক্ত চেক

*********